من اي عمر احط سريلاك بالحليب؟ وشنو احسن دوا للمغص

[om MaRyooM]

قوة


بنتي عمرها شهر وبقيت اسالكم مت تبدون تحطون
شوية سريلاك برضعه الحليب؟؟
ماذكر ببجري شي فقدت الذاكره لووول



وشنو احسن دوا جربتوه للمغص
لاتقولون ماي غريب وغازبمبي، خرطييي

سمعت عن انفاكول بس مو موجود عندنا صح؟؟؟

 

[منو انت]

اعتقد بعد الشهر الرابع


واذا جربتي الاشياء اللي ذكرتيها ومافاد مع بنتج يمكن حليبها مو مناسبها شنو الحليب اللي تستخدمينه ؟؟


وارد وانصحج باليانسون بس خل ينقع ربع ساعه او نص ساعه وعطيها وصدقيني راح ترتاح عليه

 

[قلبي معاك]

جربيdisflatyl شربيها بقفشه
للغازات

 

[om MaRyooM]

اعطيها ينسون مااكو فايده

وحليبها اس٢٦ احسن حليب هذا
والدكتور خال السعيد وايد مدحه لي قاللي ممتاز احسن حليب

 

[ام الحلوااات]

مـــن الـــشـــهــــــر الـــرابـــــع حـــطـــي الــســـيـــريـــــلاك بــــس نــــوع خــفــيــــف عــلــى مــعــــدة الــيـــاهـــل ولا تـــكــثـــريـــن عــلـــيـه مـــبــدئــيــــآ مـــرة الـــى مـــرتــيــن بــاالــيـــوم
وعـــلــــيـــج بـــاالــيـــــااااانــــــســــــــــووون
خـــلـــيــه اخـــــر رضــعــــه قــبـــل الــنــوم ​

 

[منو انت]

مثل ماقلت لج خلي اليانسون ينقع مو على طول تشربينها وان شاءالله ينفع

 

[washwoshh]

جربيdisflatyl شربيها بقفشه
للغازات

لا حرام عليج شنو قفشه اهوا عباره عن نقط 5 نقط كافي انا مجربته ممتاز

 

[om MaRyooM]

مشكورين

 

[كويتيه مذهله 87]

أمممممممممممم

انا توه بلشت اعطيه سيريلاك بالمميه من دش ال 9 شهور
هو السيريلاك من الشهر الرابع بس ولدي كلش ما يحبه وماتقبل طعمه فتوه أحط قفشه سيريلاك بالمميه ويشربها عادي
وبخصوص المغص يختج انا جربت كل شي مافاد معاه هو شي طبيعي لازم المغص سواء رضاعه طبيعيه او صناعيه
نيميها علي بطنها ترتاح شوي بس عينج عليها وانا شوي شوي ارتاح عليه هو ماي غريب مال المستوصف وحليب اس 26 سبحان الله مافاد علي ولدي يابله امساك قوي لدرجه 4 ايام ما يخرج فالدكتور قالي غيري حليبه ومن غيرته الحمدالله يخرج طبيعي

 

[<<لمار>>]

انفاكول ممتاز وموجود بصيدلية سعاد البصيري وهم جمعية الروضة ونفسة دينتينوكس نفس التركيبة والسيريلاك انا ماعطيتة الا بالخامس خفت من كلام هالاطبة

 

[انصاريه قمره]

عيالي ما احب احط اهم سيريلاك بالحليب يصكر المميه ويستعسروون احط شوي بسكوت فارليز مع الحليب علسان يشبعهم

 

[ma3boocha]

انا مثلج ام مريوووم


نسيت بأي شهر كنت احط سيريلاك بالمميه

بس اللي اذكره انها تكون اخر رضعه قبل النوم
و اسم الله عليهم يناموووون شبعانين لي الساعه ٦ الصبح
ما يقومون بالليل




بالنسبه للغازات

دسفلاتيل انقطله بالمميه حتى تشوفين غازات ماكو بالحليب


و عقب ما يرضع
تسمعين

طاااط طييييط طوووووط جميع الانغام و يرتاح البيبي

 

[q8 83]

ديسفلاتيل مثل ما قالوا البنات وااايد زين واهو نقط تنقطينهم بالمميه مو قفشه حرام اخاف يصير وايد

بس صج زين

 

[GaLbI t7aWaL]

اتوقع البنات فادوج وفادوني

بس آلمشكله اني ما ادري وين احصل ينسون بآمريكا !!

