مهما نصحنا بنتنا على المغازل .. ماينفع !!

[blue ocean]

ابداع ابدعتي يالقدساويه ..
الوضع اللي صاير الحين شي مخزي لأبعد درجه
وخاصه بين المراهقات قعد نسمع عن امور ماسمعنا عنها اول
سوالف تشيب الشعر وربي !!!
ونرجع نقول الأهل هم الاساس وصاجه ياخيتي ابداع طريقة
الأهل بتصرفهم مع عيالهم مفروض تكون عقلانيه
لأنه هالزمن بختصار ( يخوّفّ ) اكثر من اي زمن ثاني ​

والعضوه ام خالد ماعليج زود .. بعد كفت ووفت​

الله يحفظنا ويحفظكم ويحفظ بنات المسلمين من كل شر​

 

[Melazlaza]

موضووووووع مميز وكلام عقلي ومنطقي

بس انا احترت
اذا الام صارت صديقة بنتها وبطلت هالمجال مو هني البنت بتتمادى وبتقول في ولد احسن من الاولي وتمشي بهالطريج وحزتها الام بتتوهق

يعني موضوع يحير
المشكلة معتمدة عالطفولة بالدرجة الاولى لانها اساس شخصية بنتنا
لي كبرت بتصير الامور اصعب
ان صادقتها لهالعمق ممكن تفقد هيبتها الام
وان
نصحتها بالعقل وكلام مو واقعي ممكن البنت ما تقتنع

وطبعا القوة والضرب اهو الحل الخطأ بكل الحالات

عموما خوش طرح حبي تسلمين

 

[ϻʟǎƙ ཞǿ7ყ*]

استغفر الله ياربي الله يهديييهم

شوفووا انا عممممممري 15 و بـ11ع وتمممر علي نممماين وايد من اللي تتحجون عنهم يعني عندنا الوضع طبيعي اذا البنت تبجي هذي خاينها حبيبها ولا مشتاقه له ولا ولا ولا … الخ

ويآمآ نصحنآ يقولووون ماعشتوا اللي عشناه ماحسيتوووا بالحب و خرابيط استغفر الله و يطيحون عليهم اهلهم و ينطقوووون و هم يردووون

وصارت سالفةة بمدرستنا بنات تطاققووا بالشارع يومين ورا بعض والله انهم يحذفون بعض ع السيارات و السبب شنوو ؟؟!

صبي !!!!!!!!!

وانفصلووا و لازالووا ع هالدرب ماني عارفةة وين الخلل

وفي مدرسةة ثانيةة بدوون ذكر اسامي رفيجتي فيها تقول البنات يهربوون و ييبون لبس معاهم ولبسهم شي ماينقال بنات 15 و 16 عندهم قمصان !!!!!!

وتنحاش من المدرسه وتروح معاه

بدال ماتجابلين دراستج و تعيشين حياتج كبنت بعمرج و تهتمين بحياتج و تحاولين توصلين لطموحاتج

تسوين جذي ،؟!

طيب ليه شنو استفدتي غير انج ضيعتي سمعتج

وحطيتي راس اهلج بالتراب

اهلج اللي ربوج و كبروج و مايبون شي منج غير انج ترفعين راسهم بأخلاقج و شهادتج

ماقول غير الله يهدي الجميع و يستر على بناتنا

 

[غلا،،]

قلة ايمان ونقص الله يحفظنا بس
جزاج الله خير..

 

[لحظآتَ]

بنات بقولكم شغله
مو كل البنات ينفع وياهم الكلام الزين والمسايس والتصرفات المنطقيه
فيه بنات حشاكم تكلمينها جنج تكلمين طوفه
وماتهتم كلش وترد للدرب الوصخ هذا
وفيه بنات العكس من غير قسوة و شدّ وغيره .. بس تذكرينها بضميرها وربها واهلها اللي تعبوآ عليها
هي تبدأ تحاسب نفسها وتوقف وقفه جديه مع نفسها وتترك هالدرب اللي ماشيه فيه
يعني الناس اصنااف
وأحيانا للاسف ماينفع الا الشده والعقاب والحرمان من الاجهزه الالكترونية ..
خاصة لسن 14 ليين 19 جذيه ..
مو دايم العقاب يكون سلبي بالعكس احيانا يكون هو الحل الأمثل !!!
طبعا عقاب مع اهتمام عاطفي مو اعاقب وامنع واحرم .. وبنفس الوقت اقسى عليهم !
لا يعني اعوضهم عاطفياً بدال الاشياء اللي حرمتهم منها وألهيهم قدر المستطاع لما ينسون هالخراب ورفاق السوء
وهكذا

