ريم
جم مكياجها عيل ؟ معروفة منيرة ا غلى وحدة تحط ميك اب بالكويت ..
و حاطة حق بنت عمة رفيجتي توها قبل 3 شهور مواكثر اكثر من 400 اكيد ..
بريجيت انا اللي شفتهم ميك ابهم بالضبط نفس ميك اب هيفا بالضبط ..
مااقولج بهرني قلت حلو ..
مكياج منى رووووعة مو ليلى بنات ليلى ما عجبني كلش واايد باهت باهت .. شوفي قمر حبيبتي انتي اللي شفتيهم اكيد حاطتلهم ليلى لان ليلى انا مكياجها اللي شفته مااحط نفسه لا احط وااااايد احلى منه .. منى كان عجيب عجيب يا ربي ماادري شلون اقولج ..
راقي و حاطة ميك اب مو بسيط لاااا كلش وااايد راقي وايد انا بغيت ابجي لمن شفتها العروس ماشاءالله وايد حلو انا اللي فرحني زود ان البنت حاطة الميك اب اللي انا ابيه امي اشرح لها تقولي لا تصيرين جنج مو حاطة ميك اب .. محد راضي يفهمني .. و اهيا نفس لوني انا مو بياض الثلج لا لووول بس بيضا يعني عيوني كبار ما يصلح لي الاسود السموكي حلو علي بس لا يصير غامج حسيت انج تبين نفس اللي انا ابيه لان و الله كنت متضاااااايقة و محتاااارة واااي لا تشوفين حالتي .. و انا اساسا بملجتي كنت حاطة عند حنان النجادة فديتها و الله بس انا مااعرف احد ثقة يسويلي شعري ... و ماابي لوية روحي الصالون و بعدين ردي و بعدين طلعي لا ماابي فـ حنان بحط عندها ثاني يوم او اذا في استقبال ..
و منيرة انا ما ذميتها .. بس الكل قالي انها ما تحط فاتح ما تحبه .. صج تطلع و جذي بس ميك ابها ناعم بشهادة العمووم و انتي بعظمة لسانج قلتي ما تبين تغمجج و ريم بعظمة لسانها قالت حطتلها اغمج من لونها سواء وااايد و الا شوي ..
و قلت ان عيب منيرة انج اذا مو شايفة احد تعرفينه حاط عندها يعني راح تروحين على عماج بدون ما تعرفين شنو ستايلها بالضبط .. انا ناطرة معزومة على كذا عرس و وحدة منهم حاطة عند منيرة و سويت شكثر سيرج بالنت اللي حطوا عندها يمدحونها حيل .. و اللي يبون يحطون عندها نوعين اما شايفين من قبل او يبون يشوفون بس مو حاصلهم .. فخفت اجازف يمكن يطلع ناعم زيادة عن اللزوم يمكن مو حلو علي يمكن صج ما تحطلي فاونديشن مثل ما انا ابي .. صليت استخارة و طلعت من بيتنا حق بريجيت و اللي قلتلكم عاد .. مهما كانت سمعة منيرة حلوة انا مااقدر اجازف و مااحب اروح على عماي انزين لا ادش ع العرايس اصلا انا مااحب بس البوم ع الاقل .. عادي تختار موديل موديلين و تحطلهم و تخلي الالبوم عندها بالصالون .. عندها زباينها انا ودي احط عندها على سمعتها بس .. بس ما اقدر احجز و اقط حتى لو 400 دينار مو اكثر على شي انا مو شايفته بالله ما عجبني شرقع بعمري يومها؟ انا هذي الفكرة اللي بوصلها .. و اللي اعرفه انها تسوي بروفة مرة قريت بـ 70 يمكن ؟ شي جذي .. دقي سألي عن البروفة و اذا في مجال روحي سويها
و بس .. ترا وايد قرقت بالموضوع هههههههههه سوري :$
^^^
كتبت هالرد و دقيت
اقدر امسح الرد بس مش لازم ههههههه
سامحوني يبا حقكم علي ميك اب و شعر 450 اذا ميك اب بس 250
البروفة فل ميك اب 60 .. بس البروفة صعبة شوي لان في زحمة ..
بس اذا انتي معزمة دقي حجزي بروفة مو خسرانة شي .. بس تقول عموما واايد زحمة يعني لازم بسرعة تشوفين
خلاص قمرة 60 عادي روحي صوري عقبها اذا ما عندج مناسبة
