مواقف البنات مع ابلاتهم؟؟؟

[ذكريات عشاق]

منورة ياهلا ومشكورة على المرور

 

[ميشو المطيري]

احب الابله الي تضحكنا و اذاا زفتنا تضحك
يعني كله مطبق على ابلتي العربي*

 

[أمحق وفى ـا]

السلام عليكم والرحمه ..

آحـــم آحــم ..

أحــب الأبــلــه :- تكون طيبه وحبوبه وتخليج تحبين مادتهاا وتضحك وتاخذ وتعطي معاج بس بشرط مو بزياده لان الصراحه احنا مننعطى وجه نفس ابله الله يذكرها بالخير اسمها ابله زينب اسلاميه حبوووووووبه

وأكره الابله :- الي تهدد ومادري شنو وماتعرف شي اسمه ابتسامه ولما ادش القسم القاها ميته ضحك وتحش !! ولا بعد وتارسه وجهها كيلو مكياج وعبوسه

شلون بنحب الماده اذا الابله جذي

حلات الابله تكون ذربه مو كيلو مكياج والاهم من هاذا محترمه مو نفس ابله عندنا الله يستر عليها ويسامحها ما يمدينا طلعنا من الصف الا ذاك الزف والالفاظ مادري شلون بنتعلم !!

وبسسسسسسسسسسس

تحياتي :- أمحق وفى ـا .. مدرسه متوسط العبدليه

 

[أمحق وفى ـا]

وآآآآيي اكره الابله الي كله تقول انا عندي وانتوا ماعندكم وانا وانا وانا وانا واهي ما عندها ماعند جددتي نفس ابله اعرفها بـ مدرستي وبث

 

[fulla 7elwa]

احب الابله اللي تثق فينا بس تكون شاااده شوي لان مدرسسه مو لعب و يكون لسانها حلو
و تحترمنا و تحبنا

 

[بطوطتي]

طبعا البنات م قصروو
بس بقوول بعد

احب الابله اللي دمها خفييف
و الطيبه و تسولف ويا البنات بنفس حلووه

وو اكره الابله اللي كله تقول الصف الفلاني احسن منكم
وو الي كله تقول امتحان مفااجئ
وو الي كله منفسسه بويهنا و بالصفوف الباجيه تضحك وياهم

 

[ميشو المطيري]

انا بقول لكم موقف بنت خالي تقول :
الابله خطها خايس و سألتهم منو خطها حلو ولا رفيجة بنت خالي تقول فلانه جان بنت خالي
اسكتي مالي خلق و الابله تضحك

 

[#شيطونه#]

هلا حبيبتي يعطيج العــأأفيــه على هيــك موضوع ..~
بصراحه كل ابله ولها اسلوب وحلات الابله يكون لها اسلوب حلو مع الطالبات وشرح حلو واحلى شي تكون بشوشه وفرفوشه يعني مو كله كاتمه نفسها بالكتب عشان مايملون البنات ..~
بس ساعات اذا الابله عطت ويه زياده للبنات يتمادون عليها ..~
ولا في بنات منظبطات وجذي..
وموفقه ..ْ

نفس وجه نظري

 

[JBRNI AL-W8T]

اممم احب الابلة اللي تشرح بضمير واللي تراعينا اذا كان عندنا امتحان
احب الابلة اللي تهتم بترتيب الدفتر وتحب نكتب بالوان لوول
اممم وبعد احب الابلة(اذا كانت رياضيات) وعندنا تطبيق واول وحدة تحل التطبيق تكتبلها الاولى
سوالف يهال لوول بس صج استانس من هالحركة وتشجعني
والابلة اللي اكون مرتبتلها الدفتر تكتبلي شكرا على الترتيب او تحطلي نجمة لوول :$

احب الابلة اللي تقدر تعب الطالبات!
لان صادفت ابلات مو طبيعين , اكتب واكتب بالحصة وساعات اقعد بالفرصة عشان انقل
والبنات يطلعون , ويخلون دفاترهم ولما الابلة تبي الدفاتر
تقولهم بكل سهولة اخذو دفتر اي بنية ويكون كامل وطبعوه! بذمتكم مو شي يقهر؟! @@
وهم الشي غلط ,, لان البنات بيقولون اكيد في بنيه دفترها كامل وبتعطيني فراح يهملون المادة ومايهتمون لها ولا راح يعرفون وين الله قاطهم!!


