اشلونكم بنات وشخباركم ولهت عليكم وااايد ابي ابشركم يا احلى خوات بس طلبتكم قولوا ماشاء الله لانه مهما كان العيون تفز ممكن من غير قصد اذا تذكرون انا من اربع سنين تقريبا كتبت مشكلتي وكنت منهارة وتعبانه ووايد بنات بالمنتدى تعاطفوا معاي وماشرحت مشكلتي على العام بس المقربات مني يعرفونها انا كانت مشكلتي اهي طلاقي من بو عيالي ظلمني وظلم عيالي ومحاكم وقضايا عشان وحدة ماتسوى مطلقه وعندها بنتين وفوق هذا جييييكرة بشهادة الكل وخبيثة مع انها ضعيفه بس حتى جسمها مو حلو هدمت بيتي وتزوجها وعانيت وااايد وظلمي من مديري بعد يعني يتني المشاكل والمصايب دفعه وحده وبخلال هالثلاث سنين شاب راسي من الي شفته وكنت اقيم الليل وادعي واستغفر وصدقات حاشتني حالة زين ما ينيت ادور بالادعيه سويت حصر لجميع الادعيه وادعي وادعي وما القى الا المصايب وتتسكر اكثر واعترف مريت بحالات يأس وصلت للكفر خصوصا يوم شفت طليقي الي ظلمني توفق وتزوج وياب عيال منها وببداية الطلاق ترجيته يردني ونزلت نفسي مو حبا فيه مع انه كان هاملني وكان بارد معاي حتى حقي الشرعي بالحسرة والله العظيم وكان اي كلام بس بسرعة بيخلص بس عشان عيالي كنت ابيه يردني اعترف عمره ما مد ايده عليي لانه مايقدر اهو عارف انه حزتها راح اشرشحه بس كان برود واهمال وماكو مسؤولية وخيانات وبخل يلزمني ادفع اجار مع اهله لانه باعوا بيتهم وقال يا تساعدينا يا اطلقج ودفعت عشان بيتي بس اقسم بالله مو محللته وهم كنت مسلفته فلوس ماردهم وهم مو محللته ولا راح احلله عليهم طلقني قبل ولادتي بشهر وجدام عيالي الي انهاروا وعقب الطلاق على طول خطبها بس ابوه وقف في ويهه سنه كامله وعقب قال له كيفك بس ماراح امشي بزواجك وانا غضبان عليك مع انه اهو الكبير والمفضل عنده بس عشاني وعشان عياالي والمهم سافر تايلند وولدي الصغير عمره عشرين يوم دش المستشفى وانهرت وانا قيصريه تعبانه ثبت الطلاق يوم ولدت وكان مستانس ويضحك بالمحكمة وانا ابجي ومنهارة ومن تزوج مايدري عن عياله لوما ابوه الي ايي وياخذهم لانه واقف معاي وامه الي قمت فيها حرضته عليي لاني اختلفت معاها قبل الطلاق وخطبت له الي يبيها بس ورتها الضيم ليدرجة انها اعتذرت لي وقالت لي عرفت قيمتج انتي ماكو مثلج بس شعقبه وعمات عيالي الي كانوا واقفين معاي اهم وابو طليقي واللهم لا شماته هدمت بيتي زوجه طليقي وكاهو ميننها وخيانات ومستغلها خدامتي الي كانت عندي شالت ولدي الصغير والحقير يوم يت تسافر ما رضى يدفع غراماتها لان كان مسوي عليها بلاغ تغيب عناد فيني وحولوها ابعاد وانهرت انا واهي لاتنها تبي ترجع عقب عرس ولدها حسبي الله عليه قطع رزقتها وكل الي بمباحث الهجرة دعوا عليه الضباط والعسكريين بس قالوا ما بيدنا شي هذا الكلام كان عقب العيد الوطني هالسنة والمهم الحمدلله بدايه هالشهر عتقب عيد الفطر بجم يوم ملجت ربي عوضني وتزوجت بريال كل الرجوله والشهامه والطيبه فيه اخلاق وصلاة و حتى عيالي تعلقوا فيه وحبهم وحبوه اكثر من ابوهم لانه مو مقصر معاهم ولدي الصغير ابوه يقعد شهور مايشوفه مايعرفه قام يقول لزوجي بابا لانه شاف منه حنان الابو والحمدلله الحين اعيش اسعد ايامي ومديري الظالم بعد انقلوه الحمدلله ربي ماقصر واااايد عوضني واااايد واكثر شي شفت منه نتيجة سورة البقرة كل ما اقراها تتسهل اموري وينفتح نصيبي صج طويله بس تقدرون تجزؤونها باليوم والله انها بركة وراحة وسعادة رفيجتي نفس وضعي ونفس قصتي قرتها وربي عوضها ماشاء الله وتزوجت الحمدلله الله يهنيها والحمدلله رحت وسافرت مع زوجي وكاهو طليقي ميت يبي يسافر مو قادر لان مسويه له منع سفر اطالبه بمتجمد بمبالغ كبيرة ليدرجه ان محاميه كلم امي عشان يقلل النفقه بس امي شرشحتهم وقالت بنطلب زياده كون ان الحضانه بتكون عند اختي عشان مايطعن بصحة امي حسبي الله عليه اهو كان قايل لي في بدايه طلاقنا رفعي قضايا على كيفج انا قادر ادفع من بخله يطالع عياله بفلوسهم كله عشان خاطر زوجته وبناتها وعياله الي يابتهم منه ولد وبنت وماتت قهر يوم درت اني سافرت وغصب بتحرض عيالي عليي واهي عمرها ما سفرها ومخليها تصرف عليه عديم الرجولة خو اهو صلاة مايصلي وعانيت معاه خو السنه الي طافت يوم يابت له الولد ذلف تايلند حق خرابيطه وقبل لا يتزوجها طيح بتايلند وانا كنت اكل بعمري حرات وقهر حتى برزقي كنت متحسرة بس ربي ماقصر الي ابيه انكم تدعون لي ان الله يهنيني بحياتي اليديده مع زوجي وابيكم ما تياسون مهما كانت الظروف وهذه قصتي والله سبحانه ماقصر معاي بس اوصيكم بسورة البقرة والله يا بنات شي عجييييب عجيييب وعسى ربي يرزقكم كل ما تتمنونه ويفرح قلوبكم دنيا واخره
بس هذه قصتي لا منقولة ولا شي والي بتنقلها تكتب من منتدى كويتيات رجاءا واحبكم كلكم والحمدلله الحمدلله الحمدلله سبحانه سبحانه مايقصر كريم مايرد عبيده
بس هذه قصتي لا منقولة ولا شي والي بتنقلها تكتب من منتدى كويتيات رجاءا واحبكم كلكم والحمدلله الحمدلله الحمدلله سبحانه سبحانه مايقصر كريم مايرد عبيده
