موضوعي منطقي و عقلاني و فيه ادله شرعيه لكن راح يضايق وايد بنات سامحوني بس لمصلحتكم

[:: Diva ::]

انتوا ليش متروعين

انا زوجي ما شفته حتى بصورة... وكنت ملكتي مدتها سنة


الصورة عندنا عيب .. تبين اطلب اشوفه براسه واكلمه.. كان انقصت رقبتي ههههههههههه


كلن ياخذ نصيبه سواء شفته ولا ماشفته

شنو العيب ؟؟!!!!!!!!!!
صورته ؟؟؟؟؟

شلون يعني عيب ؟
هذا زواج يا اختي و له شروط دينيه و كلامج يتجاهل اداب الخطوبة و الزواج بالاسلام

 

[سكادا بلو]

ديفاااا كلامج صحححح 100% لكن تفهمييين منوووو ؟؟؟

ولاااا المصيييبه اذاا كاان من عيال عمج او من جمااعتكم يعني مااااااااافيييه نحشششه منهم

 

[lollipop]

هذا زواج يا اختي و له شروط دينيه و كلامج يتجاهل اداب الخطوبة و الزواج بالاسلام

اول شي انا ما خالفت اي شروط دينية ولا تجاهلت شي .... طلب الصورة عندنا عيب . وردي كان كـ تعليق عن عادات وتقاليد عايشينها مو رايي عشان تقولين اني اتجاهل اداب الخطوبة!!!!!!!!!!

 

[:: Diva ::]

اول شي انا ما خالفت اي شروط دينية ولا تجاهلت شي .... طلب الصورة عندنا عيب . وردي كان كـ تعليق عن عادات وتقاليد عايشينها مو رايي عشان تقولين اني اتجاهل اداب الخطوبة!!!!!!!!!!

حبيبتي العفو انا ما اسمح لنفسي اني احكم عليح او اتهمج انا علقت على ردج
انتي بنهاية الرد كأنج تشجعين هالتصرف على ابو ان النصيب يجيج حتى لو ما شفتيه
علشان جذي قلت يتجاهل اداب الخطوبه في الاسلام
ودي كل بنت تدور بقوقل اداب الخطوبه في الاسلام و تشوف ضرورة الرؤية الشرعيه




فما بالج بصوره


بس الواضح ان رايج يختلف عن ردج
ممكن نعرف رايج يالغاليه ؟

 

[GOLDEN_FISH]

في وحدة اعرفها مستانسة بريلها ان حلو وجذي بس مااتدري ان لايعه حببدة منها مو عاجبتة اصلا تزج عليها والسبة ان مو عاجبته عقب جم سنة من زواجهم ويوووم درت عفستة وقالها اصلا انتي مو عاجبتني شسوي من حقي اتزوج الي تعجبني فهذا الشي انقلب ضدها وزواجهم كان نفس هالطريقة وماايقدر يطلقها لانها من الجماعه علي قوولتهم فيمكن الوحدة تكون مرتاحة بس مااتدري ان ريريلها يكون مرتاح ومرتة تارسة عينة او لا

 

[cuteya1986]

موصوع حلو ومايزعل ابد
وتسلمين عالنصيحة
انشالله لي انخطبت وملجت بعمل بنصايحج لاعدمناج

 

[softlady]

ديفا حبيبتي موضوعج حلو وقوي وانتي مشالله جهزتي له عدل واعددتي العده عشان يايتج حرب شنعاء من هالموضوع

بس انتي تكلمتي بالدين ومابعد كلام الدين كلام

بس اذا الحين معانا بنت وقرت كلامج واقتنعت شتسوي ؟؟؟؟؟؟؟ وراها اهل وناس وعادات

والله تنصفق طراق اذا قالت بشوفه وهذا اقل شي:krkrkr:


حبيبتي في بنات اهما يبون جذي يعني مو من الابو والاخو اهي تقول عيييييييييب وترى توها من جيل هالوقت تقولج عيييييييييييب وانا مابي اشوفه


