- إنضم
- 9 أغسطس 2012
- المشاركات
- 21
- مستوى التفاعل
- 0
- النقاط
- 0
موضوعي المتكامل لـ جهاز إزالة الشعر من فيليبس PHilips Lumea ~
مساء الخير حبيباتي كويتيات .. المتزوجات و المقبلات على الزواج و الـ مو متزوجات ..
كلكم كلكم حياكم
موضوعي اليوم عن نظام إزالة الشعر اليديد من فيليبس
الموضوع من كتابتي الشخصية .. و عن تجربة شخصية أنقلها لكم ..
و أتمنى من أي بنية حابة تنقله .. تذكر المصدر بس عشان تعبي ما يروح بلاش
إسم المنتج : Philips Lumea فيليبس لوميا
متجر البيع : X-Cite إكسايت الغانم
سعره : 230 د.ك سعر الجهاز + 50 دينار كفالة إضافية = 280 د.ك.
الجهاز في منه نوعين .. نوع قديم و نوع يديد ..
الفرق بينهم اهو الراس للمناطق الحساسة .. اللي ممكن تستخدمينه حق الويه و منطقة خط البكيني
شرح الجهاز
1- جهاز فيليبس لوميا
2- الراس الكبير للمناطق الكبيرة ( الريل و الإيد و البطن و الظهر )
3- الراس الصغير للمناطق الحساسة و الصغيرة ( الوجه و الرقبة و الإبط و خط البكيني )
4- زر الضغط
5- ON/OFF
6- أرقام من 1-5 .. تشوفين جدول ألوان الجلد و تختارين أي رقم اللي يناسبج
7- زر اختيار الأرقام .. فوق و تحت
هذا الجدول تشوفين لون جلدج و لون شعرج و تختارين الرقم
طريقة الإستخدام :
1- أول شي تشحنين الجهاز لمدة 1:30 لما الليت اللي عليه بدال لا يشب و يطفي ورا بعض .. يظل أخضر .. يعني مشحون و خالص ..
2- تدشين الحمام و انتو بكرامة .. و لازم تشيلين جسمج بـ موس
نبدي بالـ ريل مثلاً ..
انا قبل لا اشيل بالموس .. استخدم صنفرة
لانها تخلي ملمس الجلد دهني Oily .. بس عشان الموس يمشي أسهل عالجلد
و عشان يسمح للموس ان يشيل الشعر كلها .. مو قصدي من المسام بس قصدي ان لما تجيسين مكانها ما تحسين ان في شعر صغار صغار ..
و تفركين ريلج حيل حيل .. عشان حتى اذا في اي سواد أو حبوب داخل الجلد .. تطلع قدر المستطاع ..
عقب ما تشيلين بالموس .. تغسلين ريلج بصابون ..
و تتأكدين ان ماكو أثر لا للصنفرة ولا للصابون على الجلد ..
و تنشفين ريلج عدل عدل و اتيبيين لج زولية و تقعدين عالأرض
تشغلين الجهاز و تركبين الراس المناسب .. اهما راسين .. راس كبير و راس صغير للمناطق الحساسه
طبعاً حق الريل و الإيد و البطن و الظهر .. تستخدمين الراس الكبير و غير ذلك الراس الصغير ..
تحطين الجهاز على ريلج بشكل عامودي
و راح تلاحظين ان الليت اللي ورا صار أخضر.. لما يطلع معناته ان انتي حاطته صح ..
فـ تضغطين على زر الضغط رقم 4
راح يطلع وميض من الجهاز و تحسين بـ وخزة خفيفة كلش كلش
و لازم تشيلين الجهاز عن جلدج و تردين تحطينها على المنطقة اللي يم المنطقة اللي قبلها .. لين تخلصين ريولج ..
و نفس الطريقة حق الإيد و كل الاماكن ..
حق الظهر تحتاجين أحد يساعدج ..
ملاحظات :
لازم قبل لا تستخدمين الجهاز لازم لازم ما يكون في أي صابون أو أي شي على جلدج ..
لأن اذا كان في صابون .. الجهاز راح يحرقه على جلدج و يبقع جلدج و ما يروح
فـ تأكدي ان ماكو صابون ولا كريم ولا شي
و لازم عقب كل استخدام تنظفين الراس بالماي و تنشفينه .. عشان يدوم معاج لازم تحافظين عليه نظيف بعلبته ..
كل شكثر نستخدم الجهاز ؟
كل إسبوعين إلى شهر تقريباً ..
متى تبيّن نتايجه ؟
شخصياً بينت نتايجه معاي من خامس-سادس استخدام ..
يعني 3 أشهر مع المداومة عليه ..
و الحين ماقام يطلع لي و اذا طلع خفيفة كلش كلللللللللللش و ناعم بعد ..
