من سنة 2006 وانا متملكه والى هذا اليوم ماادري متى بتزوج!!تآآآآآآبع

[ياحلااتي]

طبيعيه الجادل الصعب سفيرة العشق امواج الكويت ذوق بوتيك
ريمية مزيونه شيخة المزااين511 كرز حالي اوفر لوف مولدي لحظة لقاك
هيبة ملك مااي عسل في عسل اياام السرااب


اشكركم على ردودكم والله يوفقكم ويحقق كل احلامكم

من ناحية المهر هو معطيني المهر من مر سنه على ملكتتنا ادري تصرفاته غريبه

وانا يابنات ماراح ادق او اتخذ اي قرار اي بعد يومين او3 ايام لان بقعد اقرا قران وبصلي صلاة استخاااره 3 مراات

وبدعي والله يعين
اما من ناحية انه يقولي ترى ماابيج الله يقدرني ولا ابجي قدامه ولا قداام اي احد من اهله وبالعكس على الاقل ايخف قهر النطره
لان النطره اتعب وتتهد الحييل

 

[LuLiTa]

لاتدقين عليه ولاشئ
لو يبي يتفاهم هو دق عليج لأن رقمج مع أخته
يمه هذا نيته شينه
لاتدخلين معاه بأي شئ
خوفج يقول ماعندي مهر وإلا خذي لي من أمج فلوس
وإلا يسمعج كلام يغثج
خليه ياقلبي ولاتهتمين له
طرشي له ناس كبار مو انت
امج خوانج مو مشكله حتى لو صغار يعتبرون رجالج وسندج
الله يكفيج شره

صااج الاخت ,,هالريااال في شي بنيته ,,, حبووبة شلون يقول ما يبي احد يدخل بينكم و يطرش اخته عليج عشاان تعطيج الجواب ؟؟؟!!! عالاقل يرفع سماعة التلفون و يقولج هالحجي بنفسه مو رقمج عند اخته ؟؟؟

و لو انه جدي و صج يبيج جااان دق عليج و صاارت المبادرة منه مو منج انتي ,,,عدل و لا لأ ؟؟؟؟ ,,, طوول عمرنا انعرف انه الرياال اهوو اللي يبادر بهالشغلات مو المرة ادق عليه و اتقوووله تزوجني بسرعة الله يخليك ,,جذي انتي تقللين من قدرج و مقامج خصوصا انه ما في بينكم تواصل طوول هالمدة ,,,,لا يبه انتي عزيزة و غالية ,, خلي اهلج يتفاهمون معاااه عشاان يعرف انج لج ظهر و سند ,,, امج كلميها و ضغطي عليها اذا تقدرين قوليلها لي متى تبيج اظلين عندج معلقة بين السما و الارض,,, و اذا خوانج صغار خلي وااحد من عمامج يكلم ابوو المعرس ,, و يقوله اذا يرضى بهالوضع حق وحدة من بناااته ,,,

و ان شالله الله يفرجها عليج و على البنات اللي بنفس حالج بهالشهر الفضيل,,,,

 

[سنافيه قويه]

خوفج بعد هذا يطلع مو كفو

الله يعينج افتكي منه يجيج نصيبج ما عليج

وين اهلج

ترا باجر اهله ما ينفعونج لان قلبهم مو عليج واذا امه شماته يعينج الله عليها والله باجر ما تخليج اذا اهيا منقعتج 4 سنين شدعوه

اذا متفقين ان بينطر معاه حق واذا مافي اتفاق لا والله زوجج عايش عزوبيته ومستااااااانس وياخذ الزوجيه واحلى حياه واذا جيتي جنج جايه غصب يعني مو وقتج لانج انتي جبرتيه انا بفهم وين كل هالسنين شحقه اهلج بايعينج يمه شدعوه مولهدرجه تحجرررر والله حرام انتي اشوه ان قلبج حي قمتي ودقيتي وشفتي وضعج بس متاخر طبعا

