منو يشتري اغراض الخدم انتي او الخدامه؟

[لطوفه]

والله اني نفسكم بس اضيف عليكم اني بعض المرات اخذهم معاي الجمعيه واعطي كل وحده خمسه واقولها اشتري اي شي ناقصج بس مايكون ممنوع.....................................

 

[Raveena]

انا اشتري لها من فلوسي و معاشها تطرشه حق اهلها

بس اللي يبط الجبد كروت الاتصال 6 دقايق بــ3 دنانير بسرعة تطير

الحين سويتلي اشتراك عن طريق الياهو مسنجر تدفعين 3 دنانير او 7ونص و تدقين دولي على اي دولة تبين و بأسعار خيالية و كل دولة تختلف تسعيرتها بس تسعيرة الموبايل اغلى من الخط العادي بس هم ارخص بواااااايد من الكروت ... مرة دقيت على اهلي لما كانو مسافرين تخيلو 50 دقيقة سوالف بس ب 300 فلس ههههه

 

[منورة الكويتية]

اكيد علينا

 

[جاكليت]

والله أنا اللي اشتريلها
الشامبو الصابون والكريم ومعجون الأسنان (( طبعا كله عى ذوقها )) والفوط الصحيه و الملابس
هم بعد الأكل والوجبات اذا من بره حالها من حالنا والكوفي مميت والنسكافيه
كل هذا وجان زين بس ايبين بعينهم ..

 

[gloob927]

انا ليلحين ما عندي خدامه بس اشوف امي كل شي تشتريه حقها ولا مره خلت الخدامه تدفع من جيبها شي حتى الاكل محسوبة معانا اذا طلبنا من بره
لا ومع كل هذا الاخت مو عاجبها مادري تبينا نشتغل بدالها ؟

 

[المها 50]

عن نفسى ملابسها وصابونها والشامبو وادوات النظافه من مستلزمات

العنايه الشخصيه واحتياجاتها الضروريه كلها على بس اذا اهى حابه

تتشرط بانواع غاليه كيفها من عندها مع ان اشترى لها الشامبو

والمعجون والكريمات حالها حالنا والله يعين

أنا نفس الشي وبطاقات التيلفون عليها

 

[توته79]

والله الصراحه انا ساكنه مع اهل زوجي ودايما خالتي تشتري حق خدامتي مع خدامتهم انا مو مطنشتها بس ناسيتها والله نبهتوني الله يجزيكم خير خصوصا انها مهتمه بعيالي الواحد الحين بالحظ يلقى خدامه سنعه من هالبلاوي اللي نسمعها

 

[ضحكة الدنيا]

انا اشتريلها بعض الاغراض مثل الملابس والنعال والفوطه
بس اغراض الجمعيه اعطيها زياده على معاشها حق هالسوالف​

 

[علايه]

انا اشتريلها كل شي

ومن الزين اللي بالجمعيات شامبو هيد اند شولدر و كوتكس ايلويز

اندلعهم يمكن ايي بعينهم

 

[Brounzi_girlly]

حتى آنا أشتري حق خدامتي كل أغراضها كل شهر لما اروح الجمعية أجيل اسألها شناقصج واشتريلها حتى الكوتكس وانتو بكرامة أحسب حسابها معاي نفس النوع فقارا معاشهم شنو بيلحق اللهم الكروت إذا بتكلم أهلها عليها بس أول مايتني من ديرتها خليتها تكلم اهلها تطمنهم أنها وصلت مني هذا
الله يسخرهم لنا احنا إلي محتاجينهم أكثر ما اهم محتاجينا
مع التحية.................

 

[^كويتية^]

والله انا امي تشتري كلشي ..
ومعاشهم اساسا ما يطب بايدهم على طول يحولونه كامل بس ذابحينا بالكروت و هم امي تحط بيدهم شي بين فتره وفتره وعسى يبين بعينهم

 

[نفيشه]

احنا نشتري لهم كلشي حرام بروحها معاشاتهم قليلة