يعني باختصار حلات الابلة تكون جدية وان كان في فراغ بالحصة تضحك وتسولف معانا
, تشرح بضمير وتقدر تعبنا وماتخلي البنات يعتمدون على غيرهم!!!

 

[ذكريات عشاق]

ممشششكورين بنات ومنوررين الموضوع والله
وافكاركم نفس افكاري بالضبط ووايد شغلات انشالله راح اطبقها على طالباتي

 

[sarah 94]

ابي اقولكم سالفه صارت هسنه مع ابلتنا الانجليزي
الله يسلمكم ابلتنا الانجليزي مصريه والبنات امصخرينها وطبعا انا معاهم واحنا يوم الاثنين بجدولنا اتكون الحصه السادسه العاب والحصه الاخيرة انجليزي فمرة كنا رايحين حصة الالعاب كالعاده ويوم خلصت الحصه اغلب البنات مالهم خلق حصة الانجليزي على اساس انها الاخيرة فا في بنيه ابصفنا اقترحت قالت اشرايكم انأذيها ونخليها ماتشرح قلنالها اشلون جان اتقول كلنا نتأخر عن الحصه ما نرجع بسرعه وطبعا كل صفنا قاعد يتمشى بالممرات والي بالساحه وكاشتين بالحصه اخر شي قلنا خنرجع الصف لا تودي ابلة الانجليزي اسامينا عند الادارة وباجر يعاقبونا بالطابور مالنا خلق بس اقترحنا انا انسوي اصوات مزعجه بصف مثلا صوت البقرة وانتو بكرامه لووول وغيره طبعا اول ما دشينا الصف عصبت علينا وطبعا احنا نتحجج كنا بصالة الاعاب قاعدين نلبس اهدومنا دشينا عادي وقعدنا وتبدي اصوات الحيوانات وانتو بكرامه لووووووووول اول شي الابله ما لاحظت الاصوات بعد 5 دقابق جان اتلاحظ وتقوم اشطر بنيه بصف وتقولها (اولي مين الي بيعمل الاصوات دي ) والبنيه اتقول مادري والله اكيد ما تدري لانها معنا قاعده اتسوي الاصوات جان الابله اتقول(ماشي الدرس دا اتشرح ) وتقعد وتحط ايدها على خدها وحنا كشتنا فيها قمنا انسولف

 

[a7la_cute_lulu]

البنات كفو ووفو
بس بزيد شغله
احب الابلة اللي تاخذ وتعطي معاج وتسين انها تحبج وابها لما غصب تدخل المعلومه براسج

واكره الابله اللي تقولي قطي العلج مع اني انا اللي مشية كلمتي على نص الابلات واقولهم ابله ما اركز الا بالعلج<< لوول بس ترا صج ما اركز
وما احب الابله اللي يكون علينا احتياط واذا كليت تقولي مشفوحة وبعد هالحصة فرصة وتكون ما تبي نسوي ديوانية << خو كيفنا محد مسكها واهيا بالقسم وقالها لا تسولفين
وما احب الابله المصرية اللي ريحتها مجبوس دياي على عرق << وييع ترا صج ابله الاجتماعيات مالت السنه اللي طافت كانت تبخر الصف بريحتها
وما احب الابلة اللي نطردنا من الصف بالفرصة وما احب المشرفه اللي علطوول تدخلنا الصف او تعهد او فصل وفوق هذا تسب
واكره الابله اللي تحط على البنت على ابو شكلها ما يساعد واكره الابله اللي تجذب تقول الصف الفلاني احسن منكم واذا سألنا الصف الفلاني يقولوم جذابه تقول انه انتو اححسن منا

واكره الابله اللي تخصص بنات يشاركون والباجي لا
واكره الابله اللي تعطي بنية وحدة كل شي عن الامتحان على ابو انها مؤدبة
واكره الابله اللي ما تساعدنا بالامتحان تكون صارمه << يالله على التعبير
ووايد اشياء
واكره الابله اللي تحط دوبها دوبي ما عندها شغل غيري
تقولي ليش المكياج ليش الاظافر والدلاغ واالحواجب وووو..
والسالفه مالت sarah 94 تستاهل الابله زين سويتو فيها احسن محد قالها شرحي الدرس وفي كتاب على فكرة تدرسون منه وفي ابلات ثانين غيرها وفي مدرسين خصوصيين
ادري طولت بالحجي
وانشالله اكون نفعتج

