من وين تاخذون دويات النفاس ... و منو تعرف أم ....

[عيون ملكيه]

:eh_s(2):

امي راح تبدع فيني

لان لحد الحين ما تدري من وين تاخذ دويات نفاسي

انا بنتها الوحيده و الباجي كلهم شباب

و خالتي ام زوجي تمدح وحده بس دوياتها تحط فيها رزنه ( لاتسألوني شنو بس شي اخضر )
جدتي ام امي تقول مو زينه

و انا توهقت بنات نصحوني من وين اخذ دويات النفاس و كم تكلفتهم


في وحده مدحوها اسمها ام صحن بالجهرا منو جربتها و منو تعرفها

وفي وحده ام محمد الرشيدي باشبيليه
و في وحده تقول حواج بوسعيد غيره لاتاخذين بس امي تقول اخاف شغله مو نظيف !!


بنات الله يهون عليها و يرزقها باللي تتمنى تقولي و تساعدني
:yaaaaaarb:
ومشكورين

 

[مدمنــــة قهــــوة]

هلا اختي عيون ملكية

والله انا سمعت عن ام محمد باشبيلية بس للامانة ماجربتها

وعن عطار ابو سعيد اللي بالفردوس والله رفيجاتي مدحولياه بس هم ماجربته

انا ماخذه ادويتي من ام خالد الهاجري معانا بالمنتدى

 

[سمراء كويتية]

اكو وحده اهتي اسمها ام خالد وااايد شغلها حلووو نظيف

 

[عيون ملكيه]

منو جربت ام خالد عفيه تقولي تجربتها

 

[جــوريــه]

ااااااااب أنا مثلج بعد متوووهقه

 

[ام يوسف السعد]

ان شاء الله البنات يفيدونج انا اخذهم من مرت اخوي

 

[ديانا سبنسر]

اب اب

 

[! بــدويه وآآيــد !]

،


حبيبتي الرزنه حيل زينه ليشش موزينه انا اختي مومتزوجه تاكلها لانها تضعف تضعف تضعف تخلي الوحده تعرق حيل حتى الظهر والبطن يعرق لانها تطلع الماي الي بالجسم كله وانا خذيتها لنفاسي لان الحامل تنتفخ من كثر الماي

وانا اخاف اخذ ادويتي من مره ماعرفها لان بعضهم لاذمه ولاضمير يحطون صك لك وهالسوالف وامي مستحيل ترضى اخذ من اي وحده فيه ادويه تخرب الحريم وحريم يحطونها عادي

انا خذيتهم من وحده من اهلنا ام مرت ولد اختي اهي سعوديه بالحفر وتجي الكويت دايما شغلها حيل حلو ومضبوط حتى دوا الشمم مسويته جاهز مع الادويه ادويتها عباره عن دوا شمم ودوا قهوه ودوا تمره ومردود وغسول ونقوعه وطبيخه وان شاءالله ماكون ناسيه شي بعد وفرت علي كل شي

وعطار بوسعيد شغله نظيف وحلوو واذا رحتي ولقيتي بوسعيد الشايب نفسه تسألينه عن اي شي يقولج يعرف النون ومايعلمون مثل مايقولون خبرته طويله حيل قضى عمره بالعطاره حتى امي تسأله عن ادوية ام فلان وام فلان يقولها هذيج شنو تحط بادويتها لان اغلب الحريم ياخذون منه اخذي منه وانتي مغمضه واذا خذيتي من مره ودي له الادويه يقولج شنو فيها عشان تطمنين لاتوهقين وتطيحين بوحده تحد صك لك وشغله ثانيه نسيتها ترى موزين كلش

 

[ناتشوو]

