ابلات ليش تمدحون بالاسم ؟؟؟
الموجهة هي الموجهة شخص يجي من خارج اسوار الروضة ما يعرفج الا من خلال
ما يسمع ويحكم عليج من خلال مايقولون له
يعني من ربع يقولون حتى ان اجتهدت وحاولت هم بتظل خارج الروضة تاخذ فكرة عنج من خلال
مايقال لها والقليل القليل الي تشوفه بعينها
وكم منا ظلمته موجهته الفنية
انا موجهة كنت اعرفها غيرت فكرتها عني 180 درجة بمجرد ماتغيرت ناظرتي
غريبة صح ؟ عقب ماكنت ما افهم وموخوش مرة صرت مبدعة بنظرها وفنتق الفناتق
ليش؟؟؟ تغيرت الناظرة تغير الكلام بالمرة تغير مع انه نفسي انا ماتغيرت بالعكس كنت قبل احسن من الحين
شوفوا يابنات
لاتجاملون بردودكم والموجهات ماراح ينزلون مجلس الامة مسوين لهم مسيرة شكر ومدح
الموجهة الي تخاف الله مايهمها مدح مادح ولا نقد ناقد او حاقد
الله يوفقها
والي ماتخاف الله هم مايهمها
امممم انا صج قلبي متروووووووس عالموجهات مقهورة صج منهم
اختي عهود الحب وااااضح حيييل ان قبلج متروس عالموجهات
وصدقيني مو بس انتي كلنا لاعت جبودنا من بعض الموجهات
وصدقيني الموجهة اللي تظلم المعلمة وتاخذ براي المديره بدون تفكير هذي وحده ماعندها شخصية ، الموجهة الشاطره تعرف المعلمة الشاطره من اسلوبها وتدريسها وصفها وعيالها ونشاطها تحضيرها اشييااااااء وايد تبين المعلمة الشاطره ويبين من اسلوب المديره اذا شايله بقلبها على المعلمة او لا فليش تلغي شخصيتها وتصير خاتم بايد المديرة ؟
وبعدين وليش مانمدح بالاسم؟ كا انتي مدحتي هيفاء الغانم واهي صج تستاهل، اللي تستاهل من حقنا نمدحها ونثني عليها
وبتحجى عن نفسي والله والله موقاعده اجامل وادري ماراح تنزل بالانتخابات ( الا اذا غيرت رايها هذا شي ثاني :eh_s(6):
وترا على فكره لاتظنين بقولها ترا كتبت عنج جذي وجذي ومدحتج وترا هذا نكي هههههههههههههه لا حشا ماطرى على بالي
(((((الموجهة الي تخاف الله مايهمها مدح مادح ولا نقد ناقد او حاقد
الله يوفقها
والي ماتخاف الله هم مايهمها )))))
صاجه بهالكلام وصدقني اللي يستاهل المدح ليش مانمدحه؟ هذي شهاده وراح ننسأل عنها
وارد واقول عسا الله يوفقها ويوفق كل موجهه تراعي المعلمات بما يرضي الله وماتغلب مشاعرها الشخصية من حب او كره أو تفرق بين معلماتها حسب ميولها الشخصيه
:s142: ياأبله منيرة
