من وين تشترين أغراض البيت آخر الشهر ؟؟؟؟

[وجدان الكويت]

رد: من وين تشترون ماجلة البيت ؟

حبيبتي اذا تبين الرخص شوفي لولو بالري أو سيتي سنتر
بس عن نفسي ناخذ من مركز سلطان لاني ساكنة عند حمولتي فماجلتنا خفيفة بس خالتي أم ريلي تاخذ من الميرة ماني عارفة للحين شنو سر قصةالحب اللي بينها وبين الميرة

 

[اخت فروحه]

رد: من وين تشترون ماجلة البيت ؟

انا كنت اشتري من الميرة بس الحين ماقاموا يجيبون كل شي اصنافهم صارت شوية وما الاقي كل شي فقمت اروح جمعيتنا

 

[اخت فروحه]

رد: من وين تشترون ماجلة البيت ؟

انا كنت اشتري من الميرة بس الحين ماقاموا يجيبون كل شي اصنافهم صارت شوية وما الاقي كل شي فقمت اروح جمعيتنا

 

[الهجر والوجد]

رد: من وين تشترون ماجلة البيت ؟

والله مثل ماقالو البنات نفس الاماكن
مشكوره سؤال حلووووووووو

 

[ام كنعه]

رد: من وين تشترون ماجلة البيت ؟

انا اشتري من مركز سلطان في الدائر الرابع ولكن ريلي يقول اشتري من الجمعيه علشان نستفيد من الارباح واشوف الجمعيه وايد غاليه ومو كل شي متوفر

 

[طيف ااالكويت]

رد: من وين تشترون ماجلة البيت ؟

لايطوفكم كارفور عندهم ارخص من ناحية الدجاج
والشمابواات ولوشنات الاطفاال والمنظفاات بصفه عامه
وهم لولو هايبر
اماا مراات اوصي اختي بسعوديه اتجيب لي منتجاات صناعه سعوديه رخيصه حيل وبالكويت غاليه
وهم اتجيب لي منتجات كي دي دي عندهم ارخص

 

[bnt_kwt]

رد: من وين تشترون ماجلة البيت ؟

الله غالبا مركز سلطان
وساعات الشرطه وسيتي سنتر

ونادر جدا جمعيتنا

والاسعار نار وشرار

بس ترا جمعيه الشرطه رخيصه احنا هالشهر جيلنا منهم والله فرق علي السعر عن مركز سلطان

 

[جےـود الحےـزن]

رد: من وين تشترون ماجلة البيت ؟

نشتري من جمعية الجيش حلوة زكل شي فيه ورخيصة بس يا كرهي اذا رحت بوقت المعاشات ما تقدرين اتحركين وعندهم قسم الجمله يهبل تأخذين بالكراتين

 

[التوت البري]

رد: من وين تشترون ماجلة البيت ؟

أنا أجيل من جمعيتنا جمعية بيان أو سيتي سنتر ( التجيله الكبيرة) ، أما بالنسبة للأشياء العادية من أي مكان مركز سلطان أو كارفور يعني هالأماكن الطيبة

 

[شمس الأصيل]

رد: من وين تشترون ماجلة البيت ؟

مشكوره على الموضوع


انا من رواد سوق لندن لانهم ارخص من الاسواق الثانيه

 

[om deaj]

رد: من وين تشترون ماجلة البيت ؟

عن نفسي>>> مركز سلطان ونادر جدا من جمعية الظهر

بس من الي سمعته عن الاسعار ارخص في كارفور الي بالافنيوز وجمعية الحرس الي بجنوب السرة

 

[عبير العبورة]

رد: من وين تشترون ماجلة البيت ؟

هلا والله ببنت عمي وبنت فخذي

جمعية الجيش احلى شي وارخص شي

بس احنا نشتري من الميرة او من لندن

 

[شموع الفرح]

رد: من وين تشترون ماجلة البيت ؟

جمعية الجيش والأغلب مركز سلطان

 

[*^*مــــزيــــانــــا*^*]

رد: من وين تشترون ماجلة البيت ؟

سيتي سنتر

احلى منه مافيه

كل شي فيه ومتوفر

وايد عووود وتتسوقين على راحتج

بس نصيحة لاتروحوون

لا الجمعه ولا الاحد

موووت وكله هنادوه

 

[أمواج البحر]

رد: من وين تشترون ماجلة البيت ؟

انا اجيل البيت يا من جمعية القادسية او مركز سلطان وساااعااات اروح كارفور حسب المزاج

 

[7abebat elq8]

رد: من وين تشترون ماجلة البيت ؟

سوق لندن افضل شي بس الخضروات و الفواكه من سيتي سنتر

 

[برونزية]

رد: من وين تشترون ماجلة البيت ؟

انا اخذ من ستي سنتر او سوق لندن او جمعية الجيش او الشرطة

 

[خبيرة اعشاب]

رد: من وين تشترون ماجلة البيت ؟

الاساسيات :

العيش - الدجاج - الدهن - المعلبات - المجمدات- الاجبان - ماجلة العيال - الحفاظات ....الخ ======== كله من جمعية الدفاع صدج اسعارهم زينة و ارخص شي


الكريمات و الشامبوات بعض المجمدات و الشغلات الحلوة

مركز سلطان - كارفور

عندهم تشكيلات حلوة من الصابون و الكريمات ....الكاكاوات و البسكوت و ايضا عندهم جميع المجمدات الي ما اتحصلينهم في اي جمعية و ايضا بعض الخضار و الفواكه

لولو هايبر ماركت :

حلو مرات حق موااعين ,سوالف الهنووود من بهارات و خضرة هندية ...الخ

جمعيتنا :

مرات مو دايما حق بعض الاغراض ( جبن - بيض - روب ...الخ )

و حياكم

 

[خبيرة اعشاب]

رد: من وين تشترون ماجلة البيت ؟

كارفور ترى مرات عندهم عروض خاصة يا بلاااااش

مرة جايبين ربيان دانة الي على شكل فراشة علبتين بدينارين و نص و بالجمعيات علبة وحدة بدينارين و 900 و شوي

و دجاج ساديا للحين هم ارررخص شي و عندهم بعد كلينكس المطبخ ب 220 فلس - بالجمعيات ب 400 فلس -

يعني في شغلات واجد تاخذينها بنص السعر

مو كل شي طبعا - في شغلات غالية

 

[SILVER ROSE]

رد: من وين تشترون ماجلة البيت ؟

للحين ماعرفنا شنو سالفة الميرة نورونا يابنات ياغافلين لكم الله احنا نشتري من الميرة ولولو