انا اقول افتكي ولكن بالبدايه طبعا
دقي سلمي لا تستحين قوليله شلونك فلان عساك طيب متى تكون فاضي واكلمك
واسمحلي اذا اختك ووصلتلك المعلومه غلط كل الي بقوله لك يعني شدعوه؟ ما ودك تشوف مرتك؟ انا شوقتني لك ؟ يمكن ينضحك على الريال بهالكلام عادي قوليله انت منا وفينا وانا اخاف ان نفسك ما تبي العرس الحين وياختك انا الناس قامت تتكلم وانت ما يرضيك انا صدري وسيع والله عادي جانك مغصوب ماني لايمتك والحمدلله هذا نصيبي وكل واحد يشوف رزقه ويابن الحلال جان ناقصك شي مافيها شي انا مابي الكثير اذا على العرس والتكاليف هذي امي وامك يحلونها مافيها شيي بس وانا اختك ماترضى الكلام يجي وانت ما شفت مني شي وانا بنت بعيش حياتي بشوف نفسي والعمر يمشي ما ينطرني وينطرك والعمر له حق بس والله مافيها حسوفه على نطرتك انت ماسمعت عنك الا كل خير وتنشرى بالذهب .. انا مابيك ترد علي ولا تقولي شي ابيك تتصرف مع اهلك .. انا السنه هذي هي اخر وقت عندي وانته براحتك والكلمه كلمتك جزاك الله خير

وسكري التلفون

وانشالله كلامي مافيه غلط

 

[tolay]

كلميه من حقج

بس لاتقوليله يلااا ومتى تتزوجني

كلميه لكل ثقل وقوليله يافلان انا موحابه اكون معلقه بس بعرف انتي تبيني ؟؟؟ ليش الملجه طولت هل لك ظروف معينه ؟؟؟

قول اللي بخاطرك او قول الشي اللي يمنعك من الزواج انا مرتك بالشرع ومن حقي اعرف

دقي وقوليلنا شيصير

 

[متفائله بلا حظ]

ياحياتي عسى الله يوفقج ويسهل لج كل خير
ومدري ودي تدقين وماودي تدقين
استخيري عسى الله يكتب لج الخير كله
عاد فيه سالفه وحده اعرفها كذا بس السالفه طويله وسالفتج اهم اللحين
علمينا شصار عليج

 

[لمى...]

مرحبا حبيبتي ركزي في كلامي عدل

لأن هالموقف صار لوحدة تعز علي..............

حبيبتي صراحة أمج حيل موقفها سلبي بس يمكن حرام خجولة حيل...

المفروض مادقيتي أبدا على أخت زوجك والمفروض أمك هي االلي كلمت ولد عمك بطريقة ماتبين انها ملهوفة على زواجكم.....

بس ماعلينا من المفروض الحين صار اللي صار.....

أولا انتي مو متأكدة اذا كان كلام بنت عمج صحيح امية بالمية ..... هذي نقطة

ثانيا ماتدرين عن ردة فعله بالضبط شنو راح تكون على اتصالج ........

الحلول حبيبتي اخذي رقم زوجج وخلي أمج أو اي وحدة من خالاتج جريئة وتسوي نفسها انها امج هو مايعرف صوت امج بالضبط

لأنه سواءا كانت بنت عمج اللي اهي اخت زوجك صاجة بكلامها ولا تكذب تكونين طالعة من الموضوع.....

تقول أمج بالحرف الواحد (( مرحبا فلان شخبارك ياولدي انا حاسبتك واحد من عيالي وغلاتك من غلاة بنتي فلانه اللي اهي زوجتك

وحنا ياولدي محترمينكم كل هالسنين لأنكم عيال عم وأبوكم غالي علينا لكن ياولدي كل شي وله حد واللي له اول له اخر أما انك معلق بنتي

من 2006 وحنا الحين 2010 وهذا لايرضاه شرع ولا يرضاه بشر وبنتي الحمدلله جمال وأخلاق وماتستاهل هذا الشي وانت ياولدي ماترضاها

لأختك شلون ترضاها لبنت عمك اذا كنت تبي البنت ياولدي حنا بعد شارينك وخلص أمورك مثل كل الناس واذا ماتبيها بيت أبوها مو عايفها والله وكيلها ويرزقها ))

وهنا يبين موقفه أما انتي ياحبيبتي ماأنصحج لأن يكفي انهم وقفوا نصيبج أربع سنين بعد تروحين تشحذين زواجج لا حبيبتي احفظي نفسج

مهما كان كرامتك اعز من كل شي واذا الحين بددتيها وانتي مابعد دخلتي عليه شلون بيحافضلج على كرامتج

بعدين خلي الكبار هم يتصرفون أو ابقوا كما انتم .......

