منو مسويه عملية ليزك وتحط عدسات ملونه بليز تساعدني

[لبي قلبك يالغلااا]

انا مسويه عملية ليزك من 8 سنوات تقريبا والحمدلله النظر عندي تحسن وتركت النظارات والعدسات الطبية بس مشكلتي
اني صار عندي النظر بعين اقل من العين الثانيه بربع درجه وهذا احيانا يسبب لي صداع ومشكلتي الثانيه ان العين الي نظرها اقوى صار فيه ارتخاء بسيط وصارت شوي اصغر من العين الثانية بس هالشي محد يلاحظه الا اذا كنت تعبانه وايد او مرهقه وخصوصا بأخر الليل بس انا اقدر الاحظه بكل وقت
مشكلتي الأخيرة اني مااقدر البس عدسات ملونه ولا نوع ناسب عيني واذا حطيتها اتعب وماارتاح منها وماشوف زين وماارتاح الا لين اشيلها
ابي اعرف حد فيكم مسوي ليزك ومايقدر يحط عدسات ملونه مثلي وابي اعرف شنو السبب وهل فيه نوع معين ممكن يناسب وضعي مع اني جربت عدسات كريستيان ديور ويمكن هذا النوع الوحيد اللي ناسبني بس مااقدر اخليها اكثر من 3 الى 4 ساعات لأنها تتعبني
وهل للعدسات الملونه اي اضرار على اللي مسويين عملية الليزك
ومشكوووووووورين ياقلبي
وكل عام وانتوا بخير وصحة وعافيه

انا بأنتظار ردودكم ارجوكم ساعدوووووني

 

[فـرفـر]

يعني تنصحيني اسويها؟؟



مادري متخوفه

وبرفع لج الموضوع عشااان تلقين الاجابه

 

[غربــــة اِحساس]

انا سويت ليزك قبل سنة وتو بديت البس عدسات ملونة بس على قولتج احس بصداع خفيف وانا اصلا ماطول فيهم ان كثرت 3 ساعات

ودام عندج اختلاف بدرجات النظر لازم تستشيرين طبيب عيون يمكن ينصحج بترك العدسات او تلبسين عدسة بدرجه نظر تناسبج

وان شاء الله مافيج الا العافية : )

 

[لبي قلبك يالغلااا]

بصراحه ايه انصحج تسوينها اذا كنتي تعبانه ومتملله من النظرات والعدسات بتشوفين الدنيا بنظره ثانيه
انا لما كنت اصحى الصبح اقعد ادور على النظارة بس عشان اشوف الساعه جم بهالوقت طبعا الساعه لمعلقه على الحيط
والنظاره ماتطيح من عيني بالبيت وايام الدراسه والدوام لاغنى لي عن العدسات وطبعا اللي مجرب العدسات يعرف شكثر متعبه وخصوصا اذا تمت بالعين ساعات طويله من اليوم وتحتاج عنايه ونظافه دائما وممكن تسبب احمرار والتهابات بالعين اذا كان فيه شوية اهمال وجم مره راحت داخل بعيني فوق وانا ادور عليها على بالي طاحت ومرات عديديه كنت ادور عليها والاقيها طاحيه على ملابسي لأني من لعيله ماحطيتها عدل وغيرها من المقالب اللي كانت تصيبني مع العدسات اما النظارة كنت احطها واقعد ادورها سنه وهي يمي لأن نظري كان وايد ضعيف والله مااذكر جم كان اظن -3.5 واذكر مره حطيتها على الكرسي وقعدت عليها وكسرتها
والحين الحمدلله ارتحت من كل هذا مع ان عندي بعض المشاكل اللي ذكرتها بس مو مأثره وايد بحياتي

بس نصيحه لوجه الله لا تاخذين براي شخص واحد واسئلي اكثر من شخص لأن كل واحد سواها بيكون مر بظروف ومشاكل تختلف عن غيره مع العلم ان اختي وصديقتها سووها عند نفس الدكتور اللي سويت عنده اهم سووها قبلي تقريبا ب 9 اشهر وماكان عندهم اي مشاكل ومازالوا مرتاحين من العمليه وكل شي نصيب
والشي الثاني اسئلي عن افضل دكتور وبعدين اكتبي كل الأسئله اللي بخاطرج مثل سلبياتها وايجابياتها ونسبة نجاحها وهل ممكن يضعف النظر مره ثانيه مع الوقت او تقدم السن وهل ممكن اعادتها في حال فشل العمليه بالمره الأولى وغيرها من الأسئله اللي ممكن تيي على بالج
واخيييرا اهم شي الأستخارة
وااله يوفقج

