منو مجربه الكتروزان

[deshe1]

مرحبا خواتي
شلونكم شخباركم انا عضوه جديده معاكم وهذا اول موضوع لي حبيت اعرف منكم
منو فيكم مجربه او تعرف احد مجربه او سامعه بالكتروزان
ناويه اشتري منهم تلفزيون عادي ووحدة تكييف لان يقولون اسعارهم رخيصه ارخص من الغانم ويوريكا مادري هذا اللي اشوفه انا شرايكم بصناعتهم وجودتهم بالاخص التلفزيونات ووحدات التكيف
منتظره الرد ولكم جزيل الشكر:ada:

 

[نوف العازمي]

السلام عليكم..... من ناحية التلفزيونات اخذيهم وانتي مرتاحه بصرااحه حلووين ...... بس يوريكا احلى هذا رايي ... بس انا اقول انه حلو الكتروزان .... وتقبلي مروري

 

[حروف من ذهب*]

انا ماخذه من عندهم تلفزيون بلازما 50 بوصه 299 دينار والحين صارله سنه
عندي حلو ورخيص

 

[فراشة الضياء]

اخوي كان بجيب غا او طباخ بس قال صناعته اردنية عربية..وبصراحه ما نثق بالصناعات العربية..

 

[DALALEY]

اي والله اسعارهم وايد حلوه ولاتشيلين هم على كل اجهزتهم كفاله

 

[ام _خلودي]

انا شاريه منهم عصاره حمضيات وتوستر

صاارلهم سنه عندى ماصاار فيهم شىء وبلاش

كل واحد خذيته بديناار

 

[deshe1]

مشكورين خواتي يعطيكم العافيه

 

[Q8NV]

نصيحه خذين تلفزيون بلازما صوته يلوع الجبد و الاول واحد خربان يابوه وياله عقب اهواش يابولي الثاني قالولي ما في شي مالت عليهم بمشون بضاعتهم علينا

 

[DraMa._.QueeN]

انا شريت منهم تلفزيون من العرض اللي مرة كانوا مسويينه 174 دينار ألواانه تلوع الجبد وطاح بجبدي ولما دقيت عليهم حولوني على شركة الكفالة
وييو البيت وخذوا القديم و بدلووه بوااحد نفسه بالضبط ونفس الألوان غامجة
والله لو ب 50 دينار أبيعه _شكبره مامنه فايدة

 

[ام الدرر]

هم عندهم ماركات معروفه مثل jvc ,samsung,Toshiba وعندهم انواع ثانية صناعة صينية اذا بتاخذين احرصي على المعروف والجيد انا خذيت منهم تلفزيون للحائط ونصيحه اطلبي نوع الlcd مو البلازما لانه يفرق بجودة الصورة وهذا من خبيرمبيعات بالغانم
وترى ياقلبي انا عقب ماشريت شفت اسعار يوريكا ارخص بوايد وانتي روحي الاثنين وقارني

 

[حصووونه]

والله خذينا منهم اكثر من 4 بلازما ال سي دي ماركه جانق جونق يهبلووووووون ماشالله وعليهم كفاله واسعارهم حلوه شلج بالغانم نصابين كفالتهم تعبانه..

 

[الخيانه ماتنسي]

اغلب اجهزتهم تخرب بسرعة ويعلون قلبج بالكفالة
نصيحتي اخذي من اماكن معروفة احسن واضمن

 

[حياة زوجي]

بالعكس انا ماخذه تلفزيون بلازما وكمل سنه عندى مافيه شى وخذيت وحده عندهم وايد بارد

 

[deshe1]

مشكورين على الردود وبنتضار المزيد من الاراء

 

[bnt_kwt]

والله احنا خذينا منهم وحدتين لانه السنترال ذبحنا كل يوم خربان
الوحدات اللي خذيناهم ماركه اوزان
ماشاء الله تبارك الرحمن باردين ثلج

وما جربت اشياءهم الثانيه اللي جربته بس الوحدات

 

[بمبة المفترسة]

انا ماخذة منهم ثلاجة صغيرونة
وصار لها اكثر من سنة مافيها شي
بس ترى غالي من يقول رخيص واغلى من السوق لقيت نفس حجم ثلاجتي وماركة معروفة ارخص
قارني الاسعار قبل
والغانم لاتشترين منهم مو شي
شوفي باناسونيك اليوسفي

 

[deshe1]

مشكورين على المشاركه حبايبي

 

[طيرشلوا]

للشغل الاصلى والمضمون عندج اليوسفى

 

[deshe1]

مشكوره حبيبتي على المشاركه

 

[*الجادل*]

اتكييف ما انصح تغامرين .... لأن ماتسوى تشترين شي ولا كأنج حاطه تكييف لاتاخذين الا شي معروف... ع التلفزيون مادري اتمنى البنات يفيدونج