موضوعي جرئ شوي بس شسوي ابي تطمنوني

[جوانا2010]

البنات ماقصروا.........والله يوفقكم

 

[ashoag]

م عندي اي رد

 

[Kint a3rfik!!]

اكيد عنده مشكله او متضايق او مزاجة مو اووكي عاادي
و بعدين لا اتعوديينه 24 سااعه كاشخه ترا الريال يحب التنويع مره جذي و مره جذي لان يمل و انشالله ماكو الا الخير

 

[جنون الغيم]

مو لازم هو يناديك انتي روحي له واغلبهم يحبون انهم يشوفون الرغبه من حريمهم

 

[اشتياق]

عادي تصير
مرات يسألني ماخلصتي الدوره؟؟
اقوله ياسلام يعني مو جني صارلي يومين اصلي جدامك؟؟؟

يقول والله مو منتبه!!!

عادي مرات تحوشهم فهاة وقلة تركيز ..

 

[أحـلآم . *]

الله يسخره لج

 

[annosa]

أهو لازم يكون في سبب عالأقل حايشته فترة برود


ممكن يكون متضايق من شي ومو حاب يبيّن لج
في رياييل ما يحبّون يبينون إنهم يمرون بمشكله أو لحظة ضعف جدام حريمهم

وجايز يكون مل من إنّه دايم يكون المُبادر في العلاقة الجنسيه
وخاطره إنتي إللي تتودّد له

إنتي أبخص بريلج و أنتي أكثر وحده ممكن تقرى أفكاره


ونصيحه حبيبتي, مثل ما قالوا بعض البنات
ماكو شي إسمه ( أقط روحي عليه )

ترى هذا زوجج .. حلالج .. لي تلصّقتي فيه و بيّنتي
له إنّج محتاجه جنسياً ماراح تكفرين
شنو الحريم ماكو إحساس يعني و إلاّ ما عندهم رغبة جنسيه !!




عسى الله يسعدكم و يريّح قلوبكم :eh_s(7):
​

 

[sosa_23]

شوفي حبيبتي انا مااااااااااااااشوف فيها مشكله ابد ... !!
و مستغربه منج ..
تدرين ليش؟
قيسيها على نفسج بالذمه مو ساعات يكون مالج خلق ؟
ترى اهو انسان لحم و دم وعظم مو مكينه مسكين والله كسر خاطري عشان يومين او 3 مايا كل هذا معصبه ؟
الله يهديج اختي ويخليكم حق بعض والله ماكو الا العافيه ترى عاااااااااااااااااااااااااادي ساعات تمر حاله برود بين الازواج تكون كل امورهم طيبه وتمام سمن على عسل بس يكون مالهم خلق الشي هذا هذي طبيعه في البشر
ماكو شي لا تحاتين .. عيل شتقولين بالحريم اللي رياييلهم ما ايونهم الا مره بالشهر .. احمدي ربج ماكو الا العافيه ودلليه و تصرفي على طبيعتج صدقيني ماكو شي يالغاليه
مرده بييلج لا تحاتين

 

[دلع روز]

يمكن نفسيته تعبانه من شغله معينه
وماثره عليه
انتي اساليه فيك شي متضايق من شي
اذا قال لا ليش قولي بالعاده تكون متوله علي
هالمره احسك بارد
عادي ريلج وحلالج
مافيها شي لو تسالينه
الرجل احيانا يحب المبادره من الطرف الاخر

 

[شالعه ضرس العقل]

انتي تحرشي فيه

 

[Tulips]

يمكن متضايق من شي ولا شاغل باله شي

لا توسوسين ولاتضغطين عليه

 

[غنج اهلها]

عجبني اول رد بصراحه

 

[احلام ام حمود]

تبون اصدمكم

بعد ردودكم تحرشت فيه والا الريال ماله نفس!!

