من هو الشخص الذي تتجنب الجلوس معه؟؟؟

[(ذلتهم عيوني)]

المغرور ــــــ يبط جبدي لان كله يتكلم عن نفسه انا و انا سويت وحطيت ​

 

[موتي ولادمعه امي]

الله لايحرمني طلتكم ,,,,,,,,,,,, ودمتم لــــــــــي

 

[حناينq8]

مشكوره عزيزتي على الموضوع

انا ما احب اقعد مع اللي حاطه خشمها بالسما وهي بالاساس ولا شي

ولااحب اقعد مع وحده تتكلم باعلى صوتها وكل معلوماتها غلط وهي تتكلم عشان الناس تطالعها ودايما التقي بالصالون بكاتبه معروفه فيها هالطبع وكل اللي بالصالون يتجنبون يقعدون يمها


تحياتي

 

[طم طم]

مشكووره حبيبتى على هالمووضووع الحلوووو


والله عن نفسى ما احب اللي جدامج شي ووراج شي .. و يدورون لج الزلة ,, يعني المنافقين
وما أحب الوسواسيه إللى عسى ما تقولين شىء قالت ووويه عينها احسدتنى لا حول ولا قوة إلا بالله
ولا أحب الكذب والدفاشه ووواى تلووع الجبد يا ربى لك الحمد الله لا يبلانا​

​

 

[D!aM0nD]

المغرووره والمتشائمه واللي تتحجى بالناس
لان اللي تتكلم بالناس جدامي مو بعيد عنها تقعد مع الناس وتتكلم فيني عشان جذي اتجنبها
وفي نووع مااحبه لان تجيني فتره غصب احتك فيهم

اللي تنقلج سالفه وغصب غصب تسمعينها ولما تخلص سالفتها وطبعا تكون كلها حشش
تروح تنقلها للناس على انج انتي اللي قايلتها بذمتج هذيلا شلون تتصرفين معاهم خاصه اذا تكونين بفتره ملزومه تحتكين فيهم

 

[موتي ولادمعه امي]

ثانكس على التفاعل الطيب مع الموضوع ودمتم لي..

 

[تووت]

ماحب اللي عاقده النون

ولا احب المتصنعه

ولا احب الخفيفه

ولا احب السخيفه

ولا احب ذات الأفق المحدود

ولا احب اللي تبي الناس كوبي عنها والا تطنقر

ولا احب اللي لي تضايقت نفست بغيرها

واللسته طويله

 

[موتي ولادمعه امي]

:tek: الله لايحرمني طلتكم ,,,,,, ودمتم لـي:tek:

 

[حقانيه]

اذا باختار فانا ما أواطن الثرثارة سألوني ليش؟
أولا تصدع راسي بالهذره
ثانيا ما تعطي احد يتكلم او يبدي رايه
ثالثا اصلا حتى لو تكلمنا ما تسمع و لا تنتبه للكلام انا بالذات اعاني من الهذاره لأني مو متعوده اقاطع ولا اطنش فاضطر اسمع لها و ابلع حرتي .

 

[moon@q8yat]

انا ما احب الجذابه
ولا احب اللي ماخذه بنفسها مقلب
ولا احب اللي اتصنع
ولا احب الحقوده
ولا احب اللي قصب اتدلع لانه جذي جبدي تقلب
ولا احب اللي يفسرون الكلام على كيفهم
ولا احب الانسانه النمامه اللي ما عندها سالفه غير فلانه وفلانه

مشكوره حبيبتي على الموضوع

 

[موتي ولادمعه امي]

اشكركم على التفاعل الطيب مع الموضوع ,,,,,,,,, ويسلموووووووو ع المرور

 

[cute-q8cat]

الحقود واللي قلبه أسود

 

[unreachable]

حلو الموضوع

اول شخص اتجنب اقعد وياه الي يذكر اهله بالشينة

او يذكرصاحبه بالشينه واذا شاف صاحبه ضحك بويهه ومن وراه ياكل بلحمه

هذول لو اقعد وياهم لا اعطيهم حق ولا باطل لانهم ما يستاهلون الثقة

ثاني شخص في حريم يتكلمون مو سوالف لا هذره يعني بس تتشكى لمدة 24 ساعة

وماعمرها مدحت شي ولا راضية على شي حتى لو كانت اهي بالف نعمة

هالناس يصدعون راسي ومااطلع مع القعدة وياهم بفايدة واتجنب اقعد وياهم

 

[هيااااا]

اتجنب الجلوس مع الي يسئ الظن طبعا لانه مشكله دايم متشائم ويدور المشاكل وين؟وما احب الي يحكي باقرب الناس له يعني اهله مصيبه مااقدر اثق بهالاشكال وطبعا النمامين لانهم سهله ينمون فيني مثل مانمو بغيري!وسلامتج ومشكوره على الموضوع الحلو

 

[هوفه]

انا ما احب اقعد مع اللي ما اتحبني

واتجاملني وانا عارفة انها ما اتواطنييييييييييي

 

[موتي ولادمعه امي]

يسلموووووووو ع المرور الطيب

 

[مـــــــذهـلـة]

واجد اشخاص

الي يقط نغزات من غير سبب

الي مسويه صريحه وهي تجرح بكلامها او دفشه

والي عندها انها كشخه وهي قمه الهلاقه

والي دايما تتسخف وتقول عن الناس سخيفين او دمهم ثقيل

والي غصب مسويه نفسها انا ثرثاره وانا الي ماكلة الجو وهي حده ممله

والي تكرر السالفه مليوووووووووون مره

والي تفرق بين الجماعات

نقاله السوالف والكلام

الكذابه والمنافقه

الي عندها كل الناس غلط وانا صح


.......... الخ

 

[Kuwait]

اللي تحن وام ويهين وطبعا الغبيه
كلهم ينرفزوني

 

[طمــوح]

اكره الشخص المغروووووووووووووووووووووووووووووووووووووووووووووووور

 

[raw]

ما أحب اللي دايما تتكلم عن نفسها كأنه يا أرض اتهدي ما عليكي قدي
واللي كل ما قلتي شي مثلا انا رحت السوق الفلاني قالت وووووووووووووووي من زماااااااااااااااااااااان رايحتلة شخباري
أو انات شريت الشي الفلاني قالت انا شاريته بس اللي عندج تقليد اللي عندي اصلي لو ان اللي تتكلمين عنه قلم رصاص

باختصار السخيييييييييييييييييفه ما أحب أقعد معاها والحشاشة والنمامة