منو فيكم راحت النمسا ( فينا - سالزبورغ - زالمسي ) ؟ بليييييز

[البدرة]

شلونكم حبايبي :eh_s(8):
منو فيكم راحت ( فينا - سالزبورغ - زالمسي ) :eh_s(18): أبي معلومات عن:​

الفنادق - الأماكن السياحية - سوقها - صورها​

أنا بروح بعد 10 أيام وأول مرة أروح لها ما أدل فيها أي شي أبي معلومات بسرعة عنها واللي عندها صور ادزهم لي بليييييييييييييييييز :eh_s(7):​

 

[جكورة]

فيينا سكنت بهيلتــون موقعه ممتاز وحلــو.. أماكن السياحيـــة برج الدانـــوب فيه فوق مطعم دوار وكافيهــات وهذا منظر من أعلى البرج

وممكن تأخذين جوله نهريه بالدانوب ... ملاهي بلاتر تهبــل ...مغارة هيتلر ... قصر الشامبرون

زلمسي تهبل طبيعتهـا ممكن تأخذين جولة بالبحيرة بالقارب الكهربائي...وهذي صورة البحيرة

وتقدرين تروحين مرتفعات كابرون ( القمم الثلجيه ) تصعدينها بواسطة التلفريــــك...

وتروحين الزحلاقيه الصيفيه حلوة وتونس وخصوصا لليهال ... وتأجرين الطيارة الشراعيــة روعـه... وعندج شلالات الكريميل ومزرعة الأسماك تهبل تروحين وتأجرين سنارات وتصييدين سمج واللي تصيدينه تعطينه للشيف ويطبخلج إياه :eh_s(15):

سالزبروغ مازرتها بس أعرف فيها المدينة القديمه فيها أسواق وكافيهات ومطاعم ومنجم الملح وكهف الجليــد وهذي صور منها

 

[أثير الورد]

السلام عليكم
اهلين البدرة
انا اختى رايحه لها الحين وان شاء راح توصل يوم الاحد وراح احط صوره لها بالمنتدى صور للثلج والطبيعه
بس اختى ما مدحت زلمثسى
اكثر شئ مدحت كابرون وسالزبورغ

 

[البدرة]

حبيبتي جكورة مشكورة وايد عالرد

 

[البدرة]

حبيبتي ألجازي مشكورة عالرد وناطره الصور منج :eh_s(15):
لاتنسيني بليز

 

[dan]

هلا والله حبوبه
زلمسي: البحريه - فنادقهم عندهم واحد كبير الي على البحيره و الباجي يكونون صغار بس والله حلوين و نظااااااااف

زالزبورق: رحلاتها كلا فوق الجبل و الثلوج و متحف الملح حده عجيييييييييييييب

فينا: اهيا الوحيده تقدرين تقولين للتسوق عكس زلمسي و زالزبوك

 

[البدرة]

هلا والله حبوبه
زلمسي: البحريه - فنادقهم عندهم واحد كبير الي على البحيره و الباجي يكونون صغار بس والله حلوين و نظااااااااف

زالزبورق: رحلاتها كلا فوق الجبل و الثلوج و متحف الملح حده عجيييييييييييييب

فينا: اهيا الوحيده تقدرين تقولين للتسوق عكس زلمسي و زالزبوك

مشكورة حبيبتي دان على الرد والفايدة​

 

[غصون]

انا رايحة لسالزبورغ

المدينة القديمة old Town

احنا سكنا في فندق صخة مقابل النهر واللي بعدة المدينة القديمة

فندق كبيررررر مقابل النهر ومكتوب عليه Scar اعتقد جذية مو متأكدة من السبيلنق احنا الكويتين نقول صخة

فندق ررررررررررررراقي بمعنى الكلمة

بتلاقينة واضح كبير وابيض عند النهر

وبالنسبة للمدينة القديمة تهبل فيها خيول وفيها الماركات العالمية الاصليه يعني كلها ماركات وفيها بعد كشكات يعني تمشين ليمن تتعبين




نصيحة من اخت لاختها كهف الجليد لا تروحين له راح تلعنين الساعه اللي سافرتي فيها

اول شي احنا مأجرين لنا سيارة وابوي اللي يسوقها

نصفط في المصافط بعدين تقصين تذكرة وتمشين صاعدة الجبل مشي ومشي تقريبا اذا مو اقل كيلو والمشي كلة صاعد

وبعدين تدخلين الكهف احلى مافيه ان اذا تبطلت البوابة وتبين تدخلين له تقطج برة تحذفج وناسة هههههههههههههههههههه ما تقدرين تدخلين من دفع الهوا البارد داخل الثلج


وبعدين داخل الجبل برررررررررررد ومشي ومشي ومشي انقطعت قلوبنا

جان قال للمرشد السياحي خلصنا ؟؟؟

جان يقول تونا بالبدايه

والصدمة الكبرا

تركبين 700 درجة صاعدة

و700 درجة نازلة

والله هلكنا

اذا احد من اهلنا بيروح والله ننصحة ما يروح لكهف الجليد

هذا اذا تبين تمدحينة استغفر الله مدحية لعدوج وان شاء الله مافيه عدوان

اي اكمل

الحين نزلنا 700 درجة نازلة وانتي داخل الكهف يعطون كل عايله مثل الشمعه تمسكينها يعني انارة