 

[لبي قلبك يالغلااا]

غربة احساس مشكوره ياعمري على الرد انا فعلا بعد ماسويت العملية بجم شهر راجعت طبيب عيون اكثر من مره وقالي فعلا فيه اختلاف بسيط بدرجة النظر بين العينين بس اذا مفتحتهم ثنتينهم مع بعض يكون النظر عندي طبيعي يعني 6\6 بس خلاص صرت اتعايش مع الوضع بس مشكلتي مثل ماذكرتها بالعدسات الملونه اني مااقدر للأسف احطهم وماني عارفه شنو الحل

 

[لبي قلبك يالغلااا]

بنات حبايبي ارجوكم اللي عندها خبرة وتجربة بهذا الموضوع ترد علي خواتي لاتبخلون علي بالرد الله يجزينا ويجزيكم الجنة

 

[فـرفـر]

انتى مثلي نظري سالب 3.5


وودى اسويهاا بس ودى البس عدساات ملونه بعدالعمليه للمناسبات علي الاقل



انتى بأى دكتور سويتي عنده

 

[kekat kakaw]

عاد انا ودي اسويها بس خرعتيني

 

[cataract]

مشكله العدسات الملونه في المواد الحافضه إلي فيها ونصيحتي روحي لأخصائي بصريات و شوفي ينصحج في أي نوع . وسلامات وماكو إلا العافيه إنشالله

 

[لبي قلبك يالغلااا]

ام فروحه انا سويتها بالمستشفى العسكري بالبحرين عند د.مؤمن الريفي بس الصراحه قبل العملية وهو يسوي الكشف يهتم فيج عدل ويطمنج وتحسين بالثقه والأمان وبعد ماسويت العملية المفروض اليوم الثاني يشوفني بس للأسف اللي شافني دكتور ثاني ولما سألت عن الدكتور اللي سوى لي العمليه قالي سافر السعودية لأن عنده هناك عمليات بمستشفى سعد التخصصي بصراحه انصدمت وقلت له اهو المفروض مايتابع المرضى بعد العملية بنفسه ويشوف نتايج العملية ومدى نجاحها قال لا اهو ماعندة وقت وانا موجود ممكن افيدج بأي سؤال وبعد 3 اشهر راجعته لأني مثل ماقلت لكم كنت اعاني من بعض المشاكل اللي ذكرتها وطبعا طمني بجم كلمتين وكتب لي قطره اصرفها من الصيدليه على قولته بترطب العين وبتحل كل المشاكل اللي عندج طبعا يبي الفكه لأن القطرة مستحيل تصحح ضعف النظر اللي بعيني اليمين بعد العمليه ومستحيل تعالج الأرتخاء اللي صار بعيني اليسار واستخدمت القطره مثل ماقال بس بدون فايدة وبعدها بطل يرد على اتصالاتي وانا بعد طنشته مع انه قال لو مانجحت العملية مستعد ارجع لفلوس بالكامل بس انا للأمانه ماعتبر عمليتي فاشله 100% لأن الحمدلله انحلت عندي مشاكل وايد بالنظر وهاي الشغلات استثنائية ممكن تصير مع البعض مو شرط مع الكل وبعض اللي يسونها تصيبهم مشاكل اخرى وبعضهم تكون ناجحه 100% بدون مشاكل وكل شي نصيب ومثل ماتعرفون كل عملية فيها ايجابيات وسالبيات وبعد قلت لج اسئلي اي حد مسويها من قبل واستفيدي منه وبعدها قرري ولا تعتمدين على شخص واحد

 

[لبي قلبك يالغلااا]

كيكية كاكاو لا تخافين مثل ماقلت حق ام فروحه اسئلوا اكثر من شخص وقرروا انا بالنسبة لي دايما اسئل بكل شغله قبل ماسويها او استخدمها وهاي عين مو لعبه لازم تسئلون عن تجارب الغيرعن كل شي واي شي يخطر في بالكم حتى لو كنتوا تشوفونه سؤال تافه وعن احسن دكتور واحسن مستشفى وبعدها اعتمدوا على الله واتخذوا القرار اللي يريحكم وموفقين يارب

