من الـ 70 ـنات إلى الـ 60 ـينات ... اللي بتشارك حياها

[~أغلى الغاليات~]

مساء الخير بنات ..ادري قطعت بس صادتني ظروف
حبيبتي بسكوته مبروووك على الحمل ..والله يتمم لج على خير..
انا وزني ثابت لان جاتني الدوره ..بس الحمد لله ما زاد يعني اتوقع اكون نازله لما تخلص..

 

[$كشوخه$]

اليوم كنت مخططه اخلي يومي كله بروتين لمده 4 ايام ..

بس اليوم وبكرا بخليهم تخفيف وبوقف نشويات بالليل .. وبعدين ببدا بالبروتين ..

وبما اني اجازه طبعاً قمت متأخر وتريقت صمونة بيض وجبن + حليب الصويا بالجوكلت

افكر اتعشى حمسة دجاج ..

وبحاول اليوم اسوي رياضه ان شاء الله

 

[بـ سـ كـ وتـ ة]

صباح الخير

أغلى الغاليات معذورة حبيبتي مو شرط المشاركة يوميا

أهم شي نعرف أخبار بعض من فترة لي فترة

والله يبارك فيج حياتي

كشوخة

أحسن ابدي بالتدريج عشان ما تتعبين



طبعا صارلي فترة ما أسوي رياضة بس أكلي كان نوعا ما زين ما فيه خرابيط

بس وزني زاد من 74.9 لي 77 وضاق خلقي عبالي من الدورة

أثاري لأني حامل

أول حملي يزيد وزني شوية بسبب احتباس الدورة طبعا

بس بشكل عام في بنتي ما زاد وزني وايد وان شالله هالمرة بعد أحافظ وما أزيد وايد

قست وزني اليوم 76.8

أمس تريقت حليب ككاو وخذيت الفوليك أسيد

تغديت صمونة توست أسمر بالحبوب وشرايح ضعيفة بطاط مع قفشة كرافت

واحم احم احم المغرب خلاص مو قادرة أطلع من الدوام إلا آكل فرنش فرايز جان أطلب وأقعد آكل جني عتوي داخل السيارة على ما ياني ريلي

عادي نساتي مو طول الحمل

والعشا كنا بالسيارة ما قدرت أطلب مشويات

كليت 2 شاورما لحم وعصير برتقال فريش كان وااااايد حامض ما كملته

 

[عاشقة الككاو]

ماشاء الله لا قوة الا بالله

الف الف مبرووووك الحمل ربي يثبتة ويتمم لج ع خير يارب
فديت فطوومي الي بييلها منافس هههههه

عبوري شيكي مع الدكتورة يمكن لازم تاخذين ديفستون ، اضمن لج وربي يثبتة ويتمم لج للتاسع يارب ..


ونفرح بباقي الامورات يارب


طبعا انا كنت احاول ادش اول وكلة ما تفتح الصفحه معاي

واول امس رادة من الاردن وبصراحة خبصت اووم الرجيم

اكلهم لذيييييييييييييذ ياخي
الواحد غصب عنة يبلع هههههههه


المهم طبعا زدت 3 كيلوا


فابي احترم نفسي وارد التزم واصير خوووش وحدة وان شالله اي شي اكلة بكتبة هني واذا شي مو اوكي
عادي تزفوني وتنبهوني



..

 

[عاشقة الككاو]

ريوقي اليوم 6 حبات بقلاوة من زلاميطو << بقلاوة حصرية من الاردن
وشربت حليب مع 3 حبات شابورة



والحين شربت شاي اخضر اعدل الي خبصتة الصبح


ميخالف ادري اكلي خربوطة ومافي ريحة القيمة الغذائية بس نقدر نقول هذي وداعية



ههههههههههه

 

[عاشقة الككاو]

بتغدى طبعا من البيت واذا طابخين عيش باكل حدي بس 5 قفاش والباقي مرق او سلطة

بقلل نشويات
ومعجنات وككاوات ومقالي ..


