من هو صاحب الحق في تسمية المولود الام ام الاب ام اهل الزوجين شرايكم ياحلوات

[ضحكه مستعاره]

سؤال يطرح نفسه
من هو صاحب الحق في تسمية الطفل أو الطفلة؟؟

هل هو الأب أم الأم ؟؟

أم أهل الزوجين ؟؟أم كبير العائلة؟؟

وهل من الضروري أن يكون على اسم الجد أو الجدة؟؟
تعالو يالله وشاركونا برايكم منو اللي له الحق وليش ؟؟؟؟:ada:
هل هو الأب أم الأم ؟؟

أم أهل الزوجين ؟؟أم كبير العائلة؟؟

وهل من الضروري أن يكون على اسم الجد أو الجدة؟؟

 

[^^السندريلا^^]

الام والاب المفروض يتفقون على الاسم..والباقي مالهم شغل..
وسالفة انه يتسمى على احد من العايله..احس شغلة قديمه...كل عصر له اسمائه..
وشكرا على الموضوع الحلو...

 

[نهى الأحمد]

الام والاب المفروض يتفقون على الاسم..والباقي مالهم شغل..
وسالفة انه يتسمى على احد من العايله..احس شغلة قديمه...كل عصر له اسمائه..
وشكرا على الموضوع الحلو...

وانا بعد رأيي مثل رأي الاخت العزيزه السندريلا
بالفعل تسمية المولود راجع للأم والأب

 

[الهيـــام]

طبعا الأم و الأبو بس من حقهم يسمون عيالهم بإتفاق بينهم
و يمكن أم و أبو الأم و نفس الشي للأبو يقترحون أسامي بس بدون إصرار على التسمية

و مو ضروري يتسمى على الجد و الجده .. بس من غلاتهم يتسمون العيال عليهم
و يا فرحت أبوي لما سمى أخوي ولده عليه .. صار أغلى أحفاده

 

[* الجليلة *]

بالشرع الحق بالتسمية للابو بس من باب تطييب خاطر الام وحسن العشرة ياخذ رايها

وانا اعتقد الاتفاق احسن
وهم حلو لو الواحد ياخذ بخاطر امه وابوه واهله ويسألهم( سواء الزوج او الزوجة )

وماله داعي التسمية عالاهل خاصة اذا كان الاسم مو حلو او قديم
وفي اسامي ما يجوز واحد يسميها مثل صعب او حرب

واحب الاسماء الى الله عبدالله وعبد الرحمن

وكله بالاخر نصيب

 

[اللوحة الناقصة]

في المرتبة الاولى تيي

( اللأم )

لانها اهي الي طلعت روحها واهي تييبه ومحد حس بمعاناتها

في المرتبة الثانية

( الأب )

واخيرا الاتفاق بين الام والاب

اما اهل الام والاب مالهم اي علاقه بالموضوع ولا من حقهم اصلا يقترحون اي اسم

وما أؤيد نهائيا سالفة ان يسمون على اسم احد من الكبار الي بالعايلة على اساس محبته وتقديره ،،، المحبة والتقدير تكون بتصرفات ثانية مختلفة تماما مو باني اسمي ولدي او بنتي على اسم ابوي او امي وانا ولا دايرة لهم بال ،،، وعمره الاسم ماكان فعلا دليل محبة الولد لابوه

اسمحولي هذا اسميه نفاق مع احترامي للجميع :eh_s(17):

واتمنى انكم تتقبلون رايي برحابة صدر ​

 

["تعاليل"]

انا اشوف انو الاسم يكون بالمشاور بين الزوجين واذا ماعجبهم ..ممكن ياخذون راى ثاني.اواسم غير اللى هم مقترحين...... لما جبت ولدي زوجي حب يسميه باسم ابوه .لانه اول ولد بالعايله..ووافقت مع انه قديم كان ودي باسم غير.:eh_s(14):..بس زوجي اصر وماحبيت اعانده...بس عوضت بعدين كل عيالي الباقين على ذوقي .....:klhfl:

 

[ياوحشة غيابك]

بالنسبه لي الام والاب يتفقون على الاسم

والأهل مالهم شغل سواء اهل البنت ولا الريال

والتسمية على الجد او الجده موضروري خاصه اذا اساميهم قديمه واحترامهم مثل ماقالت وحده من البنات مو شرط اسمي عليهم لا بشغلات ثانيه ...بس مرات الزوج يقفل الا يسمي على ابوه خاصه اذا كان ولد....ومشكووووره على الموضوع الحلو

 

[Spoildish]

بيني و بينكم الام و الابو اهما يتفقون شنو يسمون عيالهم بيني و بين نفسي الام بس اهيا الي تنقي , والله صج اهيا تحمل وتطلق و تولد وتتعب بالخياط والنفاس وحالتها حاله ماتحسون من حقها اهيا الي تسمي