الله يهون عليكم
وييسر اموركم
بس لا تصعبون ع نفسكم
والله النفاس ابسط مما تتصورون
ومايستحق كل هالعفسة
انا بنفاسي الثالث
عرفت اللي لي واللي علي والنافع واللي ماله داعي
سويت بنفسي لهوم واشربه مع قلاص ماي قبل كل وجبة
القهوة العربية مع التمر بالرشاد والسمنة
الجرح استخدم الشغلات الطبية لاغسول عشبي ولا شي
الوحدة تسبح لو كل يوم اهم شي تتنشف عدل وتجفف شعرها
اذا تيسر لج احد تحطين عنده البيبي طلعي تنفسي وتمشي لا تحبسين نفسج
الاكل كنت اكل الريوق والغدا والعشا العادي
حتى البيبسي والعصاير عادي
اشتهيت شي مختلف دورت لي مطعم وطلبت
حسيتي بتعب اعراض غريبة الجرح باط جبدج لاتوسوسين وتسالين طيران ع طبيبتج وريحي دماغج
ايه بالنسبة للشمم احنا عندنا اول مااطلع من الولادة اشم لي عطر يقولون مايحوشج شمم
او تتحسسين من العطور
والحمدلله عادي
طول النفاس فواحة الكهربائية بغرفتي والبخور عود ولا مسقى رايح راد
حاولي تعدلون نومتكم
قعدو الصبح تريقو فتحي الدرايش خل تتهوى الغرفة
وتدش الخادمة تنظف الغرفة تبخر بدلي للبيبي والاحسن سبحيه دام صيف وراح ينام نومة عميقة عقبها
طبعا بمساعدة الله يخليهم لنا
وانت بعد نامي اذا كنت سهرانة
قعدي ع الغدا
صحيح معظم النفاس بلا صلاة نقضيه بس مو معنى هذا كفرنا
لا احرصو ع اذكار الصباح والمسا
وهالبرامج بالتلفون مو مقصرة
حتى القران من التلفون يجوز تقرينه
خلي لج ورد يومي منه قبل النوم
بدل ما تتهاوشين ويا الزوج وتحطين حرتج فيه
لي فضيتي بالليل
وبالتوفيق يارب
انا استرسلت حيل
ودي احط موضوع نصايح للنفوسات الجدد لأنيي مريت بمرحلة كنت اعاني
ماندري شالطبخة

 

[حوريه ...]

امي الله يخليها لي ولايحرمني منها

كله تسويه بنفسها

تعفس لي التمر مع الرشاد وتسوي لي الغسول ومن غير الدويات اللي مع الاكل

وترا تسوينه انتي بنفسج احسن تكونين ضامنه نظافته

امي اذا دخلت اختي التاسع راحت وشرت دوياتها وطحنتهم وسووتهم لها

بس انا خربت عليها هالمره حاشتني ولاده مبكره وبعد ولادتي بيومين سوتهم لي

ادعي لي ربي يعوضني خير

 

[.. BNT ..]

اما جربت ام خالد .. مانسبني ادويتها كلش ..
ان شاء اله ناويه اسوي لي بنفسي المره الجايه
واذا حابه تسوينهم .. هذي طريقتهم ماخذتهم من حرمه مال هالسوالف
وتسوي لبناتها وبنات بناتها ..


وانتي وكيفج ..



تطحنين رشاد مع شوي حبه سودا وفلفل اسوود
هذي الخلطه تحطينها مع فطور الصبح اللي هي خبز صاج
وكاس حليب بالفلفل الاسود ..
وأي شي تحبينه بعد ممكن تاكلينه وياه عادي




هذا السفوف حق الايام الاوله ..
2 كاس حلب
2 فنجال حبه سودا
2 فنجال شمر
قبل الغدا والعشا ملعقه كبيره

خلطة التمر
وتمره تعبطينها مع رشاد واذا حابه ضيفي حبه سودا

خلطة القهوه ..
فنجال مسمار
ملعقه مر
ملعقه نونخه
نص ملعقه كمون
ملعقه شمر
نص ملعقه قسط هندي
هالخلطه اتحطين لج بقاع الفنجال وتقهوين عليه ..

