من تقدر تساعدني بخاطري افتح حظانه ... وسيوله جاهزه

[طعم الشهد]

سلام عليكم



فكرة افتح مشروع انا وختي بمبلغ 5 الف دينار كويتي

وحابه استفيد منكم اشلون اقدر افتح حظانه من الاف الى الياء ,,,, وبشرط يكون مشروع ناجح

انا مقرره اني افتح الحظانه قريبه من بيتنا بالاندلس


وهل برئيك مشروع ناجح


فا الي عندهاا خبره ..... حابه استفيد من خبرتهاااا

 

[بنت السلطان]

اهم شي المكان بالدرجة لاولى ومن بعدها الاثاث المناسب للاطفال وعقبها تختارين مشرفات يكون عندهم خبرات وتسويت لج اعلان وتعرفين العدد اللي بسجل عند هذا بإيجاز عن الحضانة طبعا التفاصيل يبي لها وقت بالكلام واي شي انا حاضرة لج

 

[شهد ستايل*]

نطرى شوى .......مو فى الوقت الحالى ........نظرا لظروف الامراض الله يكافينا الشر...........

واعتقد الاندلس مو لهدرجه تكون ماشيه ...شوفى حولى والا الجابريه .......وحاولى تكون على مستوى عالى ومنظمه ....وراقيه ....

يا الله لقينا شغل بعد التقاعد ...ههههههههههههه

بى يوفقج ان شاء الله

 

[طووم]

مشروع حلو وموفقه وحلو خاصه انه تبينه بمنطقتكم لانه قريب على الاهالي ويبيلج بيت او شقه وتجهيزينها ومري على اي حضانه واسالي عادي شوفي شنو مسوين ومستواهم وشنو يدرسون

 

[أم غمازات]

الله يوفقج انشالله

وانشالله هالمشروع ناجح

 

[Mig.MiG]

موفقة انشالله
بس اظن ان 5 الف مايكفي

 

[طعم الشهد]

اشكركم ع التشجيع
وانا نااويه باجر اروح الشؤون الاجتماعيه عشان اعرف عن رخصة الحظانه
بس من تعرف المطلوووب

 

[متجولة *]

لازم يكون عندج مبلغ شهري لدفع الايجار +معاشات المعلمات +الفراشات


بالرابط وحدة سعودية مسوية حضانة
http://www.moudir.com/vb/showthread.php?t=255552&page=2
شوفي وساليها

 

[طعم الشهد]

مشكوره حبيبتي بس ماراح تفيدني لان اهي من سعوديه قوانبنهم غير عناااا

 

[متجولة *]

اظن مايعطون ترخيص للموظفة اذا انت متقاعدة يعطونج ترخيص لفتح حضانة

 

[جوري الكويت]

نطري لي تعدي ازمه افلونزا الخنازير انشالله

لأن الحين الحضانات خسرانه

الكل خايف و محد قاعد يودي عياله الحضانه

 

[عسل هانم]

الله يوفقج

 

[صاحبة معرض]

نطري لي تعدي ازمه افلونزا الخنازير انشالله

لأن الحين الحضانات خسرانه

الكل خايف و محد قاعد يودي عياله الحضانه

مع رأي جوري الكويت

والمشروع باذن الله ناجح لاني اعرف وحده امريكيه وتتكلم عربي بطلاقه صارلها 15 سنه بالكويت كانت تشتغل 6 سنوات في حضانه بالجابريه ومازالت موجوده بالكويت وملتزمه والحين قاعده من غير وظيفه وتحب تشتغل في حضانه وتعرف كل شئ ممكن تفيدج وكانت وظيفتها معلمه

اذا حبيتي تكلمينها وتتفاهمين معاها عن طريقه امور الحضانه انا بالخدمة وكانت تمدح مدخول الحضانه

واطلب من ربي التوفيق للجميع