منى اللوغاني و قرار تعيين خريجات الجامعة تخصص علوم و رياضيات ،بأي حق اصدرتي هالقرار؟

[المـــــها]

السلام عليكم و رحمة الله و بركاته

:eh_s(2):






نداء إلى الأستاذة منى اللوغاني
بخصوص قرار تعيين خريجات كلية التربية بجامعة الكويت تخصص علوم و رياضيات ابتدائي لتدريس الرياضيات اجباري حتى إشعار آخر !!!!!!!!!!!!



قصتي باختصار متخرجة هالسنة و متفوقة ما شاء الله قلت الحين بتدلل و بيحطوني بالمكان اللي ابيه
و حلمي ادرس مادة العلوم
و انا اسوي اوراقي قالولي ترى بنعينج رياضيات!
قلتلهم بابتسامة لا ابي علوم
و وروني ورقة قرار موقعه عليها الاخت منى اللوغاني !






سألت البنات اللي بالتعيين على أي أساس أصدر هالقرار؟؟

قالولي: نقص بمعلمات الرياضيات !!

قلتلهم و ليش خريجات كلية العلوم تعينونهم علوم شمعنى يعني ؟؟
قالولي هذول تعيينهم بالوزارة ! <<<<< براااافووووو ما شاء الله


سألتهم و بنات التربية الأساسية؟؟
قالولي عادي نعينهم علوم !!!!!!!!!!! :rgewrg:

الله أكبر عليكم
مو توكم تقولون هالقرار أصدرته منى اللوغاني و مكتوب بسبب النقص ؟؟




الحين كا الاخت منى قاعده توظف خريجات التربية الاساسية و خريجات العلوم مني و مناك تعينهم مدرسات علوم ابتدائي؟؟؟



شهالتناقض ؟؟





شمنى بنات الجامعه مكسرين مجاديفهم ؟؟؟












معقوله أجبر نفسي أتوظف بمكان ماحبه و تخصص ما ابيه
لعيونكم عشان أسد النقص !!




لا و الله شهالظلم و القرارات التخبطية ؟؟؟





يعني الحين مافي رغبات ؟؟؟ مافي أولوية في التوظيف ؟؟ مافي معاملة خاصة للمتفوقين؟؟



و لا هم ما يبونا يمشونا الا بفيتامين "و" ؟؟؟
















بنات أنا مقهووووووووووووووووووووورة مقهووووورة مقهوووورة













اقولهم ابي اي احد اكلمه يقولون مافي الا تكلمين استاذة منى !! :rgewrg:






اقولهم مابي رياضيات
يقولن عيل نطري لا تتوظفين <<< عبالهم راهيه
انا مضطرة و محتاجة اتوظف
و مو بكيفهم يأخروني و يبدون غيري علي ! اللي معدلاتهم حده حده عالحفة و نقطه و شي و نقطتين و احنا المتفوقين جذي يعاملونا !!!!!!!!
:eh_s(11):













انتوا شرايكم بهالقرار؟؟؟؟
يقولون في نقص و هم يعينون كل المتقدمين الا خريجات التربية جامعة الكويت ؟؟
مو تناقض؟؟
هل هذا العدل و الانصاف ؟؟
بالله عليكم شرااااايكم ؟؟؟؟؟؟​

 

[*ماي الورد*]

يبيلج و

 

[المـــــها]

يبيلج و

:eh_s(11):
شفتي ؟
حسبي الله و نعم الوكيل باللي كان السبب

 

[Turquoiseya]

لج الله ياقلبي

لو الله يفكنا من عجايز التربية كان احنا بخير

 

[Angel_store]

up up up

 

[Miss Cherry]

ويييييه هذي اللوغاني كل بلاوي التربية من تحت راسها الله يعينا بس ويعوضنا خير المشكلة الوزرا يتغيرون واللي تحت الوزرا هم اساس الوزارة وممشينها يعششون بالوزارة جيل ورا جيل

اقولج شي ... انحااااشي التربية سجن مؤبد اذا دخلتي ماراح تقدرين تطلعين النقل شبه مستحيل انا قبل ماتوظف مت ابي وزارة ثانية قالوا لي لازم استثناء من الوزيرة ايامها جنه كانت المحنطه المرأة الحديدية .. تعقدت السالفة واضطريت اني اقبل بالامر الواقع

 

[أثير88]

عادي نفسي تخصصي عربي اجتماعيات
حطوني عربي اجباري على اساس ان بالكمبيوتر
نازل تخصص عربي وكالعااادة كلمتهم وحدة نقص،،،
مدري ليش بس على بنات الجااامعة يا حظنا الردي

