من قدكم يابنات الخليج

[روزالكويت]

والله فشله بالدين احنا اخر شي

 

[banoota_93]

اي و الله من قدنا

 

[female80]

على أي أساس صار هالاستبيان الغريب!!!
هل دخلوا بيت بيت وشافوا جمال البنات واحكموا!
وبعدين الصراحه تفاجأت ان الامارات من حيث الالتزام الديني والعادات والتقاليد في المراتب شبه الاخيره،،
معروف اهل الامارات للحين متمسكين بدينهم وبعاداتهم وتقاليدهم وتراثهم
وهذا شي واضح ما يباله دليل
مش مقتنعه ابدا بهالموضوع
مش لاني اماراتيه بس حسيت انه فعلا ظــــــــــــلم

 

[حبــوبــة الكــويت]

مقيااااس غلط بغلط كل ديره فيها الحلوين وغير الحلوين

وكل ديره فيها المتعلمين وغير المتعلمين وعن الشياكه فعلا الكويت ال # 1

لكن عن التحرر البحرين اهي #1 لانها ماشاء الله كل شي فيها حلال

وعن اللتزام بالدين فعلا الكويت فيها متحررين واااايد لكن مو معاناته ان اي احد بالدنيا كلها له الحق انه يسوي مقيااااس للديره كلها على حسب فكره

وعلى اي اساس قسم الدول بناحيه الدين ؟؟؟؟

اصلا السعوديه والالتزام الي فبها غصب مو طيب والدليل ان الناس ماصدقت تصير في مناطق متحرره عشان تروووح لها والدليل الاكبر ان السعوديات لما يطلعون برى ديرتهم يفصخون الحيى ومو كلهم طبعا وحتى الكويت فيها بنااات لما تطلع من بيت اهلها الله بالخير ؟؟؟؟​

 

[خشف العوازم]

تسلمووون حبايبي على المرور

 

[الشيماء]

[quote=حبــوبــة الكــويت

وعلى اي اساس قسم الدول بناحيه الدين ؟؟؟؟

اصلا السعوديه والالتزام الي فبها غصب مو طيب والدليل ان الناس ماصدقت تصير في مناطق متحرره عشان تروووح لها والدليل الاكبر ان السعوديات لما يطلعون برى ديرتهم يفصخون الحيى ومو كلهم طبعا وحتى الكويت فيها بنااات لما تطلع من بيت اهلها الله بالخير ؟؟؟؟
*********************************


يا ناس حرام عليكم والله حرام اتقو الله في هالرمضانية لا يروح صيامكم وتعبكم هباء منثورا وشمعنى تكلمتي عن السعودية وشنو العداوة بينك وبين السعودية
يا أختي حتى عندكم بالكويت مع انها بلد متفتحه شوي ومع ذلك يا كثر الكويتين/اللي يروحون لمصر ولبنان والدول الاسيوية

وانتي يا (حبــوبــة الكــويت )شنو دليلك على ان السعوديات بهذا الكلام اللي قلتيه مستعدة تتحملين ذنبهن ووزرهن يوم القيامه ترى هذا يعتبر رمي بالمحصنات وهي كبيرة من الكبائر

(استغفر الله العظيم من كل ذنب عظيم

 

[شاهة]

الالتزام الديني:
الأولى : السعودية
الثانية : العمانية
الثالثة : القطرية
الرابعة : البحرينية
الخامسة الاماراتية
السادسة : الكويتية :eh_s(12):

 

[الحياة]

ابيه احنا اخر شي عند الديانه والالتزام...!!!

يا فشلتني صج احنا نستانس اذا كنا كشيخات ومتعلمات وجميلات وخلوقات ايضا .. ودلوعات بعد ( احم احم)بس مو ملتزمات لا والحمدلله الكويت وايد فيها ملتزمات بشكل كبير بس اللي بالكويت السفور مو كلهم كويتيات في بعضهم عربيات يتكلمون كويتي نحسبو علينا كويتات وخربو سمعتنا الله يسامحهم ​

 

[نجمه*]

والله ظالمينا احنا اخر ناس بالمستوى الديني ليش
عشان جم وحده فصخو بكل دول الخليج بنات يلبسون جذي اذا مو بديارهم برا
بس احنا عندنا المتحجبه متحجبه والمنقبه منقبه ودروس دين وجماعات دينيه ملتزمه رواد بهالمجال بين جميع دول المنطقه سواء بنات ولا رياييل مو عشان طلعولنا فئه فري صرنا بالاخير احنا شبابنا فيهم الخير والله ماهمني الزين والحلا والعلم كثر ما قهرني الدين ليش بالاخر