 

[لبي قلبك يالغلااا]

cataract مشكووووووره ياقلبي على النصيحه

 

[لبي قلبك يالغلااا]

بنات مازلت انتظر القى حل منكم لأن الدكتوره اللي رحت لها قالت اذا العدسات لملونه ماتناسبج وتضايقج اتركيها بس والله بخاطري مو شرط يوميا عالأقل بالمناسبات والأعياد

 

[مغروره بس معذوره]

انشالله يوم الخميس موعد عمليتي الليزم اسألج واقولج

 

[سارة الرفاعي]

حبيبتي لبي قلبك يا الغلا معروف عن عدسات ديور إنها مو زينة للعين و حدها تنلبس من 2 إلى 3 ساعات و حتى في إغنية عاصي الحلاني المرة إلي بالكليب حاطة عدسات ديور الزرقا و كل ساعتين تفصخهم وتبدلهم
المهم حبيبتي أنصحج بعدسات fresh look وااااااااااااااايد زينة حق العين و جونسن آند جونسن اليومية بعد و موفقة

 

[لبي قلبك يالغلااا]

مغروره يارب تسوين العمليه بالسلامه ويرجع نظرج طبيعي بدون مشاكل ااااامين ومشكوره فديتج بأنتظار ردج

 

[لبي قلبك يالغلااا]

حبيبتي لبي قلبك يا الغلا معروف عن عدسات ديور إنها مو زينة للعين و حدها تنلبس من 2 إلى 3 ساعات و حتى في إغنية عاصي الحلاني المرة إلي بالكليب حاطة عدسات ديور الزرقا و كل ساعتين تفصخهم وتبدلهم
المهم حبيبتي أنصحج بعدسات fresh look وااااااااااااااايد زينة حق العين و جونسن آند جونسن اليومية بعد و موفقة

حبيبتي جربت freshl ook ومامشت معاي بس جونسون أند جونسون ماجربتها وسمعت يمدحون عدسات حليمه بولاند بس انا ماجربتها باجر اول شي جونسون أند جونسون وباشوف........ مشكوره يالغاليه

 

[الرهف]

حبايبي انا سويت عملية شهر 5 إلي فات وهي عملية الأبليزيك وهي العن من الليزك لاني نظري حيل ضعيف ،، وقبل العملية الدكتورة عطاني ورقة فيها كل شئ عن العملية ، ومن الشغلات الموجودة ان في مجال الانسان إلي يسوي ليزك يلبس العدسات الملونه بعد اسبوعين تقريبا مو اقل اما الابليزيك زيد الفترة على الفترة السابقة يعني شهر او اكثر ، بس للأمانه ما جربت احط عدسات كلش الله يبعدني عنها ،
((( ما بقينا ))

 

[ريتال الكويت]

اختي راجعي عند الدكتور سامي الربيعه دكتور وايد شاطر وممتاز للحين بالعايله اربعه مسوين عملية الليزك عنده وانا عن نفسي قمت استخدم العدسات الملونه بعد شهرين من العملية ولله الحمد ماصار معاي شي وبصراحه بعد العمليه الدنيا صارت شي ثاني الله يوفق هذا الكتور دنيا واخره اللي فكني من النظاره

 

[FOZQ8]

اي انتي مثلي من سويت عمليه الليزك ماقدر البس عدسه ملونه الا ساعه لا واتعب بعد
تدرين ليش ؟؟
لان الليزك يشيل طبقه من القرنيه
وهالشي يسبب جفاف اكثر للعين ولازم ما تهملين استعمال الدموع الصناعيه لو مره باليوم وهالشي سويه طول حياتج وماراح يضرج
موشرط تسوينه ولا واجب بس احسن لج
والعدسه اتعبنا لانها تجفف العين وعيونا اساسا جافه فمن جذي ما ترتاحين من العدسه
وديري بالج كثره جفاف العين تسبب خدوش بالقرنيه اسم الله عليج
مولازم عدسات ملونه يبا النظر احسن نعمه الحمدالله
انا حتى بالأعراس ما قمت ألبس