مواقف طريفة ... للمصورات

[زيـنـه]

خووووش مواقف

 

[سعودية والدلع لايق علية]

ههههههههههههههههههههههههههههههههه



كل مواقفكم مضحكة

انا مرة كنت اصور حشرة صغيرة في حديقة بيتنا ومنسدحة ومنسجمة ابي التقط لها صورة وهي تاكل ما كنت ادري ان اخوي الصغير جنبي يراقبني ومادريت الا هو منقض على الحشرة وطيرها وانا مت من القهر وامي قاعدة تضحك علي من جد ضربتة وانا مقهورة

 

[هوفه]

بصراحه مواقفكم اضحك

انا ما اصور

 

[أم منصور]

موفف طريف

مرة كنت بصور جماعي وماخذه اكشن للجميع وثبت التصوير الأوتوماتيكي ورحت اركض يعني اخر وحدة وناطريني وزلقت زلقة محترمة وطبعا كل الي سويته ضاع لآنهم تركو مكانهم ويو صوبي يشيلوني -- ومرات كثيرة مافي فيلم في مواقف بس نسيتها . :tek:

 

[خاشووقه]

ودي اشارك
بس مستعيلة
بروح الدوام

 

[خوش بنيه]

لووووووووووول امي وابوي بعد قلبي بشهر العسل رايحين لبنان وجكجكجكجك ما بقي صوره ما صوروها وكل شوي موقفين احد يصورهم مع بعض خخخخخخخخ بعدين راحوا مصر عقب لبنان والعداد مال الكاميرا وقف خلص الفلم امي قالت حق اابوي خل انحمض الفلم ونحط فلم ثاني حق مصر يوم فجو الكاميرا ماكو فلم لووووووووووووووووووووووووووووووووووووووووووووووووووووووووووووووووووووووول

وااااااااااااااي من صج عوار قلب :eh_s(2):​

 

[خوش بنيه]

موفف طريف

مرة كنت بصور جماعي وماخذه اكشن للجميع وثبت التصوير الأوتوماتيكي ورحت اركض يعني اخر وحدة وناطريني وزلقت زلقة محترمة وطبعا كل الي سويته ضاع لآنهم تركو مكانهم ويو صوبي يشيلوني -- ومرات كثيرة مافي فيلم في مواقف بس نسيتها . :tek:

ههههههههههههههههههههه :dddds:

 

[كوب قهوة]

اطرف موقف صالي يا بنات يوم حفل تخرج اخوي من الثانوية

من قلبلها بيومين وهو يقول لي جهزي الكامرة وشحنيها وديري بالج على البطاريات ،، والحالة حالة ،، ولا يوم التخرج عاد ،، رايح الحلاق ومنعم الويج جنه معرس ،، ومصدق نفسه ،، المهم يوم يا الوالد يصوره وهو يستلم الشهادة من الناظر والا الكامرة مافيها ميموري كارد ،،

ما انسى الموقف هذا لانهم كانوا متحلفين فيني ،، رديت من الدوام الظهر شوي ويذبحوني من القهر
لا واخوي يقول لي غلطانة ،، اشرايج اسوي حفلة بالمدرسة مرة ثانية بعد عشان تستانسين يا (( القوطي)) خخخخخخخخخخخخخ

 

[ســتارز]

موفف طريف

مرة كنت بصور جماعي وماخذه اكشن للجميع وثبت التصوير الأوتوماتيكي ورحت اركض يعني اخر وحدة وناطريني وزلقت زلقة محترمة وطبعا كل الي سويته ضاع لآنهم تركو مكانهم ويو صوبي يشيلوني -- ومرات كثيرة مافي فيلم في مواقف بس نسيتها . :tek:

هههههههه

سلامات وماتشوفين شر

 

[SabaQueen]

صباح الخير بنات شلونكم شخباركم

آنا صارت بقول لكم عن المواقف اللي صارت لي بس احسها ما تضحك إلا تخرع :
1- مره من المرات في سنة 1996 كنت قاعده اسوق سيارتي الصبح بالديره و إلا امر على مقبره قديمه و كان سورها شويه متهدم ... و لمحت من الفتحه المنظر اللي داخل كان المكان كله خضره و ربيع و نوير بعد و كان شكله مع القبور حلوو ..
عاد قمت و صفطت السياره و كانت كاميرتي على طول معاي بالسياره و نزلت الكاميرا و قعدت اصور من الفتحه اللي بالسور المنظر و كنت مستانسه حدي ...
بعد ما خلص الفلم و كان فيه صور ثانية غير المقبره . وديته اشرف علشان احمضه !! لما استلمت الصور ولا شنو اشوف كل الصور اللي بالفيلم طلعوا إلا صور المقبره صايره سوده جنه الفيلم محرووق !!! الصراحه اخترعت من السالفه و عقب ما عدتها !!!

