من هو الشخص الذي تتجنب الجلوس معه؟؟؟

[البسمه الخجوله]

انا ماحب اقعد مع اللي ( اسلوبها دفش ) وتقط الكلام بدووووووون تفكير وتمشي وتجرح بالاوادم باسلوبها الهمجي ( ياكثرهم عندنا ) وانا اتحاشاهم ( ماني مجبوره اتحملهم )




اصلا انا اسمي اي وحده اسلوبها دفش وهمجي ( سفيهه )

 

[ii DareeN ii]

مشكوره على الموضوع اختي اولا

بنسبه لي

1-ماحب المتعاليه الي تتعامل بفوقيه
2-ماحب الي تتشكى وايد وتحن وتطحن الجبد جن محد عنده مصايب بالدنيا غيرها كل في قلبه شقى
3-ماحب الي تخاف وايد من الحسد وكل بعقلها الناس حاسدينها وساحرينها وسوالف الخزعبلات
4-ماحب الي تقط حجي ماتثمنه وتجرح بالكلام وبالاخير تقلبها ضحك
5-ماحب بذيئه اللسان كلش ماحبها ولا الخفيفه

سادسا واخيرا احب اقعد ويا الانسانه البسيطه الراكده الي نيتها صافيه ويا الناس تسولف من قلبها ولا شايله على احد ولا احد يشيل عليها واحب النصوحه الي تحب من قلبها الانسانه الي جدامها

 

[Om_RayooMa]

الجذاااااااااااااااااااااااااابه
الرقله
الوقحه اللي تقط حجي وماتثمنه
المنافقه اللي ماتقعد عندج الا تبي تعرف شي قطييييييييعه

 

[shusha]

ما احب اللي تخزني خز وتكون عاجبتها شغله لابستها .. وعقب مده اشوف هالشغله عندها

ما احب اللي تلقف مني شنو بشتري وتسبقني وتشتريه

ما احب اللي تقارن حياتها بحياتي

ما احب اللي عينها ضيجه .. وعينها على اللقمه اللي تاكلينها

شقول وشخلي .. بتقولولي شنو تحبين عيل
( هالانسانه لوعت جبد جبدي )

هذا غير بعض الصفات اللي اذكروها الخوات قبلي

ما اقول الا الله يعين هالانسانة على نفسها

 

[برشلونيه]

ماحب اللي تسوي روحها كلش وانا وانا

وماحب الانانيه اللي من تحت لي تحت واهم ماعليها مصلحتها عقب تقطج وجنه الورد


وماحب قليلة الادب اللي ماتثمن كلامها هاذي بالذات العن خيرها الخير

وماحب الخفيفه الرقله هاذي ان اقعدت يمي نقدتها على عمرها خليتها بيزه ماتسوى

 

[~ miss NERD ~]

الأناني


او المغرور

او البخيل


او الطيب جدا"

او المتشائم جدا"

او الثرثار

والصامت كثير





كل اللي قلتيهم حتى الطيب حييييييل مرات يبط جبدي

 

[الشايعية]

انا ما أداني المهــايطيه

والجــذاااااابــه

واللي ماتحترم احــد <<<<<<<<<<اهــم شي عندي

 

[كـ غلا ــلي]

انا ما حب اقعد البنات اللي تتشكى عاد في وحده بدوامي الله يذكرها بالخير وااااااااااي ودي اقطع هدومي منها تصدع

راس عالفاضي وانا شكو تتشكيلي تخليني وااااااااي شقول يعني الله كريم لوووووووعه هاذا اللي اقدر اقول عليه

وللا مرات متشائمه ... لايحوووووشك بووووووووومه قاعده

هذولي اكثر شي يغثوني ولا اتحمل القعده معاهم

وطفارتي الزرافات ... يعني المغرورات اللي شايفين عمرهم ومصدقين روحهم

اما اللي تتشيحط فهاذي القعده معاها تسليه اموووووووووووت على تصيد جذباتها واحراجها

 

[سارونهh_a_z]

ماااااااااااا احب نقاله الحجي


ولا احب الغيوووووووووووووووورة اوووووووووووووووووووف لايحووووشج

والجذااااااااااابة

 