وبعدين ننطلع من الكهف


وبعدين ردي مشي كيلو نازلة من الكهف للمصافط

ابية وربي للحين ببالي ما ادري شلون صار

داخل الكهف انا امشي واتحلطم يقولي ابوي يعني انا ادري عنه ان اهوة جذية شدراني انا وياكم


كهف الملح حلوووووووو واحلى ما فيه الزحلاقية الطوووووووووووووويله تهبل

كهف الملح انصج تروحين له

راح يعطونكم لبس موحد تلبسونة

وبعدين تركبون ورى بعض مثل القطار بس ظهرج لاصق بالوراج انا ابوي جدامي واخوي وراي فشله ههههههههههههههههه

وبس بس صج صج وناسة


وبالنسبة لزلمسي مادري ما عجبتني احس انها كئيبة يمكن تعجب غيري

يعني السالفه ومافيها بحيرة وحوالينها البيوت والمجمعات

زالمسي مدينة صغيرة بين الجبال



فيينا روحي لجبال الالب صاعدة بالتفريك 3000 كيلو

تتزحلقين فوق وناسة

 

[لموية العسولة]

هلا حبيبتي رحلة موفقة والله يهنيج ...النمسا تهببببل جنة الله على الارض ...ودامج واصلة هناك لاتطوفين زيارة ميونخ ..سوقها يهبببل وفيها اماكن سياحية ترد الروح...والخوات ماقصرو ...واذا حابة تعرفين شي زيادة بلغيني واعلمج ..ولاتنسين تزورين منتدى المسافرون العرب يهبببل كل شي فيه

 

[أم ضارى]

انا رحت فيينا وسالزبورغ وزلمسى كل وحده احلى من الثانيه

لاطوفين ولا وحده فيهم خصوصا انج اول مره تروحين

ودى اشرحلج وين رحنا بس من كثر الاماكن مانى ذاكره

بس نصيحه لوجهه الله دخلى منتى العرب المسافرون وراح تلاقين كل اللى تبينه واكثر

انا سويت برنامج حق سفرتنا منهم ... ماشالله وكان البرنامج ولا احلى

بس نصيحه لما تروحون زلمسى لاصعدين شلالات الكرملن ويييييييي طاح حظى وانا اصعد واصعد وفتر راسى وجم مره حسيت انه بيغمى على على ولالالالا شى
اذا رحتى هناك روحى طالعى الشلالات من تحت كفايه والله كفايه وقعدى بالكافيه مالهم تطمشى تغنيج عن الصعده اللى مامنها فايده وباجى الرحلات لاتخلين كلهم روحيهم يونسون

 

[البدرة]

هلا حبيبتي رحلة موفقة والله يهنيج ...النمسا تهببببل جنة الله على الارض ...ودامج واصلة هناك لاتطوفين زيارة ميونخ ..سوقها يهبببل وفيها اماكن سياحية ترد الروح...والخوات ماقصرو ...واذا حابة تعرفين شي زيادة بلغيني واعلمج ..ولاتنسين تزورين منتدى المسافرون العرب يهبببل كل شي فيه

حبيبتي لومية العسولة مشكورة عالرد وياليت اتفيديني عن الفنادق؟​

 

[البدرة]

مشكورة حبيبتي غصون على النصايح والمعلومات ماقصرتي

 

[نــوره]

بنات نفسي اروح لها بس انا منقبه

اكو خليجيات منقبات ولا اخاف اكون بروحي يصير شكلي مريب لوووول

 

[$$ صعبة الوصوف $$]

السلام عليكم

حبيبتي البدره بصراحه انا مارحت فينا عشاان جذي ماقدر افيدج فيهاا

بس رحت حق زلمسي وسالزبورغ

سالزبورغ اهي اللي فيهــا سووووق اذا تحبين السوووق وسووقهم يهبببببل

قعدت يومن افتر فيه مع اهي من 9الصبح ل5 العصر ...

غصبن عني مع اهلي

السووق اللي على النهر اهو نفس الممر طوووووويل وعلى الجوانب محلات وفخمه ..

والامااكن السياحيه فيهــا عندج البحيرات السبع والتلفريك انتي لامرتي على البحيرات السبع عقبهاااا كل شي موجود من الطبيعه ...

يعني صج حياااااااااة ...

احنا سكنا في فندق مااريوت بس مادري جم والله لآن ابوي اللي دفع ...

وزلمسي قريه صغيره حلووه ... يعني للراحه بس ....ومافيها سووق

اللهم محل او محلين وكله اكسسوارات ...

وبزلمسي سكنا في فندق جراند هوتيل اللي عالبحيره ...

المنظر رووووووووعه ... وزلمسي عباره عن بحيره وحوليها قريه صغيره

يعني موكبيره مثل سالزبورغ تروحين وتردين بالسيااره ...

زلمسي للمشي

اممممممممممممممممممم

شنو بعد ؟؟؟

بس هذا اللي طرأ علي واذا تبين شي انا حاظر

اما الصور والله ودي احطهم لج بس اكثر الصوره فيها اهلي ...

ماكو صوور للمناظر ...

 

[موني موني]

حبوبة اي فندق حجزتوا بفينا ؟؟؟

انه سويت سيييرج طلع احلى الفنادق بقيينا اهي مارديان .. ماريوت ..

 

[موني موني]

http://www.q8yat.net/showthread.php?t=69810&highlight=%DD%ED%ED%E4%C7

 

[موني موني]

بأي فندق بفيينا حصلتوا حجز حبوبة ...؟