 

[ورود كويتيه]

والله اذا الوحده مو خايفه من ربهاا قبل كل شي راح تسوي اي شي .....

بعدين بنات هالوقت مو مال نصايح وكلاب بادب ..لانهم فاصخين الحياء وجرأه مو طبيعيه يعني الوحده صوووتها عالي وتصارخ اذا تكلم امها كانها اصغر عيالهااا ....:eh_s(4):

والله في بنااات رزينات وعاقلات وحتى اشكالهم ربي هاديهاا ...
اما الصنف الثاني اللي لسانها يلوط اذانهااا مااال طراق يخلي وجهها يلتف وتعطين الخدامه اجازه وتخلينها تستلم مكااانها

 

[»βαzεя«]

up up up

الله يهدي الجميع

 

[mama-dodo]

والله كلامج صح
الله يحفظ بناتنا
والله انا ان شاء الله بكون الام الصديقه حق بنتي
لانه الحل الاحسن بنظري
ولازم نكون حذرين لان الدنيا كما تدين تدان وانا مادري ريلي
شنو مسوي بحياته مابي حوبة بنات الناس تطلع ببنتي


الله يحفضها لي يا رب

 

[فوشيه كويتيه]

الله المستعآن

 

[بطوووطة$بيضة]

انا بنات خالي يطلعون على كيفهم واي حزة يبون ويلبسون ويكشخون ويحطون ميك اب ....بس مايكلمون شباب ولا عندهم هالخرابيط تدرووووووون ليش....امهم رفيجتهم حييييييل ابشكل ماتتوقعونه واي شي يصير معاهم قالوا حق امهم واهيا صدرها وسيع ولاعمري شفتها اتزف وحده من بناتها ولا تسبها كله ماترضى عليهم وماشالله جابلتهم وزوجتهم ...مع العلم ان الام منقبه ومتدينه ...هذي مشكلتنا ان امهاتنا مو رفيجاتنا ...يبونا انكون مثاليين ومانغلط ....

 

[ٱنثـى ٱرستقـرآآطيـة]

هالموضوع مهما نتناقش مراح نخلص منه

والحين هذا ترا شي طبيعي انا اشوف البنات الي معاي بالكلية الي ماعندها صديق ما تسوى ومو واحد بعد لازم يكون فيه الاساس والاحتياط بعد والي تطلع معاه وتهرب من محاضراتها عشان تطلع وياه<< طبعا مو كل البنات جذي وكلن عارف نفسه!


اممم بصرااحه انا كنت اكلم والحمدلله ما طولت بسرعه تبت ورديت لربي والله لا يعيدها من ايام << بفضلكم بعد الله

انا وحده متربية عارفه ان هالشي غلط بس بصراحه الي خلاني اسوي جذي هو الشك سوا من امي او ابوي وتفتيش ايميلي وجذي انتو يعني عارفين الباقي وهالشي خلاني اتمرد عليهم والفراغ العاطفي بعد له دور محد كان يسمعني ببيتنا ولو سمعوني ما فهموني ومراح اقص عليكم كان ودي اجرب هالحب الي الكل يتكلم عنه سواء بالنت او المسلسلات او المدرسة << وغلط الطريق الي رحت منه

انا اشوف ان السبب هم الاهل بتعاملهم مع البنات يخلونهم غصب يسلكون هالطريق المفروض ع الاهل يكونون فاهمين وواعيين لهالنقطة يتقربون لبناتهم لان هالجيل وهالوقت بالذات ينخااف منه وكل شي صار عادي


