مواقف الابلات مع الطالبات داخل الصف؟.

[ذكريات عشاق]

بسم الله الرحمن الرحيم

السلام عليكم ورحمة الله وبركاته
مساء الورد والياسمين

شلونكم ابلات شخباركم؟
وشلون التصحيح والمراقبة معاكم..؟

طبعا انا توني مترشحه للتربية وللحين ماخلصت المقابله والامتحان يعني ماراح اباشر عمل الا شهر 9 انشالله
دعواتكم بليـــز..!
:yaaaaaarb:



والحححين بدش بالموضوع بصراحه طرت على بالي فكرة

كل ابله تكتب لنا المواقف اللي صارت لها داخل الصف مع الطالبات
سواء موقف خلها تضحك او تعصب او تنرفزت
ونشوف شلون كانت ردود افعالكم وشلون تتعاملون مع الطالبات خاصة المشاغبات
وعشان كلنا نستفيد..!


وانششاله الموضوع يعجبكم ...خلونا نضحك ونشوف سوالف البنات ...!



لكم كل الحب والتقدير والاحترام وزهور اللافندر..!


تحياتي لكم..

 

[منال القلب]

اذكر مرة كان عندي الحصة الأولى. بالطابور البنات كانوا شياطين ويسولفون وانا كل شوي اسكت فيهم. المهم قلتلهم بس ندخل الصف انا أوريكم وكنت حدي حدي معصبة. بس دخلنا الصف قعدوا جان اقولهم انتوا تفشلوني .. بس تحبون السوالف .. بعدين أبلة منال يعاقبونها ويقولون ان صفها مزعج.. واقولهم هالكلام وانا حدي منفعلة مرة وحدة جان أتذكر موقف صارلي مع اهلي وكان يفطس من الضحك وااااااي جان اضحك ما قدرت أمسك نفسي والصف كله ضحك معاي...... برستيجي كله اخترب ههههههههه

---

موقف ثاني. كنت قاعدة اعطي درسي واكتب على السبورة جان وحدة من البنات تييني وتقولي ابلة بروح الحمام.. جان أقولها باقي 10 دقايق تحملي جان تقولي ابلة ماقدر فيني ز__ ___ ___
تخيلي نفسج مندمج بالدرس وتيييلج بنت وتقولج جذي!! بعد الحصة قلتلها ماما حبيبتي مرة ثانية لي بتروحين الحمام وبتسوين شي
قولي بسوي بي بي مو تقولينها بالكويتي ترا يعيبون عليج.... انا امبي انصدمت على فيني ضحكة.. لووووووووووول صج صج يومها رجعت البيت ومت مت من الضحك وقلت حق اهلي وماتوا ضحك..

 

[بنات حواء2]

خوش موضوع عجبني
بقرا و لمن اذكر موقف معين بييلكم

 

[miele]

up up

 

[ذكريات عشاق]

اذكر مرة كان عندي الحصة الأولى. بالطابور البنات كانوا شياطين ويسولفون وانا كل شوي اسكت فيهم. المهم قلتلهم بس ندخل الصف انا أوريكم وكنت حدي حدي معصبة. بس دخلنا الصف قعدوا جان اقولهم انتوا تفشلوني .. بس تحبون السوالف .. بعدين أبلة منال يعاقبونها ويقولون ان صفها مزعج.. واقولهم هالكلام وانا حدي منفعلة مرة وحدة جان أتذكر موقف صارلي مع اهلي وكان يفطس من الضحك وااااااي جان اضحك ما قدرت أمسك نفسي والصف كله ضحك معاي...... برستيجي كله اخترب ههههههههه

---

موقف ثاني. كنت قاعدة اعطي درسي واكتب على السبورة جان وحدة من البنات تييني وتقولي ابلة بروح الحمام.. جان أقولها باقي 10 دقايق تحملي جان تقولي ابلة ماقدر فيني ز__ ___ ___
تخيلي نفسج مندمج بالدرس وتيييلج بنت وتقولج جذي!! بعد الحصة قلتلها ماما حبيبتي مرة ثانية لي بتروحين الحمام وبتسوين شي
قولي بسوي بي بي مو تقولينها بالكويتي ترا يعيبون عليج.... انا امبي انصدمت على فيني ضحكة.. لووووووووووول صج صج يومها رجعت البيت ومت مت من الضحك وقلت حق اهلي وماتوا ضحك..

