من قدكم يابنات الخليج

[خشف العوازم]

موضوع شفته في احد المنتديااات ابي رايكم

من قدكم يابنات الخليج

في استفتاء سوتة مجلة زهرة الخليج الاماراتية عن بنات الخليج

وكاااااانت النتائج هي:

جمال الوجه والشكل
الاولى : الكــويتيه
الثانية : السعــوديه
الثالثة : القطرية
الرابعة : الاماراتية
الخامسة : البحرينية
السادسة : العمانية

التعليم:
الاولى : السعودية
الثانية : الكويتية
الثالثة : البحرينية
الرابعة : الاماراتية
الخامسة : العمانية
السادسة : القطرية

الشياكه:
الاولى : الكويتية
الثانية : السعودية
الثالثة : الاماراتية
الرابعة : البحرينية
الخامسة : القطرية
السادسة : العمانية

التحرر من العادات والتقاليد:
الاولى : الكويتية
الثانية : الاماراتية
الثالثة : البحرينية
الرابعة : العمانية
الخامسة : القطرية
السادسة : السعودية

الالتزام الديني:
الأولى : السعودية
الثانية : العمانية
الثالثة : القطرية
الرابعة : البحرينية
الخامسة الاماراتية
السادسة : الكويتية

الدلع:
الأولى: كويتيه
الثانيه:بحرينيه
الثالثه:السعوديه
الرابعه:الاماراتيه
الخامسه:القطريه
السادسه:العمانيه
وسلامتكم
ـ ـ ـ ـ ـ ـ

 

[هجوري]

الله يجزاك الجنه ومن تحبين:eh_s(17):

 

[نورالدنيا***]

ويييييييييييييييييييي
صراحة فشله عند التحرر واللتزام الديني
والباجي صراحة يونس

خلاص ماراح اناديكم غير الجميلات احم احم

 

[* مـذهـلـه *]

و الله انا اقول هذا الاستفتاء مو مقياس بكل ديره فيها الحلوات و المتعلمات و الانيقات و المتدينات و المتحررات و الدلوعات يعني مو شرط ..​

 

[دندرمه]

والله فشله صراحه هذا سواد وجه مواستفتاء
شبيفيدنا الشياكه والجمال اذا سمعتنا اننا مومتمسكين بدينا عدل فشله
لاحظو انا اللي ضايقني سالفة الدين فقط
اما العادات والتقاليد انا اكثر وحده ضدها لانها اكثرها مومن الدين اكثرها جايه من عقول فارغه ومتخلفه ومتمسكين فيها تحت شعارالدين وهي لاتمت للدين بصله

 

[كويتيه مصرقعه]

بصرااحه عند الجمال والشيااكه صج ونااسه وداايما انا اشووف ان وااضح بنات الكويت هم اهل الشيااكه

والعادات والتقااليد انا اعشقها
تدروون اخذي جم شغله من عادات وتقاليد اهلنا وفكري فيها على روااق وبهدووء وبتعمق
بتلقينها عين العقل

وتحيااتي

 

[الشيماء]

الحمدلله يعني احنا يا السعوديات ما طلعنا من المراكز الاولى

 

[بنت بلادي]

آنا ما أوافق على شي واحد واهو ان الكويتيه آخر وحده بالالتزام الديني.... وجهة النظر هاذي غلط غلط غلط Xxx

وأول شي وقبل كل شي هالاستفتاء شنو ومنو اهي الشريحة اللي جاوبت عليه إذا كان الخليج فآنا أرفض بشده رايهم لأنهم دايما يقولون عنا ان احنا مو ملتزمين من الناحيه الدينييه.

وآنا بصفتي كويتيه أحب اقولهم إن الكويتيه أكثر وحده ملتزمه منالناحية الدينيه لأن الكويتيه اهي الوحيده اللي اذا تحجبت تحجبت بإختيارها ومن ذاتها مو غصبن عليها ولا هالشي ينفرض حسب العادات والتقاليد لأني اشوف بعض دول الخليج ملتزمين باللبس الاسلامي رغما عنهم واذا سافروا بره اتشوفينهم فري فري حد الفري.
لكن الكويتيه اذا تحجبت تحجبت بالكويت وبره الكويت وبعدين ترى اغلب الكويتيات متدينات ما عليكم من اللي اتشوفونه بالشوارع لو اتسوون احصائية بالمتدينات بالكويت جان لقيتوهم اكثر .... واكبر مثال: روحو المساجد الحين برمضان مافيها مكان فاضي وصاروا يحطون خيام من عدد الحريم الكبير اللي ما قامت تكفيه المساجد........ وتدرون لما انروح العمره والله ما اجذب عليكم الفقاره اللي بالحرم يعرفون الكويتيات ويركضون وراهم ووحده منهم قالتلنا انتو اهل الكويت اهل كرم احنا بس انشوف وحده كويتيه نفرح لأنكم مو مقصرين معانا واكثر ناس تعطونا وتساعدونا.