والريال يكش من المره طبعا عند هالناس هاا يكش منها اذا كلمها بالملجه يقول جريئه وماتعرف العيب


شنو الحل ؟؟؟


ربج يحلها


والوقت يحلها


لاتضحكين اذا قلتلج سياقه المرأه للسياره كان حلم وصار حقيقه

وتعليم المرأه


عمل المرأه


دخول المرأه البرلمان


الحين ومع الوقت تحققوا لان الزمن تغير والتخلف قل​

 

[girl_in_abottle]

الله يعينهم

كل ماشف وحدة جذي اقول الف الحمد لله اني ما تولد بنت هل عايله
له جان علوم

المصيبة انها ماتشوفه إلا ليله الدخلة, يعني اشلون اشلون تنامين معاه فجأة جذي بدن حتى مقدمات؟؟ حمد لله و الشكر

الف الحمد لله اني بنت امي و ابي الله يخليهم لي

 

[Betty]

تسلمين عالموضوع الحلو صج متعوب عليه يعطيج العافيه

 

[kekat kakaw]

ديفا حبيبتي يعطيح العافيه على الموضوع و انا قريته عدل مدل

و انشاء الله يعدي على خير

 

[shai5at al3arab]

لما كنت باولى جامعة امبي كمخ وللحين تونا

يات وحدة مو رفيجتي بس كانت تقعد ويانا ا الا مالجة ،، المهم جان تقول كنت طالعة ألعب بالترفيهية جان يدقون علي ويقولون لي فلانة ترى ملجتي !!!

امبي غلطانييين

ووحدة هم تقول كانت رايحة المستشفى حق ما ادري منو ويركب ريلها وياها بالاصانصير مع حريم العايلة كلها

تقول لاهي درت انه اهو ريلها ولا اهو درى

امبي شلووووووووووون !!!!!!

 

[:: Diva ::]

فديتكم بنات
يارب الله يكتب لكم الخير


حياتي الي تقولين الاهل
بالفعل انا ذكرتهم وقلت اهم يمكن ما يقتنعون لو شنو

علشان جذي قلت في وااايد شيوخ دين يقنعون الاهل
منهم الشيخ احمد القطان و غيره وايد


و الي قالت لي حرب شنعاء لووووووووول فديتج حياتي انا عارفه هالشي لكن ما في شي من كلامي غلط
و علشان جذي اقول انا نصحت و بلغت و علمت و ياااارب يفيد
و اذا ما عجب البنات و زعلوا مني باجر ان شالله بتنفتح عيونهم و كله عند ربي


بنات ترا السالفه واااااايد كبيره مو شي بس لازم اسويه
شلون شلون جذي !

بالترفيهيه و يدقون عليها ملجتي !!
انزين و لو مو موافقه
يدش عليها بالحرام ؟؟؟ لان الزواج لا يتم الا بالقبول و الموافقه
و عيالها حرام و حياتها معاه حرام ؟؟

 

[جوك احلى جو]

معاج بكل كلمه قلتيها

والله يعين البنات اللي اهلهم عندهم جهل

 

[مطيريه ماركه]

والله يا ديفا البنات ماراح يزعلووووون وش ذنبنا أحنا لو اقول بشوفه والله ينقدون علي الناس

وبعدين شنو بيدينهم البنات اذا أهلهم مايرضون تمرد على اهلها وينقدون عليها الناس

بهالحالة ماعندي الا أحفظ نفسي من نقد الناس وكلامهم

مع أني ما أوافق على هالتقاليد الغلط هو مو جهل بالعكس ناس فاهمة وتدري أن هذا شرع رب العالمين

بس هالعادة فيهم :eh_s(14):

خليها على الله بس آنا ماعندي مانع أشوفه وجها لوجه مو شرط نطلع مع بعض

أختي شافت زوجها وكلمته ليش أنه من أهلنا بس فيه من خواتي مو من أهلنا هذي شتسوي تنبط جبدها وأتكلم عن نفسي ودي أعرف طبعه وأشوفه ياربي أعيش مع واحد ماعرفه شخصية مجهوووووولة !

