منو مسوية عملية تجميل للأنف؟؟شاركونا

[رورو الدلوعة]

مرحبا بنوتات

منومنكم عاملة عملية تجميل للأنف...؟؟؟؟؟

انا عملت عملية وصارلي10 أيام الحمدالله صرت أحسن

راح الانتفاخ

بس ضيقة خلق وانا بالبيت متى اقدر اطلع ومارس حياتي الطبيعية؟؟


يلي سوتها متى طلعتي من بعد العملية؟؟

 

[فجوره99]

حمدالله على سلامتج
حبيبتي ليش متطلعين طلعي اذكر يوم سويت العمليه كان وايد منتفخ تحت عيني وازرق وماراح بسرعه كنت اطلع وماعندي اي مشكله

 

[كويتيه مذهله 87]

اول شي الحمدالله علي سلامتج حبيبتي

وثانيا انا حاسه فيج لان عندي اختيييين امسوين عمليااات وحدهم متملليين من قعده البيت بس الحمدالله

صبروا وشاافوا النتيجه زينة

صبري علي فكره لا تضحكين وااايد ولا تسوولفين وااايد لان لي الحين الخشم لين قابل للحركه

شربي اناناس وكثري منه

وانا حطيت موضوع شوفيه بهالقسم

 

[Bamya]

رفيجتي توها من شهر مسويه العملية

بعد اسبوعين من العمليه رجعت تطلع وتدااااوم وكل شي طبيعي عادي

المهم حطي كمادات حق عيووونج وشربي عصير اناناس يخفف الورم

وحمدالله على سلامتج

 

[رورو الدلوعة]

ربي يسلم عمركم يارب شكرااا للنصائح

انا راح مني الانتفاخ وما في ازرق او اصفر تحت عيوني يعني عادي بس ودي كمان اعمل الحواجب ههههه

وخايفه شد على بشرتي

يعني عادي تطلعون والعضمه على الانف؟؟؟؟ لان عندي اشغال كثيرة

 

[нάγoηά cнεмίsтяγ]

حبيبتي الحمدلله على سـلآمتج
والله يعينج على الحكـرة .. :d
وانشاءالله نتيجـة مرضيـه​

 

[رورو الدلوعة]

): ربي يسلمك يارب رح انفجر بالبيت

 

[مريوما الحلوه]

عند منو مسويتها ؟ وبجم ؟ وحمدالله على السلامه

 

[رورو الدلوعة]

هلا اختي سويتها عند دكتور جمال الحربي كلفت 1400 طبعاا غير الصور والاشعه والدواء بس مبسوطه الى حد الان من النتيجه صحيح هو لسى في ورم بس لاحظت فرق حلو

 

[P S C]

الاجابة على سؤال اختى الغالية

من ناحية المدة بعد ثلاثة إلى أربعة أيام وأحيانا أسبوع إلى عشرة أيام إذا كان هناك جبيرة.

الأعمال البدنية ينصح بعدم الانحناء أو حمل الأشياء الثقيلة لمدة أسبوع واحد على الأقل بعد العملية

ومن ناحية الرياضة يمكن ممارسة الرياضة بعد أسبوعين إلى ثلاثة أسابيع بعد العملية.

التعرض للشمس يجب اجتناب التعرض لأشعة الشمس خلال الأسبوع الأول بعد العملية وينصح باستعمال النظارات الشمسية. والمستحضرات الواقية من أشعة الشمس.

 

[أم منصور]

زين صرت عضو موقوف

 

[LuLiTa]

حبيت أعرف شنو الروتين اللي سويتيه قبل العملية ؟؟ يعني شلون تزهبتي لها؟؟

 

[رورو الدلوعة]

ربي يسلمكم يارب.....انا الان مرتاحه راح الوجع ويوم الاحد رح شيل العضمه وضل باللزاق

انا كان همي قبل العملية انو كون مخلصه من الدورة الشهريه وبعدين توكلت على الله ورحت اعملت العملية

هو بس المعاناة بتكون اول اسبوع

 

[Om ToOoTa]

الحمدلله على سلامتج


انا طلعت باول اسبوع رحت البحر بسكنت مغطيه ويهي لانه كان شكل ويهي يخرع

اما الداوم اخذت بس اجازة اسبوعين ومااحتجت اكثر مع انه انا فى مدرسه ووايد شغل بالدوام بس رفيجاتى الابلات ريحونى وايد الحمدلله


وان شاءالله تقومين بالسلامه

 

[أم حمـــــودي]

الحمدلله على سلامتج والله انا بس اول خمس ايام اول شي قعدت وما تحركت بس كنت اتمشي بالفندق واتسوق بس شي بسيط مو وايد والله وكيلج اول ما عدت هال 5 ايام قمت اتحاذف انا وزوجي وولدي بحديقة الفندق بالثلج