من هو الشخص ال\ي تتجنب الجلوس معه

[ToOoTi]

الثرثار

 

[Mazyoona]

المنافق لأنه يرفع ظغطي أصير عنابية من كثر ما راشي يفول !
و المغرور لأنه يحسب كل الدنيا تتمحور حوالينه ؟!
و النمام لا قعد يحش و يبيك تشارك ، و تحقرونه و يدخلك بالسالفة بطريقته

هالاثلاثه نو واي عندي

 

[NaYoob]

رد : من هو الشخص ال\ي تتجنب الجلوس معه

النمام والمنفاق << ما احب هل نااااااس وصج صج اتحاشاهم بالقعده معاهم واذا انجبرت وقعدت مع احد
جني ما اسمع شي وعلاقه سطحيه

والمغرور والاناني

 

[هدوء العالم]

رد : من هو الشخص ال\ي تتجنب الجلوس معه

من هو الشخص الذي تتجنب الجلوس معه

ليس شخصا" بعينه انما بطبعه ربما يكون............؟


الأناني


او المغرور

الأناني والمغرور ما أحب الجلوس معاهم ومتشاااابهين في الصفة (( حب النفس ومدح أنفسهم ومداح نفسه يبيله رفسه )) يصلحلهم هالمثل ويا حلو الناس لو يقعدون على نياتهم

او البخيل

ما يهمني بخله بس عنده خير أكثر من الناس بس الخوف منه من الحسد
ولا الطلعه معاه وقولته دائما نسيت بوكي و سلفني وأردها ولا يردها


او الطيب جدا"

ليش مو حلو القعده معاه بلعكس حلو بس الأحلى يقعد مع الناس الطيبيين إلي نفسه الخوف من الناس الإستقلاليين ينصبون عليه

او المتشائم جدا"

صفه مكروووهه الحلو يدعو ربنا الله سبحانه وتعالى له بالخير
الشكوى لله والبعد عن مذلة الناس

او الثرثار

أكرها وخصوصا إلي صوتهم عالي ونبي شوي فكه ما نقدر سالفة ورا سالفة
و نفس الشئ النمام لأنه حرام أكل لحم أخينا المسلم بس نقطع السالفة بسالفة ثانية

والصامت كثير
يجيب الهم والملل وهذي جربتها مع وحده
تزورنا وكله ساكته ولا تخلي الناس يسولفون بس مو السوالف النميمة سوالف البنات (( وين رحتوا ،، وعرسكم جهزتوا له وغيرها وغيرها ))
ولا تجينا إلا في جمعتنا الخميس مع خالاتي وعماتي في بيتنا

مشكووووورة حبيبتي على الموضوع الرووووعة

وياليت أسلوب حياتنا كله تتغير للأحلى

 

[هــدوء]

رد : من هو الشخص ال\ي تتجنب الجلوس معه

النمام

البخيل

الاناني



ويسلمو ع الموضوع

 

[Galb.sh]

المتشائم جدا" ..... >>> أحس تييلي الغلقه

 

[عشق ذاتي]

رد : من هو الشخص ال\ي تتجنب الجلوس معه

المنافق..

الغيور..

الاناني

 

[memo97]

رد : من هو الشخص ال\ي تتجنب الجلوس معه

المغرور

 

[بشبوشه المزيونه]

رد : من هو الشخص ال\ي تتجنب الجلوس معه

حماتي وحماي عسى الله يجعل كيدهم بنحرهم

 

[sweet dashttya]

رد : من هو الشخص ال\ي تتجنب الجلوس معه

والصامت كثير

انا اكثر شي يطفرني الي يسكت وانا كله اتكلم يعني ما يآخذ ويعطي وياي كله انااا ويييع ما احب جذي

 

[النشبه88]

المتشائم المغرور والثرثااااااار

 

[amani]

ما أحب النمام لأنه دايما يفسر المواضيع بشكل خاطيء ويحب المشاكل والمتشائم دايما عنده الأمور معقده ومتسكره بالمره يقمت القلب ولا تنسين الإنسان الحسود إلي يبي كل شي حقه وما يحب الخير للغير