واذكر لما كنت اكلم هذاك _الله يستلر عليه وعلينا_ كان يحذرني من البنات الي جذي واذكر كان يقولي ان ساعات يجونهم شله بنات بسيارتهم للكلية ويرقمون >> يعني فوق شينه قواه عينه
وفيه الي تقول لواحد تعال معاي والشقه وكل شي علي بس ابيك تجي معاي!!!!!!!!!
حتى لما قطعته قالي انتي بنت ناس ومدري شنو بس لا تتعرفين على اي شاب ولا تصدقين كلام اي احد الا زوجج لي تزوجتي << خايف على مصلحتي

بس بنات انتبهوا من هالطريق صج والله ترا محد راح ينفعج بعدين لما يضيع شرفج وتنزلين راس اهلج بالقاع

ادري طولت عليكم وجزاج الله خير صاحبه الموضوع << ومنكم نستفيد

والله يهدي بنات المسلمين ويستر عليهم ويحفظهم

 

[sunshine22]

الحل يزوجونهااااااااااا

بس الزوج لما يعرف الخيانه ما يطق


يذبحج

 

[ya al3rosa]

حبيبتى انا امى رفيجتى واللَة اقولها يما انتى رفيجتى ما احسها الام اللى تطق بنتها ولا تزفها وتعاقبها لا لا لا لا
انا امى غيررررررررررر رفيجتى حيييييييييييل حييييييييييييييييييل احسها فاهمتنى عدل عدل اكثر من رفيجاتى بواااااااايد وكل شى يصير اقولها اما سوالف رفيجاتى لا ما اقولها عن نفسى اى اقولهااا وتنصحنى واتفهمنى بين الصح والغلط وامى قريبة منى حييل واذ سويت شى غلط ما تقول لا انتى وانتى وانتى واتشك لا لا لا تعطينى نصيحة وانا خو مانى صغيرة افهم اللى قالتة امى وامى ادرى بمصلحتى طبعا واللَة يخليها لى ياااااااارب ويطول بعمرهااا

 

[Eva-SS]

بس مو كل البنات ضحايا حب ولا مقصوص عليها


مروا علي بنات ماخذه السالفة لعب ووناسة تكلم شباب وتطلع معاهم مو قاصين عليها بشي اهي عندها قابلية للانحراف


انا برايي البنت لازم وراها رقابة لاني شفت بلاوي يوم دخلت الكلية كنت قبل ما صدق انه فيه بنات عندنا جذي وكنت لما اشوف مقاطع او صور اقول هذي مو كويتيه بس اتضح انه فيه وبنات حمايل بعد


عشان جذي اقول لازم رقابة يعني جيل هالوقت ما لومهم ينحرفون نت وبلاك بيري وايفون وكل شي مفتوح ولا شكثر مرات اطلع اشوف بنات سن مراهقة 13 الى 18 بروحهم يتمشون بالمجمع وشباب لاحقينهم واللبس مو بعمرهم مكياج وعدسات وحالتهم حالة وبالاخير يقولون ليش بناتنا انحرفوا .. الرقابة لابد منها بس مو معناتها شك بس كل شي له حدود البنت لها حرية بس لازم تعرف انه فيه حدود لحريتها ولازم تعرف انها بتتحاسب حساب عسير لو غلطت

 

[ترانيم القصيم]

أنـا دايم أقول آللي يبي ينصح خله ينصح من باب ( الحكم الشرعي )

يعني مثلاً تقول لها : حراااام و ما يجوز و يا ويلك من الله

لو تموتين و أنتِ على هالحالة ,, حسابك عند الله عظيم و مهوب هيّن

يعني يتم استخدام الزجر و التخويف من المعصية ,,

فالمفروض يتم النقاش و إسناد النصيحة على باب ( شرعي بحت ) أما الإستدلال بأمور عقليّة فهذي حبذا لو كانت تمثل الجزء الثانوي من النصيحة ..

