من تزوجت رفيجاتي خلوني !!!

[يبقى الوله]

رد : من تزوجت رفيجاتي خلوني !!!



شوفي حبوووبه بصـرآحه انا للحين مو متزوجه بس رفيجآتي المتزوجآت علاقتي فيهم حمدلله حيل حلووه

ونفس قبل وماتغير شي بالعكس الوضع عآدي جدآ


عسى لله يتمم علينآ ولآيفرقنآ

بس في نآس تحوشهم غيره وجذي

لله يعينج ياقلبي

 

[opera]

رد : من تزوجت رفيجاتي خلوني !!!

مشكوره ايمانو الحلوه من طيب اصلج

 

[ايمانو حلوة]

سبسيال
ياقلبي مشكووورة عالتنبيه بس ترى موقصدي اني هني احلف لا قصدي اني مصرة على شي معين فهمتيني

 

[nora al]

رد : من تزوجت رفيجاتي خلوني !!!

ايمااانووو اناا موو متزوجه

وبقوولج الموووضوع اني اشووفه عكس لوووول

فاكتشفت انه الشغله بالبناات نفسهم يعني ماتفرق متزوجه ولاااا لااا ممكن تكوون غيره ماادري

اناا رفيجاتي وحده تزوجت وتمت معاااناا وزوجهاا حااكرهاا عدل بس احناا مقدرين هالشي واهيه مااتقصر على طوول تسال وتعتذر انهاا ماتقدر تووجب لانه ريلهاا يقولها مابيج تماشين بنات مو متزوجااات وكيفه تفكيره جذي فقلناا لهااا لاااتسوين مشااكل بينكم ريلج اهم و على طوول نتواااصل مااقطعناا بشكل شبه يووومي

امااا الثااانيه تزووجت واختفت بالمره ندق مااترد وندز مسجاات نبارك لهااا ماترد عقب حسيت انهااا تخااف من العين ومااتبي احد يدري انهاا تزوجت وجذي فهذي كيفهااا سحبت عليهااا وجنه العيد

بس اناا ملااحظه انه العكس يعني اذاا البنت تزوجت تسحب على رفيجااتهااا وتخلي ريلهاا شغلهاا الشاغل

وبالنسبه حق رفيجااتج ماادري يمكن يخاافوون يضاايقوونج او يدقون ويكون معاج ريلج وممكن هم تكوون غيره ولاا تهدينهم لان هالشي طبيعي بالبنات ترااا دام غيره ماااتضر فكل البنات يغاارون ومردهم بيتزوجوون وبترد علااقتج فيهم مثل قبل واكثر

 

[نسناس]

موضووعج رووعه حبيبتي ،،

اللي أشوفه إن المتزوجه إهي اللي تقطع أول ؟؟؟

يمكن ظرووفها والحمووله تبي والمواجيب ؟؟

بس مايمنع إنها تاخذلها ساعه تدق على رفيجاتها

آآآخ ؟؟



أتمنــى يرجع فيني الوقت لسنة ١٩٩٧ م

بالأخص لمبنى راابعه ثاانوية الجهره

وأشووف أغلى وأعز مجمووعه قابلتها بحيااتي ،،،



*

 

[ايمانو حلوة]

نوورة
اسمج احبه حييييييل لانه اسم صديقتي الصدووقة

وانا مثل ماقلت ترى الناس اجناس وهذا يعتمد على شخصية البنت يعني توفق مابين صديقاتها وزوجها يعني تقيش الامور من منظور لعقل والدين ماتهمل بيتها وزوجها لان هذا اهم شي وبنفس الوقت حلو انها تواصل رفيجاتها عشان يستانسون مع بعض ويفرفشوون بعديعن ضغوط الحياة ومشاكلها والمسؤوليات

منوورة حياتي

 

[ايمانو حلوة]

نسناااس
منورة حبوبة وصح ايام الدراسة حللللللوة ولها ذكريات ماتنسي مع الصديقات الصدووقات بس انا مع الاسف صديقات الثانيوة مو صدوووقات بس وحدة صدوقة بيني وبينها مسجات فقط يالله ابرك من غيرها

 

[جيتارا]

رد : من تزوجت رفيجاتي خلوني !!!

عني انا ,,

ما اقولكم ,,



جنه حد دعا لي ولربيعاتي(رفيجاتي)اللي ما تزوجن,,

معظم ربعنا ,, المالجه,, واللي تجهز خلاص لعرسها


واللي يحليلها,, تطلقت ,, وعندها ولد بسبب شكوك زوجها,,

خلوها,, ع الله ,,


ولكن من ناحيه ربعي ع طول سمعت الجملة



يالله ليش ما خبرتينا ليش بنيي الملجه ع الأقل,,,


ولكن ع الحسد ما اعتقد ,, لأنه البنات هني عندنا قاموا يعرسن,, ولكن في حاسدات وخرابات بيوت,,



