مني اكله ومنج اكله ويصير عندنا احلى ملف اكلات حق شهر ارمضان!!

[الفنانه79]

اشلونكم بنات شخباركم

ماادري اشعلامي شانه حمله من الحين على ارمضان عساكم من عواده
وماشاء الله وايد قرب ارمضان علشان جذي حبيت اطرح هالموضوع
ماابي اطول قلت اشرايكم انسوي ملف كامل حق اكلات ارمضان الحلوه :eh_s(7):
يعني كل وحده تدخل اتحط مثلا اكله حلوه سواء كانت
(( شوربه - سلطه - طبق رئيسي - او حلو ))
بس شرط ان تكون اشياء حلوه ومميزه حق ارمضان مو اشياء معتاده :eh_s(15):
وبجذي يكون عندنا ملف كامل بأحلى وصفات منتدى كويتيات لاكلات ارمضان :eh_s(9):
وانوفر على البنات يكون كل شي عندهم جاهز
ها اشرايكم بالموضوع ؟؟؟:eh_s(10):

يالله عاد نبي همتكم وعسى الله يبلغنا وياكم رمضان اللهم امين :eh_s(8):

 

[شكليطه]

يسلموووووو الفنانه على هالموضوع القيم


والله يا بوقته

ترى جد ماباقي شي على رمضان عسى ربي يبلغنا صيامه وقيامه

وخل نستغل الفرصه مدام الحين عطله......لان رمضان وقته مع بدايه الدوامات وحوستها



شوفي حبيبتي انا بقول شغله عجبتني.....واعتقد تنفع حق رمضان


الله يسلمج ذاك اليوم وانا احوس بالجمعيه والا القى جهه النايلون والقصدير مواعين بلاستك لونها اسود وغطاها شفاف......ثلاث مواعين

مكتوب عليها انها تصلح للفريزر والفرن والمايكرويف والدش ووشر (غساله الصحون)
يعني تقدرين تغسلينها وتستخدمينها مره ثانيه

عاد قلت خل اجرب افرزن فيها جم شغله واذا نفعت معاي بشتري كميه ونقعد نجهز من الحين



والله وقمت حطيت في المواعين
واحد منهم كفته مع صلصتها(مطبوخه وخااالصه)
والثاني ورق عنب بالزيت (هم مطبوخ وخالص)
والاخير معكرونيه باللحم


(طبعا هالطبخات كلهم مسويها الطباخ اليديد........قلت خل نستغلها فرصه
اهو يطبخ وانا احط بالفريزر ف لا تسألوني شنو طريقتهم لاني ماعرف )


وعاد بنطر عليهم جم يوم وبعدين اسخنهم واشوف شلون الطعم.....اذا اوكي كان بها

والا مع السلامه




وسامحيني على كثر القرقه بس حبيت والله انكم تستفيدون من هالشغله



وبالنسبه للطبخات..........سوري حبيبتي من زمااااااان مادشيت المطبخ
.

اعتزلت الفن على قولتهم


بس عن قريب ان شاءالله بحاول ارجع لهوايتي وانميها







هههههههههههههههههههه

 

[الفنانه79]

حياج الله شكليطه
اي والله نبي نفيد ونستفيد

يالله بناااااااااااااااااااااااات همتكم ترانا انحب البلعه وبعد برمضان لابالله رحنا فيها

 

[asma]

عساكم من عواده انشالله يتثبت الموضوع وكل يوم

نضيف طبخه عبال مايوصل أرمضان ألا عندنا كتاب طبخ

مشكوره فنانتنا على هالفكره

بقولكم طريقة مرقوقه هينه بدون رق وعجن
_____________________


المرقوقه على طريقتي
____________

أجهز أللحيماتي أو دجاج بالتقطيع والغسل

ثانيا أكون قطعت بصل على حسب الكميه التي تقرريها

على حسب كمية اللحم ..أفرمي البصل ناااعم

فصوص ثوم مدقوقه

2 مكعبات ماجي

بزاراتك وبهاراتك اللي تحبينها بالطباخ

طماط مقطع ناعم

وخضار حسب رغبتك سواء كوسا بطاط أي نوع

خبز صاج من الجمعيه أو مركز سلطان الخبز الرقيق

الناعم اللي حجمه كبيره أكيد تعرفونه

الطريقه

تسخنين البصل ليما يتحمر وتضيفين بهارتك والماجي

ثم تضيفي الثوم لا تحمري الثوم فقط تقليبتين

ثم ضيفي الطماط وغطي القدر وخليه لين يذبل

الطمام بعدين ضيفي صلصة الطماطم والخضار

اللي تبينها قلبتين ثم ضيفي لحم أو دجاجك

وضعي كمية الماء المناسبه

خليه يطبخ عدل ويستوي

تالي قطعي خبز الصاج صغار صغار وضيفيه

للمرقه وخليها تطبخ من 10 الى ربع ساعه

وأراهنك أذا أحد شك أنها مومرقوقه عاديه

ولاعجينه ولاتعب ...