والله كريم

 

[بـ سـ كـ وتـ ة]

عشوق والله كنت ببشرج بس الخاص عندي فل لازم أمسح منه عشان أقدر أدز

الحمدلله على سلامتج

بشيك ان شالله بس آنا إحساسي إن هالمرة غير الحمدلله

يعني الحمل اللي طاف اسم الله عليج ما كان فيه أعراض حمل كلش

لا نساة ولا ألم في بطني إلا يومين (يحوشني بكل حمل) ولا نوم لأن هرمون الحمل كان ناقص

وكل اللي شافوني قالولي ويهج مرهق وصاير أسود، سبحان الله هذاك الحمل ما كان سليم

هالمرة الحمدلله يا رب كل الأعراض واضحة وقوية فأعتقد الهرمون تمام

وعموما الله الحافظ بس هاليومين حدي لاهية بالشيلة أول ما نسكن في شقتنا اليديدة ان شالله ببدا أراجع

ليلحين ما قررت وين أراجع ... توبة من الحكومة

 

[~أغلى الغاليات~]

ابشركم:eh_s(9): ..الحمدلله ..وزني صار 69.8 :eh_s(11):..احس اني مب مصدقه ..اخيرا نزلت وشفت رقم ثاني غير السبعين وشي :eh_s(2):..احس ودي ما اكل شي ولا حتى اشرب ماي اخاف يرجع الوزن هههههه

الحمدلله لك يارب..:yaaaaaarb:

 

[$كشوخه$]

الفف مبرروك آغلى الغااليات يلا قربتي وصولج للهدف اكثر :eh_s(9):

طبعاً انا الايام اللي طافت خرربطت حييل لان خبركم اجازه .. بس ان شاء الله اليوم خلاص التزم

اليوم قمت متأخر .. وكليت 3 حبات ورق عنب .. وبعدها سويتلي بيضتين عيون ومع جبن

كان المفروض اليوم بروتين كامل بس اشتهيت الورق عنب الصراحه وماراح يأثر ان شاء الله

بحاول ابدا رياضه اليوم

 

[$كشوخه$]

قست وزني اليوم الصبح وطلع 62،3 .. يعني زدت عن قبل كيلو .. الحمدالله على كل حال توقعت اكثر ..

هدفي الحين وحلمي اول ال 60 ان شاء الله :eh_s(9):

اليوم قمت متأخر وماتريقت الا عقب .. وكليت بيضتين عيون وقفشه صغيره جبن + شريحة ويتبكس مع حليب خالي الدسم

 

[$كشوخه$]

بسكوته

ان شاء الله اذا سكنتي الشقه الجديده سويلج سموذي .. وايد يمدحونهم

والوصفات منتشره بالنت وخاصه وصفات الانقلييز تونس

فيها فيتامينات وصحيه وتشبعج من انج تخربطين

انا بس اضعف واوصل الخمسين ان شاء الله راح ابدى بالسموذي وابدى نظام جديد

بس اول ابي انزل الزايد وبعدين ارتب جدولي على نظام تخفيف لين ما اوصل لحلمي عشان اتعود عالآكل الهلثي ويصير نظام حياتي

 

[$كشوخه$]

بنات وييينكم مالكم حسس كللش ؟!!

امس بالليل خربتها عالعشى وكليت ورق عنب ماقدر اقاومه للاسف .. بس الحمدالله

و اليوم تريقت ويتابكس مع حليب خالي الدسم مع 3 حبات فراوله + بيضتين عيون

وبعديت خذيتلي سناك تمر مع فيلادلفيا لايت لذييذ عشقي هالشي هلثي ويشبع

وشكلي بتعشى الدجاج اللي مبهرته من قبل

 

[~أغلى الغاليات~]

صباح الخير ..

الله يبارك فيج كشوخه ..انا ما شفت هالرقم من سنتين ..اليوم وزنت ووزني ثابت ..بس بعد ما عندي مشكله ..اهم شي وصلت الستينات ..

بسكوته حبيبتي ..الله يعينج على النقل وتعب الحمل ..حاولي تخلين حد من اهلج يساعدج ..

