من جربت تسافر بقروب ..؟ بليز تدخل ابي افاده :(

[رذآذ آلمطر]

مرحباااا


آبي أسأل عن السفر لآوربا مع قروب



مادري شرايكم بسفر القروب وهل هو يكون ارخص ...؟
وهل من جرب السفر لدولتين والا 3 دول القروب يكون ؟


علما بان السفر راح يكون 3 اشخاص
وشلون ع الفندق يكون تبع التذكره أو لأ ؟!



يعني اللي جرب السفر عن طريق القروب ينورني بتجربته


وثاااانكس مقدما =$

 

[Ms. luxury]

هلا اختي يمكن مااقدر اجاوب على كل استفساراتج ..بس حبيت أقول لج اني جربت القروب ومعاي عيالي هاديين ماأذوني وايد لكن الناس اللي بالقروب تطيحين وياهم انتي وحظج ..احنا صار معانا عايلة سورية محترمة وباجي القروب كله كويتيين للأسف غير محترمين ظاق خلقي يوم شفت طبايعهم وعايلة فيها بنات مايستحون يغازلون ريال ومايشوفون انه معاه مرته وبنته ..بس يستعرضون جدامة وأنواع المسخرة ..تحسفنا ان رحنا بقروب ..حتى في حريم كبار داشين بخشمي ومناشبيني وقاعدين لي عالوحدة ونص ..ولدج شوفيه ليش يايبتهم معاج ..عذبتيهم استاثمتي فيهم ..والله مادري من شاكي لها الحال ...مع ان عيالي كانوا هاديين ومااحد من عيالي بين عليه انه متضايق أو مستعسر ..بالأخير سحبت نفسي وقلت حق زوجي الله يعافي التكاسي ورحنا رحلة بالعبارة مع وجبة غدا وتوصيل التكسي كلنا 20 دولار تقريبا ..فعرفنا ان تسعيرة القروب فيها غش شوية ..هو كان بياخذ عالشخص 10 دولار مع وجبه الغدا ..
بس ان شالله اكون افدتج..

 

[kuwaitya_zoGaa]

اممم حبيبتى انا بقول لج تجربة ناس اوكيه
طبعا ما مدحو القروبات لانج ترتبطين مع غيرج اذا تاخرتي كلوج واذا التزمتى تقعدين بالباص تنطرين غيرج
مرات اتطيحين بناس مو سنعين ويتدخلون وغصب بيرافجونج يعني يمكن تبين تقعدين مع زوجج لا مايخلونج غصب بيسوون قعدت حريم !!! مادرى شكو ؟؟!
وفي ناس تفاجات بالسفر انه القروب يطلب منهم مصاريف زايده واوفر بالسفر يعنى مثلا على الشخص 20 دينار !!
وبث

 

[<miss botamba>]

احنا اول كله نسافر مع قروبات

وعادي ما نحتك بالناس الموجودين

واذا كان اكثر من مكان اي يطلع ارخص

وانا افضل القروب بس حق الناس تحب الشي يكون خالص

يعني انتي تروحين ريل على ريل والقايد يخلص لج شغلج

او الناس الي تكون لغتها ضعيفه يصلح لهم


وتقدرين تحصلين اسعار مقاربه لهم اذا حجزتي اون لاين

 

[الغيلم]

والله اختي انا ردي بطول فيه ( كالعاده مو شي جديد هههه ) بس شوفي انا جربت القروب قبل جم سنة وكل الي جربوا القروبات الي اعرفهم
مدحوووا القروبات ... والله شوفي شالكويتيين الحمدلله ناس محترمييين وفعلا بالقروب بتستانسيين حييييييييل حييل ... لان حاجزينلج الطيران والسكن والتنقل من الفندق لي المطار والعكس وهم من مدينة لي مدينة .... وفوق هذا اذا عندج عيال راح يستانسون ....

وفيه التزامات معينه ... يعني مثلا اذا يومكم فيه رحلة يقولولج الساعه ١٠ يمشي الباص ... يعني ٨ انتي قاعده ولابسه ونازلة البوفيه تتريقين وتنطرين باللوبي موعد انطلاق الباص ... بالنسبه لنا ماصادفنا اي تاخير من ناس يعني ان شاءالله الناس الي وياج ملتزمين ....

واذا انتي اجتماعيه والله بتستانسسين مع الناس .... وشوفي سوالف تبين تتمشين مع رجلج والحري متجمعيين .. ماعليج منهم انتي مو مجبوورة اصلا تقعدين معاهم خلي وقت لرجلج ووقت لوناستج مع الحريم ....

بالنسبه لعايله اول مره يروحون اوربا ... انصحج بالقروب ... وصدقيني بتستانسين لان فيه روح تعاون وتعارف يعني اذا الرحلة طويلة تلقين الي مسوي قهوه عربيه ويوزعها والي يوزع ككاو ... تحسين بوناسه والله .. بالنسبه لي لو بيدي اعيد تجربة القروب كل مره ....