مع دارين برايها:eh_s(9):

 

[أميرة الورد]

يا اني ما أحب هالموضوع سوى بلبلة بالمنتدى لما قال بس ما نخلص استغفر الله

 

[ام عباير]

بلا إستفتاء بلا بطيييييخ

آنا ما أوافق على شي واحد واهو ان الكويتيه آخر وحده بالالتزام الديني.... وجهة النظر هاذي غلط غلط غلط Xxx

وأول شي وقبل كل شي هالاستفتاء شنو ومنو اهي الشريحة اللي جاوبت عليه إذا كان الخليج فآنا أرفض بشده رايهم لأنهم دايما يقولون عنا ان احنا مو ملتزمين من الناحيه الدينييه.

وآنا بصفتي كويتيه أحب اقولهم إن الكويتيه أكثر وحده ملتزمه منالناحية الدينيه لأن الكويتيه اهي الوحيده اللي اذا تحجبت تحجبت بإختيارها ومن ذاتها مو غصبن عليها ولا هالشي ينفرض حسب العادات والتقاليد لأني اشوف بعض دول الخليج ملتزمين باللبس الاسلامي رغما عنهم واذا سافروا بره اتشوفينهم فري فري حد الفري.
لكن الكويتيه اذا تحجبت تحجبت بالكويت وبره الكويت وبعدين ترى اغلب الكويتيات متدينات ما عليكم من اللي اتشوفونه بالشوارع لو اتسوون احصائية بالمتدينات بالكويت جان لقيتوهم اكثر .... واكبر مثال: روحو المساجد الحين برمضان مافيها مكان فاضي وصاروا يحطون خيام من عدد الحريم الكبير اللي ما قامت تكفيه المساجد........ وتدرون لما انروح العمره والله ما اجذب عليكم الفقاره اللي بالحرم يعرفون الكويتيات ويركضون وراهم ووحده منهم قالتلنا انتو اهل الكويت اهل كرم احنا بس انشوف وحده كويتيه نفرح لأنكم مو مقصرين معانا واكثر ناس تعطونا وتساعدونا.

هذا رايي مع احترامي لآراء الجميع

صح اللسانج بنت بلادي :aha:

و هالآستفتاء مسوينه شريحه معينه على هواهم
و مايندرى بعد هو صج ولا لا كلام بس !!
و الدين والعقل و التعليم والزين والكشخه الحمدالله في بناتنا
و كلن و آخلاقه عاد

وربي يحفظ الكويت و آهل الكويت :q8:
​

 

[فتاة الورد]

بالعكس الالتزام الديني عندنا قوي .. يمكن هم يحكمون على اللبس
واحنا الحمدلله عندنا الحريه .. مو شرط وحده سفور ماعندها التزام ديني
بالعكس ياما بنات مو متحجبات ومو ناقصهم شي مايطوفهم فرض بس ناقصهم الحجاب
والله يهديهم...

 

[بطاطا]

ينسون كل ايجابياتنا و يتذكروون السللبياااات

بس هم مو صحيح

و هو راي و نحترمه

 

[fofowa_q8]

مشكوره على الموضوع

بس مااعترف بهالمقياس لان يختلف من بنت لي الثانيه وماله علاقه بالديره!!

 

[shai5at al3arab]

هوووو ليش الالتزام الديني مخلينا اخر شي ، ما اقبل ما اقبل

شحلاتهم الكويتيات والله ..

ياحليلنا

 

[No0oNh]

الالتزام الديني السادس

مافي شي نفتخر فيه

مشكووره عالموضووع

 

[la6ooofa]

انة رايي من راي بنت بلادي

 

[صمت الروح]

الله واكبر الكويت صارت اخر دول الخليج في دين الظاهر الليكاتب الموضوع نايم بالمريخ هههه

 

[بينكش]

عاد زهرة الخليج كل اللي فيها يشتغلون زلمات و الاكثريه لبنانيين هذيل شو دراهم عن الخليج وشقايل سووه الاستفتاء ؟ صراحه فيه اشياء واااايد غلط بس مااريد حد يزعل مني عشان جذيه ما برمس خاصه الالتزام بالتقاليد و الدين

 

[Anwaar]

انا بعد من راي مذهلة !!

مشكورة على الموضوع