هههههههههههههه
ياربي على البنات والله سولفهم تضحك
خاصو وقت العصبية مرات ماتقدرين تمسكين نفسج

 

[ذكريات عشاق]

بنات حواء2
حياج منورة

 

[وحدة من الناس *]

بنات اسمع وايد عن بنات الثانويه وشطانتهم يقولون اغلبهم بويات واللي تسمخر المدرسه واللي تكت على الطاوله بودره اللي تسبب الحكه واللي تقعد على طاوله الابله واللي يصورون

اشلون راح يكون التعامل معاهم

لان بمقابلتي امس قالو لي اذا نجحتي بنحطج بالثانويه لان في نقص!

 

[ذكريات عشاق]

هههههههههههههههه

والله بنات الثانوية
اذا عطيتيهم ويه من اول يوم بيلعبون
لكن اذا بديت معاهم بالجد والعين الحمرة بيتسنعون
انا اذكر عندنا ابلة بالعربي كانت ادرسني
اذكر اول يوم دشت علينا قلنا حليوة وتهبل وفعلا روحها حلوة ومتواضعه بس وقت الجد والدراسة ماعندها يمين ويسار
كانت امشيتنا سيدااااااااا
بس الله يرحمها توفت بحادث سيارة

 

[PuPa^^SWeeT]

هذي السالفة صارت حق زمييلتي


اتقول وهيا بالحصة اول مادشت السلام عليكم

وكانت فيه بنية مشاغبة موجودة
وبعديين لفت تبي تكتب العنوان

يوم لفت ويها ولا البنية مو موجودة

اتقول حق البنات وين فلانة

البنات يطالعون بعض و يقولون ماندري خايفين لوول


المهم كتبت اسمها علشان اتبلغ الادارة

شوي ولا واهي تشرح لفت ويها تكتب مسالة

لفت ويها ولا البنية موجوودة @@@@@@@@@@@@@@@@@@@@@@@@@@@@@@@@


اهنيي عصبت

وينج ليش طلعتي

جان البنية اتصرخ و اتقول ابلة شفييج انا موجودة طول الوقت بنات بنات قولوولها


تخيلو طلعت الابلة مينووونة ؟؟؟؟؟؟؟؟؟؟؟؟؟؟؟؟؟؟؟؟؟؟؟


عصبت زوود وقفتها عالطوفة



بعديين يوم خلصت الحصة نادت اذرب بنية بالصف و قالتلها وين كانت

جان اتقول منخشة ورا الباب تبي اتسوي فيج الحركة



@@@@@@@@@@@@@@@@@@@@@@@@@@@@@@@@@


شرايكم ببناتنا

 

[توتي فروتـي]

..

ههه الله يكون في عوننا .,

 

[ذكريات عشاق]

هههههههههههههههههههههه

لا والا بقولكم سالفه رفيجتي
عقبال مااقولكم سوالفي


تخيلوا تقول وظفوها على لافاينل يعني للحين ماعرفت البنات عدل وشنو مااايتهم

وتقول وانا اراقب بالامتحان والا تقول وحده ابله اشدعوا خلينا نغش نشاعد بعض عادي
وتزفهم وماكو فايدة

 

[يا قائم آل محمد]

عليكم السلام


خوش موضوع
اول ما تعينت

طالبات صفي يسالوني عن اختي بعمرهم بس بصف ثاني
يقولون لي تعرفين فلانه اللي بالصف الفلاني
او يقولون في وحده بالصف الفلاني واااااااااااايد تشابهج

و اهي اول ما داومت مو مقصرة فيهم كانت
تخيلو مثلا اخليهم يصفون طابور بنروح المختبر و تلاقون جم وحده ورا يسولفون
واهي واقفه بره صفها مو ياية ابلتها ليلحين
تخزهم تقول لهم اوريكم تسولفون هااا


اختي بدعت معاي


اول ما تعينت كان وقت امتحانات الفترة الثالثه
و حطوني مراقبه على صف اختي
و البنات حسبالهم اني من النوع اللي يساعد الاوادم
جان من البداية قلتلهم كل وحده و مجهودها ماكو واسطات

و انا افتر بالمراقبة طبعا لازم اضطر حتى افتر صوب اختي معاهم
فمن اوصل صوبها الاحظ عيون البنات تتجه صوبي
حسبالهم بعلمها شي
و من اخلص جولتي و اوقف جدام
يطالعوني و يبتسمون يعني ما غششتيها

 

[يا قائم آل محمد]

انا من النوع اللي ما احب وقت الشرح يصير فوضى بالصف ووحده ما تنتبه و تسولف مع اللي يمها
تنرفزني هالحركة وايد

