من هو الشخص الذي تتجنب الجلوس معه؟؟؟

[ارستقراطيه]

ما احب مع الي تسوي نفسها عارفة كل شيء طباخ+ تربية اليهال + السنع +علاقة مع الزوج +الدوام +اعمال حرة

وتبي المدح كله لها لما اقعد معاها احس بالنقص مع انه ما فيني شيء منه بس اهي تحسسني بهالشيء عقب جم يوم يردلي عقلي واقول اشفيني خبلة كلا منها واتعوذ من ابليس الحين ما اقعد معاها خير شر

ههههههههههه

احلى رد قريته :s142:
صج هذيل ناس لهم تاثير سلبى باللى حوالينهم سبحان الله وجنهم يسوون تنويم مغناطيسى يخدروووونج بالحجى
وان اهما اهل السنع لييييما تصغرين بعين نفسج

 

[رغد84]

مااحب اقعد مع الناس السااااااكته (( صمتن صمتن لن نتكلم:O_SHH_: )

ومااحب اقعد مع البناات اللي سوالفهم تافهه كل همهم الفنان جورج وسوف والفنان شاروخ خان وووو > وماوكلي !


ومااحب أقعد مع ناس لايعرفون للعيد قيمــه:gr4uu:
لايعلمون ان العيد هو فرح وسرور وليس شد اعصاب ونظرات حاده .. قـد اهتـز رأســـــــــي الآن ههههههههههههههههههههههههههههههههههه

 

[كويتيه فنتك]

مااحب اقعد مع الناس السااااااكته (( صمتن صمتن لن نتكلم_shh_: )

ومااحب اقعد مع البناات اللي سوالفهم تافهه كل همهم الفنان جورج وسوف والفنان شاروخ خان وووو > وماوكلي !


ومااحب أقعد مع ناس لايعرفون للعيد قيمــه:gr4uu:
لايعلمون ان العيد هو فرح وسرور وليس شد اعصاب ونظرات حاده .. قـد اهتـز رأســـــــــي الآن ههههههههههههههههههههههههههههههههههه

ههههههههههههههههههه رغودتي واي منج.ضحكتي وصلتج
بخلي ام عذبي وحبيبتي بيبي يشوفون ردج واي بيموتون ضحك....

 

[كويتيه فنتك]

اتجنب الجلوس مع الشخصيات المزعجه ..
اتجنب الجلوس مع اللي عندهم رد السلام بحسره (تخزج خز بنظره)كله علشان الغيره....واي منهم...
اتجنب الجلوس مع المرضى النفسيين..
اتجنب الجلوس مع من يغار مني..مع اني احيانا ارحمهم واعطيهم درس تلقيني بس ماكو فايده.....
واحب اجلس مع العجايز..
والكبيرات بالسن لرزانة العقل مع ان بعض العجز تجلس معاها ينقص مو نص عمرج الا كله..
وخاصه لما تزلخ من هالسوالف وعيونها على صغرهم ينكمشون من كثر ماتعصرهم وتبي تأكد ان سالفتها حقيقيه...وهي استفزازيه....
واي انا اهني افتر بالبخور من غرفه الى غرفه بس مابي اتعب من الحجي الجذب.هههههههههههههههههه

 

[chanel N22]

ما احب اقعد مع الجذابه لانها ترفع ضغطي
ما احب اقعد مع المناااافقه لانهاااا ترفع ضغطي
ما احب اقعد مع اللي تكلم علي من وراي لانها راح تخليني ألغيها من حياتي
وسلامتكم

 

[عروووب99]

مااحب اقعد مع الجذابه واذا اكتشفت جذبها ابطل اسالها لعدم مصداقيتها ومااحب المغروره لانها ماتشوف الناس عدل تراهم من برج عالى ولا تخلى الناس تتعامل معاها لان الكل مايرتاح لهالطبع السى والله يعافينا مما ابتلاهم

 

[موتي ولادمعه امي]

يسلموووووووووووووووو ع المرور الطيب ,,, واشكر تفاعلكم الرائع مع الموضوع

 

[دلوله_العسوله]

الغاااااااااامضه الجذاااااااابه المغرووووره الحشااااااااااااشه واااااااااااي خصووصا اذا تعرفينها بو يوم ويومين وتتقطعن الناس تقطع لج

 

[NANAZ]

ما احب اقعد مع :

1- المغرور >> تحدُثــُـك دائما عن نفسك دليل على أنك لست واثقا منها <<

2- المتشائم جدا ً >> يجيب لـــــي المرض لوووول

3_ المنــــافق >> ما اقدر اتحمــــــــــــــــــــــــله وييييييع

4_ البخيـــــل >> لا تعليق ؟؟

ع العموووم ماااكووو انسان كــــامل شنسوي لاااازم نتأقلم مـــع الظروف
ع الاقل تصير الامور سطحيه ...