هذا رايي مع احترامي لآراء الجميع

 

[نـــور الـدنــيــا]

يعطيج العافيه

 

[$الـــحـــلاوه$]

انا رايي من راي مذهله

ويسلمووو عالموضوع

 

[العـذوب]

متى سووا هالاستبيان حبوبة .. أنا أشتغل في نفس المؤسسة اللي تصدر زهرة الخليج .. من أربع سنين لليوم ما مر علي هالاستبيان .. والغريب إن صار لي سنة ونص ما طلعت إجازة وزهرة الخليج اسبوعيا على مكتبي وأعرف اللي يشتغلون فيها بنت بنت .,. محد ياب طاري هالاستبيان ..




أعتقد هذا من بنات أفكار اللي كتب الموضوع ..



والسموحة

 

[الشيماء]

وتدرون لما انروح العمره والله ما اجذب عليكم الفقاره اللي بالحرم يعرفون الكويتيات ويركضون وراهم ووحده منهم قالتلنا انتو اهل الكويت اهل كرم احنا بس انشوف وحده كويتيه نفرح لأنكم مو مقصرين معانا واكثر ناس تعطونا وتساعدونا.
* * *
وانا بعد رايي من رايك ويا كثر المتدينات الكويتيات اللي اعرفهم والله يشهد لهم مو حنا :
اما قولك عن الفقراء اللي بالحرم انا اصدقك بس صدقيني مو فقراء هذولا ما فيه اغنى منهم و هم متسولين وفيه فرق بين الفقير والمتسول وهم يستانسون على الغريب لان اهل الحرم كاشفينهم وعارفين حركاتهم وعلى فكرة لو تلاحضين ترى هم افارقه يعني مو السعوديين

 

[بنت بلادي]

هلا والله اختي يواسف

والله احنا ما ندري شالسالفه ابصراحه اللي بشرتهم سمراء عرفنا عنهم انهم غشاشين لكن في افغانيات انعرفهم ما ندري اذا كانو صحيح فقاره والا لأ وانشاء الله ما يضيع الاجر عند الله دام انه في نية التصدق.

 

[أم طه الحولة]

بنت بلادي كلامج روعة ..

 

[مزيونه وشقره]

مشكوره يالغاليه

 

[ღ•»الًـجٌـوِرٌيّ«•ღ]

وانا بعد مع مذهله

مشكووره

 

[ii DareeN ii]

على اي اساس الكويتيه الاخيره بالالتزام الديني

 

[خشف العوازم]

هلا حبايبي مشكوورين على المرور والتعليق على موضوعي الاول بالقسم العام

اختي العذوب ابصراحه انا ما ادري من وين مصدره بالضبط مثل ماقلت لقيته في منتدى ثااني وحبيت اخذ رايكم فيه .

 

[ii DareeN ii]

والله ظالمينا احنا اخر ناس بالمستوى الديني ليش
عشان جم وحده فصخو بكل دول الخليج بنات يلبسون جذي اذا مو بديارهم برا
بس احنا عندنا المتحجبه متحجبه والمنقبه منقبه ودروس دين وجماعات دينيه ملتزمه رواد بهالمجال بين جميع دول المنطقه سواء بنات ولا رياييل مو عشان طلعولنا فئه فري صرنا بالاخير احنا شبابنا فيهم الخير والله ماهمني الزين والحلا والعلم كثر ما قهرني الدين ليش بالاخر

 

[خشف العوازم]

المشكله يشوفون اللي بالمسلسلات عبالهم كلهم كويتيااات وان المجتمع الكويتي كله جذي ومن ناحيه الدين الكويت من اكثر الدول التزاما بالدين الاسلامي