من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

[seedo]

بصراحة انا اول مرة اسمع ان في حبوب تبييض؟؟؟و اول ما طرى على بالي وحدة اعرفها من عمرها سمرة فجأة قلبت بيضا وللحين محافظة على نفس البياض... واكتشفت بالصدفه انها تاخذ ابر جلوتاثيون :O_SHH_: ما شاءالله بشرتها رووووووووعة بياض+نضارة


قريت عن تجارب بعض البنات عن هالحبوب بس للحين ما لقيت الاجابة الشافيه ... رحت دورت بالمواقع الاجنبيه و مقالات علمية عن حبوب التبييض ولقيت الاجابات لمعظم تساؤلاتكم ........


اول شي هالحبوب مضادات للأكسدة و توجد بكميات طبيعية بالجسم بس مع التقدم بالعمر وحسب طبيعة جسم كل وحدة ومعدل عمليات الهدم والبناء بالجسم يكون مفعول هالمادة بطيء او غير فعال ....


glutathione موجودة بالخضراوات واللحوم وهالمادة تساعد الكبد على تنظيف الجسم من السموم وياخذونها مرضى السرطان عشان يفيدهم العلاج الكيماوي بالمحافظة على الخلايا السليمة والحد من انتشار الخلايا السرطانية عافانا الله واياكم من هالمرض الخطير ...

انيي لعمل هالحبوب ...الاثارالجانبية لهالحبوب اذا اخذتوها بكميات كبيرة اهي التبييض ..طيب اشلون؟؟؟

glutathione يوقف عمل الانزيم اللي يحول الخلايا ذات الصبغة البيضاء الوردية الى الصبغة الغامقه يعني يوقف انتاج مادة melanin (ميلانين) وهالمفعول بس على البشرة موالشعر ...وللاسف الانواع المغشوشه من هالحبوب اهي الضارة وممكن تغير لون الشعر الى الابيض...

طيب ليش ناخذ فيتامين سي مع هالحبوب؟؟؟ عشان يزيد امتصاص مادة الجلوتاثيون بالدم واتصير اكثر فعاليه...

الحين السؤال المهم؟؟؟ هل المادة هذي آمنه ؟؟؟ لحد الان اللي قريته من المقالات الاجنبيه انها مأمونه وخاصه ان الجسم يتخلص منها عن طريق الكليه بالبول لانها سهلة الذوبان بالماء وما يخزنها الجسم ولكن اصحاب امراض الكلى المزمنة والكبد لازم ياخذون استشارة طبية مضمونه


انزين هل لما اخذ هالحبوب اكيد بحصل على درجة البياض اللي ابيها ونفس بياض مايكل جاكسون؟ الاجابة ان البشره الحنطاوية تحصل نتيجة من شهرين الى اربع اشهر واصحاب البشرة السوداء من 4 اشهر الى 8 اشهر وتفتح البشرة طبيعيا 3 الى 6 درجات ويكون لون طبيعي مع نضارة ومو نفس مايكل جاكسون تحسون لونه مصطنع وغير طبيعي ... طبعا تعتمد النتيجة على درجة امتصاص الجسم وعلى الوزن وعلى معدل الايض...


انزين اقدر اخذ هالحبوب من الصيدليه او اي محل ثاني يبيع هالحبوب؟؟؟؟؟؟؟؟؟ الاجابة لااااااااااااااااااااااااااااا لان فيه انواع كثيرة مغشوشه ولازم اتراجعون طبيب جلدية واهو يوصفها لج مو تشترون من فلانه وعلانه ...

طيب هل تستخدمه الحامل او المرضع ؟؟ الاجابه لا

هل لما اترك الحبوب ترد لون بشرتي نفس قبل؟من خلال الاحصائيات وجدت الاجابه لا راح يستمر لونج طول ما انتي تستخدمين حماية للشمس ويكون SPF من 45 الى 60 يعني حماية قوية

الحين شنو الاحسن حبوب التبييض او ابر التبييض الجلوتاثيون؟ طبعا الابر مفعولها اسرع لانها تدخل الدورة الدموية مباشرة..


ونصيحة بنات قبل لا تستخدمون اي شي لازم تعرضون هالحبوب على دكتور كلى او كبد عشان يعطيج الاجابه الشافيه لان ممكن هالحبوب تضر هالعضوين الحساسين بالجسم


وسلامتكم ناطرة تجارب اللي استخدموا حبوب الجلوتاثيون

 

[النفوس الوافيه]

رد : من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

كل شي له مضاره ومحاسنه بس بالشكل العام الكل يستخدمها وما شافوا ضرر


بس عفوا اخت سيدو بغض النظر عن كلامج

كم (هل) موجوده بالموضوع:gr4uu:

 

[Hawaii]

رد : من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

مشكووووره موضوع رووووووووعه

 

[seedo]

رد : من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

كل شي له مضاره ومحاسنه بس بالشكل العام الكل يستخدمها وما شافوا ضرر


بس عفوا اخت سيدو بغض النظر عن كلامج

كم (هل) موجوده بالموضوع:gr4uu:

هههههههههههه مادري ما عديتهم عشان افيدج يا حظي :wqedqw:

 

[غزال الريمَ ! !]

رد : من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

مشكوره حبيبتي على الموضوع
ووايد اشوف ناس تستخدمهم
وانا ان شاء الله اول ماارجع من السفر بطق الابر بعيادة بيلا

 

[seedo]

رد : من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

رجاءا عشا أبرأ ذمتي اماام ربي ... لازم اتسوون تحليل للكبد والكلى و تعرضون هالتحاليل على الطبيب مع الحبوب

 

[أم عبوودي11]

اختي هالابر تستخدم يكافينا الشر حق اللي فيه برص علشان توحد لونهم فقولوا الحمدالله عالنعمة لاتلعبون بهالسوالف خطره لاصار لخبطة بمادة الميلامين

 

[seedo]

رد : من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

Up Up Up

 

[&موناليزا&]

رد : من خلال قراءتي لحبوب التبييض Glutathione ... اقروا هالمعلومات و فيدونا بتجاربكم

حبيبتي هذي الحبوب تأثر على الكبد على المدى الطويل وتسبب تليفات فيه ونتيجة التفتيح تشوفينها اوضح بعد 3 شهور تقريبا

حبووووووبه ان شالله البنوتات يفيدونج بالموضوع

عزيزتي رفع لعيووووووووووونج

 

[ᆻŠ вªĺŌÓŃă]

قبل لا نفكر بالتبيض ونهبب بروحنا فكروا شنو سبب اسمرار البشره عندكم شوفوا شنو تاكلون سوو تحاليل انا مت وابي اوخر سواد اللي تحت العيون ردت اخصائيه قالت قبل لا تسوين شي ولا تقطين فلوسج يمين ويسار شوفي شنو العله يعني نقص حديد او فقر دم كثرة السهر اكل النشويات بكثره او وراثي يعني لابد من مسببات لشي والتصبغات اللي بالجسم اكيد من الكبد وهاذي اشاره لج بان الكبد عندج تعبان
ترى الجسم مو حقل تجارب كل ماهبوا بشي رحتي تركضين تسوينه

والصحه كلها بالاكل الطبيعي ==<< علمي روحج لووووووووووووووووول
يلا موفقين واي شي نحسين له مضاعفات وخري عنه