آنا يبت بابونج معاي و والله الحمدلله ماشي مع بنتي

 

[*ماي الورد*]

بقولج ترا منتجات القمح تسوي حساسية بالصدر
ديري بالج تغطينها الحين
لمن يصير عمرها ست شهور اتبلشين خضار و عيش و فواكه مهروسة حاولي كثر ما تقدرين تبتعدين عن الاكل المصنع

 

[الـفـجـر الـبـعـيـد]

مادري انا ما اعطي عيالي سيريلاك وفيرليز يسوي لهم حساسية فظيعه

ديري بالج جربي شوي معاه يمكن يسبب له حساسية

ابدي معاه من يكمل الشهر الرابع

 

[ايمانو حلوة]

بنتي مانفع معاها ولا دوا بالكويييييييييت
بسبة الحليييييييب سيميلاك نان اس 26 كلللللللم غازاااااااااااات ذبحوا بطنها خنت حيييلي تعذبت
دكتورها وصف لها بيبلاك سي تي للامساك وتعدلت بطنها وعطيتها تالي رقم واحد
وبخصوص الدوا عندج ماي غريب المستوصف وخلطة اعشاب فيها حبة حلوة وينسون وبابونج وسكر نبات
وبس

 

[um khaled]

4 يهال ولين الحين ما حطيت حق ولا واحد سيريلاك بالمميه
كلش مو عاجبتني هالسالفه ولا انصح فيها

غاز بيمبي وايد زين وطاح على ولدي حيييل

بس انا ابدي من 4 اشهر اوكل اليهال سيريلاك لين سنه
ووايد انصح فيه

والله يخلي لج البيبي

 

[FuSheYa]

انا وصفلي الدكتور انفاكول من مستشفى السلام خذيته من صيدليتهم


انا صارلي 10 ايام تقريبا من عقب الساعه 12 بليل ما اعطيها حليب الا الساعه 6
بين ال 12 و ال 6 اعطيها ينسون او جاي الاعشاب للبيبي تلقينه بالجمعيه حق المغص

والحمدلله اسم الله عليها حسيت الغازات خفت شويه عن الاول

انا بجر واول بيبي بالعايله فكلش كلش مانعرف شي وامي اسم الله عليها ناسيه

اللي ضبط معاها ماي غريب.. انا شريته من الصيدليه بس البنات اهني ماقصروا قالولي من المستوصف و رحت خذيته من المستوصف وماشاءالله شحلاته
وصج مو نفس الصيدليه .. تاريخ الانتهاء قريب واحسه فرش ههههه

وحاولي تدهنين جسمها بزيت زيتون دافي... انا سويتلها امس قبل لا تنام
فصخيها وغيري حفاضتها و دهنيها.. وسويلها مساج واقري عليها
دهني بطنها على الخفيف بشكل دائري واقري
والله لما سويتلها بس اسمع طااااط طووووط

وترا بنتي عنونه عمرها 38 يوم بالضبط <--- لوول حسبه الاربعين

والله يخليههم لج يااارب
وسوري اني طولت وقلت قصه حياة بنتي اسم الله عليها ههههههههه

 

[شلة بنات وبس]

السيريلاك من الشهر السادس قفشتين صغار بالرضعه مع الحليب واللى تقول السيريلاك يصكر المميه ليش انتى ماتغيرين حلمة الرضعه حسب العمر فى حلمه سمول عليها حرف ال s للطفل حديث الولاده وكل جم شهر تشترين حلمه اكبر ميديم وفى لارج وله طول مالياهل يرضع مخليته على حلمه سمول اكيد يستعسر غلط اختى وللغازات دفي البيبي عدل بالملابس وشربي اشياء دافيه دايما مع شوية مساج خفيف على بطنه بالزيت الزيتون ونوميه على بطنه وغيري الحليب مو كل شي يقوله الدكتور يمشي مع كل طفل اكيد الحليب موماشي مع ولدج كلش حرام تخلينه يستمر على الحليب غيريه نصيحه وجربي حليب سيميلاك وايد خفيف مو كل حليب يمشي على كل بيبي شوفى الحليب اللى يناسب ولدج انا لما مشيت على كلام الدكاتره بالحليب كنت راح افقد ولدى اسم الله عليه لين غيرت له الحليب يمكن هالحليب ثجيل على معدته وهو سبب هالغازات حرام غيريه جربي سيميلاك شوفى حليب يرتاح له ولدج ولا تعرضينه للهوا البارد ولاتسبحينه والتكييف شغال