 

[coralia]

رد : من هو الشخص ال\ي تتجنب الجلوس معه

الثرثارة واللى تحبطنى لما اكون مستانسة اعوذ بالله من هالبشر

 

[ورد و ريحان]

صراحة الانسان اللي ماتنحمل قعدته مو بس انا
اي احد غيري لايمكن يتحمل قعدته
هو راعي اللسان الطويل
يعني اللي يقضي القعده كلها نغزات وتعليمات
واللي يسوي نفسه الوحيد اللي فاهم وغيره موفاهم شي

 

[Natasha]

البني ادم المتكبر على الطل

 

[جـــواهر]

المتشائم اللي تحلطم واااااااااااجد اف ودي اصكه باقرب ماعندي
يعني الناس كافي اللي فيها وااااااااااي

واللي يتصنع التشائم يعني يسوي نفسه انه عايش بحسره عشان يرد العيون

والصامت اللي هو والطوفه واااااااااااحد


واللي يطنز ويفشل وع ماحب هالنوعيه ماااتثمن كلامها وتسوي حماقات

 

[سحر الشرق@]

المتسلطة ام لسانين والحسودة الحقودة
واللي تحط انها تعرف وهي ما تدري وين الله قاطها

 

[أم ليلى 2008]

إلي يستهزأ بالدين سواء بالكلام أو بالافعال
ويفتي بكيفه من غير دليل

 

[ĎєνiL.ĞιRL]

المغرور ,,

النمام ,,

والمنافق ,,

ومشكوره عالموضوع ..

 

[بنت باباتي]

عينات كبيره بس مولاني ما احب الناس بس في ناس تمصخ القعده وتملل


ما احب اقعد مع المتذمره اللي كله ماده البوز ومتضايقه يعني متضايقه ليسش تضايقين اللي حواليج

وما احب اقعد مع اللي لسانها بذئ وتتلفظ بالفاظ نابيه حتى لو من باب الضحك

وما احب اقعد من الحقوده اللي اذا شافت شي زين لج سواء لبس او فرحه بعينج ضاقت وخربت فرحتج


وما احب اقعد مع اللي دايما تدعي على الناس ودعاويها تخرع خصوصا اللي تدعي على اهلها

وما احب اقعد مع الصامته صمت قاتل اللي تسير عليج وحتى شلونكم ماتقول يعني تفتحين موضوع لنقاش بس تهز راسها اااااه بالله ليش مسيره

وما احب اقعد مع القرقه اللي تصج الراس بقرقتها على الفاضي والمليان وكل تفاصيل الحياه واسرارا الناس


وما احب اقعد مع الوقحه اللي حسبالها انها صريحه وتقعد تجرح يمين ويسار على ابو انها نصوحه ووتنسى ان النصيحه على الملأ فضيحه


وما احب اقعد مع ناس عندهم اسرار ويتساسرون جدامي مو لاني ما احب احد يخش عني شي بس احس اني عذول بينهم
ونسوا ان مو من الادب هالحركه


وما احب اقعد مع الناس اللي اذا سيروا يطولون لوقت متاخر

وما احب اقعد مع التافهه اللي كل سوالفها شريت وخذيت وحطيت ولبس وسويت اللي محور اهتمامها الانا



وما احب اقعد مع مفشية الاسرار اللي تقول اسرار مأمنينها عليها وتقولها لج بوجه عريض وتوصيت امانه لاتعلمين احد لانهم مأمنيني امحق امانه


وما احب اقعد مع اخت تسب اختها او تنتقدها بشكل مقزز


وما احب اللي تسولف بسوالف بيتها الخاصه


وما احب اقعد مع نفسي اعاتبها وازعل عليها


وما احب اقعد مع كل صفه خايسه او بايخه احب خفيفة الدم بثقل واحب الرزينه واحب المرا اللي من زمن راح وغدى
احب الاعتدال بكل شي عادي تشكي وعادي هايطي وعادي اخذيه شويه بس شويه من كل صفه قلتها
لان ما في احد كامل


وما احب اقرق واجد بس موضوعج يبيله احساس طالع من القلب لوووووووووووووول