والله نصيحتي من قلبي ومن تجربة احد اعز قريباتي.............................

 

[مارغريتا]

لا تدقين لا تدقين كلش ما انصحج

خلي الرياييل يتدخلون اما انتي لا تحطين ايدج بالموضوع لا مسج ولا غيره

 

[LA TROO7]

لاتدقين مو حلوو بحقج

 

[أنا Top أنا]

رد : من سنة 2006 وانا متملكه والى هذا اليوم ماادري متى بتزوج!!تآآآآآآبع

لا تكلمينه يمكن ناويلج نيه مو زينه .. او بيطلع حرته لانج رفضتيه من الاول !!

والله ينخاف منه وبعدين اشدراج انه بنت عمج صاجه ؟؟ مااا تدرين !!

انا اقول خل ابوج يكلم عمج احسن .. او امج تكلم امه ..بعد مصيرج ولازم يخافون عليج ليمتى صابرين ؟؟

والله يتمم على خير ~

 

[kuwaitya_zoGaa]

خلى احد كبير يتكلم معاه مو انتى علشان يحس ان الموضوع رسمي ويحشم اللى اكبر منه
لكن اذ انتى اتصلتى متضمنين يقول لج كلمة تكسر بخاطرج

 

[Talyan Rose]

مرحبا حبيبتي ركزي في كلامي عدل

لأن هالموقف صار لوحدة تعز علي..............

حبيبتي صراحة أمج حيل موقفها سلبي بس يمكن حرام خجولة حيل...

المفروض مادقيتي أبدا على أخت زوجك والمفروض أمك هي االلي كلمت ولد عمك بطريقة ماتبين انها ملهوفة على زواجكم.....

بس ماعلينا من المفروض الحين صار اللي صار.....

أولا انتي مو متأكدة اذا كان كلام بنت عمج صحيح امية بالمية ..... هذي نقطة

ثانيا ماتدرين عن ردة فعله بالضبط شنو راح تكون على اتصالج ........

الحلول حبيبتي اخذي رقم زوجج وخلي أمج أو اي وحدة من خالاتج جريئة وتسوي نفسها انها امج هو مايعرف صوت امج بالضبط

لأنه سواءا كانت بنت عمج اللي اهي اخت زوجك صاجة بكلامها ولا تكذب تكونين طالعة من الموضوع.....

تقول أمج بالحرف الواحد (( مرحبا فلان شخبارك ياولدي انا حاسبتك واحد من عيالي وغلاتك من غلاة بنتي فلانه اللي اهي زوجتك

وحنا ياولدي محترمينكم كل هالسنين لأنكم عيال عم وأبوكم غالي علينا لكن ياولدي كل شي وله حد واللي له اول له اخر أما انك معلق بنتي

من 2006 وحنا الحين 2010 وهذا لايرضاه شرع ولا يرضاه بشر وبنتي الحمدلله جمال وأخلاق وماتستاهل هذا الشي وانت ياولدي ماترضاها

لأختك شلون ترضاها لبنت عمك اذا كنت تبي البنت ياولدي حنا بعد شارينك وخلص أمورك مثل كل الناس واذا ماتبيها بيت أبوها مو عايفها والله وكيلها ويرزقها ))

وهنا يبين موقفه أما انتي ياحبيبتي ماأنصحج لأن يكفي انهم وقفوا نصيبج أربع سنين بعد تروحين تشحذين زواجج لا حبيبتي احفظي نفسج

مهما كان كرامتك اعز من كل شي واذا الحين بددتيها وانتي مابعد دخلتي عليه شلون بيحافضلج على كرامتج

بعدين خلي الكبار هم يتصرفون أو ابقوا كما انتم .......

