منو مسويه عملية ليزك وتحط عدسات ملونه بليز تساعدني

[وااي ياا حلاتي]

walla ana omy msweetha


oo 3ade t76 3dsaat


shy 3ade

 

[Reem_q8]

انا ودي اسويهااااا بس خايفه .... شلون العمليه تعور تكونين واعيه ولا بنج

 

[مريوما الحلوه]

بنج موضوعي حق العين بس قطره تخدير

 

[afesa]

انا مثلك سويت الليزك قبل 5 سنين قبل ما اسويها كنت طول اليوم بالعدسات وبعد العمليه لا يمكن اتحمل العدسات وحتى لو البسهم ماقدر اخليهم اكثر من نص ساعه بس الحمد لله اني قمت اشوف ومو لازم عدسات

 

[لبي قلبك يالغلااا]

شكرااااا ياقلبي على ردودكم
واختي ريتال الكويت اذا عندج رقم وعنوان الدكتور سامي ممكن تذكرينه لي وكثر الله خيرج ماقصرتي

 

[Ga6waah83]

انا ان شاء الله بروح يوم الاربعا عند الدكتور عبدالله المنصور يسوي لي الفحص عشان يشوف اذا تصلح لي والا لا ...
لان انا نظري -4 والله يستر ...

 

[Sharoofa]

حبيبتي انا نفسج كنت مسوية لييزك سنة 2005 ... وصار لي فترة ودي البس عدسات ملونة بس مل ما اجرب عدسة تحرني او يصير ضباب ... فا اخترعت وهونت ... بس هذاك اليوم رحت نظارات العامية وقلت له سالفتي .. جان يخليني اجرب عدسات من من جونسون اللي تكبر العين .. في منها لونين الاسود والبني .. انا خذيت البني ... واايد ارتحت عليهم لأن العدسة الملونة داخل كبيرة فا ماتحسن انها تضايقج كلش ... واهي عدسات يومية .. يعنمي تلبسينها بس في يوم واحد وتقطينها قبل لا تنامين ,,, والله انصحج فيها عجيبة .. بس حسافة مافي منها الا لونين اسود وبني .

 

[أغلى حبيبه]

انا مسويتها

بس كللللش مااقدر على العدسات الملونه

جربت كل الانواع

يا راسي يعورني

ولا عيوني ادمع

 

[شـــفـــافـــه]

انا سامعه ان الي تسوي ليزر ماراح تقدر تلبس عدسات ملونه لان بتتعب عيونها

انا ناوية اسوي ليزك ان شاء الله وابي معلومات اكثر


للرفع

 

[بنت حمايل]

انا مسويه عملية ليزك من 8 سنوات تقريبا والحمدلله النظر عندي تحسن وتركت النظارات والعدسات الطبية بس مشكلتي
اني صار عندي النظر بعين اقل من العين الثانيه بربع درجه وهذا احيانا يسبب لي صداع ومشكلتي الثانيه ان العين الي نظرها اقوى صار فيه ارتخاء بسيط وصارت شوي اصغر من العين الثانية بس هالشي محد يلاحظه الا اذا كنت تعبانه وايد او مرهقه وخصوصا بأخر الليل بس انا اقدر الاحظه بكل وقت
مشكلتي الأخيرة اني مااقدر البس عدسات ملونه ولا نوع ناسب عيني واذا حطيتها اتعب وماارتاح منها وماشوف زين وماارتاح الا لين اشيلها
ابي اعرف حد فيكم مسوي ليزك ومايقدر يحط عدسات ملونه مثلي وابي اعرف شنو السبب وهل فيه نوع معين ممكن يناسب وضعي مع اني جربت عدسات كريستيان ديور ويمكن هذا النوع الوحيد اللي ناسبني بس مااقدر اخليها اكثر من 3 الى 4 ساعات لأنها تتعبني
وهل للعدسات الملونه اي اضرار على اللي مسويين عملية الليزك
ومشكوووووووورين ياقلبي
وكل عام وانتوا بخير وصحة وعافيه

انا بأنتظار ردودكم ارجوكم ساعدوووووني

حبيبتي انا سويت ليزك بعد من سنة وعلى فكرة نفس الشي ما اقدر البس عدسات
وسألت عمي دكتور يقولي انتي سويتي عملية عشان ما تلبسين عدسات تقومين تلبسين عدسات ما عرفنالج
قلت له حق الزينة ، قالي شوفي العدسات تضر العين فما بالج بالعين المعالجة ليزك ، ديري بالج ماراح تضبط وياج ولا نوع راح تشوفين عين اوكي والثانية تعورج او العكس ، ونصحني كلش كلش ما اجرب احط عدسات ومن يومها حرمت والله ولا شريت مع كانو جدد توني شاريتهم


بس السلامة اهم

 

[زمن2008]

سبحان الله انا نفس مشكلتج بالضبط وموعارفه اتلقي حل بس اساعد عنيني المرتخيه بحبوب تقوي الاعصاب عشان ابطئ من الارتخاء

 

[<< أزيان >>]

انا مسويه ليزك بس من قبل العمليه مااقدر البس عدسات ملونه مااشوف فيها نص الرؤيه يكون فيها مثل ضباب

صج اشتهي البس عدسات واغير من شكلي بس والله اهم شي عيوني ماصدقت على الله وانا افتك من صداع النظاره والعدسات الطبيه

 

[french`coffee]

الموضوع قديم بس ودي ارفعة ......... سويت عملية ليزك سنة 2005 وفعلا جربت اكثر من نوع من العدسات الملونة بس كلش ما قمت ارتاح منها الا اذا شلتها من عيني .. الظاهر مو بس انا اللي اعاني ...

 

[عيون عبدالرحمن]

اي والله نفس مشكلتي انا من 3 سنوات مسويته ليزك...[س من بعد ماسويته ماقمت اقدر البس عدشات ماعرف قامت تضايقني

 

[مس كيوت]

نفس المشكله انا مسويه ليزك من سنه وبعدها ماقدرت البس العدسات الملونه ماارتاح فيهم

 

[عيون السواهي]

بنات ضيقتوا خلقي ودي اسويها بس خفت مشكلتي انا غير عين 6\6 والثانيه نضري ضعيف يعني يصير بس اسويها عللى عين وحده ؟

 

[فانيلا]

رد : منو مسويه عملية ليزك وتحط عدسات ملونه بليز تساعدني

واااااي عذاب

انا نفس الشئ سويت ليزك واليحن جربت البس عدسات ملونه لكن حسيت بضباب وشلتهم على طول ما تحملت

مافي حل ؟

 

[السكوت مشكلتى]

عاد لا تخرعونا
اناان شاء الله ناوية اسوي عملية الليزك بس ناوية قبلها استخير اكيد بعد ما اختار الدكتور
بس سؤال صج بعدين ما اقدر احط مكياج عيون بالمرة ولا بس بعد العملية بوقت
ادري خارج الموضوع

 

[أم عبوودي11]

ضباااااااااااااااب ضبااااااااااااااااااااااااااب ضبااااااااااااااااااااااااااااااب ابي نيولوك