طاح ويهي بس سويت نفسي عادي ونمت

وتوووبه ماتيي مني المبادرة شفتواا شنو صار لي

المهم اليوم اللي بعده كان يسولف عادي وقلت له يافلان انت فيك شي؟

قال لا ليش؟ قلت مدري احس بالك مشغول ومتغير علي

قال ابد مافيه شي .. ليش انا مضايقج بشي

قلت اممم لا >> وسويتها بدلع

المهم حضني ونمنا (لاحظوا بس احضان)

ياء اليوم اللي بعده وطلعنا وحصل موقف وتهاوشنا وهو رفع صوته علي وانا نفس الشي

ردينا البيت ومحد يكلم الثاني وللأسف للحين متزاعلين يكلمني برسميه وانا نفس الشي

قوووولووولي شنو المفروض يصيررر ترى تعبت وطفشت من هالعيشه

لازم اصير ملااك عشان يرضى ترى والله طقت جبدي وطفررررررررررت

 

[أم علي الرفاعي]

عادي حبيبتي

 

[om MaRyooM]

دامج حاطة ايدج وريلج بماي باردة تجاه زوجج وهذي اول مرة تصير معاكم جذي على كلامج .. خلص لاتحاتين

ويمكن في شي مظايقه ... مشاكل نفسية مادية اي شي

ترا الريال له اسراره وفي اشياء تظايقه مو شرط يقول لزوجته كل شي

بس اذا استمر الوضع لازم تصارحينه بطريقة غير مباشرة .. شلون ؟
يعني ماتقوليله انت ليش ماتناديني مثلا ؟؟ لا .. تقوليله شفيك متغير علينا عسى ماشر احاتيك .. يعني بهالطريقة هذي

 

[• JoJo •]

صبري عليه

 

[فيونكة_وردية]

يمكن عنده مشكله مضايقته اذا ريلج عنده مشاكل ماديه ترى هالشي يهد الرجال انتي خلج عادي واضحكيله ومافيهاا شي لو تبادرين قوليله ابيك ساحليه لاهو عيب ولا حرام زوجج هذا سترج وغطاج وحلالج والله يهدي النفوس
يارب ويسخره لج ياقلبي

 

[المها التميمي]

لا تحاتين الوضع طبيعي .. 3 ايام وسويتي سالفة .
أعرف وحدة ملكة جمال والكل يشوفها يخق معاها وتوها صغيرة يعني مو من زماااان متزوجة ومع ذلك زوجها

يتركها بالشهووور ولا عندها مشاكل مع العلم ان مافيه سبب بالعكس تهتم بنفسها حيل وبأدق التفاصيل .
فالبداية الوضع يكون صعب لكن مع الوقت تتعود الوحدة .. بالنسبة لكم لازم تمر أيام يصير فيها برود بس تلاحقي الوضع لا تخلينه يطول
أو انتي عطيه فكه كم يوم وبعدها حاولي ببراءة تثيرينه بحركاتج بشكل عفوي يبلفيت مب قاصدة وبتشوفين

 

[& شرطان الذهب &]

اكيييييييييييد نفسيته تعباااااانه خليج دايما كاشخه بسي لاتهتمين له خليه ينام مافي مشكله

 

[يآسمينه]

جت ببالي شغلتين

الأولى : إن بعض الرجاجيل ما يحبوون المره اللي تتزهب لهم بكل مره و ناطره هالشي

يحس كأن كل تفكيرها بهالشي بعد

خاصه لما ما تكون حريصه إنها تبين له إهتماماتها و هواياااتها وشغلاتها الخاصه اللي ممكن تبدع فيها ( وهالأمور وايد ترفع من مكانة المره بعين زوجها )

لا تحسسينه إنج دوووم متهيئه له عشان هالشي

مو شرط إنج تنطقين .. يمكن يحسلج من عينج من بروودج وسرحااانج لما ما يقرب منج

في نفس الوقت كووني نظيفه و مرتبه بس بعدي عن ملابس الإغراء هالفتره و لا تكثري منها عشان يشتاقلهااا



الشغله الثانيه :

ممكن إنه مل من كونه الطرف المبادر بكل مره

و يبي تحسسينه إنه مرغووب مثل ما يحسسج إنج مرغووبه

و ترى ما يعيب المره تبادر بهالشي من فتره لفتره​