من طالبة فاشلة الى متفوقة ... هل تصيير؟؟

[kuwait sand]

السلام عليكم و رحمة الله و بركاتة

بسم الله الرحمن الرحيم


انا طالبة في الجامعة..... لللاسف مالي شغل بالدراسة و درجاتي كلها D
وكل كورس صايرة اخذ F بمادة و اعيدها الكورس اللي وراة زهقت و معدلي حدث ولا حرج
لاهية بس مادري بشنو بالضبط ار من الجامعة د بس ابي الفراش ولمن اقعد اجابل التلقزيون ولا الانترنت

ولي بغيت ادرس جنة ابليس يتنطط جدامي و تييني ضيجة حتى لو ماعندي امتحان ..:eh_s(22):

والله تييني حالة اتخيل نفسي انة مهما راح ادرس ماراح اييب قريد ادري انها افكار سلبية بس مو قادرة اتخلص منها

ابيكم تساعدوني وتفهموني ابي اشياء اسويها كل يوم تغيير الروتين اللي انا فية والله قاعدة اكتبلكم وعندي امتحان فاينل و مو دارستلة

تصدقون والله بدال ما اروح ادرس اروح ابجي ...استغفر الله دراستي بجي

صدقوني انا مو كسلانة مو من النوع اللي يكرة الكلية والدراسة بس صج احس في حاجز بيني و بين الكتاب ولا احب اتاخر على المحاظرات بالعكس ملتزمة

حتى في بنات يقولونلي انة اول ما تعرفو على عبالهم شاطرة من التزامي بس بس يعرفون الدرجات

ابي شيء يغير هالروتين

ساعدوني تكفون

ترى هذا الواقع اللي انا فية بدون مبالغة

ناطرة الردود

 

[vogue grl]

اول شي انتي بلجامعه ومفروض تدرسين وايد ناس يتمنون يكونون بمكانج(انا:eh_s(3)
درسي صير نفس البنات اهم مو احسن منج
لازم لمن تردين من البيت تكونين مسويه برنامج الي يناسبج بعطيج مثال لمن تردين البيت دشي غرفتج هيئها لدراسه خليها مرتبه ومعطره
يعني الي يناسب مودج لدراسه واحطي موادج جدامج وابدي بلماده الي تستصعبينها لين توصلين لاسهل وحده يعني ذاكري ولخصي وسوي واجباتج وحضري ولمن تخلصين ريحي روحي قعدي شوي على نت وبعدها ردي ومسكي تلخصيج وبدي حفظي ماده صعبه او اذ ماكملتي تلخيصج كمليه حتى لو اخذ من ايام على اقل وقتج ماراح هدر ولا ضاع على ولاشي يعني انتي كل يوم تنتجين انجاز اليوم انجزتي تلخيص ماده
وذاكرتي وسويت وجباتج وحضرتي وطلعتي برزنتيشن لماده مثلا جذي يعني انتي اثمرت شي "
وبعد اذ ياج يوم استعسرتي دراسه موقادره صلي لج ركعتين حاجه وادعي ربج واستغفري ولو حتى اقري سورة البقره تره زينه

انا بحط لج ادعية من وحده من بنات تقول مؤثر للمذاكرة حفظتهم عندي:


دعاء قبل الدراسة:
اللهم انى أسألك فهم النبيين وحفظ الملائكة المقربين اللهم اجعل لسانى عامرا بذكرك وقلبى بخشيتك وسرى بطاعتك انك على كل شيء قدير وحسبنا الله ونعم الوكيل.

(ادعية اخرى تعين على تيسير الدراسة):
رب اشرح لى صدرى ويسر لى امرى واحلل عقدة من لسانى يفقهوا قولى.
اللهم لا سهل الا ما جعلته سهلا وأنت تجعل الحزن ما شئت سهلا .
ربنا أتنا من لدنا رحمة وهيئ لنا من أمرنا رشدا.

دعاء بعد الدراسة:
اللهم انى استودعك ما قرأت وما حفظت وما فهمت فرده عند حاجتى اليه انك على كل شىء قدير وحسبنا الله ونعم الوكيل.

عند التوجه للامتحان:
اللهم انى توكلت عليك وسلمت امرى اليك لا ملجأ ولا منجى منك الا اليك.
عند الدخول لقاعة الامتحان:
رب ادخلنى مدخل صدق واخرجنى مخرج صدق واجعل لى من لدنك سلطانا نصيرا.