 

[بـ سـ كـ وتـ ة]

أغلى الغاليات

ألف ألف ألف مبروك، تستاهلين بعد عمري

فرحت لج من كل قلبي

وبالنسبة للشقة اليديدة كلهم عرضوا علي يساعدوني، بس راسي يابس لازم كل شي بيدي هههههه

بحاول آخذ إجازة وأتفرغ حق الأغراض

الحمدلله سكنا من يومين

كشوخة

ما عليه تردين تنزلينه هالكيلو وتكسرين راسه بعد

السموذيز هبيت فيهم هبة كنت حتى أحط فيهم سبانخ بيبي وخيار والطعم روعة

شكلي بخليهم عشا لأني عالريوق أفضل شي مالح ويتعلج ولا ما أحس إني شبعت هههه

عاد صار لي جم يوم أحاول أدش معلق الموقع وجان طليت عليكم

ميزاني القواعد ملوته بواحد من الكراتين مو محصلتهم فما يعطي قراءة صحيحة

آخر مرة قست كان وزني 77

اليوم تريقت خبزة بالقمح الكامل والخميرة الطبيعية واللبن وايد لذيذة، حشيتها جبن كرافت

وخيارتين، وحدة من بنتي طبعا ما كملتها

وربع كوب حليب ككاو

خذيت الفوليك أسيد

وعالغدا باكل صمونة فلافل ومعاي بالجنطة تفاحة حمرة وموزة

وبحاول أشرب ماي ولو إنه طعمه متغير ويسبب لي لوعة

 

[cambridge diet]

سـلام عليكـم

تسمحولي اشارك بالحديث بصراحه قرأت شنو كاتبين وشكثر معناتكم لتخسرون كيلو او ثلاث واتعانون وااااايد لانزال الوزن

اكو الحين نظام جديد ينزل من 15 إلى 12 كغ بالشهر

انا ما صدقت بالاول وايد ناس نصحوني فيه قلت اجرب

فعلا في نتائج ومضمونه بالخساره و الحلو من كل هذا ما يرد الوزن السابق

مو مصدقيني صح ادري ما حدا اصلا يصدق ممكن يخسر هذا الوزن بشهر الحين اخليكم تسمعون بنفسكم

هذا رقمهم اتصلو وسالو
90001304 / 94088825
ونتمنى من الله التوفيق للجميع والاستفاده

 

[$كشوخه$]

تريقت اليوم حليب خالي الدسم مع كورنفلكس آول بران

لاعت جبدي من كثر ماخربطت صايره ماعرف امسك نفسي ومايهمني الريجيم مو نفس قبل :eh_s(11):

وماحب آكل الدجاج من كثر ماكنت آكله بوقت الريجيم

قلت بخلي اليوم وبكرا بروتين بس وبشوف اذا قدرت بكمل لين الاحد ..

 

[$كشوخه$]

وين النشاط اللي قبل .. شكلنا انحسدنا

احس النشاط ويوم الميزان هو اللي كان يخليني انضبط اكثرر .. يلا بنات ردوا نشجع بعض :ggdw:

..

المهم تغديت عالعصر جذي .. بيضتين عيون فوقها شريحة جبن + قطعه صغيره جبن شيدر + ملعقه كبيره حمص لو فات + حليب الصويا

والحمدالله :eh_s(17):

 

[$كشوخه$]

تعشيت 6 جيكن وينقز .. والمشكله طلعوا نفس طريقه كنتاكي ببقسماط وانا توقعت لما جيت اطلبه يطلعلي المشوي :eh_s(4): + ملعقه كبيره مايونيز بفلفل

والحين اشرب جاي اخضر مع كموون

 

[بـ سـ كـ وتـ ة]

صباح الخير يا أحلى كشوخة

لا ان شالله ما انحسدنا ... سنعيد أمجادنا بإذن الله هههه

طلبت لي ميزان يديد لأن مادري على هاللوية متى أرد أحصل قواعد الميزان

وضروري بالحمل متابعة الوزن

أمس تريقت الخبز نفسه اللي مكوناته كلها طبيعية مع جبن قلاص وشوية حليب ككاو

ما تغديت

تعشيت مسقعة مع خبزة ايرانية كاملة بدعت وشوية ملوخية وعيش لأن عمتي مسوية العيش حقنا واحنا ما جسناه

وللأسف ما كان في غير ميرندا شربته مع الأكل

ما سويت رياضة ولا اشتغلت في البيت أمس

 

[بـ سـ كـ وتـ ة]

طبعا مطبخي ليلحين ما ركبوه فمضطرين عالأكل الجاهز من طقة خبز وجبن وهالسوالف

ومطاعم

ومليت صج مليت من المطاعم بس الحمدلله على كل حال

اليوم ريوقي خبزتين وحدة قمح سادة ووحدة بحية البركة مع جبن كرافت

عصير تفاح خالي من السكر

وبطل ماي 330 مل