2- الموقف الثاني : كان في سنة 1995 كنا طالعين كشته في بر الصبيه اللي الحين موقع محمية الشيخ صباح الأحمد . و البر كان حلو و النوير وايد وشكله عجيب وعلى مد النظر النوير الأصفر و الورد البنفسجي صج كان البر إينن
المهم بعد ما قعدنا و تغدينا عاد بدا وقت التصوير . و قعدت اتمشي بالبر بروحي اصور النوير و العرفج و الحشرات ....
ولا فجأه ولا اسمح صوت شي ينفخ و الصوت يخرع .. لي قربت من بقعه معينه يزيد ولي بعدت وقف .. قمت عاد و ناديت اخوي علشان يسمع معااي لما وصل لي و سمع الصوت و لا جان يقوول لي قبه ........... وآنا اركض وراه و مادري ليش انحاش !! لما بعدنا شوي سألته شفيج انحشت ؟ جان يقول لي ما شفتي الورل !!!! و الله لو لاحقج و عاضج عاد شيفكج منه !!!

آنا : من صجك جذي صوته والله ما انتبهت !! عقبها قمت احترس اكثر لما اصور بالبر ...

هذه بعض مواقفي . و عندي مواقف تضحك بس ما تحضرني ذاكرتي الحين

 

[جاي وحليب]

SabaQueen

اي والله هاذي مواقف تخررع وماتنسى

الله حفظكم من الورل..


ودي تشاركينا بجم صوره من صورج بالكاميرا الفلم

احس الفلم غير لها قيمتها بكل صوره

 

[SabaQueen]

جاي وحليب
هلا اختي الغاليه ..
ان شاء الله اشارك فيهم ، آنا الحين قاعده احاول اسوي لكل صوري القديمه سكان بالسكانر ...
و إن شاء الله انزلهم لكم

و حياج الله

 

[ام كتكوت]

مره بعيد ميلاد بنت رفيجتي
مجهزه الكاميرا على ويه اليهال
وواحد منهم بسم الله عليه شيطان
لمن صورت اشوف الصوره ولا مسوي في ويه حركه ههههههههههههههههههههههه تفطس تضحك
ودي احط الصورة بس اخاف امه ماترضى هههههههههههههههههههههههه

 

[د.شريفة]

بنات بقولكم موقف صار حق رفجتي
كانت تدرس تصوير فوتغرافي وعندها وقتها الواجب عن غروب الشمس
راحت اختنا البحر تصور غروب الشمس دورت مكان اوكي حطت استاندها وركبت الكاميرا وتبي تصور تقول وانا قاعده ازهب اغراضي شفت اثنين مواعدين قاعدين على البحر
تقول مالي شغل فيهم توني اول صوره ثاني صوره
والا الريال يقوم يأشر لي ويصرخ تقول انا حاولت احقره شفته لالالالالا يايني طاير تقول واخم اغراضي واركض اركب سيارتي تقول ويركب سيارته ويلحقني
تقول انا ادوووس واهو يدوووس وفراره لي بعد المغرب يالله ضيعته
تقول مت مت من الخرعه هاهاهاهاهاهاي

 

[ام الغالين]

ما عندي مواقف تصوير للاسف

 

[SabaQueen]

بنات بقولكم موقف صار حق رفجتي
كانت تدرس تصوير فوتغرافي وعندها وقتها الواجب عن غروب الشمس
راحت اختنا البحر تصور غروب الشمس دورت مكان اوكي حطت استاندها وركبت الكاميرا وتبي تصور تقول وانا قاعده ازهب اغراضي شفت اثنين مواعدين قاعدين على البحر
تقول مالي شغل فيهم توني اول صوره ثاني صوره
والا الريال يقوم يأشر لي ويصرخ تقول انا حاولت احقره شفته لالالالالا يايني طاير تقول واخم اغراضي واركض اركب سيارتي تقول ويركب سيارته ويلحقني
تقول انا ادوووس واهو يدوووس وفراره لي بعد المغرب يالله ضيعته
تقول مت مت من الخرعه هاهاهاهاهاهاي

لووول د.شريفه سالفتة اخت رفيجتج تضحك ،، الظاهر في باله انها مصورتهم عااد يبي يطلع رجولته جدام صاحبته ويبين لها انه شهم و لحقها .... بس الله ستر عليها .
آنا منها جان اسفط جدام بيتنا و أنادي اخواني و فيه خير يقرب مني جانه رياااال _03BA:

 

[الاسطورة]

جاي حليب
انتي دارسه تصوير؟؟؟
ولا هاويه

 

[الفرح كله]

لووول يحليكم بدعتوا الموقف اللي صارلي مره حنيت على زوجي يوديني البحر قبل الشروق عشان اصور وتخيلوا مونايمين ناطرين اذان الفجر عشان انصلي ونروح يوم وصلنا اندش واجهه واجهه ولافيها ناس ويهال ليه اخر البحر لما استقرينا على مكان يوم طلعت الشمس اهني الصدمه ماطلعت في المكان اللي اخترناه اثاري كنا بغرب موشرق لول ردينا البيت اثنينا امبوزين

 

[.]

انا كنت ماخذه تصوير وصارت لي مواقف ..

اقولها لكم عقب ان شاءالله..

 

[العـذوب]

مرة كنت نازلة المغرب اصور ,, فرحانة بالترايبووود والعدة ,, واشوف واااحد رايح راد رايح راد يطالعني لميت العدة وقلت بشرد

توني احط السامان بالسيارة إلا الأخ واقف وراي ,, قال ممكن اشوف الكاميرا ,؟؟

عطيته اياها ,, والا يفرفر فيها وعقب شخط له كمن صورة عجببببب ,, أثاااريه مصور محترف ومدرب تصوير وأنا طول الوقت علب بالي مغازلجي ,,