ولو أقولكم


عن البنت اللي كانت ويا ربيعتها وايد بسكنا الجامعه ,’,,



وعقب ما يت البنت ,, قامت ربيعتها واتصلت ع ريلها قالت له ,, شو تبا فيها ,, هذه راعية شباب..وانا انصحك خلها عنك,, والريال شل ثيابها لللي لبسهن,, ودواهم ف بيت أهلها,,وبعد أسبوع واحد تطلقت,,

ما عليج يا ختي,, اللي تغيرت برايها,, ما عليج منها,,

 

[( مي )]

كان عندي رفيجة تعيش أكثر من علاقة حب يعني تبدي وحده وتنهيها وتبدي باللي وراها وتنهيها
سبحان الله البنت صارت جذي بدخلتها الجامعة مع انها ماكانت جذي
وكنت دوم انصحها ،، وكنا على طول نكلم بعض بس ما اطلع معاها ،، من تزوجت
ادق عليها ما قامت تقول اي شي من سوالفها اللي قبل تقولها
وكله ساكتة طول المكالمة
وشوي شوي حسيتها تسحب روحها من العلاقة اللي كانت 6 سنوات مع انها كانت من اقرب رفيجاتي والوحيدة اللي عزمتها بملجتي لانها كانت وايد محفوفة


رفيجاتي الثاثنين بس ملجت انقطعوا
اتذكر وحده قالت لي مشغولة شوي وادق عليج ولي يومج يبت عيال وانا انطرها ههههههههه بس انا ما دقيت عليها لاني سمعت انها انهت العلاقة
ليش ؟؟
الله أعلم

واللي يطنشني أطنشه نوعي ما اركض ورا أحد لو شنو

 

[<<لمار>>]

هالنوعية البعد عنهم احسن لانهم مورفيجات لو شنو اشغلتنا الدنيا ماننسى اللى يعزون علينا ونحبهم

 

[opera]

رد : من تزوجت رفيجاتي خلوني !!!

بس يا بنات عندي سؤال دام انفتح هالموضوع واكثر من وحده مرت بنفس الشي

صح اللي مايبيني ما ابيه

بس ماتحنين للايام اللي كانت بينكم ماتذكرين مواقف ماتشوفين صور قديمه ؟؟ ماتدمع عيونج علي الايام اللي راحت

ماتشتاقين لاعز رفيجاتج اللي كانت تفهمج وتحسين ودج تكلمينها وتقولين لها كل اللي بقلبج؟؟



ولا شلون تنسووون ؟؟

 

[عيون سارة]

انا انقطعت علاقتي فيهم لاني صرت بديرة غير

 

[( مي )]

رد: رد : من تزوجت رفيجاتي خلوني !!!

بس يا بنات عندي سؤال دام انفتح هالموضوع واكثر من وحده مرت بنفس الشي

صح اللي مايبيني ما ابيه

بس ماتحنين للايام اللي كانت بينكم ماتذكرين مواقف ماتشوفين صور قديمه ؟؟ ماتدمع عيونج علي الايام اللي راحت

ماتشتاقين لاعز رفيجاتج اللي كانت تفهمج وتحسين ودج تكلمينها وتقولين لها كل اللي بقلبج؟؟



ولا شلون تنسووون ؟؟

انا اتدمع عيوني على كل ذكرى قبل زواجي ،، حتى ان سمعت اغنية معينة كنت مثلا اشغلها وانا بطريجي للجامعة
يمكن لاني قبل الزواج عايشة كل يوم بيومه ،، حتى ذكريات الرفيجات اعتبرتها ذكرى مع باجي الذكريات اللي راحت ،، قبل فترة طحت على المذكرة اللي فيها قفل واوراقها فيهم ريحة ،، تذكرونها بنات ؟؟ تذكرون لما كنا نعطيها كل يوم بنت بالصف عشان تكتب لنا فيها ذكرى ههههههههههههه أيام عجيبة ومشاكلها بسيطة

بس الحين
وظيفة ومسؤولية وزوج وحمولة ومشاغل ما تنتهي فجأة الا انا قاعده من النوم بروح الدوام ،، فجأة الا انا برد انام للدوام لووووووول دبجة ما تحسين بيومج​

 

[نسناس]

رد: رد : من تزوجت رفيجاتي خلوني !!!

بس يا بنات عندي سؤال دام انفتح هالموضوع واكثر من وحده مرت بنفس الشي

صح اللي مايبيني ما ابيه

بس ماتحنين للايام اللي كانت بينكم ماتذكرين مواقف ماتشوفين صور قديمه ؟؟ ماتدمع عيونج علي الايام اللي راحت

ماتشتاقين لاعز رفيجاتج اللي كانت تفهمج وتحسين ودج تكلمينها وتقولين لها كل اللي بقلبج؟؟



ولا شلون تنسووون ؟؟

أقسم لج بالله إن عيووني دمعت ) :