أووف نسيت الملح لحد ينسى الملح :eh_s(12):

وفيه العافيه وخالص شكري للكاتبه

دعواتكم لي أولد بالسلامه :eh_s(7):..

 

[الفنانه79]

حياج الله اسما
ومشكوره على هالطريقه اللي اتينن

وين البنات الظاهر محد اعجبه الموضوع

 

[القلب الطليق]

عساكم من عوادة عجبتني الفكرة وحبيت اشاركم وخاصة اني توني متقاعدة ومتفرغة للمطبخ
++++++++++++++++++++++++++++++++++++++++++++++++
علبة كيك سارالي + 4 حبات كاكاو مارس + علبة قيمر+ جوز الهند
الطريقة:
يقطع الكيك اصابع ويوضع بالفريزر مدة 10 دقائق ثم يوضع المارس في حمام مائي
حتى يدوب ثم يضاف اليه القيمر ويخلط جيدا.
يغمس الكيك بالخلطة ثم يدحرج بجوز الهند ثم يوضع بالثلاجة ويؤكل باردا
بالعافيه
ام سعود

 

[مولاك]

الصراحه خوووووش حلو يا ام سعود تسلم ايدج ما قصرتي يا اختي اتمنى انج تسوينها لنا يوم الخميس ههههههههههههه

 

[الفنانه79]

ياكم الله يالله وين باجي البنات
اتمنى يفعلون البنات الموضوع

 

[a7la_3emya]

والله خوش فكرة ،،،
ومني لكم بالبداية طريقة طبق لمحبي المعكرونة سبشل يعني ...

\" المعكرونه بالدجاج والصلصله الحاره \"

المقادير:

ملعقتان زيت زيتون .
فلفله حاره بدون بذور مفرومه ناعمه.
4 صدور دجاج مقطعه لأجزاء صغيره
علبة صغيره من صلصه الطماطم المحضره بالفلفل.
علبة قشطه طرية.
4 ملاعق كزبره مفرومه ناعمه.
ملح وفلفل.
علبة سباجيتي.
جبنة باراميزان.

الطريقة:

حمي الزيت بالمقلاة ثم اقلى فيه الفلفل الحار لمده دقيقه واحدة
1-اضيفي الدجاج واستمري في الطبخ لمدة عشرة دقائق إضافيه.
2- اضيفي صلصة الطماطم بالفلفل الحار وبعد مرور 3 دقائق اضيفي القشده

الطريه وملعقتين من الكزبرة الطريه والملح والفلفل الأسود حسب الرغبه ثم اخلطي المقادير معا.
3- في انتظار ان ينضج الدجاج تماما اسلقي المكرونه في ماء مملح.
4- اسكبي فوقها خليط الدجاج والصلصه ثم اخلطي المقادير لمده دقيقه واحده.

وبألف عافية .......

 

[جارة القمر]

مشكووووووووووووووره

حبيبتي

 

[مشغوله و محتاسه]

الفكره حلوه ..

و تصير احلى لو حطينا فطور كامل


الشوربه ..
عدس .. ما ادري ليش دايما اول يوم عدس !
http://www.q8yat.net/showthread.php?t=12589&highlight=%D4%E6%D1%C8%C9


وراها رولات الخبز الايراني من جارة القمر
http://www.q8yat.net/showthread.php?t=14771



السلطه ..
منقوله من هني .. ما ادري منو اللي حطتها لاني حافظه الوصفه بالوورد

سلطه الدجاج والخضار
المقادير:

4- شرائح توست الساوردو الأسمر- او اى توست اسمر
2/1 كوب شرائح لهانة بيضاء ( ملفوف ) -
2/1 كوب شرائح لهانة حمراء او ملفوف -
3/1 كوب شرائح فلفل أصفر ( بارد ) -
3/1 كوب شرائح فلفل برتقالي ( بارد ) -
3/1 كوب شرائح فلفل أحمر ( بارد ) -
2- فيليه صدر دجاج -
1- ملعقة أكل خل -
ملح , فلفل أسود -
خس للزينة -
الصلصة :-
2- ملعقة أكل عصير ليمون -
4/1 ملعقة صغيرة سكر-
1- ملعقة أكل زيت زيتون -
2- ملعقة أكل روب او زبادى -
ملح -


الطريقة:

- يقطع التوست على شكل وردات ثم يحمص بالفرن .
- يتبل الدجاج بالملح , الفلفل الأسود , و الخل ثم يشوي في الفرن حتى ينضج , يترك حتى يبرد ثم يقطع شرائح طولية .
- تخلط الخضار جميعها مع شرائح الدجاج .
- تحضر الصلصة و ذلك بخلط جميع مقاديرها , ثم تسكب على السلطة و تقدم مع التوست المحمص بطبق مزين بالخس



و الحلو

كيكة الباونتي

http://www.q8yat.net/showthread.php?t=58555

 

[aloyaa]

الصراحة خوش فكرة الله يعطيكم العافية

 

[الفنانه79]

يالله بنات تشجيعكم

 

