من جربت جهاز كيندل - Kindle ؟؟

[Olaa]

السلام عليكم ورحمة الله

هاذي اول مشاركة لي معاكم :eh_s(22):

وعجبني ان في نادي للكتاب في هالمنتدى...:eh_s(15):

المهم يا غاليات من جربت منكم جهاز امازون كندل .... Kindle ؟؟

يا ريت تذكر لنا تجربتها.... وهل تحصلين كل الكتب فيه ؟؟
و شو مميزاته و عيوبه ؟؟

 

[م.بابونج]

انا جربت الكندل القديم , بصراحة كان وايد حلو و حجمه زين بس كانت مشكلته إنه ما تقدرين تتحكمين بالاضاءة بالجهاز و لا كبر الخط فكنت اتمشكل لما أقرا .. ليش جذي حولت عنه بالتوفيق

 

[زهـرة أيـلول]

انا أستخدم الايباد

أحسن وفي برامج متعدده للقراءه ومرتاحه عليه

 

[Olaa]

تسلمون خواتي لمشاركتكم

 

[:: Diva ::]

اعتقد انه ما يقرأ عربي
بس مو متأكده

 

[Marinz Mary]

مراحب حبوبه

توني شاريته لأختي مشكلته ماتقدرين تنزلين برامج لازم حساب امريكي
يعني بطاقه كويتيه وحساب امريكي يكتشفونج
نزلت كتب عادي من امازون بس الي لقيتهم ببلاش كتب اجنبيه
مايدعم العربي يبيله يطور لان الكتب العربيه حدج pdf اما الورد و التكست و المواقع العربيه مقطعه الحروف تطلع ..

 

[ام سعود ديكسون]

جنه الإيباد عملي اكثر >>> مو تجربتي أنا للأمانة
هالكلام علي تجربة وحدة من الصديقات

 

[_Taylor Swift_]

آآممم ..أنا أستعمل الايباد .. لان تقدرين تطرشيله كتب من الاب . .​

 

[Olaa]

تسلمون خواتي على ردودكم.....
والصراحه كنت محتاره بين الايباد والكيندل...واشوف الاغلبية يمدحون الايباد...

 

[B O B A]

انا استعمل جالكسي تاب

كتب pdf او txt

 

[غيدآء]

مشكووره صاحبة الموضوع

بصراحه استفدت كنت ناويه عليه بس هونت احسه حاله حال الاب توب يعني كله يعوور العين ماكو احلا من الورق ولمسته !

 

[3oosh <3 MJ]

الجلكسي والايباد وايد حلووين للقراءة، وتقدرين تستفيدين منهم فأشياء ثانية بعد
الكيندل حلو بس مايوصل مستواهم

 

[it_wasn't_me]

الفرق بين كندل والايباد انه الايباد السعه ماله ٦٣ غيغا (وفيه اقل طبعا) تقدرين تخزنين فيه عدد كبير جدا من الكتب وتنزلين عليه برامج ثانيه والعاب وغيره

الكندل ٨ غيغا لانه الكندل يعتمد انج تشترين الكتب من الامازون ويتخزن في الامازون كلاود يعني مهما اشتريتي من كتب بالالاف وبرامج تلفزيونيه وافلام ما راح ياخذ مساحه من الكندل لانه يتخزن في الكلاود امازون بس انتي مثلا تبين كتب عربيه تبين كتب من غير الكلاود امازون من مواقع ثانيه هالشي بتواجهين فيه مشكله في الكندل بما انه سعتها صغيره جدا

 

[Olaa]

أشكركم على ردودكم افادتني...يعطيكم الف عافيه... :eh_s(7):

وبالفعل الكتاب الورقي له نكهته الخاصه مهما كان...بس الاجهزه الحديثه سهولتها في التنقل او السفر