مني اكله ومنج اكله ويصير عندنا احلى ملف اكلات حق شهر ارمضان!!

[الفنانه79]

يعطيكم العافيه

 

[omajiad]

أولا: شاورما اللحم (أمريكانا) تسخنينها وآنه أحب أضيف صنوبر

ثانيا: خبز صاج
1. يقطع مثلثات ثم تحشينه باللحم وينلف مثل السبرينج رول
أو
2. خبزة الصاج تحشينها ثم تلفينها رول وبعدين تقطعينها

طبعا تصفينه في الفايركس

ثالثا:
في خلاط العصير (1قيمر Kdd + كريكة Kdd عدد 1 + جنن كاسات صغير عدد 1 ويفضل التعاون عشان طعمه معتدل مو مالح)

تصبينه على الخبز ثم بالفرن يشعل من تحت وفوق 10 دقايق بالعافيه

وجربوه كل يوم راح اتسوونه وادعولي وأتمنى أشوف ردكم على هذا الطبق الرائع

 

[الفنانه79]

ياالله بنات نبي همتكم علشان يكون عندنا احلى ملف اكلات لرمضان

 

[ام ناييف]

انا بشارك بطبق سهل وسريع

بطاط مقطع دوائر مو سميكة تقلينه خفيف ما يتغير لونه او تسلقينه
تصفينه بالصينية ثم طبقة مشروم شرائح انا استخدم العلالي


ثم صبي عليهم الصلصة جبن كرافت سائل قلاص صغير + مايونيز 2 م ك + كريما حمراء كرتون + قيمر كي دي دي
رشي الوجه بجبن موزاريلا
ودخليها الفرن
وعليكم بالعافية

 

[أم تركى]

خوووووووش موضوع

 

[سما الكويت]

موضوع روووعه..

وانا عندى كم وصفه بجربهم واقولكم النتايج..

انتظرونى..

 

[omajiad]

طبعا أكثر الأكلات اللي إنسويها نستخدم فيها جبن موزاريلا المبشور لكن عندي حق حبايبي نصيحة ذهبية وهي:

استخدام جبن شركة البروتين الكويتية (مدور وعليه صورة شجرة الأرز) يعني إنتي تبشرينه عجيييييييييييب وطعمه خطيييييييييييييير

وشكله حلو يصير مثل طبقة رطبة مو مثل جدبن الموزاريلا ناشف

 

[الفنانه79]

حياكم لله وخوش طبخات واتمنى التفاعل من البنات