[goldengirl_q8]

هذي اكلتي المفضله
رول الدجاج بالكريمة ..
________________________________________
المقادير :

1 دجاج
1 جبن كرافت قلاسات
1كريمة كي دي دي
عجينة سمبوسة
بصل (شرائح طوالية)
مشروم
جبنة بيتزا مبشورة
مكعب ماجي
بهارات
ملح

الطريقة :
1- تغلى الدجاجة ثم تقطع مسحب
2- يحمس الدجاج مع قليل من الزيت (بدون ان يحمر) .
3- يضاف الية المشروم .
4- يضاف الية البهارات ومكعب ماجي والملح .
5- يخلط الدجاج المسحب.
ثم يلف الخليط بعجينة السمبوسة رولات ثم توضع في اناء (باير**)
6- يخلط الجبن مع الكريمة ويخفف بقليل من الماء و يوضع فوق جبنة البيتزا المبشورة . ثم تصب فوق الرولات وتوضع بالفرن حتى يغلى وتحمر .


بالهنا والشفا​

 

[goldengirl_q8]

مكرونة الاندومي اللذيذة لا تفوتكم رراائعة وسهلة

المقادير:
1كيسة اندومي
1بصل
2جزر صغير
1ملعقة زبدة
شوية صلصة طماطم
1طماطم صغيرة
نص وحدة ماجي بالدجاج ( اقطعيها بالسكين للنصف )


الطريقة :
تجيبين قدر وتحطين ملعقة زبدة وبعدين تحطين بصل تحمسينه شوي وبعدين تحطين الجزر مقطع وتحمسينه شوي وبعدين تضيفين نص ماجي وحركية إليما يذوب وبعدين اضيفي شوية صلصة طماطم وحركي شوي وبعدين اضيفي الطماطم المقطع
وبعدين اضيفي مكرونة الاندومي مع بهاراتها ( الي مع الاندومي )
وبعدين اضيفي ماء مغلي بس يكون مغطي للمكرونة
وبعدين تطولينه شوي إليما يخلص ​

 

[goldengirl_q8]

كبة الرز
المقادير:
6 اكواب رز ابيض مسلوق - لحم مفروم مع بصل ( مقلي ) - بيضة
- فلفل اسود - ملعقة ليمون اسود
الطريقة :
افرمي الرز بالفرامة و اضيفي اليه البيضة ورشي عليه الفلفل الاسود
اضيفي الليمون الاسود للحم المقلي
شكلي الرز على يدك مثل الكرات و احفريها واحشيها باللحم ثم اغلقيها
اقلي الكبة على نار ساخنة جدا مع ملاحظة ان يكون غزير و لا تزيد الكمية عن
7 حبات في كل قلية
صحتين وعافية​

 

[goldengirl_q8]

المعكرونة بالفرن

المقادير:
كيس معكرونة اي شكل
دجاجة مسلوقة ومفتته
علبة مشروم مقطع
علبة روب
علبة كريمة سائلة
مكعبين مرقة دجاج ماجي
بهارات مشكله
تقريبا 4 اكواب ماء
جبن موزاريلا للتزيين


الطريقة

- توضع المعكرونة بدون سلق في طبق بايركس ويخلط معها الدجاج والمشروم
- تحضر الصلصة البيضا بخلط الروب والكريمة والبهارات والماجي ويصب فوق المعكرونة
- يصب الماء فوقه الى ان يغطي المعكرونة كلها ويعلو فوقها ب2 او 3سم تقريبا وتدخل الفرن الى ان تنضج المعكرونة مع ملاحظة تقليبها على طول
- تزين بالجبن الموزاريلا وتدخل الفرن الى ان يتحمر الجبن فقط وتقدم .....




بالهناء والعافيه ​

 

[kankona]

مشكورة حبيبتي خل ادورلكم باكلاتي الي احبها و اقولكم عنها

 

[^^ام ميمي^^]

تيراميسو.....

حبيت اشارك معاكم بهالحلوو البسيط والحلوووو طبعاا مثلي :eh_s(6):

صدقوني وايد لذيذ وبسيط

المقادير:
______

-شرائح كيك سارالي الكاكاو.

- القليل من النسكافيه السائل.

- كيس جيلاتين+ربع كوب ماء حار.

- 2 قشطة كي دي دي .

- 2 حليب مركز صغير ( نستله )

- 2 كيس كابوتشينو.

الطريقه:
_____

- تصف شرائح الكيك في طبق التقديم ويرش بسائل النسكافيه.
- يضع في الخلاط كل من الجيلاتين المذاب في الماء+القيمر+الحليب المركز+ الكابوتشينو ويخلط جيدا ويصب فوق الكيك.
- يدخل الخليط ويترك حتى يبرد ويرش بالنسكافيه والكاكاو البودر.

* ملاحظه: يفضل ترك الخليط في الثلاجة يوم كامل.
وبالهنا والشفاااا

 

[شندوخه]

خووش ملف ان شاء الله لي رجعه مع الوصفات الرمضانيه يم يم