عند بداية الاجابة:
رب اشرح لى صدرى ويسر لى امرى وأحلل عقدة من لسانى يفقهوا قولى بسم الله الفاتح..اللهم لا سهل الا ما جعلته سهلا يا أرحم الراحمين.

عند تعسير الاجابة:
لا اله الا انت سبحانك انى كنت من الظالمين يا حي يا قيوم برحمتك أستغيث.رب انى مسنى الضر وأنت ارحم الراحمين.

عند النسيان:
اللهم يا جامع الناس ليوم لا ريب فيه اجمع على ضالتى.

عند النهايه:
الحمد لله الذى هدانا لهذا وما كنا لنهتدى لولا ان هدانا الله


وقبل كل شي خلي يكون عندج ثقه وامل ويقين ان الله بوفقج ولو مو توفيقج من الله ماراح توصلين حتى لو وصلتي يمكن من باب الصدفه

والله يابنات لدرجه اني ما قمت استوعب شي الا بعد قرأتي للأدعيه


والله الفضل الاول والاخير على هالادعيه الله يوفقكم وينولكم مرادكم

وتحققون طموووحكم قوولي امييييييييين

منقول

وهذا لنك موضوعها: اقسم باللي خلقني ما طلعت من الثانويه وبنجاح مو متوقع من بعد فشل ورسوب الا هالشغله
http://www.q8yat.net/showthread.php?t=563409




وبعد بزيدج من كتاب اقراه اسمه 12 قانون كوني للنجاح فضيع هل كتاب..:
اشلون تذاكرين بفعاليه:-
1.قم بستطلاع الماده الي تهدف الى تعلمها مر عليها مرور الكرام
2.انتبه انتباها خاصا للفهرسه وجدول المحتويات وعناوين الفصول والموضوعات الفروعيه
2.اقرأها بعناية وتعرف على اسلوب الكاتب وعلى اسلوب الي قدمت به معلومات
4.دون ملاحظات موجزة
5.بعد استطلاع الماده دون الاسئله الي تتوقع ان تجيب عنها هذه المواد والتي تتمثل ماتتوقعه ان تتعلمهوما ان تنتهي من قراءة الماده حدد ما اذ كانت جميع الاسئلتك تمت الايجابه عليها او لا واذ تم الايجابه عليها قم بتدوين الاجوبة.
6.مراجعة المادة ركز على مادونته من ملاحظات ودون ملاحظات اضافيه اذ كان هذا ضروريا
راجع النقاط المهمة وركز على تعلمها واخيرا اختبر نفسك قم بقراءة ماتعلمته من المواد التي درستها بشكل شفاهي وهذه هي خطوه الاخيرة.




الغرض الاساسي لأستطلاع الماده وكتابة اسئلة المتعلقة بها هو ان تحفز عقلك وتستدعي كل ماتعرفه بلفعل حول المواد التي تدرسها وبينما تستطلع المواد اطلب من عقلك في هدوء وصمت من عقلك في هدوء وصمت ان يستدعي كل ماتعرفه حول موضوع الدراسه

 

[kuwait sand]

مشكوووورة حبيبتي vogue girl

عسالله يكتبلج بكل حرف حسنة والحسنة بعشر امثالها يارب

ما قصرتي ........... رديتيلي الامل

اول شيء بسوية بطبع الادعية واحطهم على المكتب اول ما ادرس راح اقراهم

وابي دعوتج حبيبتي الحين فترة امتحانات والكمية كلها على راسي ما درست منها شيء ادعيلي وانا ان شاء الله ماراح اقصر معاج بالدعاء


والله يوفقج وتدشين الجامعة والكلية اللي تبينها بعد........بس لا تسوين نفسي من دشيت الجامعة ما قمت ادرس ريحت على الاخر .. انتبهي

الله يوفقج و يسعدج

واي وحدة من الخوات عندها بعد شيء يفيد يريت تساعدني .... ومشكورين

 

[a7la_cutaaa]

والله جنج تتكلمييييييييييييييين عني قسما بالله كل حرف كتبتييييييييييييييه آااااااااانه نفسسسسسسسسسسسج وللاسف اني الحين تحسف توني خلصت امتحانات فاينل واطلعت ماديت وززززززفت ياريتهم ماطلعوووووووو