والله نصيحتي من قلبي ومن تجربة احد اعز قريباتي.............................

حبيبتي الله يوفقج وانا مع كل الكلام الي قالته لمى
وعين العقل الي قالته

 

[al-musk]

انا رايي لاتدقين خلا ص اخته وصلت المعلومة وكفت ووفت وحركته بايخه خليها تدق خير ان شاء الله!!!

انا قريت قصتج ومع امج واقفه تماما تدرين ليش لأن هم لا طرشو ولاتكلمو من 4 سنين سكتم بكتم...وهذا رايي والله يوفقج وخلي أبوج يكلم عمج او امج وشوفي شسالفه او خلي ابوج يكلم واحد من عمامج وهو الي يطري الموضوع عندهم

 

[DooLy88]

الله ايسر امورج حبيبتي اللهم آمين

 

[pяiήcєşš]

لاااااااا
لا ادقييين لو يبي يكلمج جان دق عليج مو رقمج عند اخته ؟؟ يمه شالعيااره !!

اكييد يبي يمسك علييج ممسك او يقول شي يغثج ... ردي كلمي اخته مره ثانيه وقوليلها انا ما ادق عليه انا يوم اكلمج عن الموضوع مو اترجاه انا الي ابيه يحدد مصيرنااا وبسسسس اذا نكمل او نهد بعض وكلن بهالدنيا ياخذ نصيبه واذاا قال نفسس الكلام قولي خلاص الرياجييل يتفاهمون معااااه .... احنا الحمدلله بخير ونعمه لاهو يقعد يجمع المهر ولا يبني البيت كل شي جااااهز ليييييييشششش هالتمطمط بهالسسسالفه !!!!


قهررررني والله اكيييد حاط عينه على وحده ومن جذي يماطل >>>

 

[أوكسجين]

اكيد تدقين ليش ماتدقين
و بعدين مو عيب ولا حرام هذا ريلج مالج عليج يعني زوجج على سنة الله ورسوله .. كلميه و تفاهمي معاه دام الموضوع بإيده
و اهو ماقال هالحجي الا يبي يتفاهم معاج انتي مايبيج تتفاهمين مع غيره بموضوع خاص فيكم ..
والله يوفقكم وايسر اموركم

معاها:eh_s(15):

 

[روح عاشقها]

الله يعينج

 

[من يشابه ديرتي]

رد : من سنة 2006 وانا متملكه والى هذا اليوم ماادري متى بتزوج!!تآآآآآآبع

ياقلبي لاتفكرين تدقيــن كلش ما أنصحج مبيـن اسلوبه مو ذاك لاتخلينه من البدايه يكسّـر فيج
هالأمور مو انتي الي تتحجين فيها مفروض ناس كبار
يبيله رياجيل مو حريم

والله يوفقج ان شاءالله ونسمع بعرسج قريب

 

[Anestazya]

خلاص اهو وصله الخبر وكلامج ولادقين بتعيدين نفس الكلام احقريه لما هو يجييج لاتحنين عليه

 

[i'm so happy]

الله يكون بعونج حبيبتي انا من رايي ماتدقين ولا ادزين مسج احسها مو حلوة شبتقولين له متى بتتزوجني!! ليش طايح حظج مثلا؟؟
ألف واحد يتمناج غيره ولا وصابره 4 سنين ترى جذي قاعد يضيع عمرج وشكله مايبي لو يبي يتزوج تزوج من زماااااان مو كل شوي
قال لا انتظرو لا نستعجل لا مادري شنو ؟؟!!!!! لي متى انتي وحده تبين الزبده والكلام كلام رجال مع بعضها خلي ابوج اكلمه واكلم ابوه بعد
المهم ان احد يتصرف من الرجاجيل ولا انتي عزت نفسج ماتسمح لج حبيبتي اتركيه نصيحة مني

وبالنهاية الراي رايج والله يوفقج ويهديه

 

[مس لوتس]

البنات ماقصروا وربي يوفقج