من هو الشخص الذي تتجنب الجلوس معه؟؟؟

[موتي ولادمعه امي]

السلام عليكم ورحمه الله وبركاته

كلنا يختلف عن الأخر في اختيار من يجالسهم ويعاشرهم,,,,
من هو الشخص الذي تتحاشى تواجده معك في نفس المكان........
الذي تعتقد انك لاتستطيع التعايش معه........

ليس شخصا" بعينه انما بطبعه ربما يكون............؟


الأناني


او المغرور

او البخيل


او الطيب جدا"

او المتشائم جدا"

او الثرثار

والصامت كثير


اذن السؤال المطروح اليوم........


من هو الشخص الذي تتجنب الجلوس معه؟؟؟؟
اجب علينا بكل صراحه ولماذاااااااااااااااا؟؟!!!!!:eh_s(10):

 

[softlady]

انا اقولج

ما اواطن وحده ما اتثمن كلامها

وماعندها سنع بالحجي ولا ذرابه

يعني السانها يلوط اذانها ما احب جذي ويع ويع

صج اتحاشاها



مشكوره على الموضوع والفكره الحلوه

 

[أعرف قدر نفسي]

انا ما احب اللي من نقعد تذم وانها دايما مظلومة وقصب سمعوا كلامي

او اللي عيوز وتتدلع بكلامها


او اللي غصب انا ام الافكار والناس قلدتنى

ياكثرهم بدوامى

 

[*سكون*]

ما احب أقعد مع وحده تتكلم عن الناس وتغتابهم

 

[zahraa]

ما احب اقعد مع المغروره والي شايف روحه وتتفلسف وتقول أنا و أنا:wqedqw:
والبخيله :nocommint:
والساكته غصب تتكلم :050103nbh_prv:
والي احس ان عندها سوالف مع شباب وقلت ادب على انها صداقه:friends:
ونقالة الحجي تقول كل شي بعدين تقول لا تقولين اني انا الي قلت:050103nbh_prv:
والعيزانه من عمرها اي الكسوله:0bee2e8d89:

 

[ناعمة]

يزاج الله خير عالموضوع الحلو ، انا ما احب اقعد مع المغرورة . و ما احب اللي تخرب الصداقات بين البنات تطلع عليهم حجي مو صج . و ما احب اللي مالها خلق احد طول الوقت !! .

 

[كندية]

ممممممممممممممممممم والله وايد...
يعني مااحب اللي ماعندا غير انا جذي وانا سويت ماتتكلم اللي عن نفسها وتكون شايفة عمرها وتعرفين كلامها كل جذب او يكون صج وتحب تحسسج انج اقل منها وعمرج ماراح توصلين حق قدرها...

ومااحب اللي تدرين انها ماتحبج بس تتصنع...
ومااحب المتشائم

مشكوووووره على الموضوع​

 

[غنوة ستايل]

ما احب اقعد مع المغروووره اللي شايفه نفسها و اللي دائما انا رحت
انا سويت انا شريت انا شفت انا ....... انا ... انا

 

[rzaan77]

اكيد الوحده الى شايفه ونفسها وتتفلس وايد
او انانيه

 

[pretty sarona]

ما احب اللي جدامج شي ووراج شي .. و يدورون لج الزلة ,, يعني المنافقين

 

[al7anona]

اانا بعد اللي مايثمن كلامه واسلوبه مو شي مااحب اقعد معاه واللي ينرفزون ويحبون يمشون كلامهم حتى لو غغلط قعدتهم مو شي كلش واللي قعدتهم تهزيء بتهزيء على الناس هم مو شي قعدتهم تقمت

 

[june_m00n]

ما احب اللي تنقل الحجي طفارتي هالشي
والمغروره بس اتبين انه اهيا طبعها جذي مو مغروره هههههههه
ولا احب الممله
ولا احب اللي تعيد سوالفها ههههههههههه

ولا احب اللي جدامي اتينن ومن وراي طايحتله قراض


ولا احب اللي لما تقولين لها واي شفتي شصار لي تقول ما شفتي شي انا صار اكثر
يعني تصغر سالفتج جدام سوالفها
او حمدي ربججججججججج انا جذي وجذي
باختصار انا الزينه اللي ما مثلي وانا اللي يحبوني وانا اللي اينن وانا معبودة الجماهير هههههههه

 

[مرت ريلي]

المناااافق

 

[شاهة]

الي ما يخاف ربة لان كل شي توقعي منه

 

[موتي ولادمعه امي]

<<<<<<<<<<<< اسعدني مروركم خواتي العزبزات>>>>>>>>>>>>>>>>>>

ودمتم بصحه وعااااااافيه

 

[نووووونا]

ما احب اقعد مع القرقه

الثرثاره ولا الحشاشه ولا نقالة الحكى

 

[عالي مستواها]

ما أحب أقعد ما الفاشله

لأن الفشل معدي مثل ما النجاح معدي

فأجالس شخص من مستواي أو أحسن مني " يعني ماهر بشغله أنا مالي فيها أستفيد منه ويعلمني اشياء جديدة مثل ما أنا أعلمه "

ما أحب أجالس الشخص كاتم العلم أكرهه وأحقد عليه .. يعني باخذ منج أفكار ومعلومات وشغلات وأنا ما أبي أعطيج لو كلمة تفيدج

ما أحب الشخص المغرور كلش .. اعامله باحتقار وحده ويانا بالدوام مشالله الحق ينقال شغلها مو طبيعي وخبرة قديمة بس هذا ما يستدعي أنها تصدق عمرها أقصاها ..... طووووط طوووط .... <=== مشفر هههههههههههههههه

بشكل عام أنا اعامل الناس مثل ما تعاملني شفت وحده حقيرة أصير أحقر منها وإذا طيبة أخدمها من عيوني ..

أكره المنافق واللي كلامه غير فعله

وبعدين سبحان الله فيه حديث للنبي عليه الصلاة والسلام لا يحضرني صراحة الحين لكن بما معناه ان القلوب ما تشابه منها أتلف يعني الحقوده والأنانية بتقعد مع وحدة مثل طينتها عارفتلها والطيبة الحبوبه بتجالس ناس من شكلها وجذي

 

[أم البنين]

ما احب الوحدة اللي بس تمدح بنفسها وتعتبر الناس مو مثلها
وكله تقول انا وانا وبناتي وريلي وووو واااع انغث من هالناس

وما احب وحدة بس قاعدة تتشكى وتتشكى من اعيالها ومن ريلها
وفيها كل العلل وكله مريضة وجنها اهي الوحيدة اللي شايله هموم الدنيا فوق راسها
وان اهي الوحيدة المستحملة

وما احب وحدة ام ويهين

 

[nono78]

ما احب أقعد مع وحده تتكلم عن الناس وتغتابهم

و المنافقين

الجذابة

 

[[]نهاوند[]]

ما احب افعد مع الثرثاره اللي تفر راسج بسوالف تسد النفس مثل وجهها وتحش بوحده ولما تشوفها تطير فيها

وما احب اقعد مع كثيرة الاسئله اللي تستلمني وتفتح لي ملف تحقيق

وما احب المره اللي تمدح نفسها وتمدح بناتها وهم شيف استغفرالله العظيم​