 

[ذكريات عشاق]

مممشكووررين بنات نورتوا الموضوع

 

[مااسه حسااسه]

اممم انا احب بلابله اسلوبها وهم نفسيتها يعني ما تصاارخ علي اله بسالفه غلط وهم احب الابله الي ما تقوم هذي بنت فلانه اساعدها وهذي اكره امها وييع ما اححب الابلات الي جذي وهم احب الابله الي تشوف طالبتها انظلمت بشي وعطوها عقاب ما تستاهله تساعدها لانهاا تدري انها بريئه وهم احب في الابله انها بشوشه وتضحك مع ابنات وهم تشرح عدل مو تضحك وشرحها خيس يعطيييج العاافيه

 

[بنات حواء2]

ذكريات خوش موضوع
يعطيج العافيه
فيبنات ردودهم تدل على شطارتهم و انهم فعلن مهتمين
وفي ردود ماعجبتني

بس احب ازيد علبنات صفه حلو لو صارت بلابله وهي الاستمتاع بالحصه
مو معناته ضحك و سوالف
لالالا
بس ان تكون الوسايل جذابه و ممتعه البنات يستانسون و الابله تستانس
وحلو ان تكون الابله تضرب امثله من الواقع و تربط الدرس بحياتهم عشان يحسون باهميته


نصيحه حق الطالبات احترام الايبله واجب عليج شنو ماكانت جنسيتها احترامها واجب
ويكفي انكم تذكرون قول الرسول عليه افضل الصلاة و السلام عن المعلم
كاد الملعم ان يكون رسولا

لمن تعرفين قيمة هلكلام راح تعرفين شنو يعني معلم
و البنيه الخلوقه هي الي تتعامل مع ابلتها بخلاقها مو باخلاق غيرها
يعني مو اشوف رفيجتي شتسوي اسوي مثلها لا انا اخلاقي غير و تربيتي غير ما اسوي الغلط عشان رفيجتي
و لمن تكون الابله عصبيه و تصارخ اتعامل وياها باخلاقي و صدقيني هشي بغيرها وياج و مع غيرج من الطالبات


وما في ابله تكره طالباتها بالعكس لاكن من حرصها عليهم تعصب و تتنرفز ولو انتو مو هامينها ما تعصب عليكم الا انها تبي مصلحتكم

و الله يوفقكم يارب

 

[ذكريات عشاق]

اي والله صاجه يا ام زنوب ونورتي الموضوع بالمداخلة الحلوة

 

[ألم صمت]

انا احب الابله الي تفرفش وتضحك بس بعد مانخلص الدرس

ويكون اسلوبها حلوو بالشررح وماتحط مكياج اوفر لان احنا نقعد ننقد عرفتي شللون

واكره شي بالابله لي دخلت الحصه من اولها لي اخرها كله شررح واسئله ويييع تحسين الحصه مممله

واحسن شي بادوات الشررح يعني لاب توب نطلع برا الصف نقعد نشرح بالحديقه

تخلي بنات يشرحون وياخذون الدرجه الكامله بالشفووي

تسوين ارواق عمل حلوة بالوان وزخارف


جذي بتكونين الابله المثاليه

 

[ذكريات عشاق]

انا احب الابله الي تفرفش وتضحك بس بعد مانخلص الدرس

ويكون اسلوبها حلوو بالشررح وماتحط مكياج اوفر لان احنا نقعد ننقد عرفتي شللون

واكره شي بالابله لي دخلت الحصه من اولها لي اخرها كله شررح واسئله ويييع تحسين الحصه مممله

واحسن شي بادوات الشررح يعني لاب توب نطلع برا الصف نقعد نشرح بالحديقه

تخلي بنات يشرحون وياخذون الدرجه الكامله بالشفووي

تسوين ارواق عمل حلوة بالوان وزخارف


جذي بتكونين الابله المثاليه

مممممممممممشكوووورة نورتي الموضوع:eh_s(7):

 

[عهود عنونو2]

سبحان الله وبحمده