مواقف رحلة الفحص الطبي للوظيفه ( مجلس طبي )

[سمراء كالخمري]

بنــات انتو لمن سويتوا مقابله بالوزاره الي انتو فيها بعد جم يوم عطوكم اوراق الفحص؟؟
انا قالولي بعد سبوعين ندق عليج والحين نهايه السبوع هذا يصير سبوعين ولا احد دق علي
اتوقع يدقون يوم الاحد ازهب روحي واروح اسأل ولا انطرهم وييع مااحب النظره حدي مستعيله مليت بخلص اوراقي :\
انا اعرف رفيجتي تهاوشت وياهم يالله عطوها موعد حق استلام الفحص عباله والله جنهم مايبونه نتوظف

 

[حنين]

والله مادري

 

[kuwaitya-frawla]

ههههههه الله يعين على هل مواقف

 

[حنين]

الفال لج وجوفين معانات ومواقف

 

[أليين]

رد : مواقف رحلة الفحص الطبي للوظيفه ( مجلس طبي )

صج بنات انتوا رحتوا للفحص الطبي بروحكم ولا لازم ورقه من الوزارة اللى انقبلتوا فيها

يسلمووو حنين ع الموضوع الحلو

 

[حنين]

لا لازم تروحين وزاره علشان تاخذين الاوراق

 

[حنين]

uuuuup

 

[حنين]

رفع

 

[ودآعتك قلبي]

رد : مواقف رحلة الفحص الطبي للوظيفه ( مجلس طبي )

بنااات عندي إستفسااااااااار بسيط .. بخصوووص فحص الدم لاازم أكون صااايمة ؟

 

[hhateek]

هلا حنين ... شخبارك.. باشرتى العمل ولا ؟؟؟

 

[tahaniy89]

رد : مواقف رحلة الفحص الطبي للوظيفه ( مجلس طبي )

up
up
up

 

[*مارلين_مونرو*]

بناااااات .. شنو الاوراق اللي يبونها هنااك لازم تكون زاااهبه معاااااي !!!

 

[أليين]

رد : مواقف رحلة الفحص الطبي للوظيفه ( مجلس طبي )

امبيييه بنات انا على الدورة ماعتقد يصير اسوى فحص بول وانتوا بكرامه صح لان بنات يقولون عادى وبنات يقولون مايصير انا اعتقد مايصير اشرايكم

 

[گـحِـلْ |~]

رد : مواقف رحلة الفحص الطبي للوظيفه ( مجلس طبي )

,

ما اعتقد الدورة لها شغل

عادي

,

 

[مظلومة حيل]

رد : مواقف رحلة الفحص الطبي للوظيفه ( مجلس طبي )

نازك انا بعد قبلوني بالصحة انتي وين حطوج

اليوم سويت الاشعه و البول تكرمون بس الي فشلني والرجال عند الباب الاشعه يقول قطني ملابسج كلهم و ياشر على الصدر والبسي روب داخل (انصدمت منة لانة رجال)

و زوجي بعد انصدم قال منو الي بيسوي الاشعه (اشوة سوتلي مراة شي طبيعي) لا عاد زوجي لزق بالباب خاف يعتقلوني

 

[hhateek]

رد: رد : مواقف رحلة الفحص الطبي للوظيفه ( مجلس طبي )

نازك انا بعد قبلوني بالصحة انتي وين حطوج

اليوم سويت الاشعه و البول تكرمون بس الي فشلني والرجال عند الباب الاشعه يقول قطني ملابسج كلهم و ياشر على الصدر والبسي روب داخل (انصدمت منة لانة رجال)

و زوجي بعد انصدم قال منو الي بيسوي الاشعه (اشوة سوتلي مراة شي طبيعي) لا عاد زوجي لزق بالباب خاف يعتقلوني

مظلومة حيل
هلا حبيبتى مبروك الترشيح ...
نبى تفاصيل بعد .. يعنى متى راجعتى الوزارة واوراق الفحص اخذتيهم بنفس اليوم .. كل شى ...
فيه اسماء هتنزل ان شا الله يوم الخميس ... نبى الخبرة للبنات ...
مشكورة​

 

[مظلومة حيل]

رد : مواقف رحلة الفحص الطبي للوظيفه ( مجلس طبي )

غالية والطلب رخيص افا عليج

طبعا لما نزل اسمي بالجريدة رحت للوزارة قال احنا ندق عليكم و نسوي مقابلة و بعدها ب3 ايام دقو و قالو باشر المقابلة و لما جيتهم عطوني ورقة الطلبات و قالو تعالي بعد 4 اسابيع مدري لية <<يمكن عشان العيد مع ان العيد اسبوع

و رحت لقسم التعيينات وديت لهم الطلبات (ميلادية و المدنية و الجنسية و صور شخصية ) طبعا تعبت وقعت اوراق عندهم و من غرفة يطرشوني لثانية عشان اكمل الاجراءات و بالاخير اخذت ورقة فحص طبي و وقعتها من المديرة و عقبها الختم يعني من 8 الصبح الى 2 الا ربع خلصت و معاي ورقة الفحص

و من الباشر رحت للمجلس الطبي العام عشان الفحص عطني ورقتين (تحليل بول تكرمون +اشعة صدر) رحت للمستشفى وسويتهم و الاشعة قالو باشر تطلع تضايقت لاني قاعده مبشر الساعه 8 ونص و التحليل البول تكرمون يطلع بنفس اليوم و نطرت لين باشر
عشان الاشعه و طلعتها و وديتها للمجلس الطبي الشباك
و عطوني و رقة تحليل دم و دخول على الدكتورة فحصو نظري و بطنيو شافت الاشعه وتحليل الي سويتهم بالمستشفى ورحت اوقعها عند دكتور عشان تطلع بنفس اليوم و خلصت و رديت للوزارة للتعيينات طلبو اجيب من العلاوات كم الراتب ورقة و عطيتهم قالو 10 ايام و ندق وانا الحين انطرهم وسلامتكم (قصة صارت)

 

[BaiTotia]

رد : مواقف رحلة الفحص الطبي للوظيفه ( مجلس طبي )

واي مو صج الفحص كله كوم وتحليل وأنتوا بكرامه البول بكوم ثاني

أنا لو شنو مادخل حمام عمومي إلا بالشديد القوي

وحمام المستوصف حده حده حده قذر أستغفر الله مادري لي متى بنظل جذي حماماتنا وصخه حتى صابون ماكو

ومسوصف المفروض يكون نظيف ويع

 

[احلا عجميه]

هههههههههههههههه
انا خلصت من العدان سويت فحص السكرر والاشعه باقي اكمل في مستشفي الصباح الباقي

 

[عادت ذكرياتي]

آنا انقبلت بوزارة العدل بس للحين أنطر المقابلة الله ييسر
بعدين بقولكم المواقف لوووول