ايام الميداني
بيوم من الايام الصف السادس سووا هالحركة و بعدهم بجم اسبوع الصف السابع
عاد شسويت معاهم

قلت سولفو على راحتكم درسكم مشروح و ماني عايدته

عاد المشكله ان دمهم بااااااااااارد الا الشطار
لا ابلة تكفين كملي شرح
و الا اللي نص و نص و الا الكسالى ما همهم شي
اقعد عالكرسي و يكملون سوالف يبطون الجبد


بس اضطريت بالمرتين اكسر كلمتي و اعيده لان اول درس بالفصل و مبني عليه دروس ثانية

 

[يا قائم آل محمد]

مرة من المرات رايحه صف انادي بنت توقع على قصير مؤجل
و الصف مو صفي
اول ما طقيت الباب و سلمت و استأذنت الابلة
و علما تيي البنت
الا اسمع البنات يقولون حق الابلة
ابلة شوفي الابلة جنها طالبة معانا
جان اطالعهم باستغراب

 

[يا قائم آل محمد]

في نقطة ضعف عندي اني مرهفة الاحساس ---> ههههه اسم الله

مرة من المرات توني في بداية الايام اللي ادرس فيها
وحده من الطالبات من بداية الحصة لي تقريبا نصها و مو راضية توقف شطانه
اخير شي سبت رفيجتها بصوت عالي
يعني من مساع لا فايد معاها خز
و لا تنقيص درجات و لا كلام

نرفزتني عدل
جان اقول لها يا فلانة نزلي عند الوكيلة
جان تقول
ماني نازلة
على اي اساس انزل؟
جان اقول لها لو سمحتي نزلي عند الوكيلة
ترد تعيد
قلتلها عيل طلعي مع رائدة الصف و روحي عند رئيسة القسم و خل تقول لها شقاعده تسوين

قالت و ليش اطلع مع رائدة الفصل انا ادل بروحي اروح
قلتلها توكلي

و قاعده اكمل شرح
يايتلي بكل استهزاء تضحك
و تقول مو موجوده بالقسم

:\
قلتلها قعدي و ورا الحصة تعالي معاي
قعدت شوي و قاعده اكمل شرح

شوي الا تيي رئيسة القسم قالتلي شفيج شصاير قايلين لها الابلات ان تبيني
جان اتبلعم و اقول ما في احترام بالصف و عيني كانت حزتها مغرقه بالدموع
بس ليلحين مو نازله

جان تقول لي روحي القسم

و اقعد ابجي ------> عاد انا شنو يسكتني

و اهي ظلت عندهم باقي الحصة تقريبا 10 دقايق
كلمتهم

و من يومها البنت ماشيه سيده معاي

ماني عارفه شلون اتغلب على الاحساس المرهف مشكله

 

[jen2n]

مشكوره ذكريات على الموضوع الحلو والمميز :

و ابلات خل نستفيد منكم

يعني البنت اللي مو منتبه بالحصه والا اللي تسولف وما تدرس وتتطنز

شنو افضل طريقه اللي يخليها تكون سيدا؟؟

 

[ذكريات عشاق]

يسسسلمو بنننااات نورتوا الموضوع
انشالله جنان نقولهم مواقفنااا

 

[كــلــ أمــل ــي]

انــآ مره كنت امتحن الصف عملي طبعا ع الأجهزه

وتعرفوون الامتحــآن العملي يفتر راسج فر وزين منج تضبطيـــن الصف المهم وأنــآ قااعده اجيك ع شغل طالبه ومندمجه معــآهــآ ولأ تيي وحده ثقيلة دم وتسلم وتقوول ابله ليش ماتردين السلام انا هني استوعبت الكلام جــآن اعطيهاا صرخه وقلت نزلي عند الاداره والله اناا خفت من نفسي

جــآن تنحــآش ولوو موو امتحاان جاان لحقتهاا مااخليهاا تستعبط هذي والله فرااغه طرشت طالبه تنزلهاا للاداره قالت ابله مالقيتهاا واناا ع اعصاابي لانها فشلتني حتى صفي تمسخرووه عليهاا ابله هذي شفيها واتعرفوون بناات كباار

الموهيم خلصت حصلتي وركضه ادوور البنت وربي بناات من كثر مااعصبت قمت ارجف وطقتهاا الوكيله وبردت جبدي ومن بعدهاا البنت كل مامرت صوبي دنقت ومشت

صج صج بناات في بناات مايمشوون اللي بالعين الحمرا اوو ياكلوونج .. مااكوو احتراام مثل اول

الموقف الثاني يمووت ضحك

اناا اذا عصبت اقط بدلياات بداال لاا اقوول بناات ساادس بس قلت سواادس بناات ههههههههههه البناات ضحكوو واناا بطيتهاا ضحك لوووووووووول

يوووووه شكثر الموااقف واكثرهاا بدلياات والمطافيق ماا ينسووون لينهاية الحصه واهم يذكروونج فيهاا ..