ثاااانكـــــس ع الموضوع الفلـــــه

 

[Bamya]

ما أحب الــ :


النمّـــــامة

الحســــودة

المنافقــــة

المبلتعـــة

الصايعـــة

 

[مزونة]

موضوعج حلو

اول شي ماحب اقعد عند الي يمدح نفسة وبذرابتة والنظافة والكشخة وكل مكان اتعرفة وتكتشفين انها اكبر جذابة


ماحب الي يحط لنفسة قصص بطولية وهو لا شي

ماحب الي ياخذ من الناس ومايعطي


وماحب اقعد عند احد عينة حارة او احد يتحلطم علي حظة والله راهي علية بكل شي بس علشان يطفي عين الناس وهو يحسدهم علي كل شي

والحشري والملقوف والي يدور السوالف ياخي خلي الناس بحالهم


المغرورة الي شايفة نفسها علي شنوا!! ياكثر​

 

[عيش و مرق]

ماحب الى تمشي وتفلسف انا شريت وانا حطيت امبين حديثة نعمه


ماحب الى بس بتهاوش على اى شي وسوووووء الظن عندها جاهز

وكله بتسوى سباق ومنافسه وانا مادريت عن هوا دارها

والى تصير قليلت ادب وماتثمن كلامها ..... شتردين عليها ماتقدرين لى متسواها

على قولتهم كل ايناء ينظح بما فيه

 

[كيفي ادلع]

واللة البنات ماخلو شي


انا دم ضروسي شي

البنت اللي تساسر يعني انا عندي سالفة قوية وضحك وولابعد سر سر سر جدام الناس والقعدة عائلية

وهي ماعندة الا سالفة من اسخف أسخف شي ودج تصارخين وتقولينها ياسخيفة ( الان طريقتها حقيرة و مالها داعي تخلي الاي مايحقد يحقد )

اللي كل تتحلطم ومتشائمة وحيل حيل وافر خايفة من العين ( اللي يغث أكثر انها تقول اشياء موتجيب العين الا ام العين مرات ودي اصارخ عليها عند اللي يصكنها عدل ) اللي يغث اكثر انها تكون بنعمة قوية ووسفرات والا اكثر وتسوي نفسها انها ماعندها شي واللبس يجيب المرض

المغرور ياشين الغرور بس انغثيت

 

[ektifeet]

ما أحب أقعد ما الفاشله

لأن الفشل معدي مثل ما النجاح معدي

فأجالس شخص من مستواي أو أحسن مني " يعني ماهر بشغله أنا مالي فيها أستفيد منه ويعلمني اشياء جديدة مثل ما أنا أعلمه "

ما أحب أجالس الشخص كاتم العلم أكرهه وأحقد عليه .. يعني باخذ منج أفكار ومعلومات وشغلات وأنا ما أبي أعطيج لو كلمة تفيدج

ما أحب الشخص المغرور كلش .. اعامله باحتقار وحده ويانا بالدوام مشالله الحق ينقال شغلها مو طبيعي وخبرة قديمة بس هذا ما يستدعي أنها تصدق عمرها أقصاها ..... طووووط طوووط .... <=== مشفر هههههههههههههههه

بشكل عام أنا اعامل الناس مثل ما تعاملني شفت وحده حقيرة أصير أحقر منها وإذا طيبة أخدمها من عيوني ..

أكره المنافق واللي كلامه غير فعله

وبعدين سبحان الله فيه حديث للنبي عليه الصلاة والسلام لا يحضرني صراحة الحين لكن بما معناه ان القلوب ما تشابه منها أتلف يعني الحقوده والأنانية بتقعد مع وحدة مثل طينتها عارفتلها والطيبة الحبوبه بتجالس ناس من شكلها وجذي

نفس كلاالاخت بالضبط

 

[موتي ولادمعه امي]

يسلموووووووووووووووووووووووووووو ع المرور الطيب فديتكم,,

 

[جبنة بيضة]

ما احب اقعد مع الجذابة وييييييييييييييييع طفارتي الي تقول يولي خطاب و يولي

و لا احب نقالة الحجي النمامة

و لا احب المغرورة

و القراقة الي ما تعطي فرصة لاحد يتكلم وياها

 

[المقروووده]

الفضوليه ولي تحشر خشمها بكل شي....تبط جبد حبدي
البنت اللي قاعده جدامي بالصف ودي أخنقها
كل شي تتدخل فيه وتسأل عنه
قمت أخر شي أرد عليها بإسلوب خايس
أخر مره قمت من مكاني جان تقول وين رايح جان أقول بروح الحمام تبين ......... معاي ههههه جدام الصف
من وراها ماقامت تسألني

 

[موتي ولادمعه امي]

يسلمووووووووووو ع المرور الطيب فديتكم

 

[نسمة الجنوب]

ما احب افعد مع الثرثاره اللي تفر راسج بسوالف تسد النفس مثل وجهها وتحش بوحده ولما تشوفها تطير فيها

وما احب اقعد مع كثيرة الاسئله اللي تستلمني وتفتح لي ملف تحقيق

وما احب المره اللي تمدح نفسها وتمدح بناتها وهم شيف استغفرالله العظيم​

نفس الشي
وبعد ما أحب الحنانة والونانة وكثيرة الشكوى

وما أواطن النمامة إلي تنقل الحجي وتخرب بين الناس ( أم وجهين )

 

[ظبي الفلا]

ماحب الي ماتصلي والي فيها قل دين
ماحب الكذابة والمنافقة
ماحب المغرورة والي بس تبي تسولف ما تبي تسمع وكل سوالفها حول نفسها
ماحب الجاهلة والفاشلة والي عقلها صغييير وتفكيرها محدود اااااااااااااخر اهتماماتها دراعة كشخة
والمشكلة ان اكثر الي حولج يتصفون بهالصفات
بس السؤااااااااااااااااااااااااااااااااااااااااال شلون نقدر نتعايش معهم اذاصرتي مجبورة تخالطينهم هالفئة من الناس