فيديو توضيحي
Philips Lumea: how does it work? - YouTube
أنصح فيه شخصياً
أي سؤال أو استفسار انا حاضرة
دعواتكم حبيباتي
مساء الخير حبيباتي كويتيات .. المتزوجات و المقبلات على الزواج و الـ مو متزوجات ..
كلكم كلكم حياكم
موضوعي اليوم عن نظام إزالة الشعر اليديد من فيليبس
الموضوع من كتابتي الشخصية .. و عن تجربة شخصية أنقلها لكم ..
و أتمنى من أي بنية حابة تنقله .. تذكر المصدر بس عشان تعبي ما يروح بلاش
إسم المنتج : Philips Lumea فيليبس لوميا
متجر البيع : X-Cite إكسايت الغانم
سعره : 230 د.ك سعر الجهاز + 50 دينار كفالة إضافية = 280 د.ك.
الجهاز في منه نوعين .. نوع قديم و نوع يديد ..
الفرق بينهم اهو الراس للمناطق الحساسة .. اللي ممكن تستخدمينه حق الويه و منطقة خط البكيني
شرح الجهاز
1- جهاز فيليبس لوميا
2- الراس الكبير للمناطق الكبيرة ( الريل و الإيد و البطن و الظهر )
3- الراس الصغير للمناطق الحساسة و الصغيرة ( الوجه و الرقبة و الإبط و خط البكيني )
4- زر الضغط
5- ON/OFF
6- أرقام من 1-5 .. تشوفين جدول ألوان الجلد و تختارين أي رقم اللي يناسبج
7- زر اختيار الأرقام .. فوق و تحت
هذا الجدول تشوفين لون جلدج و لون شعرج و تختارين الرقم
طريقة الإستخدام :
1- أول شي تشحنين الجهاز لمدة 1:30 لما الليت اللي عليه بدال لا يشب و يطفي ورا بعض .. يظل أخضر .. يعني مشحون و خالص ..
2- تدشين الحمام و انتو بكرامة .. و لازم تشيلين جسمج بـ موس
نبدي بالـ ريل مثلاً ..
انا قبل لا اشيل بالموس .. استخدم صنفرة
لانها تخلي ملمس الجلد دهني Oily .. بس عشان الموس يمشي أسهل عالجلد
و عشان يسمح للموس ان يشيل الشعر كلها .. مو قصدي من المسام بس قصدي ان لما تجيسين مكانها ما تحسين ان في شعر صغار صغار ..
و تفركين ريلج حيل حيل .. عشان حتى اذا في اي سواد أو حبوب داخل الجلد .. تطلع قدر المستطاع ..
عقب ما تشيلين بالموس .. تغسلين ريلج بصابون ..
و تتأكدين ان ماكو أثر لا للصنفرة ولا للصابون على الجلد ..
و تنشفين ريلج عدل عدل و اتيبيين لج زولية و تقعدين عالأرض
تشغلين الجهاز و تركبين الراس المناسب .. اهما راسين .. راس كبير و راس صغير للمناطق الحساسه
طبعاً حق الريل و الإيد و البطن و الظهر .. تستخدمين الراس الكبير و غير ذلك الراس الصغير ..
تحطين الجهاز على ريلج بشكل عامودي
و راح تلاحظين ان الليت اللي ورا صار أخضر.. لما يطلع معناته ان انتي حاطته صح ..
فـ تضغطين على زر الضغط رقم 4
راح يطلع وميض من الجهاز و تحسين بـ وخزة خفيفة كلش كلش
و لازم تشيلين الجهاز عن جلدج و تردين تحطينها على المنطقة اللي يم المنطقة اللي قبلها .. لين تخلصين ريولج ..
و نفس الطريقة حق الإيد و كل الاماكن ..
حق الظهر تحتاجين أحد يساعدج ..
ملاحظات :
لازم قبل لا تستخدمين الجهاز لازم لازم ما يكون في أي صابون أو أي شي على جلدج ..
لأن اذا كان في صابون .. الجهاز راح يحرقه على جلدج و يبقع جلدج و ما يروح
فـ تأكدي ان ماكو صابون ولا كريم ولا شي
و لازم عقب كل استخدام تنظفين الراس بالماي و تنشفينه .. عشان يدوم معاج لازم تحافظين عليه نظيف بعلبته ..
كل شكثر نستخدم الجهاز ؟
كل إسبوعين إلى شهر تقريباً ..
متى تبيّن نتايجه ؟
شخصياً بينت نتايجه معاي من خامس-سادس استخدام ..
يعني 3 أشهر مع المداومة عليه ..
و الحين ماقام يطلع لي و اذا طلع خفيفة كلش كلللللللللللش و ناعم بعد ..
فيديو توضيحي
Philips Lumea: how does it work? - YouTube
أنصح فيه شخصياً
أي سؤال أو استفسار انا حاضرة
دعواتكم حبيباتي
التعديل الأخير:
