من صادها جذي و ولدت

[english muffin]

بناات بسألكم
الحين انا في التاسع ولين امشي كله فجأة يصيدني شد في الفخذ وماقدر امشي واضطر اوقف ويعورننني
شمعناته ذي ؟ من صادها جذي و ولدت ؟ انا في الاسبوع 37 و 5 ايام
وتحت وايد يعووورني بس مب دايما

 

[أبكاني ذنبي]

ماادري والله

اخذي من خبرات البنات وسالي دكتورتج

وعسى ربي يهون عليج ويقومج بالسلامه

 

[english muffin]

انا منزلة حق اخذ من خبرة البنات
موعدي اليوم الساعة 5 بس فيني فضول

 

[awashamen7asha]

انا صارلي جذي من السابع .. الله يعينج .. سويت أشياء خففت الشد بس ماراح كليا.. وانتي منسدحه الصبح او قبل لاتنامين تمغطي سوي استرتشات كثر ماتقدرين بعد سوي كم تمرين شد و انتي واقفه او انتي متنقعه بماي دافي.. بس مادري شنو السبب يمكن من راس البيبي

 

[نهاير]

انا صار فيني بالتاسع لما امشي يجيني شد عضلي بفخذي او حوضي وماقدر لا امشي ولا ارجع ولا اقدر اقعد حيل متعب الاحساس
لانه البيبي راسه نازل بالحوض ويضغط علي الفخوذ
بس بعد ولادتي قعدت شهر احس وركي مفتوحه والحمدالله الحين عادي

 

[english muffin]

نهاير
ايييي كله العظامة تطرقع وتطلع صوت

 

[روح الأحزان]

حبيبتي الله يقومج بالسلامة ان شاء الله وهذا طبيعي من ضغط البيبي

 

[Vip qatar]

حبيبتي الله يهون عليج وتقومين انتي والبيبي بالسلامة كان ودي افيدج بس للاسف انا ولادتي كانت قيصرية ان شاء الله البنات يفيدونج ^^"