السفوف حق الايام الاخيره
كاس رشاد حب
فنجال حبه سودا
ملعقة شوربه فلفل اسود
ملعقه كمون
فنجال نونخه
استكانةشمر


قبل الغدا والعشا ملعقه كبيره من السفوف حق ال20 الاوله وال 20 الاخيره

 

[عيون ملكيه]

،


حبيبتي الرزنه حيل زينه ليشش موزينه انا اختي مومتزوجه تاكلها لانها تضعف تضعف تضعف تخلي الوحده تعرق حيل حتى الظهر والبطن يعرق لانها تطلع الماي الي بالجسم كله وانا خذيتها لنفاسي لان الحامل تنتفخ من كثر الماي

وانا اخاف اخذ ادويتي من مره ماعرفها لان بعضهم لاذمه ولاضمير يحطون صك لك وهالسوالف وامي مستحيل ترضى اخذ من اي وحده فيه ادويه تخرب الحريم وحريم يحطونها عادي

انا خذيتهم من وحده من اهلنا ام مرت ولد اختي اهي سعوديه بالحفر وتجي الكويت دايما شغلها حيل حلو ومضبوط حتى دوا الشمم مسويته جاهز مع الادويه ادويتها عباره عن دوا شمم ودوا قهوه ودوا تمره ومردود وغسول ونقوعه وطبيخه وان شاءالله ماكون ناسيه شي بعد وفرت علي كل شي

وعطار بوسعيد شغله نظيف وحلوو واذا رحتي ولقيتي بوسعيد الشايب نفسه تسألينه عن اي شي يقولج يعرف النون ومايعلمون مثل مايقولون خبرته طويله حيل قضى عمره بالعطاره حتى امي تسأله عن ادوية ام فلان وام فلان يقولها هذيج شنو تحط بادويتها لان اغلب الحريم ياخذون منه اخذي منه وانتي مغمضه واذا خذيتي من مره ودي له الادويه يقولج شنو فيها عشان تطمنين لاتوهقين وتطيحين بوحده تحد صك لك وشغله ثانيه نسيتها ترى موزين كلش

حبيبتي ما قصرتي طول عمرج راعية فزعه و اصيله

ممكن رقم اللي من جماعتكم اذا تبيع دويات خل اخذ منها مدام ثقه و انا دايما اتابعج و نصايحج دايما بمحلها الله يرزقج على قد نيتج



اذا في مجال ترسلين الرقم عالخاص او تحطينه عالعام و ما قصرتي يالغاليه

 

[عيون ملكيه]

الله يهون عليكم
وييسر اموركم
بس لا تصعبون ع نفسكم
والله النفاس ابسط مما تتصورون
ومايستحق كل هالعفسة
انا بنفاسي الثالث
عرفت اللي لي واللي علي والنافع واللي ماله داعي
سويت بنفسي لهوم واشربه مع قلاص ماي قبل كل وجبة
القهوة العربية مع التمر بالرشاد والسمنة
الجرح استخدم الشغلات الطبية لاغسول عشبي ولا شي
الوحدة تسبح لو كل يوم اهم شي تتنشف عدل وتجفف شعرها
اذا تيسر لج احد تحطين عنده البيبي طلعي تنفسي وتمشي لا تحبسين نفسج
الاكل كنت اكل الريوق والغدا والعشا العادي
حتى البيبسي والعصاير عادي
اشتهيت شي مختلف دورت لي مطعم وطلبت
حسيتي بتعب اعراض غريبة الجرح باط جبدج لاتوسوسين وتسالين طيران ع طبيبتج وريحي دماغج
ايه بالنسبة للشمم احنا عندنا اول مااطلع من الولادة اشم لي عطر يقولون مايحوشج شمم
او تتحسسين من العطور
والحمدلله عادي
طول النفاس فواحة الكهربائية بغرفتي والبخور عود ولا مسقى رايح راد
حاولي تعدلون نومتكم
قعدو الصبح تريقو فتحي الدرايش خل تتهوى الغرفة
وتدش الخادمة تنظف الغرفة تبخر بدلي للبيبي والاحسن سبحيه دام صيف وراح ينام نومة عميقة عقبها
طبعا بمساعدة الله يخليهم لنا
وانت بعد نامي اذا كنت سهرانة
قعدي ع الغدا
صحيح معظم النفاس بلا صلاة نقضيه بس مو معنى هذا كفرنا
لا احرصو ع اذكار الصباح والمسا
وهالبرامج بالتلفون مو مقصرة
حتى القران من التلفون يجوز تقرينه
خلي لج ورد يومي منه قبل النوم
بدل ما تتهاوشين ويا الزوج وتحطين حرتج فيه
لي فضيتي بالليل
وبالتوفيق يارب
انا استرسلت حيل
ودي احط موضوع نصايح للنفوسات الجدد لأنيي مريت بمرحلة كنت اعاني
ماندري شالطبخة

