من فينا الغلطان ؟؟ عطيني رايج بسالفتي مع صديقة عمري .....

[واشوقاه]

اهيا تضايقت لانكم رفيجات من عمر ولا قلتي لهاا وحزت بخاااطرهاا .. اذا انتي اقرب الناس لها مادرت الا ويا البنات ولا بعدها باسبوع ..

ماادري شكلج مو وياها حييل لو وياها حييل ع الاقل جاان اول ما ملجتي دزيتي مسج انتي من نفسج تفكريين فيهاا وناويه تعلمينه اول بأول ولا ع الاقل قبل لا تناميين ..

حراام يمكن مو قصدها لما قاالت انا اذا انخطبت ماراح اعلم الا لما املج يمكن قصدها النااس الي مو قرييبه منها بس انتي اكييد غيير ...

 

[جوزائيه مغروره]

تضايقت لانها توقعت انج بتقولين لها وبتخلينها تحضر معاج بكل مكان

 

[متيمة بالشعر]

حبيبتي انتي المفروض على الاقل لو تدزين لها مسج تقولين لها انج ملجتي بسسس مسج على الاقل طيب خاطر لان بينكم عشرة عمر ..
وبالنسبه كلامها الي قالته وواجهتيها فيه .. يمكن قالته وهي قاصده احد غيرج مو قاصدتج ..


بس بعد انتي مو غلطاانه لان بالنهايه هذي حيااتج والمفروض تفرح لج .. يمكن صح يحز بخاطرها بس ما تكبر السالفه لهدرجه .. بس فعلا انتي مو غلطاانه ....

عالعموم .. الله يردكم مثل اول اذا هالشي فيه خير لج والله يبعدها عنج اذا في ردتها لج شر ....

 

[Miss-majooodh]

والله البنات كفو ووفوا وانا اقول انج انتي غلطانه لو مرسله مسج عالأقل وقايلتلها مو فاضيه عادي حتى لو ماتقولين لها انج بتملجين


وهي مو حسد بس يمكن بتغار من زوجج

 

[Tom ♥ Jerry]

آمممم برايي آنتوا الاثنين غلطآنين

آنتي / ليش مآ قلتيلها و آنتي تقولين آغلى رفيجه عندج و من سنيييييين
يعني آكيد بيحز بخآطرها هالشي
على الاقل جان دزيتيلها مسج بالغلط و عطيتيها خبر
يمكن كآنت حآبه تروح معآج السووق تتسوق تشآركج الرآي !

اهيه ،/ اشدعوه تبجي و تكبر السالفه
المفروض حتى لو حآز بخآطرها مآ تبين لج عشان مآ تخرب ونآستج

 

[The Boutique]

الصراحه أختى أنتى الغلطانه .....واحط خط عليها بعد..المفروض تقولين لها على الأقل انخطبت
وين راحت العشره ؟؟والأيام والذكريات؟ويوم راحت السياره تبجى مو عشان تزوجتى ...الكل ينخطب ويتزوج ...حز بنفسها أنج ما قلتى لها ........لا تزعلين منى انتى ما تعرفين معنى الصداقه........
والله يهديكم ويصفى قلوبكم .

معاها حق تزعل شدعوه مافي وقت تبلغينها ؟؟؟ مجرد اتصال وين العشره ؟؟؟؟
شدعوه بتحسدج الناس كلها تتزوج بس انتي رفيجتها
ويوم قالت ماراح تعلم يمكن ماتقول للكل الا انتي بتعلمج
طيبي خاطرها انا اقول

 

[Dalal.E]

اي شي اي شي تزوجتي قبل لاتقوليلها !!
10000% انتي الغلطانه !!!
لما حددتو متى ملجتج على الأقل اتقوليلها ! اشدعوه تتزوجين خشيشي

بطيتي جبدي حدج،، انتي نظامج لا اخاف احد يحسدني !!!!!!
وييع

 

[وجدان الحلا]

حطي نفسج مكانها يعني غمضي عيونج وفكري انه اللي صارلج صارلها
اسمحيلي انتي ماقلتي لها خايفه تحسدج ومو قصة مالقيتي وقت
وبس

 

[tolay]

انتي غلطااااااااااااانه

امبيه رفيجتج من الصغر تملجين وماتقولين !!

اكيد شي يضايق ومن حقها تتضايق

عالاقل قوليلها عقب ماتشوفين الريال ويعجبج وتعجبينه

مو تملجين واهيه اخر من يعلم !!