 

[لورا آشلي]

هذي قرارات الحريم الخايبه

 

[طالبة1990]

صج نفس معاناة عربي-اجتماعيات

تلاحظون فعلا هالقرارات على بنات الجامعة

 

[ريانا]

اي للاسف فعلا هذا الي حاصل بخريجات الجامعه على اساس كاتبين اول شي رياضيات عقب علوم يمكن مع ان المواد بالنصيفه بالضبط وحتى مومساند حتى خريجات العربي جذي بس فتحو سنه وحده تحويل والي ضبطت معاه حول والي ماسمع راحت عليه الحين لوتشوفين اخيرا استوعبت جامعه الكويت وفصلت التخصصات صار العربي بروحه والاجتماعيات بروحه والعلوم بروحه بس الدفع الي كانت لاحصه عالتخصصين راحت عليها الله يعوضج حبوبه اذا في مجال تحولين تخصصج حولي يعني درسي سنه عقب قدني تحويل بس هالحجي من ثلاث سنين مادري الحين يصير او لا

 

[اللولو000]

واي نفس المأساة اليوم رحت لهم المجرمين بالوزاره وقالوا لي انتي لازم تقدمين مقابله علشان تتوظفين لاني تخرجت من ست سنين

ومقابلة العربي صعبه وتلوع الجبد حسبي الله عليهم
هذا واحنا بنات الديره يسون فينا جذي
واهم يروحون يطلبون مدرسين من بره وافدين
اي ليش يسون جذي فيهم لعانه موووو طبيعيه

 

[LuLiTa]

يبيلج و ... و ريحي عمرج هـ الموظفين ماوراهم الا دوخة الراس عبالهم فاضية و بـ اضيعين وقت !

 

[المـــــها]

أشكر تفاعلكم
ما قصرتوا يالغاليات
شفتوا حتى التخصصات الثانية نفس الشي
ليش بس على بنات الجامعة شالسر؟؟
يعني البنت لما درست تخصصين كل واحد درسته كثر الثاني من حقها تختار بالنهاية شنو تبي
مو يقولون و الله تتعينين هني ولا كيفج؟

 

[(كويتيه عسل)]

الرياضيات خيره لج احسن من العلوم

العلوم عندهم حصتين ومختبر وتعب ووسايلهم تكلف وتوجيهم يلوع الجبد موشي العلوم

 

[●•∫ استثنآئيهـ]

خليها على ربج
هني اصلا المتفوقين مالهم اي اعتبار
اتمنى تكون في معاملة خاصة للمتفوقين لان حرام نتساوى مع الغير مجتهد ~

 

[طالبة1990]

لا مو سالفة ان التخصص مكتوب قبل

حسب مزاجهم والنقص

رفيجتي تعيين جديد

تخصصها بيولوجيا ومساند كيمياء

قالوا لها بنحطج كيمياء

رفضت قالن ابي اتوظف ع الاحياء التخصص الرئيسي

قالوا راجعي الوزارة

ولما راحت الوزارة قالوا لها نفس الحجي

يعني بمزاجهم

متى مابغوا افتحوا ومتى ما بطلوا سكروا

 

[المـــــها]

اي و الله مزاااااج
بنات أحس بظلم
هاذي وظيفة و عمر مايصير جذي !!

 

[قاهره عذالي]

يا حياتي انتي تخصصج

رياضيات وعلوم

يعني رياضيات قبل العلوم

ومواد التخصص عندج مدموجه بين هالتخصصين

يعني تدرين دام انتي رياضيات وعلوم ان ممكن تصيرين يا رياضيات يا علوم حسب الوزاره شتقول

انتي الحين اقبلي رياضيات ودرسيه وبعدين حوولي علوم


في جذي ابلات تكون عربي مساندها دين

تلقينها تدرس عربي بعدين تحول دين

بس مدري شلون طريقتهم


والله نصيحه المها

توكلي على الله انتي تخصصج تخصصين مع بعض مو تخصص واحد عشان تنجبر الوزاره تعينج بتخصص اللي تختارينه منهم

ارضي بالمكتوب

 

[miss lulu]

اختي انا تربية اساسية علوم ومتفوقة 4 نقاط وقالو لي رياضيات ومتوسط بعد
بس قلت خلاص مابي اتوظف الحين.. و قعدت كورس كامل بالبيت طبعا صار فيني احباط انا
حسبالي الاولوية للمعدلات بس طلع غيييير قعدت كورس وتوظفت علوم ابتدائي

 

[عاشقة الاسلام]

اب اب اب