ومثل ماقلتي هذا شرع رب العالمين بش مشكلة العادات والتقالييد

 

[C'est La Vie]

يعطيج العافية حبيبتي على هالموضوع التوعوي
والله يهديهم

 

[:: Diva ::]

فديتكم حياتي
و الله مع الوقت ان شالله كل شي يتعدل
يمكن مو على حظكم للاسف بس نحاول صح نتكلم يمكن صابت و الله كتب و اخترتي انتي ريلج

لكن مع الوقت تتعدل الامور ان شالله

 

[حصووونه]

هلا ديفا شلونج حبيبتي شخبارج عبالي بالتجمع مال اكتوبر قاعده لووووووووول
المهم
حبي شوفي انا بدويه<<<حطو ايدكم على راسكم وقولو والنعم لووووووووول
اهلنا فري حيل من كل النواحي نلبس حجاب نلبس نقاب على كيفنا شنو نبي نسوي ونسوق سيارات نسافر نتوظف لو نبي في مخفر عادي عندهم اهلي بس واحد يخطب ويطلب شوفه هذي فيها قبايل وفيها قنابل وغازات مسيله للدموع لووووووووووووول
ممنووووووووووع عندنا كلللللللللش ولا نقاش بالهموضوع عشان جذي المحضوضه اللي دريشة دارها على الدوانيه لوووووووووول

 

[مطيريه ماركه]

حصووونه ههههههههههههههههههههههه والله هالكلمة قلتها لأختي مكانج استراتيجي لأنه دارها عالدوانية قلت شوفي روحي طلي عليه من الدريشة وشوفي شكله عاد أختي خزاااازة قلت لا تخزين حيل عمت عينج هههههههههههههههه قالت هاه تبيني أشوفه وما أخزه شلون صارت

وأهلي نفس أهلج كل شي عادي الا الشوووووووفة

 

[يمة يادلبي]

وايد اهالي يظلمون عيالهم والسبة تقاليد كله عليها الدهر
في وحدة تصير بنت رفيجة مرت عمي
اتقول مرت عمي قطططططعة اتقولين القمر نااازل عالأرض علينا من كثر ما اهيا اتهبل
واهلها من النوع المتخلفين ماعندهم شوفة الا يوم العرس واتزوجت واااااااحد
مو جيكر بس الا قمة الجكر وماعنده الا جم ضرس ويشبه القصير العصقول الي ايييبونه مع الطارق العلي عشان يستهزأ فيه والله
كسرت خاطري يعني مو شررررط واحد جميل بس عالأقل يكون مقبول

الله يعين الي اهاليهم من هالنوعية

 

[سلحوفه]

تسلمين ع الموضوع بصراحه صج مهم وايد وايد

وحده من رفيجاتي ماشافت ريلها بس اهوا شافها بالبطاقه ابوها عنده ممنوع الشوفه او تكلمه حتى الملجه ماشافوا بعض

مسكينه قبل لا تزوج تقعد تسال اخوانها عنه اخوانها قالوا له حلو شكله واقتنعت

ويوم تزوجت كلى مشاكل تقول اهوا موفاهمني ولا انا فاهمته وغير جذي تقول كنت بتطلق من اول اسبوع

وقعدت تقول الله يسامحك يا يبا ورطتني هالورطه بس المسكينه الحين تقول هذا نصيبي لازم اتحمل


اما موقف ثاني هم ابوها ممنوع عنده يشوفون بعض بس اخوها الكبير خلاها تشوفه قبل الموافقه

ويوم صارت الملجه خذوا ارقام بعض صح ماصار يشوفون بعض بس صاروا يتكلمون

والحين تزوجت بس طلع بخيل وله عيوب ثانيه بس اهيه مستحمله هذا نصيبها شتسوي

موقف الثالث وحده هم ممنوع تكلمه وتشوفه عاد ماشافته الا بيوم ملجه سلم عليها بس

وبعد ماشافته الا يوم العرس وما اتفقوا وتطلقوا