هالظاهرة انتشرت بشكل كبير للأسف
والأسباب كثيرة , انا مدرسة ثانوية وكذا مرة اعرف ببنت طلعت مع واحد وصادوها , واكلم البنات بحكم اني قريبة منهم علشان اعرف ليش يسوون جذي
أول سبب : صديقات السوء تبدا البنت من عمر 13 و14 سنة تتعرف على شباب واللي يخليها تتعرف رفيجتها الفاسدة اللي عادة تكون اكبر منها بسنة او سنتين , تبدا معاها وتقولها في واحد يخزج ومعجب فيج وكل يوقف بالهدة ينطرج علشان يشوفج ويحبج ويبي يتزوجج , اهني يجي دور التربية , اذا البنت متربية تترك الفاسدة هاذي ولا تكلمها , والبنت اللي اهلها مهملينها او طايحيين فيها زف وطق , ما تصدق اتشوف واحد يحبها , اول شي رسالة , وبعدين تلفون وبعدين تطلع معاه , وتبدا معاها السالفة وتظل جذي تبدل البوي فرندز حتى بعد ما تتزوج, لانها خلاص تعودت تلقى الحب الطريقة هاذي.
السبب الثاني : الفلوس , مع ان الحمدلله تلقين البنت ظروفها زينة , بس ما تقدر تشتري شنطة ماركة , او ايفون , عايشة على المصروف والاعانة , المحترمة المتربية يكفيها ولا يزيد , بس المفجوعة على الدنيا تبي تلبس وتكشخ على حساب دينها وسمعتها تطلع مع رياييل بفلوس , اللي يشتريلها ذهب واللي يشتريلها تلفون واللي يصرف عليها , تتعود على ربعها يصرفون عليه
والسبب الثالث : ان كل رفيجاتها عندهم بوي فرندز , اشمعنى هي لا , لانها ما عندها شخصية وضعيفة تقلد رفيجاتها الخايسات علشان تصير مثلهم وما يقولون عنها معقدة , خلي يقولون معقدة ولا يقولون بنت ليل
المشكلة ان وايد من الاشكال اهلهم ناس محترمين وما عندهم هالسوالف , البلاوي تجي من صحبة بنات ابليس اللي يخربون غيرهم
لاوم الأهل يشوفون بناتهم يطلعون مع منو , ويكلمون منو