ولاتقصين على نفسج وتقولين مشغوله ..... اللي يبي الشي يسويه لو شنو يصير بس انتي مالج نيه تقولين

خايفه تحسدج !!! انتي مو اول وحده تتزوجين حتى القطاوه يتزوجون !!

ورفيجتج قالت هالكلام اكيد قصدها عن البنات موقصدها انتي صديقتها ايام اول

انا رفيجتي بس انخطبت قالتلي علطووووول بدون لايصير شي رسمي وعطيتها رايي ووقفت معاها

وهذا رايي

 

[tolay]

>>>>>>>>>

 

[sara999]

والله شوفي يا قلبي الغلط الي ارتكبتيه انج ما عديتيها رفيجت عمر !!! شلووون؟؟!!!
لانج ما قلتيلها قبل البنات بالدوام يعني لو يوم ملجتي وخلصتي دقيتي مكالمه قصير وبكلام حلو فلانه حبيبتي ابي ابشرج بس عذريني تراني غبيت عشان ما يصير الي صار قبل والحمدالله انا ملجت وبس وعقبها داومتي بس انتي لا قتليلها اول ماملجتي ولا قبل الدوام ولا درت عنج حالها حال رفيجات الدوام ؟؟؟ مو حلوه بحقها


واهيا غلطانه تقولج هالكلمه انتي مو صديقتي او مافي بينا صداقه ؟؟!! شدعوه ولا تروح تبجي بالمواقف هالكثر يعني بس يمكن تحسست !!!

 

[DeCToOoRa]

لو انا مكانها وعلقولتج من الابتدائي مع بعض
بتحز بخاطري وبزعل .. اشلون ماتذكرتي تقولين لها عن احلى لحظه بحياتج دامكم حيل مع بعض

 

[احلام روحي]

صراحة صدمة

رفيجه عمري وتملج وتجهز وماتقولي

شدعوة يبااااا اقصاها رفعه سماعه افرحلها وشاركها فرحتها مو عقب اسبوع ادري ! مو مقنعه حدج لا ومسكره جهازج بعد

متعمده يعني !! ماادري شلون تتصرفون - الحين حزة الملجه امي تدق على كل حبايبنا وتفرحهم والبنت تكلم رفيجاتها

وتدز مسجات -- ورفيجتي الروح بالروح تدري بسوالفنا من الخطبه بعد

غريب تفكيرج وانا معى رفيجتج صراحة

 

[السهم الصويب]

واي تبطين الجبد

مو تقولين رفيجة عمرج .؟

شلون مايت ملجتج

لو انا منها اصك بابج

 

[عمرى شقا]

إش خانة العشرة والرفقة والصداقه ,,,, إذا اللى بينكم صداقه بمعنى صداقه

خابره الرفقة تكون على الحلوة والمره يتشاركون الافراح والاحزان ,,,,, ولما يصير معاى نفس اللى صار معاج

فأنا وحده من الناس أول وحده ممكن أعلمها بالخطبه إهى صديقتى رفيقة عمرى لأنى أدرى إنها راح تفرح لى بغض النظر

إذا صارت أو ماصارت وبعدين موعذر إنج مشغوله وتروحين للاسواق أعتقد مكالمه وحده أثناء مانتى بالسياره رايحه

السوق أو عقب ماتدرين من مشاويرج هذا إذا كنتى تحبينها وتعتبرينها رفيجتج معقوله رفيجة عمرج تدرى حالها حال

زميلاتج اللى بالمكتب أعتقد صدمه !!!!!!!!!!! وغير هذا ليش تعتبرينها حسوده حرام عليج يمكن إهى اللى أعتبرت

إنج خايفه من عينها علشان جذى حز بخاطرها وراحت تبجى لأنها صدمه ,,,,,,,,

وفى شغلة بقولها لج ولا تزعلين
بس هذا اللى حسيته من اللى كتبتيه عنها إنج ماتحبينها ذاك الزود ولاتعتبرينها صديقة عمر ممكن رفقة وزمالة بس صداقه

بمعنى الصداقه ماأعتقد الصديق يتكلم و يسئ لصديقه جذى ويعتبر إنه حسود وإذا على كلامها إنها ماراح تعلم أحد إذا

إنخطبت رد فعل طبيعى على اللى سويتيه معاها يعنى تحللين لنفسج وتحرمينه عليها شى غريب ومفهوم عجيب للصداقة