من جربت تسافر بروحها ياريت تفيدني

[انثى عربية]

مرحبا صبايا ​

شخباركم ​

حابه اسافر لندن في اكتوبر وللاسف محد فاضي يروح معاي وقلت بروح عن خاطري عشرة ايام​

لاني مضغوطه ونفسيتي حييييييييييييييل تعبانه ومحتاجه تغيير واخترت لندن لاني احبها ومتعوده ​

عليها واحسها امنة وقلت بسكن في فندق مونتكالم وماراح اطلع بالليل ​

شرايكم تايدوني ولا تخوفوني ؟؟​

 

[SHiKhaH]

اهلين حبيبتي

الصراحه السفر حلو والاجواء بلندن دايم حلوه

لكن انا رايي الشخصي حبيبتي بروحج راح يضيق خلقج لان مافي احد يونسج

شوفي اي احد من رفيجاتج تروح وياج علي الاقل وحده تونسون بعض ..

 

[amal ksa]

من جد حاولي تاخذين معك اي وحده من صديقاتك بتستانسين اكثر

 

[kuwaitya_zoGaa]

تبين نصيحتى سافري منطقه قريبه وقعدي فيها بس 3 ايام لانه لندن و10 ايام وبروحج راح يضيق خلقج وايد

 

[كحيله وفدعه]

 والله أنا مستغربه صج شلون أهلج يرضون تسافرين بروحج ؟؟

لا تفهميني غلط بس السفر لازم معاج ونيس ولا زوجج ولا أخوج بصراحه قويه أسافر بروحي والله شوفي انا برايي أن السفر لازم يروح معاج أحد ولا مو أي أحد لازم يكون يونس ويحب الطلعات إختج أمج أخوج ولا زوجج <<<<< ولا أناا

على العموم الله يسهلها لج آمين *

 

[انثى عربية]

تسلمون على الرد ماحصلت حد هالفترة للاسف ومافيني انطر لي الشتا لان اختي بتروح معاي يمكن اقلل المدة اذا ما استانست

ساعات الواحد يحتاج خلوه فالتمشي التشوق القراءة الكتابة صح ولا انا غلطانة

واللي تسال شلون اسافر بروحي ترى انا مب ياهل ولا مراهقه الحمد لله مرة عاقل واشتغل وعندي بيت واهل وظروفهم ماتسمح


يسافرون فالوقت اللي ابي اسافر فيه

 

[ربوع الحلوة]

توكلي علي الله وروحي أنا مره سكنت مع أمي بفندق مونت كالم لما كنا بنروح أمريكا قعدنا يومين في يهبل وأمان وموأي أحد يسكن في من العرب لأن غالي وخدمتهم حلوه حتي في واحد بره اللي يشيل الجناط من يشوفنا ياين من بعيد يخطر الشارع بس علشان ياخذ الجياس اللس بيدنا
ولندن حتي لوبروحج ونيسه ماتحسين بضيقة خلق وأمان كل مكان عرب والتمشي أصلا والشوبنق يضيع الوقت وسط العالم والمطاعم متروسه والهايدبارك حطي كرسي وقعدي ساعه تنسين الدنيا
بس لاتاخرين عن الساعه 9 بالليل ياسندريلا هههههه رجعي الفندق وقومي من الصبح خليج بره طول اليوم
وياريت أنا بالكويت جان قلت حق أمي تروح معاج عادي تروح بس أنا أدرس ب usa

 

[White Musk]

مرات الواحد يحتاج يقعد مع نفسه ماراح يضيق خلقج
انا بكره مسافرة
ان شاء الله

 

[انثى عربية]

حبيبتي ربوع والله احلى رد صج ونسني ردج وفرحني ربي يفرحج جنيا اخره ويوفقج في دراستج وييسر لج كل امورج يارب

انا اصلا ناويه ما اتاخر برى وانام بكير واصحى بكير اشوف لندن كيف تصير


اول مره اسكن فيه كان خاطري في لانغهام بس طلع فل عاد قريت شكثر يمدحون مونت كالم وقلت بجربه ويكفي موقعه


عموما تسسسلمين والله صج شجعتيني وهونتي علي ,, وسلمي لي على امج وقولي لها اي شي خاطرها من لندن خل تقولي

وانا حاااااااااااضره :*

 

[انثى عربية]

صح كلامج وايت مسك وتسلمين حبيبتي انتوا اللي فاهمين مو بس تنتقدون على خالي بلاش


جزاج الله خير وعساها سفرة سعيدة لي ولج يارب

 

[شهرزاد الحكاية]

اذا مايضيق خلقج وتقدرين تونسين نفسج ...
توكلي على الله روحي احيانا نحتاج نختلي بروحنا عشان نرتاح ونريح اعصابنا ...
الله يوفقج​

 

[om_dodo]

موفقه

 

[قطوة@@]

امممم عالاقل اخذي احد معاج يونس

انا مره سافرت مع اختي صج كاان ونااسه و دايم اسافر مع امي صج امي تتعب بسرعه بس ونااسه

ما تدرين شنو ظروفج وقت السفر

 

[عسل زهور]

اذا سافرت حافظي على أورادك الصباحية والمسائية وفي حفظ الله ورعايته

 

[انثى عربية]

تسسسسسسسسسسسسلمون ماقصرتوا حبايبي والله يجزيكم خير

 

[حوراء الكويت]

عليج بالعافية مقدما و الله يسمح لج دروبج ياارب
عاد انا بخاطري لندن من كثر ما شفت تقارير البنات عنها شكلي اخر شي بسوي نفسج واروح بروحي
موفقه بسفرتج انشالله و انشالله ترجعين بالسلامه و يكون بالج مرتاح يااارب

 

[Diana *]

أنا دايما أسافر بروحي مافيها شي بالعكس تستانسين مره
بس عشره ايام أحسها كثيره على لندن روحي منطقه ثانيه يوم عندهم ناشونال إكسبرس شركة باصات توديك أي مدينه ثانيه من لندن بأسعار رخيصه​

 

[يازمان العجايب]

روحي استانسي وغيري جو بس لاتطلعين بره لندن ولاتركبين القطار​

 

[so0oma]

حبيبتي انتي والله

بسس مااظن راح تستانسين وايد

بس تبين الصرااحه اخذي وحده من صديقااتج او اختج

عششان تحسسين حييل بالفررح وانشاءلله قلبج يكون كله فيه الفرح والوناسه يارب

مووفقه تاخذيني معااج >> ههه سكتي بسس لا تهون بالسفره هه لاغشمره عليج بالعافيه يارب

 

[انثى عربية]

تسلمون صبايا على ردودكم تشيجعكم انا اصلا خوافه وماعتقد بركب القطار حدي الباص وبالنهار والاماكن القريبة

وباذن الله تكون سفرة حلوه لي واغير فيها جو واقدر اتمشى واشم هواء وانسى الدنيا باللي فيها