وايام الجااااااااامعه ماكو اتقولين وحده بالروضه ماااااااااااكو درااسه ومن اشوف الكتاب احس بقمته بصدري واببببببببجي ويضيع وقتي وابجي انزين درسي:/ لآ ماااااااااااااكو ابجي لاني ماعندي وقت وما اقدر ادرس احس إني مهما درست بسسسسسقط


وااااي لا ان شالله انعوض قولي ان شالله من الكورس الياااااااااي غييييييييييير وخل انحط في بالنا الجامعه مو طول العمر صح؟
ليش نتخرج بمعدل يفشششششششل

لازم نشد شوي


وموفقه حبيبتي يبتيها عالصميييييييييييييييم

 

[kuwait sand]

ان شاء الله اختي الله يسمع منج

بضيفج فريند اذا ما يضايقج و بنحاول ان شاء الله مع بعض نبدا بداية يديدة من الكورس الياي

و تقبلي منى هالدعاء

يارب وفقني وانا و اختي a7la_cutaa و نرفع معدلاتنا باذنك يا رب العالمين

 

[a7la_cutaaa]

حبيبتي انتي آكيد مآيضايقني :***
و آاااااااامين مشكوووووووووووره على الدعووووووه
وان شاء الله من الكورس الياااي غييييييييييييييييييييييييييييييييييييييييييير كل دام النفسيه تتعدل ونشيل من بالنا الاوهام من الاوائل نطلع << قوييييييييييه لول
لا يعني بقريدات زينه عشان يصعد المعدل ولا نضايق روحنا بالي راح خلاص مانقدر انسوي شي خل انشد الهمه بالي يااااي والكورس الياي موادي انا شوي يبيلها مجااابل بس ان شاء الله كل شي سهاااااااالااااااااات بخلي فبالي هالشي


وانتي بعد حبيبتي حتى لو اي ماده ماخذتها مخرعينج فيها صعبه وجذي لآء حطي في بالج كل شي دام يندرس مو صعب ومافي احد احسن من احد <<خوش صديقه على نصايحي هههههههههههههههههههههههه



موفقه ياااااااااا بعدهم وطمنينا عنج :**

 

[يغار الحلا]

والله العظيم كانج تكتبين عني


حتى انا البنات قالوا لي والله على بالنا انج شطاره كله اكون ف البيت

وكل حد من كثر ما انصحهم على بالهم انا شاطره



والله تعبت

تكفون ساعدوني تعبت ونفسيتي تعبت

ماابي اتم في البيت ابي الشهاده وابي ادرس بس ماادري ليش كله دي وسي والمعدل طااايح

الله يعين يااارب

بس انا قررت اشد حيلي اكثر هالكورس

وبدعي ربي وان شاء الله الله بيوفقنا يارب..

 

[kuwait sand]

احلى كيوتة ........... ان شاء الله يارب الله يسمع منج ........ و نبديها صح الكورس الياي

يغار الحلا الله يوفقج و نبدي كلنا بداية يديدة الكورس الياي

شكلي ببطل قروب على هالسالفة ........... وموفقين

 

[يغار الحلا]

ان شاء الله يارب ..

يبي لنا قروووووب ..

ويالله يدي بيد عشان نتفوق ....

 

[kuwaitya_zoGaa]

انا بعطيج برنامجى ... اوكى ؟؟؟

اول شغله لازم تفهمين ان هذا مستقبلج ... اذا انفصلتى من الجامعه وين بتروحين ؟؟
اول شى ... لازم الماده العلميه تكون كامله عندج يعنى اذا محاضره ناقصه ... او كتاب او شى لازم شغلج قبل الامتحان بوقت كامل .
الحين وقت الدراسه ... ازهب النسكافيه ... وافتح الكتاب اقريه قرايه عاديه ... يعنى تقريبا صفحتين ... ولخصيهم بأسلوبج .
ولما تخلخصين كمية الامتحان اقري وفهمى ... ويفضل تكتبين اللى فهمتيه لانه راح يثبت بمخج وتحفظينه .
وربي يوفقج ولا تنسين قبل لا تدرسين قولى بسم الله ...