ناتشووو بعد عمري كلامج يبرد القلب

حطي موضوع صراحه نصايحج حلوه
اشياء وايد نبهتيني عليها


يعني انا حيل حيل مرعوبه من الولاده و النفاس وايد خوفوني من هالموضوعين


الله يجزاج خير صج كلامج يريح القلب

 

[عيون ملكيه]

امي الله يخليها لي ولايحرمني منها

كله تسويه بنفسها

تعفس لي التمر مع الرشاد وتسوي لي الغسول ومن غير الدويات اللي مع الاكل

وترا تسوينه انتي بنفسج احسن تكونين ضامنه نظافته

امي اذا دخلت اختي التاسع راحت وشرت دوياتها وطحنتهم وسووتهم لها

بس انا خربت عليها هالمره حاشتني ولاده مبكره وبعد ولادتي بيومين سوتهم لي

ادعي لي ربي يعوضني خير

الله يعوضج يارب

و الله يخليلج الوالده و يطول بعمرها مشكلة امي ما تعرف و لا جان تسويهم بنفسها

 

[عيون ملكيه]

اما جربت ام خالد .. مانسبني ادويتها كلش ..
ان شاء اله ناويه اسوي لي بنفسي المره الجايه
واذا حابه تسوينهم .. هذي طريقتهم ماخذتهم من حرمه مال هالسوالف
وتسوي لبناتها وبنات بناتها ..


وانتي وكيفج ..



تطحنين رشاد مع شوي حبه سودا وفلفل اسوود
هذي الخلطه تحطينها مع فطور الصبح اللي هي خبز صاج
وكاس حليب بالفلفل الاسود ..
وأي شي تحبينه بعد ممكن تاكلينه وياه عادي




هذا السفوف حق الايام الاوله ..
2 كاس حلب
2 فنجال حبه سودا
2 فنجال شمر
قبل الغدا والعشا ملعقه كبيره

خلطة التمر
وتمره تعبطينها مع رشاد واذا حابه ضيفي حبه سودا

خلطة القهوه ..
فنجال مسمار
ملعقه مر
ملعقه نونخه
نص ملعقه كمون
ملعقه شمر
نص ملعقه قسط هندي
هالخلطه اتحطين لج بقاع الفنجال وتقهوين عليه ..

السفوف حق الايام الاخيره
كاس رشاد حب
فنجال حبه سودا
ملعقة شوربه فلفل اسود
ملعقه كمون
فنجال نونخه
استكانةشمر


قبل الغدا والعشا ملعقه كبيره من السفوف حق ال20 الاوله وال 20 الاخيره

جزاج الله خير ما قصرتي

 

[سارة ة]

اااااااب

 

[رغد84]

مااعرف شي
بس اااااب

دعواتج ان الله يشفيني

 

[أإلع ـشق دلع ـهـأإ]

اهلي يطلبون من ام خالد حيييل شغلها حلو وكاااامل كل شي ومرتب ونظيف

 

[نور التفاؤل]

انا اخذت لبنتي قبل سنتين من ام خالد ومااااناسبتنا كلشش
وعقبه اخذت من ام محمد الحماد وادويه بعد لعلاج التابعه
الله يكفينا وياكم شرها عساااها ماااتعود ...والحمد لله مشت ميه ميه
وام محمد اللي بشبيليه نص ونص
وعقبه قمت اسوي لبناتي المتزجه والغير متزوجه

وادوية بوسعيد كلها متروسه وتعور البطن وتجيب الاسهال

وعندي منها شوي من زمااان وما كملناها وانتوا بكيفكم بس اشترو احسن
وسووا بنفسكم من هالحريم اللي يخلطن ويلبخن ومااندري اشنبلع الله يستر
مافيها لعبه هالاشياء يعني منين بيجبن الحريم ؟من المريخ!
كله من العطارين,,,,,,,,,,,,,,,,,,,,,,,,,,,,,,,,,,,,,