حراام عليكم فتحتوا باااب سكرته من 12 سنه

يعني مع آخر مره أخذنا فيها كاااس الخليج ههههههه

عيبي الوحيد إني مخلصه وحنووونه

أستغرب من نااااس عاادي عندهم لا مشاعر لا أحاسيس ؟؟

سبحاان الله أحب العزوه أحب أختاار الصديقه بعد دراااسه شاامله هههه

من أيام الابتدائي والله أذكر رفيجاتي وكل الموااقف اللي مرت علينا

ولو يصير لها شي أول العالم أجيها

وأخلي أمي تتعرف على أمها

وبنتي الحين مجابله مكتبي بالمدرسه ماتعاشر أي أحد عشتووووو ؟؟؟

ولو يفطس الوااحد ما درت عنه (( فديت خشتهاا ))

 

[غمزه وإبتسامه]

التمس لاخيك المسلم سبعين عذراا

 

[بخـــارى]

رد : من تزوجت رفيجاتي خلوني !!!

انا عندي وحده من رفيجاتي تزوجت قبلي بسنه ويابت بنت ومره وحده قطعت ليش ماادري مع اني وقفت معاها اكثر من اهلها
وشفت وحده من اهلها وقالت لي اني فلانه تطلقت اتصلت عليها اكثر من مره فبيت اهلها ماترد عسى ماشر لايكون انا الي طلقتج من ريلج
بس دوم تطري على بالي وادعي لها بعلم

الغيب

 

[miss_jamsheer]

صح انا شله رفيجات ووحده معانا من زماااان بس تزوجت ماترد مااتصل مسجات ماترد اول شي اعزمتنا علي عرسها واكششت ولا حتي بطايق دزت ورفيجتي دقت عليها من رقم غريب ردت سوت روحها ماتسمع ولا ادز مااقدر اكلمكم ريلي مانعني عن رفيجاتي اشدعوه
ترا ريلها اتعرفه من قبل وريلها اصلا مايعرفنا علي اي اساس يمنعها عنا قلنا بالطقاق طااااااف هذي اصلا مو رفيجه بس اللي عور قلبي العشره وربي ماهانت علي بس خلاص اصلا رفيجاتي كلهم اكرهوها بس والله انا ماقدرت لاني اعرفها من قبلهم واحس اشتقتلها حيييل
بس الله يوفقها

 

[ايمانو حلوة]

ايييييييي انا وااااايد احن وصدقوني كل وحدة حنت لرفيجاتها والله هذا دليل على طيب اصلها وانها ماتنسى العشرة بس هم اللي نسووها وباعوها بساهل كييييفهم الدنيا راح توريييهم

نورتوا الموضوع

 

[عادت ذكرياتي]

بس فس نقطة اذكرتها الاخت مارياج واعجبتني حييييل هي نقطة : المصااااااااارحة ئي نعم المصاااااارحة
وهالشي يعجبني واااايد آنا مرة كنت ضانة برفيجتي ظن السوء والله يسامحني يا رب بس هالشي خليته بقلبي المهم كان ما باجي شي على عرسها وهي تخرجت ولا ترد على مسجات ولا مكالمات وحنا عارفين موعد عرسها بس يا ربي لا عزمتنا ولا شي المهم سمعت إن صار عرسها بعد فترة وسبحان الله صارحتها وقعدت معاها كنا بكفتيرية الجامعة يااااي ذكريات المهم قالتلي ظروفها وااااي وقتها ودي أذبح نفسي شلون ظنيت فيها جذي إنها ما تبيني قالتلي إن امها مسافرة علاج تعبانة وسوا عرس رفيجتي حفلة بسيطة بس وبعد عرسها سوت عملية أبيييه صج ادمعت عيني يوم ورتني مكان عملية اللوز مبين وكان واضح

بس الطبع الحلو اللي فيني إن احب أصارح اللي جدامي أسألها عن سبب تغيرها بالأول ... بس الحمدلله علاقتي مع رفيجاتي أوكي حتى اللي مانعينهم أزواجهم يدقون علي من بيت أهلهم

فديييتهم %%%%
وترى بنات العشرة ما تهون صدقوني وما كو وحدة عديمة مشاعر لو جلسة مصارحة ممكن ترجع البنت لصوابها وحزتها بترد مثل أو ل واكثر هذا إذا كنتوا فعلا تعتبرون بعض خوات وأكثر

 

[c a t w o m a n]

رد: رد : من تزوجت رفيجاتي خلوني !!!

بس يا بنات عندي سؤال دام انفتح هالموضوع واكثر من وحده مرت بنفس الشي

صح اللي مايبيني ما ابيه

بس ماتحنين للايام اللي كانت بينكم ماتذكرين مواقف ماتشوفين صور قديمه ؟؟ ماتدمع عيونج علي الايام اللي راحت

ماتشتاقين لاعز رفيجاتج اللي كانت تفهمج وتحسين ودج تكلمينها وتقولين لها كل اللي بقلبج؟؟



ولا شلون تنسووون ؟؟

أتذكر كل شي لحظه بلحظة بس ما أتحسف حكمة رب العالمين أقول الحمدالله ايللي كشف المستور

مكسب لج وخساره لهم

:wqedqw: