من نزلت المنحه شسويتوا فيها؟؟@@

[انا من حقي اغير]

للأسف مااخذت منهم الا 60 دينار :eh_s(16)::eh_s(16):
ابوي محتاجهم لان نبي نزل بيتنا الجديد
:eh_s(22): يستااهل الواالد

 

[غلاي امي وزوجي]

راحت بالديووون والفواتير

والحمدلله ما يقصر بو ناصر

 

[غرشة عطر]

رد: رد : رد: رد : من نزلت المنحه شسويتوا فيها؟؟@@

اول شي الله يعطيه العافيه اميرنا الغالي ويخليه لنا يارب
المنحه للحين ماسحبتهاا لاني الحمدلله مومحتاجه ونزل معاشي قبل المنحه رحت شريت لي جم بدله وشوز وميك اب
ومنحة اعيالي وديتهم اليوم انا وزوجي شريت لهم بدل كشخه للصيف السوق كله صيفي وتعشينا بره وردينا خخخخخخخ وباجي فلوسهم كل واحد له حساب بروحه نخشها لهم ابرك

باسوي عملية ليزك لعيوني فديتهاا متعبتني وعميه ماشوف شي وعلي طول راسي مصدع وكل سنه باسوي باسوي وهالمره معززمه لووووووووووووووووول العيون اهم من السوق صراحه

اي نسيت ولدي الكبير شري لاب توب توشيبا غير حقه القديم بوطقه ايسر

 

[سيدة الذوق]

انا صكرت فيهم الفيزا 600 وباقي 400

 

[منوووووله]

الحمدالله الخير وايد

وعن نفسي سددت ديون ودفعت اقساط سيارتي مقدما وافتكيت واخيراا

ودفعت فواتير والباجي وزعتهم تبرعات الحمدالله يارب


وريلي نفس الشي سدد الي عليه والديون الله يخليلنا اياك يابو ناصر شلت هم كان على قلب الكويتين

امس بالمطار والله زحمه عند وزارة العدل الكل يبي يسدد ديونه

اكثرهم فكرو جذي حتى الغانم ويوريكا والاتصالات زحمه عالم الكل يدفع فواتيره الحمدالله يارب

فجيت ازمه يابوناصر الف الحمدالله << بتبجي

 

[om_dodo]

الحمد لله والشكر

 

[اجمل نساء 2011]

رد : من نزلت المنحه شسويتوا فيها؟؟@@

اول شي الله يطول بعمر شيخنا الغالي ابو ناصر فرج همنا عسى الله يعطيه الصحه والعافية



انا عن نفسي سددت فيها الفيزا ولله الحمد والمنة والفضل

سددت فيها شركة كانت باطة جبدي بط مزعجه


طلع نفنوق لعرس عندنا باجر الخميس

صالون العرس باجر فيها

سددت ناس واجد كانت تطلبني وباقي لي تقريبا 400 يالله لك لحمدلله والشكر طبعا هاذي المنحه مع معاشي:eh_s(9):

 

[chakletaA]

شكرا بابا صباح بفضل الله ثم صباح
تحققت الامنيه
الحمد لله والشكر
يارب من بعد الاستقاله ترزقني بوظيفه
احلى ماضنتي غير وزاره العدل
بس الاوقاف كوادرها حلوة نفس العدل
الله يوفقني ويرزقني علي قد نيتي الصافيه

 

[على الطيب تربيت]

رد : من نزلت المنحه شسويتوا فيها؟؟@@

الحمدلله حمدا كثيرا طيبا مبارك فيه

انا صكرت اقساطي بالمره الغانم 45

والرثعان 30

وميه خشيتهم عند أمي بعدين ارد عليها

وشريت نقال بسيط 35 استعمال مؤقت

صلحت نقالي القديم ولاب توبي فرمته

تسديد فواتير النت 50

خرابيط جمعيه 30


الوكاد باقيلي 650 بولد فيهم بإذن الله وان بقالي بخشهم


والله يطول بعمر الغالي صباح الخير

 

[فـراوله]

