منو يدفع للمصوره ؟

[دلوعة كويتيات]

رد : منو يدفع للمصوره ؟

اهو يدفع

والا انا كله واحد حبوبه

 

[cacaouette-qa]

رد : منو يدفع للمصوره ؟



ملجة اختي حاجزين عند فوتوكينا بفيمه اجمالية 1100 دك ... مااعتقد المعرس يبدفع ... يقول ليش

مطقوق على راسي .... على قولة امي الله يخليها لنا لا نطلب ولا هم يحزنون ... الفلوس موجودة ... ومافي داعي نحرج نفسنا

 

[توتة]

رد : منو يدفع للمصوره ؟

احنا عندنا اهل المعرس يجيبون مصورتهم واهل العروس مصورتهم

 

[يــاغربـــالي]

طبعاااا البنت تدفع / حده فشله هو يدفعهم

يعني المهر شحقه اجل؟ واروح اطلبه فوق المهر 300 او 400 اخيه يافشلتي

موفقه حبوبه واصلا راح تستحين تطلبين

 

[قلبي القرآن]

رد : منو يدفع للمصوره ؟

انا اشوف سعرها مقبول وحلو
وشوفي الدفع يعتمد على الزوج
يعني انا بعرسي كان باجيلي 500 :eh_s(1):
واتعرفين المهر يالله يالله يكفي
بس ماطلبت منه امي قالت عيب واصلا بتستحين تطلبين
فرحت لأبوي وعطاني وبعدين قلت لزوجي ودني المصوره
ابي اطلع صوري وداني ولما بغيت انزل عطاني كرت البنك
وقلت له لا مابي عندي فلوس ابوي عطاني عصب قالي انا زوجج
الحين وانا المسئول ولا تطلبين من ابوج ثاني مره لأنه انا بالجامعه
ومو موظفه فيدري انه ماعندي فلوس
وخذيت منه الكرت ورديت الفلوس لأبوي وقالي اخذيها _03BA:
ونااااسه وبس قلت قصة حياتي فخليه زوجج يوديج احسن
عشان يعطيج الفلوس استغلي الفرصه لأن اول العرس حاظر وعلى امرج
وبعدين شحقه وليش وغيره
موفقه حبيبتي :eh_s(8):

 

[الحلوه المزيونه]

بنات شلون اخليه اهوا اللي يدفع ؟؟ مثلا اذا كان بليد ومايحس ولا ينتبه هههههههههههه>> الله يعينج

 

[مذهــلــه]

لا حبيبتي انتي تدفعين المصورة ..... هو ماله شغل كفاية المهر

 

[رحيل المرافيء]

رد : منو يدفع للمصوره ؟

العرس الريال يدفع
العرس على اهل العريس

 

[ضحاوي الديره]

احنا عندنا العروس تدفع العربون 50 او 100 دينار والمعرس هو اللي يدفع الباجي
على قولة امي يدفع وهو مايشوف الطريج أصلا شي واجب عليه
انا مصورتي المرايم طلع كل شي علي 710 دنانير
دفعت العربون 60 دينار وبقى 650 ريلي اهو اللي دفعهم
بعد العرس بأسبوع عطيته الفاتوره وقلت له صوري تطلع اليوم الفلاني وراح دفع وجابهم

 

[للحين خجوله]

بصراحة انا دفعتها حسيت فشلة

 

[علايه]

رد : منو يدفع للمصوره ؟

العروس اهي اللي تدفع

 

[شبروح]

انا قلت له بروح اطلع الصور سألني بجم قلتله السعر قالي اسمحيلي ما عندي ادفع
جان ادفعهم انا

 

[$حبيبة عبودي$]

رد : منو يدفع للمصوره ؟

زوجي دفع .

 

[غرور وايل]

بصصصصصصصصصصرآحه انا اعتقد ان ريال هو اللي يدفع ~

<< حزب الطماااشه ~_*

:*

 

[{هتًان}]

رد : منو يدفع للمصوره ؟

انا مع الوالده

انتي دفعي

ولاحقه خير ان شاء الله بيشتري لج ويدفع لج لين تقولين بس

بس مومن البداية والله فشلة .. وبعدين لوعندج خوات احسن اهم يجيبونهم ويرتبونهم لج

 

[6moo7]

العروس هي المفروض تدفع
والله احسها فشلة وعيب حتى الصور تصير عليه
كافي اللي قطه
عيل شحقى معطيني مهر

​

 

[نونه2011]

منو يعرف مصوره رخيصه مو غاليه يعني اكثر شي 300