 

[الغدق]

بناات أنا معاكم بعد بالجامعة
أنا وقت الامتحانات لا اتشوفيني كله مالي خلق وبس
فالحه مجابله النت ولا نايمه
بس أكو طريقة اسويها مع نفسي والله الحمدلله جابت نتيجة
طبعا على بداية الكورس أشوف كل مادة وكل دكتور شنو طريقته
واحط ببالي قريد معين أقدر أجيبه وادش موقع حساب المعدل
أشوف جم المفروض أجيب عشان ارفع معدلي اشوي أو اثبته
وخلاص وبس اتبل المدتيرمات طبعا اترد الحالة مالي خلق ادرس
احط تحدي بيني وبين نفسي أقول مو لازم اخلص كل الكمية
أبي بس لو نص الكمية وبخاطري أشبك أقول خلاص بس ادرس عشر صفحات
بعدين اشبك بوساعة وارد أكمل
ومرات أقول لاء لازم قبل لا أنام أكون مخلصه نص الكمية عشان اشبك
والا اطلع يعني أكافأ نفسي بنفسي أسوي مغريات لا واقول اذا ماخلصت الكمية ماكو لا شبكه
ولا حتى نوم اطيحله لوم بنفسي باجر اتحسف يطلع الامتحان سهل والكل درجاتهم مرتفعه الا انا
أنا استاهل ماانام لأني ضيعت وقتي وخلاص بس لعب
والله جاب نتيجة
وبعد ماتطلع درجة المدتيرم والبحث والحضور وهالسوالف
قبل الفاينل أكون متوقعه القريد عدل لأني عندي تقريب أغلب الدرجات بس باجي الفاينل
فاذا كان مجموعي مثلا46 أو 47 من 50أقول حرام لازم أشد حيلي عشان أخذ اي
كل هالتعب وأضيعه أخر شي
واذا كان معدلي نازل مثلا30 من 50 أتحدى نفسي لازم أخذ عالأقل بالفاينل 45 عشان
أخذ بي أو بي ماينس عرفتوا اشلون
وجربوا هالطريقة وان شاءالله تنفع
وادعولي
لأن لو احنا مو شطار مادشينا الجامعة واحنا نقدر
ودايما حطي ببالج أنا اقدر أجيب وإذا فقدتي الامل بالمادة تأملي الدكتور يزيد
قريد وتتشجعين جذي

 

[الغدق]

آسفة طولت بالحجي

 

[sandrella]

up
للفائدة

 

[كويتية صغيرة]

الإنسان اهو اللي يقرر شنو يبي يكون

اذا يبي يصير فاشل ......... راح يصير فاشل
و اذا يبي ينجح و أصر على النجاح .....راح ينجح


في ناس ظروفهم جدا صعبة ...... المادية (عليهم ديون) و أسرية (مشاكل) ..... و عيالهم متفوقين !!!!!!!
الدراسة و العلم نعمة من رب العالمين ..... و الحمدلله انها بديرتنا ببلاش ندرس جميع المراحل

في غيرك وايد يتمنون المكان اللي انتى فيه
لما تكبرين (ان شا الله العمر كله لك) ..... و بالأخص لما تشوفين غيرك معاشها على 300 و 400 لانها ماكملت دراستها ..... و تشوفين نفسك راح تقولين الحمدلله انى كملت و اخذت الشهادة

و من اللي ظروفهم صعبة اعطيك مثل:
في واحد كويتي اعرفه شخصيا (ألحين اهو شايب ) ..... كان ايام شبابه يشتغل حارس مدرسة (لاتعليم ولاشهادة) ...... بس عنده طموح (لاحظي حارس مدرسة) ..... كمل الثانوية مسائي و اخذ شهادة الثانوية ..... و بعدها دخل الجامعة و اخذ شهادة الجامعة ..... و ألحين محامي قد الدنيا على قولتهم .... و زرع بعياله حب العلم و كاهم ماشاء الله كلهم متفوقين ....... اذن لايوجد شيء مستحيل بالدنيا .... اللي يبي الشي يسويه



في هذا الزمن بالذات
ضعي في بالك نقطة واحدة و على طول خليها بمخك



الشهادة لك مو لأحد غيرك و اهي اللي ترفعك فوق عن حاجة الناس
مع مرور السنوات
ماراح ينفعك الا شهادتك

لازوج ..... ولا عيال ..... ولا اهل
شهادتك اهي اللي تعزك
و الله يوفقك ان شاء الله