من عندها فكره شلون اعلم القطوه تروح الحمام؟؟

[نجلاء العالم]

السلام بنات شلونكم؟
شخباركم ؟
ابي خبرتكم يامربيات القطط والي بصير منكم قريبا بشتري قطوه صغيره عمرها شهر ما ادري اذا متعلمه عل النظافه والروحه للحمام ولا لا؟:eh_s(10):
فلي تعرف طريقة تدريب القطه عل هذا الموضوع (الذهاب للحمام) اكون ممنووووووونه

انطر ردودكم الحلوه:eh_s(7):

 

[ابي فزعه]

رد : من عندها فكره شلون اعلم القطوه تروح الحمام؟؟

شوفي

انا جبت قطوتي صغيره تقريبآ شهر

وكانت ماتروح للحمام حتى انا خفت

المهم بعد يومين ثلاث لقيتها تدور حول نفسها وتروح عند الزاويه عرفت انها تبي تسوي حمام

المهم جبتلها كرتون وحطيت فيه تراب من قدام بيتنا من عند الزرع وحطيته عندها وركبتها فوق التراب وبعدها قامت تسويها

وكل ما سوت هالحركات النص كم <<يعنني مصريه ههههههههههه اوديها عند التراب وربي هي بنفسها تعودت صارت بعدين كل شوي تروح للتراب

 

[نجلاء العالم]

رد: رد : من عندها فكره شلون اعلم القطوه تروح الحمام؟؟

مشكوره اخت (ابي فزعه ) عل مرورج الي استفدت منه وااايد
واحنا عند ويهج اذا تبين فزعه
تقبلي تحياتي

 

[jawaa]

حبي بين فتره وفتره حطيها فوق التراب أهي راح تتعود بس خليه مكان تقدر تروحله وخذيلها تراب من الجمعيه او مركز سلطان صحي وانظف لان تراب الشارع ايب جراثيم ووصخ وريحه

 

[نجلاء العالم]

تسلمين jawaaعل ردج الجميل ....عاد القا هذا الرمل بالجمعيه اي جمعيه ووين اي قسم ؟؟؟؟؟؟ تكفين علميني

 

[قوتشي بنت LV]

حبيبتي الرمل تحصلينه بمركز سلطآن
< بقسم الـ pets ​

 

[MhooN]

حبيبتي نفس ماقالو البنات
أنا عن تجربتي قطوتي كانت عنووونه كل شوي احظها بالرمل و أخليها في لين تطلع بروحها يعني 4 مرات باليوم قطيها فيها راح تقعد تشمشم وتلعم فيه ويمكن نثره شويه بيدها انتي خليها لين تطلع بروحها
بس هاااااا حظي البوكس مال الرمل بمكان سهل و واضح يبين وسهل عليها تحفظه خليه شوي قريب من الأكل
وبالنشبه للرمل لااااااتاخذين من آلشارع ترا موزين وصخ ويع حرام هذي مالت بيوت أنا انصحج أخذي من مركز سلطان رملهم روووووووعه المكان إلي تبول في القطوه عزج الله يصير كره تشيلينها وتقطينها تصير مبينه يعني تنضيفه سهل ماله داعي تقطينه كله لااااا الوصخ يبين عندج اسمه thomas أحلى رمل جربته حتى ريحه مايطلع بس أخذي معاه الشبكه مالت تنظيف الرمل حبيبتي وأي شيء تبين قووولي حياااااااج

 

[كويتية و لكن]

حبيبتي بتلاقينه ب مركز سلطان

 

[نجلاء العالم]

اشكركم كلكم خواتي الي ردوا عل موضوعي
لا خلا ولا عدم

 

[نجلاء العالم]

زين خواتي ...شنو احسن ماركات الدراي فود ؟؟؟؟؟ وشنو تاكلون قطاوتكم من اكل البيت؟؟؟؟؟؟

 

[AmOoNa-]

حبيبتي تدريبالقطوه عالحمام سهل جدا هي غريزيا بتعرف
اللي عليج تسوينه اول ماتيبينها
تحطينلها تراب جدامها دايما ويمه شوي بعيد اكلها ومايها
وحطيها بالتراب جم مره عشان تحوس في وتستوعب هذا شنو
بتشوفينها بروحهااا تروحله اذا احتاجت وتقضي حاجتها
اي وقت حبيتي تغيرين في مكان صندوق ترابها
شيليها وحطيها داخله بعدين عشان تعرف مكانه اليديد
وبس

بخصوص الاكل موضوع اكل البيت انسيــة تماما
اذا شافتكم تاكلون يت وحاست عندكم ميخالف عطيها نتفه
بس اكثر من جذي لا لانه هذا مو الاكل المناسب حق القطط
احسن ماركه دراي فوود صراحه مادري بس انا من عمر استخدم friskies والحمدالله مرتاحه عليها
انصحج لاتعطين قطوتج غير الدراي فود وماي بسس هالشين فيهم قيمة غذائية كامممممله
وانا قطوي عمره 8 سنين والحمدالله صحته زينه وجسمه حلو وهذا اكله طول عمرة
بين فترة وفترة اعطية معلبات القطاوه بس اتضايق لانه ريحته تصير خايسه وحتى لمه يوصخ الريحه تزيد
وبس
اهم شي تره من تكمل شهرين في تطعيم اول بعدين تطعيم ثاني بعدين تطعيم سنوي لاتنسين

 

[نجلاء العالم]

حبيبتي امونه مشكووووره عل كل النصايح الحلوه اليقدمتيها لي................ممنونه يا امووونه