موضوعي المتكامل لـ جهاز PHilips Lumea ~

[نسمة بحر]

بصراحه عندي بس ماجربته الا مرة وحده على ايدي مع انه بنات اعرفهم خلصوا جسمهم فيه بس انا مالي خلق قاعده اروح العياده اسرع

 

[غاليه بغلاها]

بسالج كم المده اللي تقعدين فيها مثلا على الريول او الايد!!تطولين والا بسرعه!!

واهو شنو نوع الليزر نفس مال العياده وشلون مايخلص الليزر اللي فيه!!

وسؤال بعد الشعره بعد ماتطلع تطيح نفس لمن نسوي بالعياده وعقب كم يووم!!

ومشكووره على نقل تجربتج

 

[ريماR]

مشكوره

 

[سمو الأثير]

بغيت اسأل حق البطن والظهر جربتيه؟
انا جلدي حساس يأثر هالجهاز علي بشكل سلبي ولا عادي؟

 

[princess meriam]

مشكوورة يا جميييله بججد نفسى من زماااان لحجاة كدة شجعتينى اووى وباذن الله هاطبقه كدة بالظبط بس اشتريه الاول وبجد سلمت يمينك يااااااااااارب
​

 

[miss.unique]

فعلا انا عندي ياه ..
و يبيله استمرارية 6 جلسات او 5 عشان الواحد يشوف نتيجة حلوووووة وطبعا مع الاستمرارية اكثر و اكثرررررررررر النتيجة رح تبين اكثر ..

 

[بنت غافان]

مرحبا

جيف حالكم

انا من أقل من شهر خذيت الاصدار الثالث منه عن طريق موقع امازون
لانه ما نزل الا في اوروبا

وجربته ولين الحين نتايجه اكثر من حلوة
1- الاندر اارم --- مرتين ونص الشعر الحين ما يظهر
2- البيكيني --- مرتين والشعر نصه ظاهر ونصه الثاني من اول مرة طاح
3- ويهي --- لين الحين ما في نتيجة
وببدأ الاماكن الثانية من يخوز نقش الحنا من ايدي وريولي

سامحوني اذا في رمسة مب مفهومة
واتشرفت اشترك في منتدى كويتي ..
انا من دبي بس حبيت افيدكم واشارك في الموضوع

والسموحة

 

[Four butterfly]

تسلميييييييييييييييين والله زهقت من العيادات وتكاليفهم

بس كنت ابي احد يفيدني عن الجهاز

 

[RO0O7Y KUWAITYA]

عليييييج بالف عااااافيه شجعتيني عليه :d

 

[تناهيد الروح]

شكرا

 

[بنت غافان]

الله يعافيكن خواتي

انا والله مثلكم مليت من العيادات يمكن لين الحين قريب العشرة الاف درهم (يعني 100 دينار تقريباً) بس على ويهي ...
الشعر قل شوية و أماكن ثانية غلظ ... والحين اجرب حظي في هذا وبشوف وبخبركم ان شا الله

 

[طيبة83]

هل جهاز روعه
ونتايجه ماشا الله تبارك الله تهبل

ولا تحتاج تكشفين عورتج لاحد

 

[Lala]

والله العظيم أنه الشيء الوحيد اللي خذته وما ندمت عليه ولا شوي

الحمدلله مستانسة واجد بالنتايج

 

[تبيني آرضى عليك]

مشكوررررررررررررره

 

[^هــنـــوي^]

شكله عجييب يبيله وااحد
عيدميلادي قرب يبيله اقط نغزات ع الي عندي عشان يوفرون علي ويشترونة لي هههه

 

[إيمــآن الكويت]

عاد انا ناويه اشتري ماكينة البكيني من فلبس
والحين احترت اشتري هذا او لا :/
يعطيج الف عافيه على ذكر تجربتج ..​

 

[قلبي]

السلام عليكم لو سمحتي اختي حابه اسأل شنو الفرق بين الجهاز الاول والجهاز الجديد
انا حابه اخد الا حق الجسم فقط اقدر استخدمه في منطقة البكيني ؟!
وشنو الافضل فيهم ؟!
اللـَّـۂ يخليك جاوبي علي ومشكوره

 

[sverige]

شكراا

 

[بنت غافان]

هيه والله احسن واهم شي في هذا الجهاز انه ما تكشفين عورتج لحد
من زمان خاطري اسوي البكيني والبنات حولي كلهم يقولن لي عااااااااادي طااااااف سيري سوي في العيادة
بس الحمدلله صبرت وخذيت الجهاز وابشركن البكيني قرييييييييب وبيستوي صااااافي :rerrerek:
الاندر ارم بس فيه كم شعرة 5 ولا 6 بسسس

بس المشكلة الوحيدة ان ويهي بعده ما بين فيه النتايج :eh_s(10): ما ادري ليش

واللي تسأل عن الجديم واليديد شو الفرق من بينهم
الاول كان بدون راس الويه
الثاني براسين واحد للجسم والثاني للويه
والثالث اللي هو عندي راس الجسم اكبر وعمره الافتراضي اكثر

ان شا الله اكون افتدكن واللي عندها تجارب سواء زينة ولا شينة بليز اتخبرنا

(( امي قالت لي ليش سويتي الاندر ارم مب زين خطر خوفتني ))

يالله توكلنا على الله

 

[بـربـوشـآ]

بآلنسبه للعـوآر شـلـون .. ؟!


واقـدر استخدم مخـدر والأ لأأأ .. ؟!