منو فيكم حست بعوار الدوره وطلعت حامل ؟؟؟؟

[سميره مملوحه]

قوه بنات شلووونكم

الله يرزق كل وحده باللي تتمناه يااااااااااارب

بنات انا من اغتسلت من الدوره صارلي اسبوعين وبعدها كله احس بعوار الدوره يروح ويجي

والحين صارلي 27 يوم واحس بأعراضها واحس بأخر البطن صوب الرحم نغزات تعورني تروح وترد يمين ويسار

شنو اعراضكم انتو ؟
وان شاءالله يارب اكون حامل وكل وحده تبي تحمل يااااارب

منو فيكم حست بأعراض الدوره وطلعت حامل بعدين


والله يرزقنا والقاري يقول امين

 

[fofowa_q8]

انا كنت احس بعوار الدورة قبل موعدها ب١٠ ايام تقريبا

وحللت بالبيت قبل الموعد بجم يوم والحمدلله طلعت حامل

ربي يرزقج باللي تتمنينه

 

[اخت الدكتور]

والله حبيبتي انا عندي اعراض الدوره مثل اعراض الحمل واذا تاخرت علي اهنييه يبين اذا في حمل او لاااااا
الله يرزقج باللي تبينه

 

[حلوه العسل]

انا بعد يتني اعراض الام الدوره ومانزلت علي ولمن حللت طلعت حامل

 

[مذهلة2013]

اعراض الحمل نفس الدوره بالنسبه لي

 

[ba6re8a]

انا حبيبتي لازم تيلج اعراض الدوره حتى وانتي حامل ليه اخر الثالث

 

[حلم مكسور]

في حملي الاول جتني الام اقوى من الم الدورة
وفي الثاني نفس الم الدوره
اتوقع يختلف من وحده ل وحدة
الله يرزقنا ويرزق كل محروم

 

[ام الحلوااات]

مــــن اعـــراض الــحــمـــل الاااام الـــدوره يــظــل بــطـنــج مـمــغـــووص بـس مـاتـنـزل عــلــيــج
عــــــــــســـى اللــــــــه يــكــتـــــب لــــج الـــحـــمـــــــل يـــااااارب

 

[سميره مملوحه]

حبيباتي انتو عطيتوني امل


الله يرزقنا ويرزقكم ويرزق كل محروم

يااااااااااااارب

 

[اللهم الجنة]

سوي اختبار بالبيت

 

[سميره مملوحه]

انا الحين صارلي 27 يوم

وانا دورتي كل 28 يوم او 29 يوم

وسويت اليوم التحليل طلع سلبي

قالولي نطري

واليوم حسيت بعوار بظهري مو طبيعي اسفل الظهر

وحلمة صدري تعوووورني

والله كريم

 

[فرآولة]

انااا

اتذكر ريلي كان يقولي ان شاءالله حامل

وانا ماكنت اعرف اعراض الحمل.. قلتله

ﻻ تتفائل وايد ..احس باﻻﻻم الدورة وهاليومين بتييني

قالي مالت عليج هههههه وراح

وحللت فالمختبر قالو ﻻ مايبين اﻻ بعد موعد الدورة

ونطرت وحللت فالبيت طلع ايجابي


ان شاءالله حامل يارب

 

[Aloe Vera]

عادي صارت فيني

 

[# غنوجة بيبي #]

من علامات الجمل افرازات شفافه وايد

انا قبل بموعدها كنت احس بعوار الدوره لما تكون خلاص بتنزل او نزلت

لدرجة كنا انا و ريلي ب 360

حتى قلتله ابي الحمام

لان حسيت ان عوار الدوره من البطن لي الفخوذ و حسيت بشي حار نزل

توهقت قلت اكيد الدوره و مو معاي كوتكس

يوم رحت الحمام بقعه شفافه فيها فتافت بنيه معناتها هاللون البني علامه للحمل


نطرت 4 ايام و كله احس بالامها

شكيت جان اخذ تحليل منزلي


اول ما سويته طلع خطين و رحت العياده سويت تحليل طلعت حامل


و تبين اصدمج

انا الحين بنهاية الثاني بس احس بالام الدوره عالخفيف


كانت فبداية الشهر الثاني جنه دوره الام

بس كل مالها تخف

الحين خفت حيل على وشك انها تختفي

ربي يكتبلج الحمل يا رب يا كريم

 

[M!SS.LOBY]

الله يرزقج

 

[مسك أبيض]

الله يرزقك يارب

 

[قرة عيونه]

انا جذي حسيت باعراض الدوره وكان برمضان

وخالتي كانت تدعيلي ماتجيني و اكون حامل وانا بقلبي اقول ماتدرين انهاشوي وبتنزل لان كنت حيل احس فيها كلششش ماتوقعت اني حامل

بس بعد ماطاف موعدها بيوم حللت والحمدلله يارب طلعت حامل

واعراض الحمل ترا نفس الدوره ماراح تحسين بفرق اذا اذا طاف موعد الدوره هني تبدي اللوعه وجذي

والله يرزقج يارب وتكونين حامل وتبشريناا

 

[نبض السعاده]

مثل اعراض الدوره بس نطري الله يرزقج

 

[سميره مملوحه]

بعد عمري انتوا

صج صج عطيتوني امل
ياااااااااارب حامل

ويارب كل وحده تبي تحمل تكون حامل

 

[زبــــــــدة]

انا عوار الدوورة استمر معاي شهر من عرفت اني حامل

ان شاء الله حامل يااارب :*