أنا للحين ما سويت فيها شيء

 

[ديانا سبنسر]

:krkrkr:للحين بالبنك ماسحبتها

مدري ليه تخيلت نفسي مثل رقية وسبيجة لما راحو ياخذون فلوس التثمين:krkrkr:

 

[مرايــــــــم]

انــــــا 200 عطيتهـــــم لامـى لانهـم بيقطـون فلـوس
وبيبنـــــون مسجــــد لابـوي اللـه يرحمـــــــه

و50 شريــــــت من سنتربوينــــــت لبناتــــي
و400 شريـــــت فيهـم اسـوارات ذهـــب
حاجزتهـم قبـل شهريـن وطلعتهـــــم

والباقـي بالبنــــــــــــك


وزوجـــــي اللـــــــه يخليـه لـي عطانــــي
فلــوس بناتــــــي وحطيتهــــم وديعـه في بيــــت
التمويــــــــل

 

[غربة الشوق]

رد : رد: من نزلت المنحه شسويتوا فيها؟؟@@

مااصرفتها خاشتها وقت حاجتي لها

 

[بشوررة]

رد: رد : رد: من نزلت المنحه شسويتوا فيها؟؟@@

انا لحد الحين ما انزلت

 

[nono93]

عن نفسي



سحبت خمسين دينار>>شريت خلطه وبخليها مصروف لي<<<

وبشتري جهاز مشي وبسوي دايت


وبسوي اسناني

والباقي بخشهممممممممممممم

 

[♥ SWeeRa ♥]

رد : من نزلت المنحه شسويتوا فيها؟؟@@

ماسويت فيها شي للحين


بس ناويه اي فون وبس


مابي العب فيها

 

[miss^^^eng]

انا ماقدر اصرفها حاليا بنكي البنك الاهلي العجيب مو منزلين الالف بحساباتنا لازم نروح احنا لي عندهم و ناخذها او نسويلها ايداع و تعيزت اروح امس و الحين لازم انطر لي الثلاثا بس احسن خيره عشان ما افسفسها عالسوق بهالعطله

 

[FLAKE]

الله يخليلنا أبونا الغالي الشيخ صباح الأحمد

أنا أحس إني لعبت فيها بس يلا العمر مرة ..b:

شريت لولدي لبس الصيف لان ماعنده شي الصيف الي طاف كان عمره 7 شهور فشريتله من الى من سنتربوينت بـ 59 دينار

لقيتلي جنطتين حلوات شريتهم و عجبني شال بسويه على دراعة و اشتريت لخواتي كل وحدة بدلة بفرحهم ..

دفعت فواتير تلفوني 88 دينار و دفعت لابوي و امي فواتيرهم بعد 102 دينار

اشتريت جهاز رياضي 49

وفيت دين على 100 دينار

و 50 دينار داشه جمعيه

و رحت الطبيب سويت ليزر لوجهي مع الكريمات 68 دينار


و خاشه 250 دينار لان بسكن شقة جديدة فابيها اشتري جم شغلة لبيتي


شريت لزوجي ساعة هدية لان عيد ميلاده قرب 35 دينار و خاتم فضة بعد الخصم 15 دينار و ناوية اروح اشتريله اليوم جوتي عزكم الله حلو و مسوين عليه تخفيضات صاير بـ5 دنانير


و اشتريت عطر عاجبني من زمان 24 دينار

و يمكن طيرت 50 دينار بين بقالة و حلو و طلعت ولدي لعبته و وووو ... إلخ خرابيط ..



و الحين صافي لي 200 دينار مادري شسوي فيهم ؟؟

 

[يغارون مني]

انا الحين ما سويت فيهم شىء بس منحه اعيالي يذمة ابوهم

 

[جميله وجذابه]

الحمدلله رب العالمين و شكرا لابونا صباح

انا المنحه ما جستها خاشتها للمستقبل ان شاء الله ما ابي اصرفها على سوق وو خرابيط مالها داعي

و الحمدلله المعاش كافي و يزيد و كله بركه من رب العالمين