[حبنا الله عليه]

قولي اتجنب الحديث معاهم بغير العمل

لأن ماتقدرين تتجنبين مجالستهم والعمل :050103nbh_prv:يفرض عليج ناس أشكال وأرناق

وبعد يحسون انهم مومرغوبين ويقطون وجيهم


:23_asmilies-com::23_asmilies-com::23_asmilies-com:

 

[موتي ولادمعه امي]

تسلمولي حبيباتي ,, والله لايحرمني من مروركم

 

[ميراندا]

أكره الانسانه كثيرة الشكوى .. لأنها تهدر طاقتي .. تمتص طاقتي الايجابية و تبث طاقتها السلبية في الأجواء من حولي فتشعرني بالكآبه ..
عموما الشكوى لغير الله مذله

ايضا اكره مجالسه المغتابين و النمامين

---------------------

بشكل عام كنت أود لو كان سؤال الموضوع من هي التي تحبين الجلوس معها .. ؟؟
فهذا افضل و يبث بالروح الراحه و السكينه

اتمنى من كل واحده ان تجيب على السؤالين و ترى الفرق بين شعورها بالسؤال الأول و شعورها بالسؤال الثاني

احب مجالسه من تتزيد معلوماتي .. تضيف لي معلومه و اضيف لها معلومه جديده
من تشجعني و تدفعني لمواصله العلم و النجاح و التطور
أحب الجلوس مع الذاكرين لله
و مع المتفائلين و المرحين
احب مجالسه كل واحده تشغل وقتي و وقتها بالخير و الذكر و العلم



​

 

[lulucaty]

ممممممممممممممممممممم والله موضوعج وايد حلو

بس بمنو ابلش ممم
ما احب احد يقعد معاه وي يبين لى انه صديق وبظهرى مقص

ما احب البخيل لاتعليق

ما احب الى تتكلم وايد وبين كلمه والثانيه انا وانا وانا بنت فلان وانا جذى وانا ما حب جذى انا وانا
فى مرات الواحد يقول انا بس مو بهل
ولا تسوى روحها مسكينه وفقيره واهيه ....

والمصلحجيه والمتشائمه

ووو بس هذا بالى الحين

 

[Swan]

ما احب اقعد مع وحده ما بيني وبينها اي علاقه وتسأل وايد وتتدخل بخصوصياتي

ولا احب الوحده اللي تبين لج كله اهيا الانسانه السنعه الوحيده على وجه الارض وباجي الاوادم كلها ما تعرف السنع
والمصيبه انها دايما تطلع كل سوالفها مو سنعه

ولا احب الوحده اللي تطلع لج بويه ومن وراج ويه ثاني

ولا احب الوحده اللي على بو انه ميانه تقل ادبها ولا تحترم الناس

 

[جوك احلى جو]

ماحب البنت اللي ماتثمن كلامها تقول الشي من غير ماتفكر انها ممكن تقول حجي يقث ولا احب اللي تسوي روحها ام السنع وانها حريصه وانها تفهم كلشي او اللي تقول قصة حياتها وعن اهل ريلها وتذم فيهم عند صديقاتها احس مفضوحه واللي تقول اسراره برا كأن تفصخ ملابسه جدام الناس

 

[ام _خلودي]

انا الى صج صج مااحبها الجذابة ولا الى تتفلسف عليج وكلة تقول عن عمرها حلوة واهياا جيكرة اشوية علية ولا هذى الى كل ساع اتعيد وتزيد بالمواقف وكل ساع تقولها بطريقة ثانية من الجذاب ماتثبت على الحجى

 

[موتي ولادمعه امي]

ثانكس واشكركم على هذا التفاعل,,,,وربي لايحرمني من مروركم

 

[غوالي76]

ما أحب أقعد مع شخص أدري إنه ما يحبني
مستحيييييل أجامله
وأكره الجذابين والمنافقين ........ دم ضروسي

 

[بنت البحر]

:eh_s(14):ما احب الثرثار (القرقه) بالكويتي احس ابي الارض يا تبلعني او تبلعها علشان افتك:tomato2:

 

[موتي ولادمعه امي]

ثانكس عالمرور الرائع ,,, ودمتم لي