من حفر حفرة لاخيه وقع فيها

[وحدة من الناس *]

من حفرَ حفرة لأخيه .. وقع فيها
يضرب هذا المثل في الشخص الذي يحاول أن يخدع صاحبه .. فينقبل فعله الدنئ ضده

ايشرايكم بهذي العبارة

واذا اكتشفتي في يوم من الايام ان اعز رفيجاتج واللي تربيتو مع بعض من يوم كنتو صغار تغدر فيج وتحفر لج وغير جذي تفضحج بكل مكان

واذا واجهتيها تنكر مع ان المعلومات اللي سمعتيها من ناس ثانيه محد يعرفها غير هالصديقه

شنو ممكن تسوين مع هالصديقه ؟

 

[manoooram]

موضوعج حلو..
وربي يخلي زوجج وبناتج ويحفظ لج البيبي اللي ببطنج
وينور على ويه الدنيا سليم ومتعافى

وانا هالشي للأسف شفته بالواقع .. كل اللي ذكرتيه مر علي
والحمدالله انه شفته بعيني الحين
بس تدرين شنو الحل الأمثل مع هالفئة ؟؟؟

بكبرهم عزكم الله بسلة المهملات
ولا كأنهم موجودين بالحياة
لأن تضيع لحظه وحده من حياتج حتى بالتفكير فيهم حسافه وحرام
ما يستحقون ينشغل البال عليهم

 

[sadan111]

بكبرهم عزكم الله بسلة المهملات
ولا كأنهم موجودين بالحياة
لأن تضيع لحظه وحده من حياتج حتى بالتفكير فيهم حسافه وحرام
ما يستحقون ينشغل البال عليهم

معاج حق بس شلون ازرع هالشي فيني .. واخليه من طبعي
شكرا لصاحبة الموضوع ..

 

[كراميلا مرة]

شيء مؤسف بصراحه
وفي هالزمن كل شيء جايز
بس المفروض الواحد يختار الصديق المناسب

 

[جلكسيه اس 3]

تفضحني بكل مكان ما راح اواجهها بس باختصار
برفع ايديني و اقول حسبي الله و نعم الوكيل

 

[لحظآتَ]

بكل بساطة ينتهي كل شيء بيننا ...

لإن صداقتنا موضع شك , بتصير وقتها .. : )

ليش اتعب نفسي ؟

أكيد راح اكون حذره وخايفه أثناء كلامي معاها !! لا ازل مني ولا مناك وأقولها سر ما ابيها تعرفه

فبتصير صداقه ناقصه وسطحية

لذلك اقطعها من الآخر , وارتاح ..

 

[manoooram]

بعد اذنج صاحبة الموضوع
تسلم ايدج لحظآتَ على الكلام الحلو والقوي
وهذا الجواب على سؤالج Sadan111
برد اختي لحظآتَ ..
صح ليش نتعب نفسنا مع بشر العلاقة فيهم واضح النقص والفشل فيها
وكل من يتصيد على الثاني الأريح والأبرك نشتري نفسنا وراحة بالنا ونقطعها

 

[PuPa^^SWeeT]

وحدة من الناس



اذا من الامور والاسرار اللي انتي متاكدة انها بس اهي اللي اتعرف



وتاكدتي انها اهي اللي قالت


لايهمج كلامها ما قلت

سكتي عنها


و سطحي علاقتج وياها


انا مرت علي صدييقة جذي من الصغر تغيرت علي من احنا بالجامعة


ما اقوولج نفس هالوقاحة اللي على صديقتج


بس اتحسين انها تغيرت حييل


اضطريت اهني اني اقطع علاقتي فييها و انتهي خصوصا انه بعد الجامعة كل وحدة لها حياتها الخاصة اللهم الا اللي تبينها فعلا اتكون صديقتج دو الدوم


والانسان اللي ينزل نفسه للقيل و القال



و يتصيد على خلق الله ولا يدور الزلة عليهم ولا يفضح اسرارهم ولا ولا


هذا صدقييني مو بالاهمية اللي تذكر



انسيهم و قطيهم ورا ظهرج


ما يستاهلون اتفكرين بكلمة من كلماتهم اللي مثل قلووبهم السوودة نابعة من الحقد و الكره



ياليت لو نتطور شوي بمشاعرنا و ننسى الافات والاحقاد و الكراهية



بس اللي مايبي ينسى انتي شتبين فيه


وكلمة ياقلبي


اللي مايبيج لا تبينه


واللي ما يحفظ سرج و يحفظ كرامتج في اطار الصداقة المتعاهد عليها


تراه مو صديق ولا هو رفيق درب تأمنين نفسج عليه


سطحي العلاقة و بس

 

[brettey]

اواجهها الصراحه واشكره اقول لها هالسالفه محد يعرفها غيرج شلون انتشرت ؟
وطبعا راح اعطيها جم كلمه تسم البدن عشان تتادب واسحب عليها