منو يشتري اغراض الخدم انتي او الخدامه؟

[بدابد]

السلامه عليكم
بنات بغيت اسالكم
انتو اللي تشترون حق خدمكم اغراضهم (الشامبو+كريم+كوتكس+ديودرنت+صابون+فازلين+وغيره ....) من افلوسكم او افلوسهم؟؟
انا شخصيا اشتريلهم من افلوسي بس كل ما اقول حق احد يقولي انتي ادلعينهم لا تشتريلهم
فابي اعرف هل انتو تشترولهم؟؟؟ وشنو تشترون؟

 

[New Mum]

لا وعليه اكيد من فلوسي

 

[أم حيدر]

بدبد قوة ... حبوبة ارحموا من في الأرض يرحمكم من في السماء

يعني هالخدم جايين من ديرتهم عشان يشتغلون وياخذون هالاربعين ولا الخمسين دينار ويطرشونها حق اهلهم .. بعد يقومون يشترون اغراضهم بروحهم!!!

مالج شغل باللي يقولولج ادلعينهم ... الدين الاسلامي معاملة ... وترى وايد ناس يدشون النار بسبة الخدم.

اشتريلها وخلج مثل ما انتي والله يعوضج خير.

 

[أم حيدر]

وبالنسبة لي كل شي اشتريلها عليها بالعافية حتى الكاكاو والجبس اللي تحبه + اندومي + كريمات + ملابس + شغلات عناية شخصية + حتى لما نطلب من المطعم حالها حالنا اكلنا شاورما ولا وجبة كلت ويانا واذا اكلنا فلافل وحمص هم حالها حالنا.

 

[جكورة]

وبالنسبة لي كل شي اشتريلها عليها بالعافية حتى الكاكاو والجبس اللي تحبه + اندومي + كريمات + ملابس + شغلات عناية شخصية + حتى لما نطلب من المطعم حالها حالنا اكلنا شاورما ولا وجبة كلت ويانا واذا اكلنا فلافل وحمص هم حالها حالنا.

نفسي بالضبـــط...:eh_s(15):

 

[ana_tolip]

انا اشتريلها من فلوسي
بس اذا اهي تبي نوع معين وغالي كيفها اهي تشتريه
انا خدامتي تموت على فير اند لفلي كله اهي تشتريه
بس غالبا كل اغراضهما من هدوم ونعول ومستحضرات النظافة علي

 

[رفرف]

انا اشتري كل شي بس مرات تمصخها بالكروت تبي تتكلم مادري جم مرة فآنا اشتريلها كرت بالشهر وجان تبي زود اهيه تشتري

 

[xxx]

وانا مثلكم ..

كل شي من فلوسي

حرام معاشها يصير صافي لها

 

[بدابد]

مشكورين
اشوه كلكم مثلي
عيل بمشي على طريقتي:eh_s(6):

 

[لموية العسولة]

كل شي منا سواء مستلزمات والا أكل وحالهم حالنا ويمكن أحسن ومع ذلك لاحمدا ولا شكورا ,,,عسى ربي يهديهم ويسخرهم لنا

 

[om el7elwen]

لا كلشي علي وكل موسم اشتريلها اهدوم مع اعيالي حرام معاشها شي كفي

 

[الفرح كله]

مع البنات انا اشتري لها حتى اذا اكلنا وجبات حالها من حالنا

بس كروت التلفون اهي تشتري مع ان قايلتلها اذا تبي تتصل اعطيها تلفوني بس يحليلها الله يسخرلها لي تستحي

 

[bnt q8 in usa]

انا اشتري لها من فلوسي .........................وحتي كرت المكالمات الخارجيه والله اخذ لها حرام بروحهم 50 دينار والا 45 وشنو بتم وياها اذا صرفت منهم حتي يوني فورم انا اخذ لها ولي طلبت اكل حالها من حالنا حتي الوجبات السريعه واخيرها شنو تبي وحتي الحلو ماقصرت حرام هذيل امان عندنااا وبعدين ارحم ترحم وعلي الي يسونه بعض الاوادم للاسف والله مانلومهم لي انحاشوا

 

[[]نهاوند[]]

والله انا استغرب من اللي تخلي الخدامه تشتري الاغراض لنفسها
كل راتبها 40 دينار اذا تبي تشتري منه اغراض لها كم يبقى منه
والله حتى انا مع اني ما اشتغل دايما اشتري للخدامه من فلوسي ملابس ونعول وغيره والشامبو والصابون والديدورنت مع اغراضنا لما نجيبها نعطيها حتى الكوتكس تكرمون لما اشتري لنفسي احسب حسابها وياي

الحمدلله الوالده عودتنا على هالشي من واحنا صغار​

 

[نووووونا]

عن نفسى ملابسها وصابونها والشامبو وادوات النظافه من مستلزمات

العنايه الشخصيه واحتياجاتها الضروريه كلها على بس اذا اهى حابه

تتشرط بانواع غاليه كيفها من عندها مع ان اشترى لها الشامبو

والمعجون والكريمات حالها حالنا والله يعين

 

[بدابد]

مشكورين

 

[@ الرسامة @]

كل شي علي

ما اخليها تدفع الا لما تشتري حق عيالها صوغة

اما الاكل والادوات الخاصة والمطاعم

كله علي

حرااااااااااااااااااااام تبقى فقيرة

 

[جروح تبتسم]

انا الحمدلله احسب لها الف حساب دام انها مريحتني
وقسما بالله ورب الكعبه مره اخذتها معاي السوق كنت توني قاضه اذون بنتي
ورحت بشتري لها تراجي شفتها تطلطل على السلاسل وشكلها كسررررررر خاطرياخذت لها سلسله وقلب على حرفها بعد
قلت لها اي شي تبين من عيوني دام انج مريحتني والله يسخر لكم خدمكم.
مهما كان متغربين

 

[قمر ضاوي33]

انا شتري لها الشامبو - البلسم - كريم للشعر - فوط صحية - صابون - ديودرنت معجون اسنان - فرشاة اسنان - فازلين هالأغراض أشتريهم لها مرة وحدة بالشهر واذا احتاجت زيادة اهي تشتري بس ولا مرة طلبت زيادة للأمانة


حتى ملابسها والفوط انا اشتري لها ... ك شي اشتري لها بس بالمعقول يعني غير لأغراض الشهرية مالت الجمعية مو كل شهر اشتري لها


بس بالعيد لازم بدلة وجوتي يديد ... ولمن نروح مطعم ولا نطلب من برة لازم نطلب لها واهي الي تختار اكلها ...

 

[بدابد]

مشكورين
حتى انا ما اقصر معاها