 

[كــلــ أمــل ــي]

جنــآن هالسؤال داايم افكر فيها بماا اني توني متعينه

فاللي شفته من خلال تدريسي انج تساايرينهم بس ديرباالج موو الكل البعض لا تعطينهم ويه وحااولي انج تعطينها امر ومااتتراجعين فيه قوولي كلمتي وحده بس

طبعاا هذاا كله من خلاال نظرتج للبنت اتعرفين شخصيتها اذا كانت من النووع اللي يرادد او تقلد طالبه شيطاانه او .....الخ

اماا اللي موو منتبه بالحصه قوميهاا تكتب ع السبوره اوو تقراا اوو تتفاعل معااج انتي حركيهاا لاتقولي يافلانه انتبهي خليهاا تشاارك قعديها جدام

وان شالله البنات اللي عندهم خبره يفيدوونج

 

[N F N F]

وييييييه ياكثر المواقف ..

اذكر العام كانت عندي بنيه نزغه وكاتبه الاملاء على طاولة رفيجتها وصدتها تغش منه وهاوشتها
وسجلت اسمها جان تقولي ( و ,, هديل !! ) .. تقصد اللي كان الاملاء على طاولتها .. قلتلها هديل
شاطره ماتغش ومو هي اللي كاتبته واهاوشها هي جان تقول (و ,, هديل !! ) وارجع ازفها وترجع
تقول ( و,, هديل ) .. المهم ثاني يوم يتني امها وتسأل وعلمتها بالسالفه جان تقول :
( و,, هديل !!!!! ) ....... انا هنيه صج تنرفزت قلتلها انتي امها والا ام هديل !! تسألين عن بنتج
والا عن هديل !! وتصرفت مع بنتج ومع هديل .. بس رديت المكتب واعلم رفيجاتي ماتوووووووا
من الضحك ولي اليوم لي بغوا يضغطوني يقولون لي ( و ,, هديل !!!! )



هالسنه عندي طالبه دعله .. هي خلقة الله لها دعله وماتفهم وبداية الحصه قاعده اسجل اللي
حالين الواجب والا هي مو حاله جان اكتب اسمها .. وقفت وقالت انا بروح الوكيله ؟ ليش ؟؟
ليش تكتبين اسمي ؟؟ انتي مو حاله الواجب !! ايه نسيت .. عادي كل رفيجاتج نسوا وكتبت اساميهم
لا انا بروح الوكيله .. قلتلها قعدي مكانج .. بروح الوكيله .. اقولج قعدي .. بروح الوكيله
قلتلها الوكيله مو نافعتج انتي غلطانه وناسيه الواجب قعدي .. لا بروووح الوكيله !!
وانا هنيه عصبت حدي وتنرفزت .. انا اقولها قعدي وهي الا تروح والبنات خافوا من عصبيتي
ويبونها تقعد وهذي تنحت الا اروح الوكيله وانا مابي اكسر كلمتي جدامهم وحطيت عيني بعينها
وقلتهلها قعدي ويمكن لو ماسحبوها رفيجاتها ماقعدت المهم بس طق الجرس ما وعيت الا ورررر
الطلقه اللي ماره من يمي .. البنيه طايره للوكيله شلت اغراضي ورحت وراها وعلى ما وصلت
الا الوكيله ماسكه راسها تقولها روحي صفج وهذي تقول ..مابي !! وشكل الوكيله يموت ضحك
وانا وقفت على الباب وقعدت اضحك وناديت البنت قلتلها تعالي خلااااص بمسح اسمج ..


بالنسبه للي سألوا عن طريقة التعامل مع البنات انا اشوف اهم شي
انج ماتقولين كلمه ماتنفذينها .. يعني انا ماطلع بنت للوكيله ليش اني
ادري انه الوكيله بترجعها لي وماتسوي لها شي .. وانا اللي اتفشل
او اقولهم اللي ماتحل الواجب بنقصها .. وتالي ما أنقصهم .. ترا البنات
واااايد يهمهم انه الابله تكون عند كلمتها ويهابونها جذي ​