انصحوا عيالكم من باب الحلال و الحرام ,, ركّزوا على هذا الجانب عسانا نفلح حنـا و أنتم ^__^

 

[جوك احلى جو]

تعجبيني

ويزاج الله خير على الموضوع

رفيجة وحده من خواتي كانت تكلم و امها طاحت عليها....... تدرون شنو سوت امها؟!!!


قالت لها يا حليله اهو ولد منو ووين بيتهم و من هالاسئله .. وقالت لبنتها عطيني اكلمه

واتصلت عليه امها وكلمته جدامها وقالت له يا ولدي انت امبين عليك ولد ناس و ترى بنتي انا مربيتها واخاف عليها من نسمة الهوا .. اذا انت تحب بنتي و تبيها ترى احنا نعين و نعاون بس تقدم لها وترى ما عندنا سوالف كلمني واكلمك بالتلفون

الولد انحرج و قال لها يا خالتي يسلم راسج وانا راح ابتعد عن بنتج

تعجبني هالام

بطريقتها بينت لبنتها ان هالولد اللي قاعده تكلمه قاعد يلعب عليها وكرهته كره العمى

احترم فكر وعقليه هذي الام تصرفها جدا ذكي واختصرت علي البنت كشف نوايا الولد :rerrerek::rerrerek::rerrerek::rerrerek::rerrerek::rerrerek::rerrerek:

 

[بحرانيـه]

كلامج صحيح بس للاسف الجيل هذا الي اهوا جيلي انا والي بعمري تفكيرهم للحياه غير عن اهلهم واندفاع للحياه يكون اكبر وهي حلوة بعينهم كل انسان وشخصه في بنات يقزرونها جات سوالف وضحك وفي بنات طلعات وسهرات وفي بنات تقولين عنهم مال اوووول كلا عالكتب والدراسة انا عاشرت بنات منهم الزينة ومنهم الشينه ابسط مثال رفيجتي تحب واحد امها تدري ابوها من درى بهالشي طردها من البيت نص الليل وخلاها واقفة ليش عشان تتادب اهم شي اذا اي بنت صج تحب واحد وهو يحبها ونهاية علاقتهم زواج ويتعرفون على بعض ويكسبون بعض قبل الزواج مايكون بشقة او مكان مغلق يكون بمكان عام مثل المطاعم والمجمعات مو الكباين !!!!!!!

 

[جِراحُ الغَرام]

كلامج صحيح بس للاسف الجيل هذا الي اهوا جيلي انا والي بعمري تفكيرهم للحياه غير عن اهلهم واندفاع للحياه يكون اكبر وهي حلوة بعينهم كل انسان وشخصه في بنات يقزرونها جات سوالف وضحك وفي بنات طلعات وسهرات وفي بنات تقولين عنهم مال اوووول كلا عالكتب والدراسة انا عاشرت بنات منهم الزينة ومنهم الشينه ابسط مثال رفيجتي تحب واحد امها تدري ابوها من درى بهالشي طردها من البيت نص الليل وخلاها واقفة ليش عشان تتادب اهم شي اذا اي بنت صج تحب واحد وهو يحبها ونهاية علاقتهم زواج ويتعرفون على بعض ويكسبون بعض قبل الزواج مايكون بشقة او مكان مغلق يكون بمكان عام مثل المطاعم والمجمعات مو الكباين !!!!!!!

اسمحي لي بس قويه
انتي بكلامج تقولين لها طلعي معاه ؟ حبيبتي غلط هالكلام احنا مسلمين شنو تطلع معاه بمكان عام لو يشوفونها قرايبها سمعتها راحت لان عارفين انها مو متزوجة
ولا تفكرون اني مع هالعلاقات انا ضدها حييل
بس في نقطه اللوم مو كله عالاهل اعرف ام ربت بناتها احسن تربيه وحده كلمت وتابت ووتزوجت والثانين تزوجوا بدون لا يغازلون او يكلمون وعاشوا حياتهم فالخلل بالبنت مو بالام وتربيتها
الله لا يبلينا لان صج قهر

 

[دلوعه سوسو]

الله يجزاك الجنه استفدت كثير وفتحتيني على اشياء اجهلها

 

[روان المطيري]

تبارك الله درر