واتمنى انج تجربينها وتستانسين .... واضمن لج من ناحية سكن و تنقل ... بس بخصوصا الرحلات هني صج شوي يكلف ... يعني مثلا وقت الرحله يقولولج مثلا اليوم رايحين مدينة العاب الشخص يدفع مثلا ٣٠ - ٤٠ يورو ... يكون هالثمن ثمن التوصيل فقط حتى تذكرة المدين مو محسوبة فهن شوي يكلفج مرات

بس ترا الرحلات مو ملزوومه تروحين وياهم كل رحله .. هذا اختياري ... بس لي رحتي وسافرتي ماتوقع بتطوفين الرحلات الا اذا مكان مايسوى ....
اتمنى افدتج ياحياتي ... سوري عالاطاله

 

[جوري 2007]

انا كله اسافر بروحي بس العام سافرت هولندا وبلجيكا وفرنسا قروب قلنا بنجرب والحمدلله توفقنا وياهم

متعه بصراحة وخوش ناس اللي ويانا والقايد شقردي باختصار ونااااااسه بس للاسف ريلي مايحب القروبات فبنسافر هالسنه بروحنا بعد

وانا ماكنت التزم بحريم ولا شي ولا اسولف الا لما ننطر الباصات او صادفنا بعض بمكان

واخذي الضحك والتعليقات بالباص ،، والاغلبيه الحين معاي عالواتس حتى بنتي استانست كلمن يبيها من صوب معنه عمرها 3 سنين ونص

وبث

 

[ღღ LoVe ღღ]

بنات مع اي مكاتب تعاملتوا ؟؟؟

 

[أم أنور]

والله انتي وحظج العام الله لايوريج الناس اللي معانا بالقروب والقايد رحنا مع المستقبل وامي وخواتي راحوا مره قروب وحيل استانسوا

 

[خشف بدو]

أنا رحت مع قروب سفريات الفضاء الصراحه حيل استأنست أحلى شي اهم حاجزين لج كل شي ومضبطين لج كل شي يعني بس كل يوم تقومين الصبح تريقين وتركبين الباص اهما مضبطين لج كل شي من رحلات وغيره نصيحه اذا اول مره تروحين روحي مع قروب

 

[MissChoco]

احنا جربنا القروب مرتين وصراحه روووووووووعه روعه روعه مادري يمكن العوايل الي ويانه ايننون حييل
خصوصا قروبنا باستراليا كنا وااايد وكنا كلنا ويا بعض ونروح ونيي ويا بعض مثلا الحريم ويا بعض والبنات والشباب مع بعض و ويانا القايد وعياله فحده ونااااسه
وقروبنا الثاني كان هدووء وذربين واستانسنا وياهم

 

[** ام ملك **]

حمستوني اجرب القروب صراحه

 

[Killer^Girl]

اذا تبين قروب روحي مع قروبات سفريات الفضاء
انا جربت مرة واستانست
اذا القروب الي وياكم حلو بتستانسون

 

[عبير-الشرق]

حبيبتي انا جربت اروح بالقروب احسن من ناحيه الراحه يعني الباص يجيج للفندق عشان تروحين الرحله والقايد يحجزلج كل شي وانتي مرتاحه خاصتا الاماكن السياحيه اذا مجموعه تطلع التذكره اقل من بروحكم التنقل من المطار الي الفندق والتنقل بين المناطق والدول من ضمن التذكره واذا بروحج تروحين لمحطه القطار وتحجزين بالنسبه للفنادق تسكنين بفندق 4 نجوم ويطلع عليج ارخص من لوتحجزينه بروحج بس بالنسبه الى لندن وباريس ماتحتاج لان كل اماكنها تروحين لها بالاندروجراند احنا لما رحنا بروحنا كلفنا دبل و عيوب القروب النطره يعني لنا تخلصين تنطرين القروب ليما يكتمل عشان تمشون ولما تروحين اي رحله يحددون لج وقت معين عشان تخلصين فيه المكان واحنا الحمدلله كان قروبنا ناس محترمين وقايدنا محترم وارتحنا معاه واذا ماحبيتي تروحين المكان موشرط تقدرين تروحين بروحج وكانت سفرياتنا الدبوس وكانت فنادقهم ممتازه وقايدنا موناسيه اسمه لان فعلا محترم بمعني الكلمه وانسان خلوق وشهادتي فيهم مجروحه واسمه عادل عبدالسلام ا سالو عنه بس والله العظيم مالي اي مصلحه ولالي علاقه بالمكتب لا من بعيد ولامن قريب وموقاعده اسوي دعايه لهم

 

[_كلي دلع_]

ماجربت

آآب لعيؤنج

 

[آنهار]

موووووووووووووووفقة بالسفره

 

[سنيوريتآ]

موفققـههه بـ آلسفففره ;*​

 

[الحلوه الامر]

موفقه حبيبتي بالسفره

و الله للاسف ما جربت القروب

 

[أم روعة]

انا مجربة القروبات أونس وأريح وأوفر
والحمدلله اللي كانوا معانا خوش ناس ومحترمين واستانسنا معاهم

 

[q.u.e.e.n]

ما جربت القروب وما افضل اني اسافر بجروب راسي وراس ريلي اريح لنا ما انتقيد في احد

 

[*^ *الليليم]

موفقه

أراءكم تشجع بالقروب .... ما كان طاري علي كلـــــــــــــــــش !!