 

[katko0ota]

اعتقد ان مسالت تسمية الأبناء امر خاص بالأم و الأب يعني موو ورث الكل يتشارك في التسميه

و من ناحيه لازم يتسمى على اسم احد من العايله هم مووو شرط لكل زمان دوله و رجااال ( كل زمن و له الأسامي الي تتماشى معاه)

و في النهايه تبقى وجهه نظر

تقبلي مروري

 

[بطاط مهروس]

يا سلام على الموضوع ........ بالنسبة لى انا ما عندى مشكلة صراحة
اهم شي اعيالى ما فيهم شى ......
اسم ولدى على الله يخلية لى سميناة على اسم ابوى وابوة
وبنتى الله يخليها اسمها لطوفة على اسم جدة ريلى ما عندى مشكلة
ترا مو من الضرورى نسميهم على اساميهم ...... بس عشان المعزة والاحترام

 

[ساندريلا]

الام والابو طبعاااا
واذا اسم الجد والجده حلو اسميه عادي
بس اذا قديم حراااااااااااام خصوصا اذا كانت بنوته لا حرام وحلااته تطلع جيكره بعععد مسكينه اكون جنيت عليها بايدي
اشتري لها قرشه مخلل واخخلها عندي اخاف محد يطل بويها لااسم ولاويه
طلبات الرياييل كل مالها وتتصعب

 

[شموع الفرح]

حبيبتي المهم صحة الياهل والأم تقوم بالسلامه وبعدين ترا من البر بالوالدين التسميه على اساميهم واعتقد الولد مو مشكله اسمه قديم ولا يديد وألحين انا قاعده أشوف كله ردوا على الأسامي القديمه روحي المدارس وشوفوا الأسامي أغلبها قديمه تلقين البنت أسم لله عليها تهبل واسمها قديم حيل على اسم يدتها ترا وخل الخاله والعم يطلبون هالطلب المسأله يتروالى عادي ليش نسوي مشكله على هالشي مو عيالهم ولا شرايكم

 

[puppet]

مفروش بس الوالدين ولهم الحرية

يشاركون بعض او واحد يفوض الثاني

 

[المـــــها]

شوفي .. أنا أشوف إنه من حق الأم و الأب .. و مافي مانع إنهم يراعون خاطر الجد و الجدة و يسمون عليهم إذا كانت أساميهم

(( حلوة و مقبولة )) ،،، لا تنسون بالنسبة للجد هذا حفيده اللي تمناه ،، على الأقل واحد بس ،، يعني أحس إنها حلوة ,,,,


و مشكووووووووورة على الموضوع الحلو ...

 

[المـــــها]

بالنسبة لردود البنات عن الأسامي القديمة .. بالعكس ،، ترى في أسامي قديمه حلوة بالنطق و المعنى .. و في منها اللي ما ينبلع ...

 

[ام العبايه]

الراى بالاجماع الكل يكون راضي علشان البركه بالمولود والكل يحبه ..........

 

[بيتي بوب بس كويتيه]

اكيد الام بس همن رضى الابو ضروري
انا سميت ولدي وريلي عجبه

 

[om al ghaleen]

الام والابو وبسسس وعاد ياشين اللي يتليقف ويتدخل بالاسم

 

[tmtmt]

انا براي اول شي الام

لنه الصراحه اهيا الي تعبت بالحمل والولاده وتتعب بالتربيه بعد اكثر

بس لازم الب يكون موافق

بس وااايد ما احب سالفة الي يقطون نغزات سموا على الجد ولا الجده
الي يقولون من المعزه يعني شلون انا بسمي على ابوي لنه اعزه واختي بعد واخوي واختي الثانيه

ويييييييييييه نقعد كلنا نفس الاسامي شدعوه

يعني انا ما حملت الا بعد خمس سنين وناطره ومتشفقه وفرحتي ما تنوصف
يقولولي اذا ولد سميه زكريا على ابو ريلي .. تخيلوا !!! ليش مو حرام !! طبعا خالتي تقول
زجدام عمي بعد يعني شنو بتكون ردة فعلي

اول شي قلت مابي بعدين من كثر الحنه وجدامه افتشلت والله وقلت خلاص امري لله

بس طلعت بنوته وسميتها على كيفي
بس طبعا نفس الشي كل ما قلت اسم علقوا وهذا حلو وهذا لا

الصراحه رايهم حلو بس مو الي بالغصب لا مو عاجبنه لا تسمين عرفتوا

على فكره عمي اهوا عمي اخو ابوي وعمي ابو ريلي يعني امووووووووووووووت عليييييييييييييييييه
بس اسمه مو حلو شسوي

وسوري على الاطاله <<<<< كتبت قصة حياتي